leungtintin0214的个人专页

晚上與友人到三代目食日本菜，首先侍應的服務態度友善，環境都很寧靜舒適，感覺令人舒服！响呢個咁正既環境，心情都好啲，叫好西都會叫多啲～ 彩虹凱撒沙律呢個沙律唔單止好食，仲好新鮮，而且材料都好特別，例如有鮮橙肉、南瓜片、彩椒絲等，相當鮮甜，加上溫泉蛋在面，吃之前將蛋汁攪拌混和沙律，還吃到蛋香，十分美味！ 鹽燒魷魚筒魷魚筒真係無法抗拒，原隻魷魚筒鹽燒後斬件上，吃入口會吃到滿滿的魷魚香味，而且也很彈牙，好味！ 串燒手羽及菠蘿還叫了2種串燒，手羽的肉質相當嫩滑，而且烤燒的時間剛剛好，烤得雞皮脆口。而燒菠蘿相當清甜，值得一讚的是廚房職員很細心，特別將菠蘿肉全起再放回菠蘿皮上，讓客人吃得輕鬆，好正！ 鹽燒牛舌丼牛舌彈牙爽口，而且會吃到牛的香味，醬汁都做得剛剛好，不會搶去牛舌的味道之餘，還會令牛舌的味道提升，好味道！ 味噌甲羅燒呢個甲羅燒真係不得了，蟹膏一吃便知道並非罐頭產品，加上蟹籽及蛋汁混和，放入口會感受到蟹膏的味道充滿整個口腔，吃時可先鋪一塊紫菜，加一口飯，再加一口蟹膏，簡直係美妙的組合，必推！…查看更多

前幾日入左將軍澳探朋友，順便一齊食晚飯，大家都想食下台灣菜又想打下邊爐，所以試左呢間餐廳可以一人一鍋。 我地叫左2個鍋，一個招牌臭臭鍋，一個沙茶牛肉鍋，2個鍋既食材都幾多，而且仲可以配飯或粉絲，我地2個都鐘意配粉絲，因為啲粉絲可以索埋啲汁一齊食吖！ 跟住好快就上埋3個小食，我地叫左一份海鮮拼盤、柚子蜜雞翼同麻辣臭豆腐，啲海鮮都幾新鮮，食到有甜味吖。雞翼都炸得幾脆口，但裡面仍然好juicy，配埋柚子蜜，食落都好醒胃。 麻辣臭豆腐我覺得係勾起响台灣街頭食臭豆腐既感覺，一上菜就聞到佢陣獨特既臭豆腐味道，食落口就食到臭豆腐既味道，豆腐面鋪左麻辣椒粉，雖然有啲辣，但辣可以帶出豆腐既香口味道。 食台灣菜無理由唔叫台式飲品，我地叫左滿杯紅柚子同芝士茶王8號，2杯飲品上菜時紅柚子既紅色都幾吸引眼球，飲落去酸味味，好開胃！芝士茶王面頭果層芝士好厚身，仲好濃芝士味，撈埋下面既茶，味道好夾！好好飲！…查看更多

有日經過太安樓，見呢間既門面幾日系，佢啲漢堡包好似幾好食咁，就入左去試，不過最後又冇試到漢堡包，反而試左佢個僈煮美國封門柳丼，封門柳肉質鮮嫩幼滑，仲好有牛肉味。另外佢個車厘茄甜甜酸酸，好開胃吖！另外仲叫左一個魚湯烏冬，個魚湯真係一流，好有魚味，令人難忘，一滴都飲晒，下次再黎時會再試佢個漢堡包既！…查看更多

前幾晚去太子行街食飯，突然好想食日本菜，就去左呢間餐廳，叫左一份四色魚生丼，同一份北海道雪花牛肉鍋。魚生丼包味噌湯同茶碗蒸。味噌湯味道較濃同鹹，魚生丼既魚生都好食，但冇乜鮮味。牛肉鍋都係較鹹，之後要飲好多水先解到渴，所以整體較一般呀！…查看更多

今日中午難得有空閒及齊人與同事一齊打邊爐，就揀左呢間餐廳。佢個中午火鍋放題都算係幾多嘢食，熟食如炸地瓜條，甜不辣，炸魚腐條，百葉豆腐等等都整得幾香口好食，而火鍋既牛上肩肉好有牛味，肉質又夠林，好好食。飲品任飲，火鍋配料都幾多元化，有唔同既菜，丸等等，仲有雪糕食，服務都唔錯，侍應一見有食完既碟都會即刻收走，騰出更多空間，所以都唔錯吖！…查看更多

有晚好想食台灣菜，揀左呢間餐廳，叫左紅燒牛腱心牛肉麵，台式滷肉拌飯，金梅地瓜條，一杯珍珠奶茶，同一杯鳳梨綠茶。先講牛腱心，好入味又夠林，啖啖都食到牛肉香味，麵都夠爽，湯好香。滷肉拌飯真係必點，因為好鐘意滷肉撈飯，滷肉味道好好，唔會太油膩。地瓜條係炸，不過配金梅粉，酸酸地感覺上中和返果個酥油感。珍珠奶茶既珍珠煙靭有嚼勁，鳳梨綠茶甜度適中，又可解膩，值得推介！…查看更多

前幾日到過黃埔食下午茶，去左呢間食點心，呢度有下午茶套餐好豐富，燉湯加蒸飯或點心拼盤，再另加一份糯米包，2個人食都勁飽。點心大粒粒，又唔會鹹到‘’那‘’脷，而且都好足料，糯米包有臘腸做涵，好香口。燉湯就叫左椰子燉烏雞，湯清甜又足料，雞肉夠滑，正！…查看更多

前幾日去太古城中心行街，都唔知食咩好，見有日系食堂，就入去試下～叫左一份名古屋香辣炸雞撈麵，同一份鐵板牛肉炒飯。個撈麵真係幾辣，鐘意食辣既朋友可以試下，炸雞係幾好食，幾脆口。而鐵板牛肉炒飯其實都冇炒飯，雖然牛內燒過幾好食，但墊飯既煎蛋勁鹹，擺唔到入口啦！整體而言，鐘意濃味既朋友會幾嘉愛吖！…查看更多

今日在元朗玩，經過呢間裝修簡約既Cafe, 睇menu 見有最愛既牛油果多士，所以毫不猶豫入左去，叫左一份牛油果多士，一份All Day Breakfast, blood orange, 同一杯凍cappuccino。等唔夠5分鐘就有食物上啦，牛油果多士鋪好厚既牛油果蓉，好正吖，側邊仲配新鮮既沙律菜，配搭好fresh 既blood orange, 好正！All Day Breakfast有水波蛋配煙肉，大啡菇同沙律菜，仲有備長炭多士。味道好好，Cappuccino 好香，多士好新鮮好脆口，不過水波蛋煮過左龍，蛋黃熟左咁。整體都好食，值得推介！…查看更多

今日有工作在身黎到新蒲崗呢頭，諗住是但食個晚飯，穩陣啲叫左菠蘿海鮮炒飯，老細幾nice ，捧左碗大湯碗既蓮藕湯，咁個湯係正常發揮既湯水，都幾好飲～而個炒飯都好大份，而且都算多海鮮料，雖然粒粒都比較細粒，但應該都落既調味都好少，無乜鹹，好難得食茶餐廳既嘢食之後唔洗狂飲水吖，所以我覺得呢間小店都值得支持一下既！…查看更多

有晚响新蒲崗食晚飯，入左呢間試下，叫左一份豆豉鯪魚油麥菜，有白飯同湯，份量真係幾多，油麥菜同豆豉鯪菜都好多，最重要係有菜味又唔會過鹹，幾有住家feel，個湯係雞腳湯，都幾有屋企煲既咁，都幾好食呀～…查看更多

中午唔知食咩好，又唔係好想食飯咁飽, 所以食呢間車仔麵，其實佢比一般車仔麵無咁油，味道都較濃。今次叫左水魷，蘿白，陳皮魚蛋同生菜，陳皮魚蛋好有陳皮既味道，同埋肉質都夠實正，蘿白都好入味！…查看更多

平時為左健康都盡量少吃公仔麵，不過呢個辣魷魚公仔麵真係好難抗拒，魷魚夠爽口，再加辣汁配公仔麵，簡直係一絕！早晨配埋腸仔炒蛋同脆脆既火腿牛角包，好好食！所以過去果邊做嘢，都一定會去點個辣魷魚公仔麵早餐黎吃既，勁正！🤩🤩🤩🤩…查看更多

有晚約左朋友响黃大仙食飯，揀左呢間餐廳食，餐廳艮環境唔錯，外面都有座位，有位先生响度自彈自唱，氣氛好Chill ，果位先生唱歌都幾好聽，不過因為有人食煙，即使我同朋友坐室內入啲既位置，都聞到好大陣煙味，扣左啲分。😤😤😤食物方面，我地叫左福建濃湯炒麵，食落去好似用油麵濕抄咁，不過味道ok, 另外叫左一份烤魔鬼魚，肉質都滑但冇乜魚味，啲醬汁太鹹，要抹走先食到。😓😓😓最有驚喜既係XO醬炒蘿白糕，食到蘿白絲，仲要好惹味，好食！最後仲有一份咖央多，厚厚既牛油真係幾邪惡，食左啲滿足左口慾就抹走啲牛油啦！😅😅😅…查看更多

茶餐廳本身都唔會預佢好好食，尤其較舊式既茶餐廳。呢間茶餐廳既晚餐其實都幾抵食，因為全部都好大份，一個大碗湯，一個大碗白飯，同一碟餸，仲有一杯熱飲，不過味道偏鹹咯。今日叫左欖菜肉碎四季豆，啲肉碎同欖菜都比較鹹，所以都無食晒，飯後仲要勁口渴要灌水。…查看更多