mauchu的個人專頁

我於2月14日中午致電訂檯，想安排12月14日晚上7點12位，當時電話內服務員明顯表示有位，我再加確定是否訂了，還問有沒有套餐，她表示已訂及除8人套餐沒有，全包宴等通通有。太約晚上6點左右，我再致電想確保有沒電梯可到達時，電話內服務員表示沒有我訂檯紀錄，當時很驚訝，我多番確定也可以沒有紀錄。最後我查問現在即訂檯有位嗎？服務員表示留下電話，到時致電回覆有沒有。整個留電話過程，多次錯誤回覆我地資料，我跟她糾正她說錯字時，她還不禮貌回應，等了一整晚也沒有回電。所以最後決定不到此 可能我們不是熟客吧！…查看更多

鋪頭名都講咗榮式燒雞扒, 緊係要食雞扒,  我帶過幾個朋友去食, 都覺得呢間既雞扒好味又滑, 加埋本身既蔥油既香就不得了。今次我叫雞藕天成, 睇字都估到有雞扒啦,  另外就係蓮藕餅, 我比較喜歡食呢個飯, 因為淨叫雞扒飯, 我就覺得食太多雞扒, 所以叫呢個就剛剛好。我朋友仔要健康, 就食野菜豆腐飯, 豆腐入哂味, 亦都有蔥油, 所以好好撈飯。另外只要加$3, 就有凍熱野飲揀。講明咗快餐, 緊係食完就要走啦, 唔好打算可以坐好耐傾計。…查看更多

有時候一家大細都諗食咩都真係幾煩既事, 我就會推薦薩莉亞意式餐廳, 好坦白平靚正, 叫多多都唔貴, 又啱小朋友食, 同埋黎到D野食係熱既。我自己一向都有幾種必叫項目, 首選香草牛油焗田螺, 一黎到真係小心D食, 因為好熱, D油仲會卜卜咁跳住, 加上香草既味道, 好味!! 而另外唔少得既, 就係雞翼, 我自己遍向要辣既, 不過朋友仔唔食辣, 所以叫咗原味, 比較起上黎, 我都係喜歡辣味多D。而另外, 再會叫水牛芝士薄餅, 雖然材料只得蕃茄汁同水牛芝士, 鐘意食芝士既我, 緊係有芝士就夠啦! 意粉方便我就無咩所謂既, 今次就揀咗溫泉蛋卡拜拿那意粉, 不過唔算太特別啦! 而呢間會加$13一位有任飲汽水, 咖啡, 茶等。2個人都係$139, 真係唔錯既選擇!而服務方便, 真係比較人少D, 所以都要等下, 同埋好多野都係自助形式, 唔好太高要求。…查看更多

自從西環有地鐵之後, 多咗好多食店鋪食野, 今次就去咗呢間日式火鍋放題。可以地方係西環, 就算假日都唔算多日, 而聽我朋友講, 呢間鋪有時會出限定特價餐, 不過唔知係咪星期日所以唔見有, 而我地就揀咗最貴既牛小排個餐。熟食方面係肚餓而未有火鍋食時頂下肚既, 我本身唔食牛, 所以就淨食豚肉, 食落去唔算鞋, 而甜豉油個湯底味道幾好, 唔太甜剛剛好, 但又好香豉油味道,  而我D朋友因為揀咗最貴個餐, 督有3款牛肉揀, 牛小排, 牛肩胛, 進口牛肉, 進口牛肉下次可以唔洗揀啦, 而牛小排同牛肩胛, 無可否認牛小排係好味, 有牛肉味而夠淋, 脂肪均勻。海鮮方面一般啦, 唔算太出色。當然一定仲有其他丸呀菜呀。不過就有個自行調既焗茶, 有菊花, 圓肉, 紀子, 不過最大問題係.........D熱水唔熱係一個最大既問題, 令到我焗唔到飲。…查看更多

朋友仔搵我去据扒,  佢知道我唔食牛, 都搵間有豬既鋪頭食飯。呢間係半自助式既日式餐廳, 點菜要自己去自動點菜機去點, 款式唔多, 就得十左右, 主要係食牛既, 牛魔王既人就最啱去。點完菜就可以自己去攞任食沙津、 白菜及湯, 仲有自己可以調既醬汁。監於因為湯係牛湯, 所以我就無攞, 朋友仔就好鍾意飲, 仲飲咗幾碗, 話好香濃。而白飯當然係珍珠米, 我就食咗2碗, 軟硬適中, 仲另加紫菜芝麻, 好夾好香。而沙津我就加麻醬同醋, 甜酸度剛好, 當然都要好睇自己落既份量。上主菜時, 因為石燒所以不停仲咋咋聲, 而為了防止彈到客人, 所以石燒上放咗一張油紙。可能石板太熱, 所以我食比較底豚肉就覺得有D硬。而我朋友食牛肩排, 而石板夠燒, 佢就可以慢慢切開一舊舊燒, 而牛肉質好淋, 又唔會好似和牛咁多油。而飲品只有罐裝汽水選擇。簡單得黎又幾特別既選擇。…查看更多

香港食打邊爐基本都無分咩季節, 只要想食就要食, 當然有時候一個人想食時, 唔係個個地方都適合, 呢間係我其中一間選擇。今次就拉埋朋友仔去食, 一人一鍋唔洗爭。 我就例牌叫我最喜歡既芝士牛奶鍋, 而朋友仔就叫咗臺式麻辣鍋, 另外再加追咗$20臭豆腐鴨血及百香果紅茶。喜歡食芝士既真係要試一試芝士牛奶鍋, 奶香又滑, 加埋芝士既香濃味, 真係絕配。臺式麻辣鍋個配搭都幾得意, 有細細個公仔麵及油炸鬼, 因為之前未試過, 所以就叫咗個小辣, 我覺得唔辣, 如果食得下辣既要考慮下辣度。 另外個套餐有白飯或粉絲選擇, 本身個鍋都幾大份, 而鍋內都有一D麵食提供, 所以自己就要衡量下啦! 至於另加既臭豆腐鴨血, 本身我都好鍾意食香港既炸臭豆腐, 好坦白真係好臭, 我食咗一啖就頂唔住。可能我唔識欣賞, 不過整體上我都覺得平平地不錯既選擇。…查看更多

稻香一向都有一蚊既驚喜出現, 秋天到就出一蚊羊腩煲, 今次4個人去食8點半後宵夜時段, 貪佢有火鍋半價起, 我地叫完仲諗緊會唔會一人得一舊呢, 上菜見到基本一人都可以2-3舊啦, 不過幾韌下, 而腐乳就得一細碟, 要大家開心SHARE啦!初初以為叫左一蚊羊腩煲, 其他野就會無優惠添, 原來仲可以享有啤酒及汽水半價 (汽水算平, 都係$7.5, 係酒樓真係幾平), 火鍋配料都有優惠。先叫咗雪棗鮑魚氣鍋湯, 都係28位, 平時買支水飲隨時都十蚊啦, 呢個話哂都係個氣鍋湯唔打得都睇得呀! 跟住就叫咗個特價象拔蚌$138, 本身已經係優惠, 所以無得半價啦!  其他配料都不過不失啦, 4個人500幾蚊, 仲有免費泊車, 我就覺得不錯啦! 不過服務方便, 可能宵夜時段, 所以沒係太夠人手, 需要佢地好忙, 仲要出埋菜, 不過都好禮貌, 只係要叫人時就比D耐性等有人經過。…查看更多

呢間店由開幕至今我都一直有支持,  之後疫情最嚴重時就有放題時段, 依家轉返正常散叫或套餐。今次我就幫襯晚市。一坐底基本未叫野就有幾碟前菜, 我最鍾意就係酸蘿蔔及大豆芽菜, 而我老公就鍾意泡菜。如選擇燒烤就會有無限添加粟米芝士及泡菜蛋放係爐邊燒啦! 不過我就淨鍾意食粟米芝士, 次次都會叫佢地唔洗比泡菜蛋。今次我地無選擇套餐, 因為都幾多下, 次次都食唔哂, 所以今次就散叫啦。香烤豬花腩, 有5種味, 我揀咗韓式秘製醬油, 簿簿地一塊加埋菜夾住一啖食, 真係好韓國FEEL, 再黎個霜降牛小排, 非常淋再加埋本身既醬汁, 非常掂。另外再點咗個蒜香蜜糖雞腿肉, 份量比其他都大, 好似食極都有咁, 而蜜糖係另上既, 不過我覺得唔洗蜜糖都好夠味, 就睇下自己想唔想有甜味啦! 最後一個我最喜歡既韓國鰻魚, 燒到個面好脆再加埋個鰻魚汁, 又香又多汁, 非常好食。2個人都係400幾蚊, 唔一定要任食, 其實都好夠飽。…查看更多

有時候要同朋友仔搵個地方食野, 又想唔會比人趕走都唔係易事。呢間我之前係太子食過, 但就有限時要求, 而北角呢間就無, 我地好多時都傾到最後至走。呢間食物質素中規中矩, 今次叫咗個四式雞翼併盤, 蜜糖烤雞翼, 水牛城雞翼, 蒜香雞翼及秘製咖哩雞翼, 我就覺得蜜糖烤雞翼最好味, 甜甜地而不乾, 可能係用烤所以仲有好多肉汁, 而其他三款就麻麻地, 我覺得太乾身。而我次次都會點既卡邦尼意粉, 個汁剛剛好, 唔會搞到個意粉變咗湯意咁, 而意粉口感有咬口, 唔會淋哂。而服務方面, 整體上係唔錯, 不過唔知當日係唔係有位新返工, 見佢都好緊張同好勤力,  同一碟野問我地仲要唔要起碼都3次, 但碟野明顯未食哂。…查看更多

調景嶺茶餐廳唔算多, 呢間都算幾多野食揀, 門口放既麵包傳統味道及都幾大個下。今次我就去食個DINNER, 佢地出咗2人套餐, 可選2個餸, 1個油菜, 2個例湯, 2個飯, 2杯野飲, 168蚊, 凍飲加3蚊正常啦! 當日8號風再另加10蚊。叫咗支竹炆炸班塊, 我向都幾鍾意食炆支竹, 只係個炸班塊就唔夠跪口, 味道不錯。而另一個就係封煎黃花魚, 幾香口同都幾滑加埋個甜豉油剛剛好味道。呢個套餐其實都幾多選擇, 係茶餐廳黎講都幾多元化。…查看更多

朋友送咗2張現金卷, 所以就去試下。本來9月份收到張現金卷, 到期日係9月尾, 但打去訂位時, 話9月份已經全滿, 但現金卷延至10月16日, 所以就BOOK咗10月。而當日都有打電話黎提示, 態度幾好。我地直接泊車係嗰到, 唔洗行咁遠。一去到大門口, 其實感覺上都唔錯, 入到去都坐咗2/3位置, 都唔算好嘈, 而侍應都好好禮貌。本身呢個係半放題形式, 只有部份野至任食, 其他方面都係SET死咗。因為之前都有朋友去食過, 原來指定食物係會定期轉既, 所以大家傾時食既野都有唔同。先講指定食物, 上咗個三式前菜, 有麻醬豆腐, 炸雞, 海蜇。豆腐及海蜇正正常常, 但炸雞我就覺得麻麻, 因為係凍既, 但我老公就話OK喎, 佢話冷盤就緊係凍。刺身普通啦! 關東煮就好一般, 餐湯還可以, 和牛炒飯, 都炒得唔錯夠乾身, 不過和牛得一兩粒仔。有2張紙仔點下D任食, 唔算太多野揀, 樣樣叫下試下。講下覺得比較不錯, 三文魚飯糰,  燒得幾香口, 加埋個醬剛剛好。而牛舌都好淋。粟米燒得剛剛好, 又好甜。燒蝦個汁其實係幾好食, 只係唔夠入味。其他就麻麻地啦不過有一樣就真係唔太好, 就係比目魚西京燒, 一食就要停啦, 我老公仲話好似變咗, 所以都通知侍應一聲, 佢地都好有禮貌及正視, 之後經理都過黎解釋, 師傅已試過魚無壞, 可能凍咗所以有腥味, 仲問洗唔洗換過新一碟, 不過我地就唔需要。仲後有雪米磁甜品作尾。埋單個餐$298 X 2, 減$200 COUPON, 之後再送2張50蚊COUPON同埋一支酒。另外都有2小時免費泊車。…查看更多

Simplylife 一向整體都係維持不過不失咁啦, 今日閨蜜話好想食All Day Breakfast, 就諗起呢間。其實係我腦海上, 呢間餐廳我比較喜愛既就係麵包, 每次等位時, 見到一堆堆麵包出爐, 好香好吸引。今次就無食set lunch, 選擇咗all day breakfast, 其實都好想問下, 點解次次餐湯都係南瓜湯, 去過幾次都係一樣, 唔知係唔係得一隻湯。當然都係一讚既麵包, 每次都提供唔同麵包, 味道上不錯, 好香麥味。其他只可以講OK啦! …查看更多

一講韓國野, 多數都係話食燒烤, 好少無啦啦下午茶話去食韓國野。下午茶時間剛路過望下個餐牌, 見到有個吐司, 我腦即閃過韓劇D學生好鍾意食, 所以就走入去試下。望下個餐牌有3款吐司揀:1) 皇牌雞扒吐司 2) 芝士烤牛肉吐司 3) 芝士火腿吐司。 唔食牛既我, 就係2款到掙, 最後見有皇牌2個字, 就揀左皇牌雞扒吐司。 食物一上檯就有韓劇啦 3個吐司得呢個無寫芝士, 我初初都以為無, 原來都有芝士夾住有D拉絲感,雞扒都幾淋喎, 一個幾滿足既下午茶…查看更多

間唔中要去會展當值, 每次食飯時候就好頭痛, 周圍無咩好揀仲要好貴, 行出去地鐵站附近又好遠。今次因為時間唔夠, 逼於無奈就係會展搵間食。見到間茶餐廳點都會平過食餐廳, 當時已經4點, 有下午茶揀, 點都平D。首先下午茶係要3點至有, 而價錢跟午餐一樣只係多杯野飲,  差唔多都75蚊, 抵唔抵就見人見智 。我叫咗個叉燒煎蛋飯, 個汁都唔錯而叉燒都好淋唔乾, 可能晏食飯好肚餓, 成碗爬哂, 但比較大食既都可能唔夠飽。…查看更多

同老公行完金魚街搵野食, 就上OPENRICE睇下, 老公想食西餐, 但好多地方都人頭湧湧, 最後見到近太子有間CAFE, 我地都打算搏一搏睇下會唔會好多人等位。好彩無人排隊, 不過店內都差唔多爆, 而一入門口侍應就表示最多食90分鐘, 叫野食時D態度就麻麻地, 而座位都幾逼下。坐下見到好多檯都食石燒,  好似都幾得吓囉, 我老公係牛魔王, 緊係揀個牛食下, 而我唔食牛既就揀左SET DINNER 豬肋骨。一上菜感觀不錯, 整體上攞盤都幾吸引, 不過餐具就真係一般啦! 我老公切牛柳既刀, 基本唔係用切黎形容, 根本切唔到野, 佢係扯開D肉, 好在牛柳都算淋, 否則都幾辛苦。而我既豬肋骨BBQ味不錯同好淋, 而整體SIZE剛剛好。最後加埋個甜品就滿足哂, 而我老公仲加錢要咗個玫瑰花咖啡, 佢話好想玫瑰花味, 值得加錢叫。…查看更多