yik929的个人专页

#大埔搵食餵食貓🐱已經唔知忙左幾耐無me time去搵食🥹今日好難得有me time去搵食😋終於成功去到食 #大埔 #GiraffeCoffee ☕️之前一直好想來食下，依間Cafe仔夜晚佢會化身成為酒吧🍺相當有趣🤩夜晚則係一間好寫意既Cafe。仲有個窗口位，望住條街Chill住飲咖啡又係另一番風味😌可能係平日既關係，我今日來唔多人，鐘意坐邊都得。叫左杯熱黑糖薑🫚Latte，一個Cream Cheese 三文魚Bagel。Latte味道唔錯，飲到淡淡薑味同偏酸咖啡底好配合。Bagel好大個，份量十足！Cafe來講依個Bagel比我想像中大，口感煙韌，凍左都唔硬，合格有餘🤩埋單都係$100個人有找，對於我來講我覺得已經好抵🤗推薦大家去開大埔都可以來試下依間咁有特色既Cafe🤫📍GIRAFFE COFFEE (大埔)：大埔舊墟直街8號榮明花園地下A號舖…查看更多

#太子搵食忽然興起，好想食泰國野，但一直都搵唔到連鎖店外的好去處，所以經常都有個心癮。幾經轉折下，搵到一間位於太子的泰北餐廳，二話不說今日收工即刻同另一半出太子搵食😋餐廳位於太子汝州街，就咁望門面唔留意個名，仲會以為係間cafe，入面陳設都幾多泰國裝飾，但座位就係西式風格。食物方面種類都唔少，除了耳熟能詳的泰式生蝦、蝦餅、金邊粉等等外，仲有特色泰北麵。泰國我都去唔少，泰北野食就真係未試過，一場來到一定要叫返個。所以首當其衝我地叫左一個泰北豬頸肉金麵+泰式凍奶茶原來泰北麵個食飯都相當講究，因為整個麵入面分別有普通既全蛋麵再有一個球形炸麵，要先壓碎炸麵然後同金醬等醬汁、同原來的全蛋麵撈起再食。味道偏甜，口感好多樣化，同我地一直認識的泰國麵食真係有好大唔同！推介未試過的朋友仔一試！至於泰式凍奶茶相當唔錯，雖然固定糖度，但相信甜度做左調整，所以唔會死甜。然後因為我好想食冬蔭公，所以就叫左個慢煮水門雞冬蔭公湯金邊粉再加杯鹹檸七其中個慢煮水門雞絕對推介大家一定 一定 一定要試！！！（重要事情講三次）好驚艷，你望下張相咁鮮嫩就知我講咩！水門雞食得多，咁滑咁淋真係第一次，絕對要食！加上個冬蔭公湯底十分對味，有九成係泰國食既feel😋再有一粒美味溏心蛋，整個配搭「泰Fusion」啦😝😝然後嘆埋被鹹檸七🍋就變成「泰嘆」😆小食就叫左蝦餅同久違的泰式生蝦🦐8隻，兩個小食都唔錯，其中生蝦仲唔會有雪味/腥味，蝦肉質都唔錯，鍾意食既朋友仔都可以試下！不得不提係舖頭有四款自家製調味四寶，重口味朋友仔可以一試🥰總括而言係「泰」驚喜小店，推薦來開太子又想食泰國野🇹🇭的朋友仔來喔🥳📍Aroma Thai Food: Aroma Thai Food (太子)太子汝州街37-41號廣勝大廈地下B號舖…查看更多

#大埔搵食 同屋企人一齊放假，所以打算chill住去大埔墟買菜，買菜前當然要填飽個肚仔先😌所以就去左成日排長龍的榕基滷水店，食下打冷嘢。因為店入面位置有限，我去個陣已經好多人，所以舖頭入面真係唔方便影；位置就係普通茶記位，大家又唔需要擔心係D街邊檔形式。舖頭都好乾淨，衛生程度唔錯，侍應都多，一坐低就比QR code點單，所以一定唔需要等好耐。我地order左兩份全日套餐，分別係招牌滷水獅頭鵝一份，另外一份就係香烤焦糖豬頸肉配秘制酸辣汁。獅頭鵝就一如既往的好，肉質好入味，唔會咬唔開！配埋鵝油撈麵，相當正！香烤焦糖豬頸肉配秘制酸辣汁相當有驚喜，份量都叫做OK；但係個豬頸肉加蜜糖烤到相當脆皮，甜得來唔會太膩，超級好食！加埋個酸辣汁，咁感覺仲好有D泰式感覺！此外我地仲額外叫多左份墨魚，相當爽口，脆卜卜！推介大家試下依間榕基滷水店🥰#榕基滷水專門店1992（大埔）📍大埔廣福道97-99號地舖…查看更多

#觀塘搵食又到一星期一次，二人成團搵食遊。今次就碌左去觀塘搵食，去左位於成業工業中心的牛霸王晚餐。舖頭都相當近觀塘地鐵站，大約行5-10分鐘就可以到；然後搭電梯上一樓，一出電梯轉左就會見到。但我地去到發現所有手打和牛漢堡系列都完售🥲真係相當傷心💔下次可能要抽平日夜晚去先可以食到了。舖頭裝修行日式簡約風格，環境算乾淨，有種日式家庭作業的餐廳感覺。侍應都係得兩個，已經係睇曬全場，出單同上蔡。餐膳種類唔算太多，但一場來到，我地都依然坐低叫左兩個飯同兩款小食；但就無得食好味的手打和牛漢堡系列了。我地分別order左日式厚切叉燒溫泉蛋飯，咖喱吉列豬扒飯，佩兩杯凍蜂蜜綠茶。厚切叉燒真係好厚切，我覺得味道同日式叉燒有D唔同，相較日式叉燒鹹，口感亦都無咁柔軟，有咬口D。配溫泉蛋味道幾夾，加埋熱辣辣米飯，又別有一番風味。至於咖喱吉列豬扒，味道就相較厚切叉燒更佳，豬扒雖然唔算好厚，但炸得啱啱好，粉漿唔會太厚，肉質唔會太柴，亦都唔會太乾。咖喱偏向香港人口味，無日本咖喱咁甜。除此之外，我地仲order左一份加配細份既炸芝士同雞皮餃子；同樣係新鮮炸出來，相當認真既製作。但有要留意，芝士並唔係拉絲款，更偏向係班融化的口感，食落去奶味都相當足。雞皮餃子做得相當精緻，外皮炸到脆卜卜，肉質keep到嫩滑多汁；都可算係一個驚喜之作！雖然和牛漢堡就暫時未食到，但舖頭內的炸物都做得相當唔錯，推介朋友仔試，就算無和牛漢堡都可以考慮下其他炸物！📍 牛霸王 (觀塘)觀塘成業街19-21號成業工業大廈1樓26號舖…查看更多

雖然公眾假期但為食貓依然要去上堂，今日繼續係大埔區搵食😋但係因為遲出門口，要食個快餐，所以最後選擇左係翠屏商場樓下的南記粉面。平日午餐食得多，早餐我都係第一次。即刻睇下有咩事先🤔選擇都算多，加上早餐其實都可以叫午餐既粉面，所以林林種種，睇到我花多眼亂。最後因為好想食米通，所以揀左個簡單雙拼，要做個蕃茄湯春卷米通，再加魚皮餃湯，連杯凍豆漿！咁豐富都只係$37大元，認真相當抵食啊！味道中規中矩啦，連鎖快餐粉面味。但價錢相當進取，有時想平得來多選擇，絕對推薦大家考慮下南記🤭…查看更多

今日因為夜晚上堂，所以專登收早返大埔食個休閒晚餐，充足電先去上堂。已經大埔墟即刻記起之前係附近食過既一間新潮茶餐廳，即刻碌過去嘆個晚餐。🤩因為我6點左右入座，未開始晚飯時間，所以人唔算多；侍應忍人手充足，加上舖頭用QR Code落單，所以相當方便！加上舖頭設計得幾有心思，除左一般卡座外，仲有沙發位，唔單單係食嘢，仲俾人一個好chill、好嘆既感受！🥳因為要上堂，唔敢食咁飽同食好多澱粉質，所以碌左幾轉個餐牌，最後決定叫個安格斯牛小排配沙律，再加份柚子雞翼，加杯野飲！😌安格斯牛小排，聞落去好香牛味，熱辣辣！🔥不得不讚既係，餐廳將醬汁安排另上，鍾意幾多就落幾多！重口味定淡口味都一樣照顧到！🥰牛小排我叫左五成熟，有咬口得來好多肉汁，但又唔會血淋淋。食到後半段，切開舊舊都係粉紅粉紅，好有食慾！下次我要再試其他牛排，茶餐廳價錢食到咁樣，真係超曬班！🤤🤤柚子雞翼係我額外order，一份四隻；開頭以為普通醃雞翼，後來發現真係有柚子醬係上面！甜鹹既口味，好似好怪，但其實好容易入口，雞翼仲無咁油膩，值得推介！😋最後我仲叫左杯芒果雜果生椰乳特調，味道比想像中清新，唔會太甜；反而係酸酸甜甜，好似飲緊乳酪飲品咁！飲品仲有D雜果，消膩解渴。😉今次幫襯真係有驚喜，Hi Tea🉐Steak都🉐 下次有機會要試下D Tea，睇下係咪一樣咁有驚喜先；推介想簡單落樓下食個扒，但又想有D質素既朋友🙌🏻…查看更多

近排係某區群組，紅茶相當出位，追捧要到該區開店；我好好奇，所以今日沙田返工前就碌去紅茶，嚐個味。無記錯間間紅茶都係依個款既類似裝修，全個舖頭卡位居多。侍應人手都幾充足，繁忙早餐時間都唔需要話等落單；地方都乾淨，加入依間紅茶都唔係開左幾耐，整體來講都好新淨。早餐唔算選擇好多，不過不失啦！如果計全日早餐，價錢唔算好貴；其他餐就正常價錢啦！最後叫左個雙拼粉面E餐，餐肉煎蛋米配走甜凍檸茶。份量正常，米粉唔算多，煎蛋有兩隻，算係咁；餐肉方面就，正正常常啦！但係如果可以煎耐少少🤏🏻咁就好啦！同埋餐肉唔算厚切，但起碼唔係薄如卡，都係不過不失系列。檸檬茶方面我就覺得茶底還可以，但略嫌淡口左D，茶味明顯唔係好夠。…查看更多

Y2K風韓式餐廳😋難得星期六放假，今晚決定同另一半去遠D覓食，最後過左來諾士佛臺食晚餐，今次就食左間Y2K風的韓國餐廳 - 啤啤Bear韓國包車🚙餐廳都幾大，係有鐵桶座位既韓國餐廳，裝修充滿Y2K風，周圍都係玩味十足既粉紅心心💗同啤啤熊裝飾，相當青春。另外仲有好多籃球機、街機裝飾，打卡影相一流啊！餐牌得一張，但應有盡有，例如韓式炸雞、炸醬拉麵、煎蛋卷等等，睇到我都花多眼亂；加上可能好耐都無食韓國野，好似樣樣都想食咁。加上一坐低侍應姐姐已經俾左辣泡菜同辣芽菜俾我地，搞到已經菜未叫嘴先動😂不過泡菜同辣芽菜相當好味，九成似係韓國當地食個D，夠鹹辣！最後我地分別叫左四款野食同兩杯野飲，野飲就叫左粉紅西柚特飲🍹同蜂蜜檸檬特飲🍯味道上就粉紅西柚甜D，蜂蜜檸檬就清爽D，各有各特色。Butter x Garlic無骨炸雞牛油味唔算重，蒜味略顯淡D，如果唔係重口味人士一定OK！炸粉唔厚，雞肉多汁，相當唔錯啦！同埋份量都唔少，真係有D意外！大發！芝士鐵板黑松露炸醬拉麵好鬼認真咁俾左個gas爐上來整融D芝士，個麵本身一上來未整熱已經好香黑松露味，整熱之後更香，撈麵芝士無得彈🫰🏻同埋個麵軟硬度適中，加埋芝士無敵！我地係秒清左個拉麵😅小食拼盤可能係前面兩個太驚艷，小食拼盤好似有D比下去；雖然種類都豐富，有炸餃子、炸菜粉絲卷、炸年糕、炸魷魚圈各兩件，額外仲有小量薯條。味道還可以，但兩個人如果唔係大食量未必一定要點。海鮮煎蛋卷海鮮卷個樣相當飽滿，上面滿滿蟹籽，切開亦都熱辣辣，仲有海鮮tim～份量比想像中大份，不過如果同平日既芝士餡比……我都係會食返芝士🤪最後兩個人食到摸住個肚走，超級豐富；由於太飽了，未有機會食個米酒冰沙，下次再來食過😋…查看更多

今日放假，同屋企人出左大埔搵食，因為落雨又要就腳程去買菜，所以揀左係大埔昌運食。見依間咪走雞午膳時間都好似好旺，加上從來都無食過，就入去試下。環境方面，普通茶記裝修，但衛生情況好一般🙃地下有明顯垃圾、食物殘渣；檯面都有少少油。不過都係個句，茶記就唔好咁高要求。午餐方面選擇還可以，都係一般茶記必備：但午餐來講，小炒明顯小貴；加上想簡單食，所以我地叫左一個叉燒燒鵝瀨粉同一個皇牌厚切豬排焗意粉。個叉燒燒鵝，上台個下顏色都唔錯，份量都OK，但食落先發覺大部分都係骨，根本無幾多肉，真係失望啊🥲味道正常，但份量方面我就覺得要留意下，食燒鵝嘛，唔係食燒鵝骨🙃焗意粉方面，唔算等好耐，厚切豬排唔算好厚切，亦都唔係完整一塊，而係切好左既，大約4-5小塊，但有小小焗過龍，有d番茄燶到有D苦。意粉明顯煮過龍，發曬之餘仲要無調味，好淡口。但豬排就還可以，唔算柴，調味都算適中。整體來講，份量都足夠。但整體而言性價比唔高，食物價錢偏貴，叉燒燒鵝瀨粉仲要貴過個焗飯，真係頗失望a🙃…查看更多

今日放假，碌左去大埔搵食，之前經過大元街市都已經好想來依間Kuri Cafe，但次次都見好多人，所以今日一早過去，想食個休閒早餐🍳早餐選擇唔算好多，但cafe來講都好足夠；早餐本身配左杯茶，但有需要可以額外加其他野飲最後我叫左一份煙三文魚碎蛋酸種多士配熱Latte，多士略顯乾左少少，但份量好足！碎蛋沙律唔算好濃味，我自己口味清淡D，所以覺得剛剛好！仲要杯Latte拉花靚到呢😻唔係普通心心，係玫瑰啊🌹真係好意外🫶🏻另外舖頭係寵物友善，會見到好多主人帶狗狗來食野，又係另一個風景線🫰🏻推薦住大埔又有養寵物既朋友仔來，同寵物一齊撐台腳！…查看更多

今日繼續沙田開工，周圍碌繼續碌去沙田中心覓食；最後揀左依間開左幾間分店既初遇，主打係台灣嘢。我中午時間去，人唔算多，唔需要等位就可以入座；侍應唔算多，所以落單要等左陣。午膳有唔少套餐可以選擇，亦可以有D小食加配。好多都係特色台灣麵、飯🍚我最後揀左個藥膳花雕雞卷手工麵，其實好多都想試，不過見好多人都揀雞卷，所以我又試下；套餐免費加配既台式飲品有限，我最後揀左冷泡阿里山綠茶。味道方面，一上個麵……係 超 級 香🤣真係有D意外，老實我對依類型連鎖式既台灣食店係有小小保留。但係個湯底的確有驚喜，仲搞到我忍唔住飲左啖湯😅味道唔算太鹹，藥膳味唔算濃，雞味幾多，重點係飲到結尾有淡淡花雕酒味。老實湯頭真係好唔錯！手工麵方面中規中矩，無特別驚豔，煮得唔會太淋，因為本身我都唔鍾意淋麵🍜雞卷肉質唔算嫩滑，但係好入味，無痴牙🦷但有個問題，好似浸得有D耐，所以一夾就散。其他野我就未試過，但係依個藥膳湯可以再試😋…查看更多

好耐都無來沙田做嘢，今日又到一期一會，今次揀左去吉野家食早餐。好似真係好耐都無食過吉野家，心血來潮想食個早餐🥰早餐來講，吉野家選擇算幾多，重點係全部都唔過$40，相當經濟實惠！之前係附近幾間茶餐廳食，一個早餐起碼$4x，所以經濟來講吉野家真係無得輸。同埋有麵、粉、飯各種熱食，真係相當唔錯。最後我揀左一個A17迷你牛肉飯配玉子，唔食玉子可以揀炒蛋；額外+$3要左杯凍檸檬茶、同+$6要左個關東煮🍢飯既份量唔多，但早餐來講都O K，當然如果你胃口大小小就一定要叫多份其他野。牛肉份量都唔多，但我個重點放係D牛汁同洋蔥🧅度，所以小小份量已經夠曬！經過我一番DIY後，自家版迷你玉子牛肉飯誕生了：至於個個關東煮🍢，就Ok啦，$6雞貨仔；一兜已經有兩塊蘿蔔、1個芋絲同一個獅子狗。還可以啦～…查看更多

為食貓🐈今日難得放假，即刻去Dear Coffee朝聖💙我boom mark左好耐，只係一直未有時間來。舖頭位置離大圍車站有段距離，行過去大約15分鐘；但係慢慢行，絕對唔遠。不過舖頭有D隱蔽🤭要細心先可以發現到喔🤗餐廳主要係日式簡約裝修，仲有吧台，可以近距離聞住咖啡香☕️加上我今日過來係平日，所以人唔多，好chill好慢活，可以坐耐D食慢D。本身打算單食個Bagel，但係見到D早餐meun又好似幾好，所以最後Order左個Jumbo Breakfast同一杯Cold Latte😋🥯🍽️杯Latte比我預期中細左少少，但係味道唔錯，係濃厚堅果風味🥰Jumbo Breakfast都幾大份，但係菜同生果份量真係少左DD，少D煙鴨胸多D菜同生果就好啦😝炒蛋略嫌多左少少油，台灣腸同煙鴨胸味道中規中矩。主菜呢…….就係個半個Bagel啦🤤煙靭鬆軟，放凍左都依然keep到鬆軟，淡淡小麥香味；配肉配三文魚都好好👍真係值得讚🫶🏻📍Dear Coffee & Bakery (大圍)…查看更多

今日同朋友一行四人山長水遠來荃灣試新潮大排檔，好耐都無食過大排檔，因為價錢實在有D貴🙃先睇睇個餐牌，款式都唔少招牌野都唔少，最後我地試左個「陳伯痛風餐」再散叫左個黃金椒粟米同墨魚餅，埋單$900有找😋價錢來講真係算得上抵食，碟頭夠大，絕對好過好多街市既大排檔多多聲！加上地方都乾淨，唯一搞唔掂就係個冷氣🙃真係熱到呢🙃豬肺湯相當醒神，真材實料，鍾意飲湯記得試！出名既豬油撈飯同炒蜆，豬油飯算唔錯，係細碗左少少🤏因為叫套餐係要額外加$8碗先食到🙃炒蜆偏甜，但還算新鮮，無沙黃金粟米還可以，但我自己口味上就鍾意乾身D既，所以略顯濕D其中椒鹽鮮魷就係相當不錯，散叫都可以試，份量同味道都唔錯👍…查看更多

今日同朋友仔約係旺角食飯，因爲想搵個地方坐耐D，就book左依間一人一鍋邊爐試下。加上係openrice book位有85折，所以就揀左。到左發現依家原來做緊二人同行八五折，但就一定要揀$278以上的套餐。最後我地揀左最平個個$278套餐。一坐低每份肉都送左一份上來，肉質都唔錯，但當然亦都唔可以話相當好，因為我地都係幫襯平餐，無咩靚牛食。同朋友仔一人叫左一個口味既湯底，朋友仔個個係喇沙，我個個就雞白湯。湯底唔算好濃味，甚至朋友仔覺得有D淡……唔知係咪依家潮流興，依度食物碗都有湯隔；自助吧食物中規中矩，但就唔算好多嘢揀，但有八五折，都還可以。…查看更多