yukari的个人专页

見完客5:30提早同朋友食晚餐。叫左3樣食物。1)韓式芝士炸雞芝士好快乾，炸雞淡而無味，好乾，麻麻地，唔太建議食，可能我重口味2)海鮮豆腐湯味道唔錯，夠辣，海鮮有蝦，蜆同魷魚，都足料3)韓式炒粉絲(牛肉)味道啱啱好，牛肉亦落得唔少，份量亦充足，呢樣我覺得最值得order4)韓讚生果茶每人叫了一壺，味道唔太甜，水果亦放了不少原先只可享用1.5小時，最後冇咩客關係，冇趕我地走。服務都可以，雖然餐廳有點似食快餐，都抵食，每人150元。…查看更多

去完同一幢內的一間旅行社參加茶會後，很快地選擇呢間新新地既餐廳。因臨時決定冇喺openrice訂位享有85折同asiamiles, 不過都照試下。 火焰壽司全部師傅已調較左味道，所以我冇用過豉油都相當啱我個人口味。澳洲和牛沙津，澳洲牛一向我都喜歡，師傅燒到啱啱好配沙津菜，沙津汁我估係油醋汁，亦是我喜歡的，值得一試。鯛魚白湯，魚湯鮮味夠，比起之前去四國鳴門飲的鯛魚湯更有魚湯味，夠濃，鯛魚亦很鮮味，食材相當好。黑松露硯湯，夠特別，黑松露味道同硯味一併都可以，不過我只試面嗰一啖，硯唔係我食就不作評價了。食物精緻上菜亦唔慢，服務好，可能我地早左食晚飯，客人唔多。下次要試下飲佢地既cocktail同酒。…查看更多

一早喺openrice訂左位，星期六下午2點去到不用等亦唔check我有冇訂位已經可以入座。基本上假期呢個時間唔訂都得，可能位置對某些人來說唔太就腳。兩個人點了磨菇pizza同蒜香蔬菜烤雞。唔知係咪呢間餐廳有一個大烤爐關係，個pizza相當香口又好味，冇肉pizza一向唔會係我首選，但試完呢款pizza都可以再試。烤雞唔知係咪本身肉質問題，無咩味，如果再幫襯，我個人唔太建議呢款，浸喺蔬菜汁裡面既雞唔太好味，食唔出烤出黎雞既香味。服務方面可能冇咩客人，服務員都好清閒行來行去，態度都ok。…查看更多

今次完全冇影相。 根本唔想影。一行人8大人1bb 入坐靠牆的大枱。 由於本人早到關係，便詢問有關大閘蟹價錢，一位中年侍應可能見我食唔起，講了價錢後不斷想行左去，我再問幾重，完全求其答。 觀察後看來應該主要做熟客，隔離枱已有一對巴巴閉閉大大聲夫婦不斷話成日黎。我地叫了12位3680的菜單。 上菜快過快餐，令我地未食完一樣，第二樣已經凍晒，尤其素菜飽，食時係凍既。。。我已經向其中一位中年女侍應反應，當聽唔到。 食物質素普遍不差，但唔係好好，雖然座無虛席，唔憂做。 坐左個幾鐘，我爸爸叫一位中年男侍應加茶葉，佢大聲話佢要做左緊要事先，好難頂。 一餐為左慶祝我媽咪生日開心飯變得好不值。埋單$4300， 同一位中年男人收錢即刻態度變良好。。 放心，應該唔再幫襯。 順屬個人經驗，唔會建議大家唔好再幫襯。…查看更多

同2位知己今次選擇一間之前未黎過的餐廳, 前身應該係SML, 訂左位關係, 一黎就可以入座, 座位舒適, 起碼唔會限時先。menu就係放喺枱張紙, 首先點了好多人會叫的'脆香豬皮', 炸得好脆, 不過真係脆到食唔出係豬味, 但好香口。再黎豬肉腸配薯茸, 豬肉腸一切就散晒, 撈飯就差唔多, 而我較鍾意個薯茸, 好滑同調味得好好。最後豬肋骨配椰菜絲沙律同伴白飯, 豬肋骨味道不過不失, 稍為未夠惹味。 冇試個飯, 不過友人話係有味飯。水係要收費, 不過$5一位都總算公道。 始終時代廣場貴租。友人都不太喜歡呢間食物, 應該唔會再光顧。…查看更多

友人相約醜小鴨到公主餐廳。。。 第一次黎感覺環境有點簡單，訂左位但基本食飯時間以為人會多，最後都只係得5至6枱客。我地點左沙律同意粉再加餐湯。是日餐湯係洋蔥湯，老實說加30元尚算可接受， 湯稍為過甜，奇怪點解會過甜，但湯面既飽就唔錯，仍有咬口。呢份係我瘦身主菜， 份量稍為少但醋汁係我至愛加上火箭菜同三文魚夾埋幾唔錯。 可值得再食。友人點的意粉，芝士味極濃， 稍為試左一啖， 麵條稍為硬，但仍可接受， 味道唔錯，尤其喜歡芝士的人來說較適合。餐茶只簡單點了凍檸檬茶， 茶味夠。兩人埋單280元。 …查看更多

呢間無印餐廳基本上我一個月會黎1至2次，因為唔駛等位又好坐。今次叫了呢款九品季節料理，重點推介第二行左1的薯仔沙律，味道非常好，好開胃又飽肚。右下角的雞肉亦不錯，味道配得很好。 本人最唔愛吃紅菜頭，左下角的紅菜頭沙律令我對佢有返興趣。第二行加1的魚反而係最麻麻，較硬身但魚味都幾重。基本上佢地會間中轉下呢款季節料理，對於貪新鮮既我非常合適。份量都幾大同好飽，可以作為晚餐。…查看更多

懷石料理總係覺得喺日本先可以食到，今次有機會喺香港試到總算難得，價錢雖然個人認為比日本貴很多，但環境,服務,食物品質都算唔錯。 起碼可以難得一餐飯令自己放慢節奏慢慢品嚐美食。…查看更多

第一次試佢地tea set, 試左呢個有牛扒的big salad, 菠菜底，沙律汁略甜不太喜歡但可接受，牛扒近乎全熟有點硬但味道不錯。 由於冇食lunch關係，份量剛剛好，唔太飽。飲品點了普通的熱檸茶，茶包夠濃我最愛。呢間餐廳經常都有空位不用等位，服務亦不錯。…查看更多

意外地選擇戶外只等3分鐘，天氣有點熱但仍尚可。蘑菇湯好好飲，有粒粒蘑菇喺湯內，有咬口。牛扒三文治，旁邊的火箭菜加左醋汁好醒胃，牛扒啱啱熟，但略嫌底下塊多士濕得快。自家製iced tea裡面放左橙，味道不錯，但有點過甜。…查看更多

一日前訂定枱, 早左15分鐘到達, 7:15即時可入座. 店內已差不多坐滿. 除左bar枱.(因店內太黑, 今次唔想影相)一入座, 店員立即送上一碗前菜~ 著蓉, 味道都可以, 唔好以為係免費, 呢樣野係每位收$15. 我地兩人, 收左$30.手羽先唐揚 $65 (5本)我地選擇左中辛, 炸得好香口, 真係好好味, 辣的感覺, 似係因為加了七味粉. 石蝦天婦羅沙律 $88沙律加上黑醋汁, 我既至愛, 所以味道好醒胃, 但廚師落得好重手, 食食下有時都咳左幾下. 加上炸蝦, 炸得好酥, 蝦身仲好爽.軟殼蟹牛油果卷 $145呢味係今次order最貴的一味, 軟殼蟹炸得一般, 配上牛油果加上蟹子, 味道都ok, 但都係一般. 下次可以唔order, 試下其他食物.串燒- 雞軟骨, 栗米, 豬頸肉 $25, $25, $28確實都不過不失, 燒得都好香, 味道亦不錯. 服務真係好, 不停幫我地refill茶, 見佢地快手快腳, 經常四圍睇有咩做, 確實不錯, 值得再幫襯. …查看更多

同友人6:30到達, 安排了靠window 的二人枱.今次係法國做主题, 當然要試下, 不過稍為有少少失望, 太少款式. (1)Parma Ham+蜜瓜味道不錯, 蜜瓜超甜(2)法式海鮮湯(無影相)不濃, 海鮮味不足(3)海鮮選擇多, 有長腳蟹, 螺, 大蝦, 青口.. 全部大大隻(4) 魚生選擇不多, 普通的三文魚, 吞拿魚, 甜蝦, 八爪魚, 仲有一款魚(唔記得), 全部都好新鮮(5)沙律款式亦相當多, 泰式木瓜沙律, 鵝肉沙律, 著仔沙律, 蝦沙律等, 味道不錯(6)其他有印度, 日本, 中式等等供選擇(7)本人推介燒大蝦, 超惹味, 仲有串燒(冬菇,多春魚)(8)甜品款式亦非常多, 因室內太黑, 無影到相. 最鍾意就係有macaroon, 好多味道供選擇, 放到好似座山咁.生果除左普遍的西瓜,蜜瓜, 火龍果, 亦有較少見的紅毛丹.用HSBC或BEA白金咭有折扣…查看更多

同男友約7點到達, 無人等位, 裡面大把位, 但無人得閒執枱, 所以我地都等左5分鐘.車仔麵粉絲(本來叫檬粉,不過黎錯左,算啦); 墨魚卷+豬紅; 沙嗲汁個湯底真係好麻麻, 豬紅碎到; 墨魚卷好好味車仔麵油麵; 腐皮魚卷+牛柏葉; 沙嗲汁腐皮魚卷好好味, 並唔似一般的出面食到的, 埋腐皮好大塊包住細細的魚肉小食: 瑞士雞翼好入味, 一碟4隻蜆芥鯪魚球$20有4粒, 真係一定要食, 外面有炸米粉,裡面鯪魚肉好彈, 好好味洒醉雞翼尖洒味好濃, 好入味由於缺乏人手(又可反應有工無人返), 好多怨聲, 但服務態度仍唔錯. 值得再去.…查看更多

晚上7點左右同媽咪到達, 唔駛等位.今次叫了幾樣, 好飽.海鮮烏冬 $55有青口, 蝦,蟹柳, 味道淡淡地, 麻麻.日本枝豆熱辣辣送上, 加了鹽喺面, 好好味, $26一大盤, 都抵食.鹽燒鯖魚 $52燒得好香, 唔腥, 好好味炸蝦天婦羅 $58有6條, 蝦唔係太大隻, 都仍爽口, 味道幾好.菬大雨的一晚, 仍有不少街坊黎幫襯. 服務唔錯. …查看更多

1:30到達, 大熱天時, 喺門口已經等左半個鐘, 流晒汗. 我點了魂豚骨拉麵,麵質-硬; 湯濃度-中; 再追加玉子.份量比其他拉麵店少了一點, 但對不太大食的人來說都可以, 麵質同東京吃的拉麵都幾似, 湯底豬骨味都有, 不過下次可以選擇再濃些會較好.玉子稍為明顯幾凍下, 不過味道不錯, 本人覺得好味過豚王. 座位供應少, 服務都好好, 不過我發覺洗碗阿姐得一位, 喺我地面前見到的角落好快咁洗, 乾淨程度似乎一般, 對筷子有發霉跡. …查看更多