lnyannie的个人专页

終於食到文華的scones ☺☺☺scone本人冇好食到飛起可能因為佢口感偏乾我鍾意中間濕潤少少🤔🤔🤔不過有Clotted Cream & Rose Petal Jam的加持下，整體都係幾好味嘅。本身怕個Rose petal jam 玫瑰味會好勁，點知又唔係喎，味道啱啱好，幾好味喎😋😋😋其他甜點都好正就算係本身我唔鍾意食嘅栗子撻都幾好味🥰🥰🥰鹹點全部都係我鍾意食嘅嘢冇乜花巧但味道都係唔錯嘅黑松露三文治最好食勁香👍🏻👍🏻👍🏻不過基本上好似冇喺文華食到過難食嘅嘢本來個tea set一上枱覺得細細份幾好喎但結果都係飽到反艇食唔哂要打包拎走…查看更多

又食蟹蟹🦀今次係醬油蟹啊啊啊~傳說中的醬缸終於試到你啦🤩🤩🤩醬油蟹 比起韓國呢度醃得冇咁鹹啲醬油就咁飲都唔會好咸而且仲有蟹的鮮甜味添但蟹呢就韓國鮮甜啲各有千秋啦呢度隻蟹空口食好味啲佢個紫菜飯反而係全餐最鹹嘅嘢會搶左啲蟹味冇韓國嗰邊蟹撈飯1+1>2的絕配感覺如果啲紫菜少啲鹹就好了🦀🦀🦀醬油蝦 大大隻得黎蝦肉爽口彈牙仲已經剝埋殼切埋粒勁啱懶人食不過都係唔算太入味啲蝦撈飯加辣椒加蒜加少少醬油反而引到啲鮮味出黎都係勁正🦐🦐🦐冇遇到傳說中的態度唔好不過個電話好似成日冇人聽搞到🐙要專登過黎book辛苦哂🐙…查看更多

再訪銅鑼灣牛大人又係四點就走去排隊又係五點第一輪入座🤪🤪🤪上次試左酸菜&麻辣湯底，眷村白玉酸菜鍋，唔夠酸冇feel，好掛住台灣馬辣個酸菜鍋😭牛大人秘方麻辣鍋，叫左小辣，食到尾先有少少辣🤔今次試紅燒牛骨鍋 & 中辣麻辣鍋#牛大人紅燒牛骨鍋夠濃味，有藥材的感覺麻辣湯中辣正，夠香&辣，淥牛肉勁正🤤🤤🤤揀左 [澳洲極上和牛set]最重牛味係：澳洲和牛m5牛肩卷最肥係：安格斯牛小排最好咬口係：手切封門柳唔鍾意：牛肉粒🥩🥩🥩🥩🥩🥩🥩🥩🥩🥩🥩🥩如果揀 [美國sfr極黑牛set]就可以主力食：美國sfr極黑牛下肩胛肉味都幾香濃又唔鞋🥩🥩🥩🥩🥩🥩🥩🥩🥩🥩🥩🥩菜方面最愛萵荀&水蓮&南瓜水蓮超脆，不過一份得幾條😂好珍貴南瓜超香甜🥬🥬🥬🥬🥬🥬🥬🥬🥬🥬🥬🥬另外老油條都好正，仲好食過響鈴仲有台灣香腸，我的最愛😍好多人嫌佢凍冰冰，扔佢落湯熱一熱就👌🏻桂花烏龍其實幾好飲，但我接受唔到無糖的飲料，所以狂飲冬瓜茶，都好正㗎👍🏻…查看更多

上年喺原宿食過AFURI嗰時試左招牌嘅柚子拉麵聞落係幾香柚子味但食落實在太清淡唔啱本重口味人士🙈見tst開左afuri今次黎試下其他重口味之選😋辛露沾麵平時啲沾面個湯又杰又咸但呢個沾麵汁超清新甜甜地辣辣地好似食緊冷麵啲麵條又唔會好硬超好味👍🏻👍🏻👍🏻豬骨濃湯擔擔麵唔難食唔係平時擔擔麵嘅味道似係有少少辣有少少花生味嘅豚骨湯但都係上海菜嘅擔擔麵好食啲🙈煎餃子睇樣以為係脆脆der但原來係濕水A4紙咁淋而且個餡料嘅調味好淡冇乜味好耐冇食過咁唔好食嘅餃子😂…查看更多

黑糖珍珠鮮奶的熱潮，已經持續左成個夏天，首先登陸的老虎堂🐯，已經由排哂長龍，到而家有時隊都唔洗排🙈但試過咁多間，始終最愛都係老虎堂🐯每次落親cwb都要去望一望，冇人龍就一定要買返杯先安落😆虎虎生風厚鮮奶話説老虎堂啱啱開嗰陣，排隊排到顛，所以一直都冇的起心肝去試🙈直到有一日要返夜，🐙君竟然玩突襲，偷偷走去排隊買老虎堂🐯，仲人肉速遞送到我手上，真係感動到爆啊😭係愛啊，哈利~❤不過呢，由於杯嘢唔係即刻飲，啲虎紋冇哂，冰融哂，奶霜化哂…😂所以味道上不能作準，雖然奶味比冰水溝淡左啲，啲珍珠又硬化左少少，但依然幾好飲😝由此推斷🤔現場飲應該係好好飲嘅😂黑糖波霸厚鮮奶所以趁老虎堂冇乜人排隊，終於衝去買黎試下，果然！超好飲啊~~~😍重點係影左個虎紋先😆杯嘢奶味夠香濃加左奶霜又香又滑珍珠香甜煙韌一杯size啱啱好堅正！😋雖然虎虎生風厚鮮奶個名好勁，但飲落係黑糖波霸厚鮮奶比較好飲，因為本人麻麻地細粒珍珠🙈另外，一定要有奶霜先正👍…查看更多

放假陪爸爸大人歎下午茶，為左杯奶茶專登出灣仔奶茶王確係幾好飲播，夠香滑唔會澀or鞋不過奶茶唔係幾夠熱，再熱少少就更好啦。同埋品質控制方面爭少少，叫左兩杯熱奶茶，一杯就正常，奶滑茶香，另一杯就明顯落多左啲奶，茶味爭啲鮮牛蛋治鮮牛唔韌，好香牛油味，厚厚的炒蛋份量十足，再生少少嫩滑啲就正lu黑松露炒蛋多士炒蛋非常嫩滑，黑松露好香，勁正啊👍鮮牛蛋治&黑松露炒蛋多士都幾好食但又冇話好食到會專登出灣仔食不過為左杯奶茶都值得再黎嘅下次冇咁涼試埋個樽仔奶茶先…查看更多

以前講起潤牛麵，就會即刻諗起深水埗維記，今次爸爸大人話帶我黎呢間試下喎其實呢，本身我係麻麻地潤&牛嘅，純粹係陪下爸爸大人食，不過今次呢間確實係幾好食喎👍爸爸大人食潤牛麵+熱齋啡，我食潤牛米+凍奶茶，凍飲竟然只係比熱飲貴一蚊，即刻開心叫凍嘢飲試左個湯底&麵先，湯底雖然冇維記咁濃，但都幾清甜。個人口味而言，幾鍾意佢冇咁大陣薑味&啖啖薑渣。偷食爸爸大人個丁麵，配丁麵係好食啲喎配米粉就清淡啲，有食早餐的feel~再黎試個潤&牛個潤真係超~級~好食啊厚切的豬潤僅僅熟啱啱好，完全做到外脆內滑的質感，一啲苦澀味都冇，勁好食啊牛肉就普通啦，唔係超好食，冇乜肉味但質地嫩滑，都唔錯嘅重點係潤牛份量超多真係食餸都飽呀…查看更多

七點三左右去到厚福街覓食見呢間七點半前有優惠即刻碌左入去本來想試下厚切藍鰭呑拿魚丼原價$268七點半前$150不過第一次幫襯鉄火堂擔心實物與照片嚴重不乎所以試個穩陣的丼先火炙四色丼雖然火炙完個丼的色彩好黯淡個樣即刻冇咁吸引但魚生份量&味道都令人滿意平時本人係大大啖魚生配細細啖飯食完魚生就當食完的大嘥鬼🙈但呢個丼的魚生係完全夠我食哂個飯除左三文魚比較淡味麻麻地火炙過的帶子&蝦都幾好味燒左口魚就夠肥，份量又多，如果再燒多兩嘢再香啲就更好啦火炙左口魚係我的最愛見親都要叫㗎😆最後篤埋隻蛋黃撈飯食成個飯食哂飽到我呢築地極上海鮮丼🐙君叫的特價海鮮丼七點半前$150好抵呀個丼啲魚生&飯都多過我嗰碗勁大粒帶子&蝦可惜我唔食鮑魚鯛魚如果唔係都會叫呢個丼…查看更多

開左好耐耐心等到唔洗排長龍終於的起心肝去食傳說中的Shake Shack啦👏👏👏平日返早，放工兩點幾去到啱啱好唔洗排長龍見薯條&milk shake的食評咁麻麻謹慎的本人淨係叫左個飽試下下午茶黎講一個飽分量啱啱好ShackBurger本人揀左經典款的ShackBurger個飽非常鬆軟，有超香牛油味舊漢堡肉味香濃，肉汁澎湃有蕃茄&生菜感覺冇咁膩口如果唔洗排隊，係好值得再黎食嘅SmokeShack🐙君熱愛煙肉當然係揀SmokeShack啦本人偷咬左一啖😠可惡，好味過ShackBurger怒咬兩大啖洩憤煙肉好香脆，唔鹹冇燶味完全推翻本人對煙肉的偏見🙈但最得我歡心嘅係佢個酸甜的椒碎chopped cherry pepper酸酸甜甜又好香椒味完全昇華左個飽冇生菜&蕃茄都好解膩呢個SmokeShack係排隊都要黎食呀真係好好味呀😭我下次要自己食哂成個SmokeShack…查看更多

身邊竟然有好多人唔知hmv有五蚊熱狗?!個個淨係識IKEA九蚊熱狗…嘖嘖嘖咁點得㗎🙈本人真係超級非常極之真心推介hmv㗎!呢條狗的美妙之處就在於可以狂加酸瓜醬👍1.平2.酸瓜醬3.冇咁人迫人就係呢三點贏左IKEA😆😆😆------------------------------唔食酸瓜的人大概感受唔到本人的激動😂以前都係食開IKEA九蚊狗的我一直都覺得有種空虛&Dry的感覺直到遇上hmv五蚊狗先發現原來係欠缺左個酸瓜醬茄汁+芥末+酸瓜=大滿足又唔洗去IKEA排隊同人迫hmv五蚊狗真係值得推介㗎👍…查看更多

天氣涼涼地，又係時候去打邊邊啦！雖然其實成個夏天都毫無間斷咁打邊邊…😂傳說中的極濃沙嗲湯底👍堅係正呀淥牛肉一流，完全唔洗點豉油個火鍋兜仔好鬼得意，同埋盤身淺淺地幾好喎，淥嘢唔怕撈極都撈唔返上黎😆------------------------------手切牛其實平時本人係鍾意食機切肥牛多啲🙈貪佢大塊啲，又肥啲，又淋身啲~爸爸大人先識欣賞手切肥牛，鍾意佢肉味濃有咬口喎。所以今次淨係叫左個頂級牛肉試下，不過個牛肉係好食嘅👍完全唔會韌，肉味濃唔會比沙嗲味蓋過，如果可以再肥啲就更好啦😝下次可以試下星級牛肉，有啲好奇$2500極品牛肉皇有幾好食添🤔------------------------------除左手切牛，仲叫左珊瑚蚌&桂花蚌😋桂花蚌好鬼粗碌&大條👍勁正外面滑嘟嘟，中間脆身有咬口勁滿足😋珊瑚蚌🐙君鍾意的珊瑚蚌份量十足，好脆口，都好味不過桂花蚌再好味啲😆------------------------------最後梗係要叫返個麵，索哂啲極濃的沙嗲湯，正到暈👍👍👍幾飽都要啪哂成個麵，平時本人打邊邊從來唔食粉麵，但今次竟然同🐙君搶麵食😂😂😂…查看更多

少女們的聚會，最好就係去下呢啲食物賣相懶靚，可以慢慢hea的地方。一舊雲泡菜炒飯造型好可愛，篤爛舊雲嗰下好治癒（笑）泡菜炒飯係正常嘅不過撈埋舊雲個口感其實怪怪地…同埋會溝淡左個味…我會想影完舊雲撥開佢，淨食個炒飯多啲小食拼盤炸雞球個外皮夠脆，醬汁甜甜地辣辣地，好食！墊底的炸蕃薯條勁好食，甜甜地唔洗點醬都好好味，我食左好多 XD豬腩肉串唔錯，鹹鹹地幾香口。蛋批&蝦球普通，麻麻地冇乜好食…豬頸肉調味比較輕手冇乜味，個人鍾意豬頸肉重口味少少。不過有芽菜&洋蔥食，都唔錯。紫薯年糕多士平時唔太好紫薯，不過呢個又幾好食喎，煙煙韌韌唔太甜，要夾埋雪糕食，如果唔係會有少少dry。…查看更多

自從隻兔仔濕疹發作，食韓國嘢的機率上升至九成，無限食韓炸雞…XD食親韓國嘢，幾乎次次都叫辣炒年糕拉面，但呢間真係算好食！有啲汁太稀/唔夠味，有啲年糕好韌/唔入味，呢間完全冇呢啲問題，醬汁啱啱好，辣辣地杰杰地，啲麵掛哂汁勁好食！第一次食海鮮煎餅，我本來以為係熱香餠咁上下大細，一上枱嚇死我…Pizza咁大塊，啲粉漿仲要唔係薄，飽肚程度真係比Pizza有過之而無不及，佢個粉漿絕對油膩過Pizza好多，結果梗係食唔哂啦…蜜糖炸雞佢個炸雞都好出色，外表香脆唔油膩，雞肉嫩滑唔鞋口，醬汁都好味，有機會下次想試下辣味！…查看更多

想當年喺紅磚大學讀書，一有天地堂就會行去黃埔覓食打發時間，成日去意蠔屋，又好味又抵食！後來畢業之後就冇乜去黃埔啦，成日想食意蠔屋，又懶得去到咁遠…不過原來意蠔屋有幾間分店，所以黎試下有冇想當年的味道。叫左個二人生蠔晚餐，生蠔新鮮飽滿，好食！黑松露雜菌大蝦天使麵唔多覺有黑松露味，個汁唔會太漏，平時我麻麻地白汁，但呢個ok焗蠔可以揀芝士/蒜蓉焗，怕太漏揀左蒜蓉焗，唔會焗過龍縮哂水，蒜蓉香口好好食！芝士焗蟹肉蟹籽雜菌天使麵好多芝士丫，焗得好香口，不過feel唔到啲蟹肉乜濟…似乎都係黃埔意蠔屋的意粉好食啲，不過旺角呢間其實都ok又方便，所以唔洗專登去黃埔lu…查看更多

由於爸爸大人突然想食吉列，今年的聖誕大餐一於就食丼吉啦。本來諗住食普通二人set,點知發現竟然仲有聖誕set,豐富好多喎仲幾抵添，梗係揀呢個set啦！首先要磨芝麻，雖然我麻麻地鍾意芝麻，但勝在好玩，等食期間可以打發時間。前菜分別係：秋葵：滑潺潺，我鍾意~蕃茄：好酸呀，好開胃薯仔沙律：比較普通，完全冇特別生蠔刺身拼盤生蠔&刺身都好新鮮，本來仲驚會麻麻地，但堅係好食喎！吉列拼盤外層炸得好鬆脆，完全唔怕會整損上顎，所有嘢都炸得啱啱好，正！吉列牛檸檬上方細細粒，比想象中好食，牛肉好嫩滑，不過牛味唔重，有少少油膩。吉列豬完全唔會乾，幾好食，不過爸爸大人嫌佢冇乜味。吉列蠔爸爸大人非常欣賞，炸得啱啱好，蠔身飽滿多汁又嫩滑，完全冇渣，超好食。吉列蝦好大隻，都幾好食，但冇乜特別。甜品係茘枝雪葩，食完炸嘢要refreshing一下。透明嘅係清酒啫喱，勁重酒味…食唔到…整體黎講好滿意，有機會會再黎食。…查看更多