balu.yi的個人專頁

今次第一次去食！十分推薦食佢哋嘅海南雞飯同埋肉骨茶🙌🏻肉骨茶吾會太喊 飲落去好正宗 肉都好大嚿。如果一個人去食 食一個肉骨茶套餐系絕對會飽。再加上，海南雞飯個配飯好好食，老闆亦都話佢鑽研左呢個飯好耐，個飯係經過特別調製而成！另外，食左個Susan豬手飯 ❤️切到好厚 好多 好夠食。吾會話好肥好油膩！女仔都食得落。咁都叫左啲小食，叫左小食拼盤、蝦醬炒通菜、珈央多士。小食拼盤有好多嘢食，即炸既雞翼超級好食。特別推薦係多士，因為甜得尼系好味食到好甜到入心👍🏻👍🏻👍🏻…查看更多

今次又去咗食依間雪山冰廳，今次都係食咗好味嘅椒鹽豬扒飯同埋漢堡包但今次仲食咗唔同嘅嘢食今次都有椒鹽豬扒飯，無論幾時去食都係咁好食！而且個炒飯底同埋個豬扒實在太好味忍唔住再想食多次咁今次就食咗個新嘢，好似叫做南洋吉列豬扒蛋包飯，咁咖喱10分入味啦，蛋好軟滑，飯底好軟熟，最特別嘅係個吉列豬扒好大塊！！而且有兩塊！ 脆得尼係好好食，吾會太硬另外都食咗個炸魚薯條 炸魚薯條就可以嘅 薯條都高質 炸魚都好大塊！同個吉列豬扒有得比薯條量都好多叫依個做下午茶都一定好飽都叫咗最招牌嘅芝牛堡，牛肉煎得好好 而且成個包都好大 無論係午餐下午茶定晚餐食一個人食我都覺得會好飽 而且好抵食…查看更多

依間冰廳就係長沙灣附近穿過左屋邨同商埸就好快到今次去到食佢個漢堡包 真系好正！無論係其他正餐定下午茶都好好食1）食左個始祖椒鹽豬扒飯［炒底］依個飯真心好好食 因為啲豬扒多之餘夠香 好有鍋氣 而且咬落去系鬆軟既 吾系好難咬 而且啲椒鹽同飯好match 份量好多 係絕對飽肚！炒飯底好香 可能有少少咸 但系好食既2）沙荼牛肉公仔麵公仔麵同個湯底好夠味 啲牛肉係主角 好多肉質好嫩 係好正宗好味既沙嗲牛 而且佢系常餐 份量好足夠 個炒蛋好滑 同埋餐肉同包一齊食係絕配3）經典芝蛋牛肉漢堡包而個真心經典咬落去係好似入口即溶咁 好綿個蛋仲要系流心 以一個下午茶尼講好飽肚 有時想tea下都可以去食下 再加上食耐左吾會有果種好厭既感覺 食到後面都係好留戀牛肉既味道3）港口味雜果賓治&華田曲奇妙趣雜果賓治係超級多水果係底！好多菠蘿椰果桃 而且隻味好解渴 好飲既 另外曲奇妙趣係華田底好適合比小朋友或中意甜野既人飲 但甜得尼係好飲既似甜品…查看更多

依間餐廳都算近既 上到去格局氣氛好正 好似去左泰國咁同埋啲員工全部都係泰國人 所以好正 食物方面真心吾錯 個椰汁沙冰 超級推薦好冰好甜好正椰青本身就好清甜變左沙冰就會多左啲奶香 更加好飲 另外叫左菠蘿炒飯 仲要係用菠蘿裝住真心好正好特色味道好清新配埋啲肉鬆一齊食就好好念 仲叫左個牛肉炒河粉 當然係十分泰式 河粉吾會好油 味道剛剛好跟著叫左個炒通菜好正 因為食落好有鍋氣 有少少微辣 最後叫左個泰式甜品大拼盤 其實有個細既88$都好多 但因為睇吾到叫左大既 :(食吾唒好多 好食 太多啦2個人一定食吾唒 再加上我係係e間餐廳同人慶祝生日 仲要食蛋糕 所以一定飽死 佢地好好有雪櫃放蛋糕 冇準備蛋糕 佢地都有賣50$一個 …查看更多

地點係西九龍中心既2樓 吉野家隔離 咁入面都吾係話好大 去到係食晚市套餐 食套餐就可以任飲水吧既飲品有凍檸水 洛神花 菊蜜 凍咖啡 咁套餐呢 有一款前菜小食 四選一 有春卷 越南春卷 沙律 仲有一個吾記得左而主食呢 今次就食左個88$既咖哩豬頭肉飯配香草魚餅 配料好多份量充足 同埋另外一個粉就係$78 好多餸 面底係金邊粉 好多 好抵食 食到飽 之後再有一份當日精選甜品 甜品就真係麻麻地 一小嚿 但依間野其實吾食套餐都抵食 都係40$-50$ 算平 而且都好大份量 …查看更多

其實價錢同板長差吾多 我覺得係好食過板長啦 因為佢啲壽司更加鮮甜啦而且係好好食 同埋佢地既厚切三文魚真的不得了 正到想食多幾嚿 咁同埋入到去環境都吾錯 坐位算夠多既我地就坐大枱7個人左右夠位既 咁同埋如果有BB 會比你一套BB餐具 另外 炸物同刺身都好正 火炙既壽司做得非常好 吾會話過火左 剛剛好 同埋個雞翼都好正 只不過係有啲熱氣 不過食得日本野都吾怕啦 上菜既速度都好快 吾會過左勁耐先上一次 係陸續都一直上緊既 服務態度都好好啦 叫員工影相都好樂意…查看更多

咁貢茶既飲品其實同share tea無異啦 但係個甜度係有好大分別架 個份量都係！貢茶既甜度係適中既 以我呢杯仙草凍鮮奶為例 貢茶既鮮奶既奶味係出啲 吾會好甜 而share tae 既鮮奶係好甜！我覺得有時太甜啦 但如果係中意好甜好甜既朋友 其實share tea 好岩你 （佢杯香芋混珠奶茶都好甜 但論香芋珍珠奶茶既話 share tea係好飲好多 貢茶既甜度吾夠冇乜香芋味 ）咁另外貢茶既仙草凍其實好多好夠 但share tea既份量就好少了…查看更多

咁其實pizza box既野一向尼尼去去都係果幾樣 同埋芝心批真心好食啲架！雙層夾心、薄脆都好 有一個口感令人繼續想食 或者係厚批都吾錯 配起級芝士係好正 咁佢有幾款pizza 係好味既 我都十分推介千島三文魚 係好好食鐘意食肉既一定係叫啖啖肉 如果想fresh.”啲 千島夏威夷都好食我本人覺得超級多寶太多料 反而變得吾好食 好似所有野都溝埋一齊 麻麻 小食呢一支骨 雞粒最正香辣雞翼都係好正 但係意大利飯就吾好叫啦 有啲伏 法包都好食架 …查看更多

如果係元朗反工 好似叫外賣都必定叫過？我吾知其他啦但係我地成日食 我又覺得吾係好難食 有時佢既C餐真係幾好食係岩漿炒蛋什錦飯？有時係蛋炒叉燒 佢地既外賣真係好多 45$其實已經好飽仲有中湯 只不過係味精湯啫 都算係咁啦 之前仲食過椒鹽豬扒飯 都好正 豬扒多 味道夠足 因為有啲茶餐廳既椒鹽豬扒吾係好有果種辣辣地既味道 只有鹽味 咁係吾好食既同埋依間又包埋野飲 又有紅豆冰果啲飲 好抵食 同埋佢哋嘅A餐咩汁咩扒果啲西餐都好味 茄汁好正 有時配炸帶子 都吾錯…查看更多

依間野一入到去就係自己夾吾同既串串 有菜啊丸啊果啲 好似打邊爐咁 只不過吾同既食物串起左咁解而且你就要拎個托盤裝住啲串串 跟著就簡想食既麵 有油麵 河粉 米粉 薯粉果啲都幾多下架 同埋有吾同既辣度比你簡咁我自己好似夾左幾多下 有紅腸 鴨胸 牛栢葉 腸 菜 丸等等 加埋就好似60幾 可能自己夾太多同埋我自己吾知點計 自己吾知就亂夾結果太多 同埋一到放飯時間超多中學生 要食要趁早 BTW野食係吾錯 薯粉幾好食 份量足夠 但係好辣啊 自問自己好食得辣 但係佢啲辣道超足 我叫左中辣就已經好辣好麻 但最後都係食唒既…查看更多

自已係元朗返工 竟然吾知道有啲咁抵咁正既茶餐廳 吾係講笑 我覺得係抵到喊因為我同另一個朋友分叫左炸脾飯同煎石斑飯 配黑椒汁 兩個飯先40幾蚊 42？45？忘記了 但我想講佢加特飲先係加4$！我嚇親 平時茶餐廳好貴加7/8$什至係10$ 仲要佢有吾同款既特飲有什果賓治 菠蘿冰 涼粉冰果啲有好多！至少10幾！同埋講番果2個飯先 炸脾肉好正 鎖汁 外脆內軟 吾係老左硬左既脾 仲熱辣辣既時候 咬落左果下 真係好正超級推介 個石斑好大塊 但係就普通石斑 不過煎到表面金黃 好正吾會一嚿咁 我地叫左一個饭 係送埋湯omg 加埋杯特飲先40幾蚊賣單…查看更多

以前都成日食 不過少左入葵芳真係無乜機會食到同埋呢就算我隔左2/3年無去過食 個味道質素係一樣架！每次去食既辣雞肉蓋飯都係咁好味！而且啲飲夠軟熟粒粒分明 雞肉尼講 份量真係好多而且調味十分好同埋啲雜菜一齊炒 個味道好正 依個飯並吾係好辣 我覺得正常吾食得辣既人 應該都可以接受得到 因為吾係好辣 食到有辣味 但其他既味道比較多 如果係再辣啲 真係會好食啲同埋價錢我覺得係合理既 韓式料理份量又多又抵已經好好 50$就食到 雖然對學生哥尼講貴左啲 但可以值得一去…查看更多

可以尼講依間乜都有 係屯門都經當食開依間 而且更加多特別既甜品糖水佢而家仲出左台式小食好似好好味咁 今次去食左椰果黑糯米加雪糕先37$ 椰男好多 雪糕有吾同味 仲叫左芋圓涼粉 又係 啲料好多 芋圓好滿 涼粉又多 食一個都飽真係好多 另外佢哋既綿綿冰都好正入口即化 但就貴啲 成40-50$咁但係分量都多 兩個人都夠食 但一個人食可能會食吾唒 同埋都有吾同種味 有芒果 朱古力果啲等等 環境方面都算大既 但有時候夜晚會好爆 所以早啲去會著數啲 另外真係值得一試…查看更多

咁岩吾知食咩 就決定食茶餐廳啦咁結果係出乎意料之外嘅 因為一入去 感覺比較舊啦 好耐歷史咁 以後會麻麻地 點知係好扺好正好食佢哋有個2人晚餐set 咁只係120$而且有湯有野飲 平均一個60$ 同你平時食開50幾蚊果啲晚餐差唔多 咁就簡2款小菜啦 就簡左咕嚕斑腩同咖哩薯仔牛肉煲 斑腩外脆內軟 酸酸甜甜好有胃口 而且係一碟入面好多斑腩好抵食 咁咖哩薯仔牛肉煲呢 薯仔較少 牛肉好多！多到食吾唒 青椒都多既 咖哩汁都好食 配飯都好正 至於個湯就吾難飲 都係中湯…查看更多

我自己都成日食廚房佬 我覺得係扺食又好味因為好足料 就好似依個鹹魚雞粒炒飯咁 好多飯、鹹魚粒、雞粒 而且仲可以配糖水 某個程度都好似燉奶佬既 但廚房佬就平少少？平時經常食 都食開佢地既B定吾知C餐 每日個精選 其中一個一定係咩汁咩扒飯 點解成日食係因為佢哋個黑椒汁真係好正而且扒類係煎得好好 次次都食吾厭咁同埋佢既焗飯類都好食既 但份量適中 吾會話好多 同埋如果叫外賣焗飯就吾扺 叫其他就份量好足 而且仲有薯條（汁果個餐）好抵食既外賣…查看更多