饅頭寶寶的個人專頁

今期流行乜都開心果味行過路過 見到呢間新開餅店有開心果切餅$16 一件 ， 心思思都買黎試下呢個價錢，相對大型連鎖店黎講係好平所以價錢反映質素 個樣係幾靚仔食落無乜開心果味質感亦都麻麻地，有啲實…查看更多

本身唔係太好黑芝麻 咁岩經過呢間鋪頭見都多人排隊 又好奇賣緊乜呢多數人都拎住杯黑芝麻軟雪糕一試之下有驚喜 濃郁 幼滑 結實 唔太甜 唔會好快溶 連個雪糕筒都係芝麻味好少食到咁好食嘅軟雪糕🍦另外 買左枝陳皮燉檸檬茶凍飲， 好飲！ 即時解渴 又 滋潤！ …查看更多

✨陸拾六 - lunch set ✅適合2-4 人朋友聚會✅ 情侶聚會✅小家庭聚會💬食物 石燒牛柳- 🐮 熱辣辣嘅石板令牛柳上菜時分泌出黎嘅油脂仍在跳彈😍 非常Juicy ! 溫度保持得好好，完成整餐飯，牛牛都仲可以keep 住暖～- 本身已調味，輕口味人士可以切開即食！ 想濃味啲，可點鹽 、 日式燒肉汁- 配飯 / 薯條，小編揀左配薯條🍟 熱辣辣食落飲似係即炸嘅- 跟湯 / 沙律🥗 及 飲品一杯💬環境 - 因為luch time 去，所以都比較多人，都要係門口排左一陣隊！ - 見OpenRice 夜晚可以book 位，大家不妨夜晚先去💬服務態度要比like 👍🏻店員，主動介紹餐牌，亦遞上即棄圍裙，著白色衫去食都唔怕啦🤭…查看更多

✨Antoshimo Cafe & Bakery - lunch ✅朋友聚會✅返工放lunch💬食物- 二重鍋烏冬： 柚子鍋燒咕嚕雞粉皮咕會太厚， 配上柚子汁味道清新！呢款餸可以配烏冬 / 鍋燒飯 ～ 唔想食太飽，可以揀烏冬啊～ 甜品： 沖繩海鹽焦糖冬甩雪糕冬甩表面食落脆脆地，內裡好煙韌同暖暖地，配上一球雲呢拿味雪糕， 超好食呀～ 呢個都係佢地嘅招牌產品！ 飲品： 黑糖檸檬茶👍🏻👍🏻 睇中佢用黑糖，好彩都唔係太甜，感覺仲健康啲☺️💬環境 - 座落商場街外地鋪， 鋪頭比較狹窄，小編今次lunch time 去， 要等位！等2 張枱，大約10 分鐘。 - 有室外座位，加裝左太陽傘⛱️- 餐牌太大， 加上環境窄，枱又細，不適宜用A3 size 餐牌💬服務態度 - 店員問有冇book 位先發現可以book 位，下次要醒啲！ - 結帳時可以會員儲分，店員會作提醒🔔…查看更多

食過三、四次左右，黎埋今次之後唔會再黎堂食！ 呢間分店真係街邊大排檔服務同環境都好過佢！ 食物一向我都覺得係好食嘅，但環境真係頂唔順！ 先講環境： 冷氣機滴水、地下佈滿用過嘅牙籤、垃圾都冇人理。餐具污糟又甩色，抹枱又求求其其，留低殘渣，因為橫掂都鋪張餐子所以就求其！？ 啲枱幾乎張張都生銹，門面功夫都未做足，諗深一層廚房環境都唔方好！ 再講服務員態度： 將張收據連個牌一野就飛埋黎，撞到筷子都彈起，其實行多一步放低真係咁困難！？ 作為食客，一路食一路觀察樓面服務員，真心覺得佢地辛苦，木口木面唔多出聲，最熱情已經係收銀果位，最慘又係佢，門口客人等得耐收銀呀姐首當其衝就被鬧！ 以上情景、環境出現係大排檔，我覺得好合理，但係出現係一間連鎖式點心店真係太差！ 成餐茶就係吵吵鬧鬧嘅環境入面食完～ 下次都係叫外賣！ …查看更多

位於橫巷嘅平民小店，鋪仔門面細，行過路過好容易錯過！！ 今次幫襯麻辣手撕雞配巴東牛腩第2 次食麻辣手撕雞，上次叫小辣唔夠辣今次揀中辣好岩口味！ 下次可以再挑選大辣😆手撕機半隻配雲耳青瓜巴東牛腩，唔辣，個汁好味鋪頭係放工時間都不乏人流，相信灣仔街坊都好熟識！ 要讚一讚老闆，黑實嘅外表明顯唔係香港人但講流利廣東話，如果佢係整緊家鄉拿手小菜，都確係配合到香港人口味老闆究竟你係咩人？ 😆😆其實餐廳樓上有堂食座位架…查看更多

藍地大街專做街坊平民生意，大街中有一間街坊cafe 為呢條街注入小小新鮮感。星期日中午12:00 左右去到，2 人限聚令次下剛好唔洗等位。明太子天使麵： 好好食😋 唔會太溜！ 呢個值得再食玫瑰鮮奶咖啡、玫瑰草莓沙冰： 咖啡幾香，沙冰一個人飲麵幾飽牛油蒜蓉pizza ： 😅😅😅 可以再焗多一陣，因為食落好濕，可能係蒜蓉影響！？ 重點係，個餡同薄餅底會分開😅😅 唔會再叫pizza ! …查看更多

地點: 元朗市中心地帶, 附近方便泊車。//環境: 餐廳環境採用暗黃色調, 室外都設有坐位。適合2至4人進餐。//衛生: 由於疫情關係, 餐廳於客人入內前均會向客人雙手噴消毒液, 但係消毒液噴完令皮膚有D乾, 藍色水狀液體加上普通的噴壺網住, 感覺似係用黎消毒枱面用的,感覺好奇怪, 建議都係用返自己的消毒濕紙巾抹手。同時, 亦建議餐廳提供原裝消毒搓手液比客人使用, 咁樣會較為安心。 //食物:  當晚叫了燒海鮮盆(大蝦、焗蟹蓋、焗蠔、魚餅) 四款食物都好味及新鮮, 芝味濃郁, 佩上小許沙律菜, 可以食完海鮮後清新一下。另外, 叫了帶子墨汁意大利飯,  味道亦不錯, 食的時間要小心食到雙唇發黑。//價格: 係eatigo 訂位有60%off, 所以都算係假日中難得的抵食晚餐。//…查看更多

地點： 元朗市中心, 非常就腳, 一定會搵到!  //環境： 當晚8:00 去到食, 人流唔算多, 所以都算坐得鬆動, 多人一齊食的話可以選擇住外面。衛生:   鋪頭採用不鏽鋼匙羹,  匙羹通常放係糖水碟上, 當晚的匙羹唔知點解好多水, 食食下亦都兩隻置埋左一齊, 令我不禁係到諗, 兩隻匙羹的中間會唔會冇被清洗過呢!? //食物：叫左碗叁元豆花, $33 有勁多料, 芋圓、地瓜圓、豆花、雪糕、黑糖珍珠, 當中仲有好特別的紫薯西米。小編第一次幫襯, 覺得好滿意。另外, 亦叫叫左碗紫花圓, 當中的冰烤紫薯雪糕真係好好食呀!!! 半溶狀態, 陣陣烤味, 如果鍾意煨蕃薯味道的你, 一定會愛上!//態度： 態度良好, 上菜速度都算快。//…查看更多

Happy Friday 唔覺意係openrice搵到呢間餐廳😀地點： 鄰近海濱，揸車去電子消費滿$200可以免費泊車2小時，停車場好闊落👍🏻 揸車人士一定歡喜！餐廳環境： 一般，餐廳唔大，座位與座位之間好近。 餐廳外有一片草地，建議選擇坐高枱，面向草地，感覺空氣清新啲！食物：叫左個2人set，openrice半價優惠❤️蘑菇湯、凱撒沙律都好好味😋 肉眼扒叫左7成熟，肉質還可以，叫左配薯條後發現配薯菜較為吸引😆 叫左兩杯cocktail ，好飲！態度： 態度良好，有外國及本地侍應，唔怪得好多外國人都係到飲野！ …查看更多

係區內比人耳目一新嘅餐廳，唔想去蘇豪東捱貴價餐廳、lunch 又唔想同人逼茶記、又想坐得舒適可以選擇呢間餐廳👍🏻 地理位置方便，鄰近西灣河港鐵站。 主菜加野飲大約60幾蚊埋單，仲要味道真係唔錯！ 間餐廳仲會聘請社福機構轉介嘅青年人黎呢度做野， 唔知係咪想幫佢地搵career path !？ 今日試左咕嚕肉、茄子一口牛、蟲草花牛腩煲、咖喱雞。味道方面，咖喱汁第一下覺得幾好味，但食落有啲咸，配一碗白飯係必須！ 牛腩炆得過喉，食落似擦子膠咁un ，需要改善！ 賣相方面唔錯，餐廳花左心思係碗碟、餐枱佈置、裝修格調，整體給予客人舒適乾淨嘅感覺！ 餐飲方面，如果你期望有一杯茶餐廳香滑奶茶，呢度就滿足唔到你啦～ 因為佢哋無論係熱奶茶抑或係熱檸茶都係成個茶包放落個杯到，熱檸茶都尚可接受，但熱奶茶感覺有啲怪～ …查看更多

未食之前對這些主題餐廳多數都都係賣樣，食物都係一般。一試之下果然同想法配合。 叫了三款食物，包括雞翼、波菜長通粉、羽衣甘藍沙律，最好食的都係長通粉。 雞翼：不入味，靠多汁添味，食落完全係汁同雞翼分開，味道不能夠融合埋一齊！ 羽衣甘藍沙律： 細細碟，普普通通。靚又唔係，唔好食又唔係！ 唯一讚嘅就係有個環境可以影下相。 …查看更多

🍜 餐廳由日本師傅主理， 只賣三款拉麵：魚介、黑油、海老三款豚骨湯底的沾麵或拉麵。 想食飽飽的男生可能不會滿足，但女生就一定足夠份量！ 唔想排隊等位嘅話就一定要六點鐘前嚟到啦，因為入面只有十二、三個位左右！ 以下兩款拉麵係我同朋友嘅晚餐🥣…查看更多

路過呢間小店點心，以灣仔嘅地段黎講，佢嘅價錢都算合理。 期間見到有批外地人士幫襯，漏左個袋，店員幫手keep 起。 15 分鐘過後，個鬼佬終於醒覺返左黎拎。 算佢好彩啦！ 今晚。兩個人食左$140 ，好飽！ …查看更多

食中式甜品除左去九龍城合成糖水之外，華園甜品都係我其中一個鍾意嘅選擇。 華苑甜品嘅價錢相對便宜，雖然選擇冇合成甜品咁多但係始終都有一款啱心水嘅！ 今次我選擇嘅係合桃燉鮮奶！中式甜品一定係熱食最好食啦！ 熱鮮奶當中加入核桃糊，香滑美味😋 真係超讚呀！！ 👍🏻👍🏻👍🏻值得一提嘅係，入面嘅姐姐都好好招呼，好有街坊人情味！！ …查看更多