kat_k的个人专页

今次係兩個女仔來食第一次食墨西哥野揀而間既主要原因係想搵個地方可以坐耐d 傾計我地叫左好少野食叫左半份墨西哥薄餅仲有一份牛扒加薯條同埋兩支sparkling rose但其實係非常之夠個墨西哥薄餅係我最愛～我第一次食，非常喜歡揀左牛肉，入面d 料好juicy, 連埋個牛油果醬一齊食好好味每人兩件，食完都飽左2/3Sparkling rose 果到佢比左兩杯冰，但係倒落去飲成件事淡曬，最後放棄左杯冰，就咁飲好味好多下次黎試埋其他野食先～…查看更多

7點前埋單半價！！好鍾意同男朋友周圍搵平野食5:15黎食，7點前埋單就得半價黎食真係好抵！！湯底要左麻辣拼酸菜白肉個湯底本身都好多野食麻辣有鴨血酸菜白肉有寬粉，酸菜同白肉湯底有得免費加追鴨血或酸菜白肉一份我揀左鴨血～個寬粉我覺得要快d 食曬，因為口感好qq, 如果太耐就會好易斷同冇qq 既口感😂好鍾意食莞茜的我好開心因為果到自助醬料有勁多莞茜比我夾🤣🤣叫左：1)細的手切牛肉2)響鈴3) 黑松露蝦丸4)鵝肝墨丸5)萵苣好似叫左好少野，但其實好夠飽的後加左6) 寬粉 (因為真係好好食）7)蝦丸但最後都有野食剩，太飽了！手切牛肉真係好好食，下次要叫大份！響鈴有好多條，最後我地食剩左兩條，因為太飽同怕熱氣😅黑松露蝦丸幾好食，好濃的黑松露味～鵝肝墨丸就一般般啦，突顯唔到鵝肝味下次要再黎食過🤤🤤🤤…查看更多

與男友一家慶祝母親節選擇了這間上海菜結果是有驚喜的！uncle 從小常常吃上海菜平時出面食其他上海菜佢成日話食唔番以前隻味但今次食而間，好多碟食物佢都讚好讚d 廚師好功夫，有心機整見到佢食得咁滿意，我地都好開心我唔係成日食上海菜但個上海粗炒令我最難忘好入味，麵條好有咬口，一個字，正！仲要好大碟添～我地叫左個翅原本係要預訂的我地臨時叫，佢地都話可以安排到，但要等35分鐘，咁我地可以等得所以照叫～但食翅時覺得個湯唔夠濃味應該係唔夠時間，個火腿未出味有點兒可惜(最後我打包左火腿回家煲湯，火腿出味後超正）所以我強烈建議大家要食翅一定要預訂～給餐廳時間準備～餐廳話係四人份量，但其實都有7~8碗😂我地4人食，每人都有1~2碗仲有叫左個小籠包，個皮整得好好食唔厚得黎又唔易穿真係好有功夫～入面勁多湯～可惜掛住食，冇影到相最後叫左個高力雪糕而家出面好難搵到了好期待但點知入面雪糕係雪米糍黎，仲要舊雪糕溶曬，有點兒失望:(總結：成餐4個人食左$2800好似有d 貴，不過因為叫左翅啫不過成餐真係好好味，有驚喜同埋其實都好大碟最後有d 食唔曬都有打包拎走…查看更多

好少來天后而區今日有機會來到食晚飯睇到而間餐廳比好多人推介既冬陰公意粉吸引左過黎食同埋天氣熱想食d 濃味d 既菜兩個人食左$400叫左牛油果沙律冬陰公意粉軟殼蟹青咖哩長通粉仲有兩杯沙冰好味，好fresh, 酸酸地好開胃原本係比冬陰公意粉吸引來的但我覺得而個軟殼蟹青咖哩長通粉仲正d!唔知係咪因為青咖哩好濃味，冬陰公被比下去，個味被青咖哩蓋過左軟殼蟹好好食，唔會好油～冬陰公意粉有五隻蝦D 蝦應該唔係新鮮蝦但d 蝦肉未去到冇味，都接受到的而蝶意粉好大碟，大碟過長通粉最後仲叫左乳酪沙冰兩杯都好飲一杯係blueburry, 後面係mango lemonMango lemon 好fresh~酸酸地，不過好似冇乜乳酪味Blueburry 就甜d, 但乳酪味重d各有各好～鍾意酸d 就叫mango lemon 啦但鍾意乳酪味重d就blueburry 啦 總體黎講間野環境幾好，樓底高，有空間感食物質素又幾好餐廳播既歌又岩聽所以食得幾開心我星期日晚食，唔知點解人唔多，坐唔滿不過靜靜地反而幾好…查看更多