wl01511638的个人专页

星期二晚市時間，同朋友嚟到尖沙咀山林道呢間樓上雞煲食嘢😋入到大廈㩒12樓，一出門口就見到。店內空間都幾大，可以見到有一個比較private嘅房間，我諗應該可以事前預約，安排一個地方比大家想一班人有d私人空間。其餘餐廳嘅空間都好足夠，平時食雞煲好驚個場又逼又焗，呢度d行人位就夠曬闊落舒服啦👍🏻點緊菜嘅同時waiter已經放好咗豐富嘅醬料set可以任你混醬👍🏻不過醬料並非免費，人頭加醬料係$12/1我同友人就先點咗一個辣酒花螺雞煲，半隻份量，兩個人都完全夠食。由於我哋兩個人都唔太食得辣，所以辣度方面我哋揀咗BB辣，不過我哋都仲係覺得有d辣🤣所以如果係完全唔食得辣嘅朋友，我哋建議你哋都係揀唔辣，但鐘意食辣嘅朋友就有福啦！👍🏻呢度嘅辣雞煲辣度十足，非常過癮👍🏻從相片都可以清楚見到，雖然份量係半隻雞煲，入面嘅內容都好足料架👍🏻我哋另外加咗$60就可以喺雞煲入面再加滷水大腸，另外值得一讚係雞煲入面嘅螺全部都大大隻勁多肉勁入味😋食完雞煲之後就可以加湯打邊爐，我哋order咗佢哋餐廳主打嘅呢款十全大寶丸，一嚟到就見到賣相非常了得👍🏻呢十粒丸全部都各有特色，入面各有唔同嘅餡料，手工打造，十份有心思👍🏻飲品方面我朋友就點咗呢杯西柚特飲，超大杯，味道都相當唔錯😋埋單人均大約$250，以尖沙咀呢個地段嚟講價錢算係咁，想食高質雞煲非常推薦試呢間😋👍🏻…查看更多

星期四晚市時間，嚟到荃灣搵嘢食，行行下見到呢間越南菜門面非常整潔光亮，菜單都幾吸引，即刻入去試試佢😌入到去見到餐廳內部環境都好整齊，然後牆上有一幅越南河畔嘅畫，即時增添咗幾分越南嘅味道👍🏻坐定定就即刻睇睇menu叫嘢食，我發現呢度除咗傳統越南菜式，例如越南河粉，另外都有唔少東南亞菜式可以選擇，選擇非常豐富。我就order咗一碟大蝦菠蘿炒飯、椒鹽軟殼蟹、小吃串燒三串，飲品方面，我同朋友就分別點咗一杯椰汁紅豆冰同埋一碗椰青。兩個飲品同埋小吃就率先上菜，上菜速度非常之快👍🏻值得一讚。三式串燒分別係牛柳粒、豬肉同埋雞肉，沙嗲汁就分開上，分量雖然唔算多，但味道就唔錯，有興趣嘅朋友值得一試👍🏻馬上就上兩碟主菜，分別係椒鹽軟殼蟹同埋大蝦菠蘿飯。軟殼蟹嘅份量比想像中大份，大大盤兩個大男人食都完全夠食，唔似平時食到嘅軟殼蟹咁樣得炸脆嘅殼，呢度嘅軟殼蟹連蟹肉都非常豐富，份量十足，味道就偏辣，好過癮😋非常推薦。另外大蝦菠蘿炒飯一睇賣相就已經好滿意，大蝦味道鮮美，炒飯入面仲有魷魚圈、肉鬆、菠蘿肉同腰果，非常足料、好吃👍🏻最後值得一提嘅係，侍應主動比咗兩隻碗我哋share個炒飯，碗嘅設計係有個握位可以比你用手拎住，咁就唔怕隻碗熱又唔怕掂到d食物，非常抵讚👍🏻…查看更多

星期三嘅午飯時間，又一次嚟到天水圍T Town食嘢，上次已經有緣食過一次呢間九份十分，印象非常深刻，係十分滿分十分嘅好食！👍🏻入到餐廳內見到環境都非常整潔，牆上有一幅畫係畫咗台灣十分老街嘅景像，配合返餐廳嘅主題，即時有一種令人去到台灣旅行嘅感覺👍🏻餐單簡潔清美，午餐時間另有午餐餐牌。今次我有少少肚餓，所以首先點咗佢哋招牌嘅紅燒牛肉麵(幼麵)，然後追加咗一份鹽酥雞粒，叫咗一份小吃係蚵仔煎，最後飲品點咗杯胚芽珍珠奶茶😋餐廳上菜嘅速度非常之快👍🏻呢樣嘢好抵讚。牛肉麵湯底非常夠味，有微辣，如果怕辣嘅朋友仔可以事先講定走辣。牛肉煮到非常入味軟䭃，而且份量都唔少，另外配菜都好足料👍🏻紅白蘿蔔都有滾刀切件，有小棠菜、酸菜，完全還原台灣味道👍🏻麵都煮得剛剛好，麵質軟硬適中，以呢個平民價錢食到呢碗牛肉麵簡直可以話係明星級🤩另外鹽酥雞粒跟餐價只係加$8咋，份量都唔少，趁熱食外脆內嫩，肉汁依然保留住，雞肉一d都唔會柴，而且完全唔油膩，CP值爆燈👍🏻蚵仔煎好特別地用咗個煎pan上菜，蛋餅食落嫩滑，揭開可以見到入面蚵仔非常足料👍🏻而且好鮮甜，價錢都唔貴，非常推薦一試👍🏻最後埋單食咗咁多嘢都係大約$120，簡單係高質份量足價錢值👍🏻呢間餐廳必定要再回頭光顧😍…查看更多

星期六午飯時間，經過天水圍天澤商場，呢個商場有好多餐廳，當中有間日本料理特別吸引到我嘅眼睛🤩入到去見到環境都非常唔錯，入面空間好大，亦都有開放式嘅廚房可以見到入面嘅廚師埋首準備緊食物午市時間客人數量都唔少，不過餐廳勝在空間夠大，坐低之後唔會覺得空間壓迫感好大。餐廳內嘅手機網絡訊號一般，但餐廳有提供免費wifi，速度非常之快暢順👍🏻想邊食飯邊碌ig睇youtube絕對無問題👍🏻可以見到午市menu設計得幾靚👍🏻選擇都非常之多，我叫咗一個雪花牛肋條咖哩掛烏冬餐，一個餐加嘢飲同埋有一堆小吃可以任選一樣，價錢都係大約50~70$，我覺得非常抵食👍🏻前菜方面選擇好多，我就揀咗個清清爽爽嘅青瓜螺肉嚟食。上菜後，牛肋條煮到非常軟嫩入味😋我個人非常推薦👍🏻如果唔想食烏冬嘅朋友，揀配飯嘅話仲可以便宜好多，CP值更加高👍🏻另外我又點咗兩樣小吃，分別係一口鵝肝多士同埋三角雞軟骨串燒。鵝肝多士入口即溶，味道非常好，不過份量唔算多，如果大吃嘅朋友可能要叫多一份。雞軟骨串燒就非常特別，用咗三角雞軟骨而唔係平時嘅粒粒雞軟骨，口感更加爽脆👍🏻整體嚟講，呢一餐午餐cp值好高，我覺得呢間餐廳算係天水圍小區內數一數二嘅日本料理餐廳😋…查看更多

中午時間嚟到嘉湖銀座商場搵嘢食😋嘉湖銀座商場都算係多餐廳，食飯時間有唔少好選擇。呢間炑八分店就1130開始做午餐，午餐部分選擇都非常多，可以叫一個正常嘅韓式套餐，又或者可以選擇一人燒肉😋今日我就揀咗一碟雞扒蛋包飯食，然後+$8配咗一杯柚子冰茶。炑八其中一樣最吸引人嘅就係叫佢套餐必送嘅免費小菜，同韓國餐廳嘅做法一樣，碟飯未到已經先上咗一碟芽菜、一碟泡菜同埋一碗湯，全部味道都唔錯😋雞扒蛋包飯嘅雞扒燒到皮脆肉嫩，蛋包飯入面嘅飯係用咗茄汁飯，整體嚟講味道唔錯，如果飯量可以再多少少就完美啦😋另外柚子冰茶味道就還好，柚子味比較淡，然後用咗碎冰，個人嚟講唔太鐘意飲凍嘢嘅時候會吸到冰碎🤣…查看更多

午餐時間嚟到奧海城嘅呢一間Outback分店食飯，完全唔需要等位，直接可以入座。嚟到點咗一個小吃拼盤，拼盤入面包咗ribs、雞翼同埋芝士薯條，三樣嘢都非常美味😋但記住一定一定要襯熱食，咁樣芝士薯條先會係最美味。另外點咗一個燒加拿大有骨黑毛豬扒，豬扒口感略嫌厚實，肉質比較柴，我個人嚟講就唔算太喜歡，我就比較鐘意個小吃拼盤多d😋但最估唔到嘅係成餐飯令人感到最驚艷嘅竟然係隨餐附送前菜嘅一個黑糖餐包！未來之前已經聽說過Outback嘅黑糖餐包非常好吃，果然聞名不如見面！😋👍🏻…查看更多

入到海洋公園開開心心玩一日，晚飯可以出返市區食，但午飯都基本上冇咩選擇只能夠喺海洋公園園區內嘅餐廳揀🤧海洋公園內嘅嘢出曬名貴，買枝水都貴過出面。我哋嚟到呢間灣景餐廳，景色唔錯，排隊用半自助式嘅方法叫嘢食，我就揀咗一碟牛腩飯，價錢破百，都令人感到相當肉赤😢不過，反而有驚喜喎，牛腩飯嘅配菜非常新鮮，一d都唔會乾/柴，而牛腩更加係非常肥美，汁料亦都調味適宜，雖然呢一碗飯都算幾貴，但喺海洋公園玩咗半日都幾攰，嚟到望住個景，嘆住冷氣食一碗美味嘅牛腩飯，當堂都覺得條數又抵返啦👍🏻…查看更多

天水圍T Town出名咩國家嘅菜式都有得食😋👍🏻今日就喺晚市時間嚟試一試呢間泰國菜亞萊泰。其實之前都嚟過呢間餐廳食過幾次，午餐嘅時間人流都非常之旺，所以唔想等位嘅話大家就要早少少嚟食。今日我就嚟晚市試一試，點咗一個無骨豬手飯，如果係午市套餐就抵食好多，50幾蚊仲包埋嘢飲，晚市雖然貴少少，但仍然非常抵食，點解！？你睇下佢碗飯㩒到幾實就知足料啦！🤣👍🏻另外主角無骨豬手都完全唔野少，調味啱啱好，軟熟嘅豬皮非常美味，配飯食簡直一流👍🏻…查看更多

今日慶祝女朋友生日，特登嚟到尖沙咀The One呢一間法國菜，事前已經book咗位，不過到場後發現餐廳雖然唔算好大，但位置都好充足，就算唔book位午市都應該冇問題嘅，但晚市就好難講啦，所以如果有心嚟食晚市嘅各位就要趁早book定位啦。本來喺網上見到呢間餐廳有威靈頓羊柳食，仲諗住趁女朋友生日口食好嘢，但原來午市係未有供應架😭怪就怪自己冇做好功課結果我哋點咗一個蕎麥薄餅同一個班尼迪蛋。蕎麥薄餅嘅味道同我喺法國食過嘅非常相似，整體嚟講都好值得推薦🤪👍🏻…查看更多

住在T TOWN附近就命中注定一定有好嘢食🥰今日喺午餐時間嚟到呢間九份十分食一個九份午餐。平日午餐時間可能會比較多學生哥同上班族，不過我一個人就好快有位可以入座，一睇價錢都相當親民，58$就有一碗牛肉麵同嘢飲，相當抵食👍🏻牛肉麵我揀咗粗麵，一嚟到就見到非常足料👍🏻有切到大大粒嘅紅白蘿蔔同埋青菜，主角牛肉都非常大舊，軟熟嘅牛肉非常入味，湯底好濃郁，有微微嘅辣味，睇得出廚師對台灣味道嘅牛肉麵都相當有研究👍🏻整體嚟講性價比好高，大力推薦！👍🏻…查看更多

大約6點幾嚟到食晚餐，人唔算多，唔洗等位就不過直接入座👍🏻呢間餐廳依家搞緊一星期五日每日有唔同嘅特別食物，呢一日就輪到豬手，我就即刻點咗隻豬手試試佢😋個人非常鐘意食豬手！另外仲點咗一碗鰻魚炒飯豬手配黑椒汁，底下有薯菜，脆卜卜嘅豬手好大隻，一定要襯熱食！襯佢仲係脆卜卜嘅時候食就最一流😋鰻魚炒飯嘅鰻魚勁大條，非常好吃，珍珠米粒粒分明，而且整個餐價錢都唔貴，個人認為CP值唔錯👍🏻順帶一提，過程中我有問員工拎茄汁，又問佢拎menu再睇，員工態度非常好👍🏻反應迅速又不厭其煩，抵讚👍🏻…查看更多

見到朗豪坊有新開嘅台灣菜食，即刻試一試佢😋午市時間嚟到，唔洗等位就可以輕鬆入到嚟，睇完menu見到飲品有一杯叫做鴉片黑糖波波鮮奶/奶茶🤣個名幾特別，冇主動問過店員，但我估呢度鴉片嘅意思應該係想講個飲品好飲到會上癮！？所以即刻點一杯試試佢！另外點咗一碗豚肉面結果杯鮮奶嘅味道還好，又未去到即時令我上癮🤣不過都算係一杯不過不失嘅黑糖鮮奶，波波嘅口感略嫌軟，我個人比較喜歡吃硬少少嘅珍珠/波波。豚骨湯麵湯頭味道濃郁，如果可以再多幾塊豚肉就更加好啦👍🏻…查看更多

晚飯想食餐好d嘅😋入朗豪坊揀咗呢間日本菜食，見到佢嘅裝修已經覺得非常特別，有日本嘅味道，師傅喺吧枱即席咁煮食，係視覺同味覺嘅雙重享受👍🏻等咗大約10分鐘，就有二人吧枱位可以坐，我哋一人點咗一個飯，分別係一個雞肉飯同一個豚肉飯，然後見到隔離食緊一個好誇張、望落去好足料嘅卷，於是就點埋呢個丸十究極之卷，價錢其實唔算便宜，但上面有幾款海鮮料，都算好足料！👍🏻兩個飯都用咁北海道米，口感非常特別，十分美味😋…查看更多

晚飯時間嚟到APM，間間餐廳都排曬長龍，拎完票要等成80個位都有😥要揀一間少人d但食物質素都唔差嘅，揀咗丼丼屋就啱啱好啦👍🏻之前都有食過佢哋嘅午餐，個人認為都唔差架👍🏻價錢唔算好貴，質素都ok！個人認為加錢變刺生套餐就唔太抵食，但就咁叫個飯就非常高質👍🏻不論係豚肉丼定係親子丼嘅味道都好好😋另外今次仲叫多咗一條鹽燒鯖魚，個人認為味道鹹咗少少，不過都唔算太差👍🏻午市嚟食嘅話性價比就最高啦👍🏻…查看更多

喺沙田市中心兜兜轉轉最後走咗入呢間澳門菜，因為前排去完澳門，返到香港都一直心思思想食返d好味嘅澳門菜🤪結果喺沙田走走下就搵到呢間了午餐時間排隊人數唔算太多，等咗唔洗5分鐘已經有位，入去坐咗個二人卡位非常舒服，裝修環境都好整潔首先叫咗一個小吃拼盤食先，個小吃拼盤有兩塊超香嘅黑松露脆多士，非常好味😋然後有辣魷魚，怕辣嘅朋友仔要注意！另外仲有好開胃酸酸地嘅黑醋豬手主食就更加豐富，點咗一份乳豬件同埋一份葡國雞飯乳豬件非常令人回憶起澳門嘅味道！葡國雞飯更加有陣陣椰香👍🏻非常推薦大家想吃澳門菜可以光顧呢間餐廳👍🏻…查看更多