MissFoodie Pancake的个人专页

今日陪朋友去尖沙咀行街, 見The One 附近有呢間omakase就試吓。第一次上去, 感覺好清靜同埋好有隱私。我見佢lunch 得壽司同廚師發辦揀…. 但今日好想食刺身丼,所以好厚面皮問師父做唔做到俾我,師父好好人,收我12件壽司價錢做俾我, 仲要食得出刺身好新鮮同埋厚切架!!!仲有3款唔同海膽、拖羅、燒左口魚裙邊, 好開心! waitress周不時會加熱茶俾我哋,好細心!真心推介!! 行過尖沙咀可以一試!!…查看更多

星期二約咗朋友去食飯之前食過幾次D野食都唔錯 今次有做promotion$158 揀一款主菜,跟住沙律同薯條可以任叫2小時我哋3個人一開始叫咗2份沙律1份薯條, 份量都幾大同埋好味薯條有少少蒜味好香~ 沙律以蜂蜜芥末醬調味,會令人唔覺意食好多!!食完之後差不多時間就上主菜牛扒份量十足同埋生熟程度都控制得好好燒雞都好juicy, 整體都好正另外我哋仲有任飲2小時, 揀咗紅白酒~~我覺得抵食同埋下次想再食其他!…查看更多

bookmark咗好耐終於有時間去試喇!!!今次3個人去 一於試3款甜品第一款係原味souffle pancake 配焙茶cream好有蛋香,個焙茶cream打得剛剛好,又唔會搶哂個pancak嘅味超推介好多人叫tiramisu pancake,所以即管一試鍾意酒香既朋友都可以一試最後叫咗綠茶mochi waffle入面個mochi仲有少少薑味,開頭驚會唔夾,但食完覺得都值得一試!個人覺得好味過好多過江龍!!下次想試意粉既咸食…查看更多

今日同同事經過中環做嘢 諗起之前食過嘅一間日本菜, 於是去睇吓有冇開。之前食過晚市性價比唔錯,幾chill今次第一次食中午任食, $280 一位包剌身、卷物、串燒、飯之類我哋咩都想試D所以樣樣都叫咗D刺身大路嘢不過新鮮好味 之後仲叫多幾輪都好快俾到我哋餃子唔回本不過我好鍾意食 好juicy🥺壽司卷可以半份咁叫 我哋試哂4款卷, 最鍾意上面有吞拿魚蓉同海膽果款最驚喜係串燒 (不過等得比較耐) 有個雜錦雞肉同豬肉串燒好正 好想配清酒飲… 如果唔係之後仲要返工,一定會叫黎飲食到最後每人仲可以揀一份主食, 有牛扒、三文魚扒同雞可以揀我哋食到太飽所以只叫一個主菜share~ 揀咗三文魚扒, 煎到外脆內軟好味 下次想同屋企人黎食呀~性價比高👍🏻👍🏻👍🏻…查看更多