jinya_kings的个人专页

刺身尚算新鮮，熟食都算ok, 但係價錢唔平，加上服務可以話係冇服務，自助落單，侍應滿面不高興咁，為乜要揀你嚟食？廚師發辦刺身，都只係問下會有咩刺身，有啲魚可能個客唔食得嫁嘛，你可以隨便講幾樣通常會有邊幾款打發下我，但係阿侍應淨係答：「唔知嫁，廚師俾咩你就有咩，同你出面食omakase一樣囉。」 我仲好似欠左男女店員咁，星期一晚，都冇坐滿，為乜要咁？冇下次啦，咁樣千二蚊埋單？？唔係你啲野唔好食，係個客唔需要為你嘅不悅埋單 。拜👋🏼…查看更多

三寶米，價值$56，內容有咸蛋、紅腸、叉燒。紅腸、咸蛋都係嚟貨，唔會出事。又點估到叉燒會係咁大嘅伏啫？首先個樣已經同我平時食嘅叉燒唔一樣，食落個口感係霉嘅，一pat爛肉咁，食舊大嘅仲酸酸地，味道係扮緊叉燒，舊舊都好似五花腩咁肥，仲有啲從來未係叉燒出現過嘅奇怪紋理，懷疑係勁到搞分子料理，隔夜腩仔扮叉燒，到底叫人點食？怪唔之得咁平都冇人排隊啦！大家睇下相，歡迎討論下呢舊叉燒係發生咩事！…查看更多

餐廳concept係好好，行酒廊風格，無奈又要向地產商低頭。餐廳環境好有情調，亦有氣氛，只可惜一直播住啲好嘈好無情調嘅音樂，傾偈都要大大聲，請問為乜？食物質素中下，實在對唔住個價錢。$268一份嘅比目魚扒，下面墊左冰凍沙律，其實係完全唔ok,所謂香煎，上到枱都已經凍哂，擺盤更加唔覺得花過心思。情況就好似去左登打士啲cafe一樣。服務方面，都睇得出侍應們係新到無可再新，一啲餐飲經驗都冇，上菜望到個客個碗擺左係面前，呆左，要個客自行搬開再俾侍應上菜，其實少事一椿，但以餐廳定位，確實係揸緊流攤。實不相暪，餐廳其實真係打緊一手好牌，香港live house係少，呢個位置亦可稱上隱世，之但係價錢、裝修定位高級，但內涵欠奉，有幾多枱客會點頭？…查看更多

外賣唔同客覆單，合埋眼收錢就算，打單收完錢錯左，唔肯改，兇神惡殺要個客硬食，仲要趕客走，點會仲有下次？唔明點解個客要調轉接返個收銀氣，午市好忙做到燥咁點？有邊個唔忙？咖哩牛肉飯係白烚牛肉加咖喱汁，價值$70個餐，俾兩餸飯嘅質素，牛肉完全冇味，咖喱汁似葡汁，冇咖喱汁formula 唔緊要，收返平啲囉。👎🏼贏在地理位置，輸在服務態度，食飯唔飽想受埋氣絕對推薦，淨係想食飯嘅話尖東有好多選擇，無謂虧待自己。…查看更多

嗌左個一人餐$50，可揀三款配菜，蓮藕、甜不辣只有各一片，苦瓜只有十少片，更甚係一人餐嘅雞髀，盒內嘅肉根本冇一隻雞髀，只有數十少條雞肉，完全不值，冇下次！了！！…查看更多

晚市外賣單有八折，叫左個天婦羅定食，原價$85，折後實收$74，當中有$6係外賣盒嘅，一個餐共三個外賣盒，即是收$2一個，其實ok,當餐廳支持環保，下次自攜食物盒好了。最好嘢係定食包味噌湯，餐廳可以俾包即沖粉個客返去自己沖就算？假設個客係買去公園仔食，冇熱水，咁點飲？將包乾粉倒落口，加水含暖，再吞？會唔會太過慳水慳力慳功夫？鮨葵，你剛開業嘅時候啲野好好食嫁，照現時狀況，又正值飲食業寒冬，會唔會諗下點解星期六晚市時間，會完全冇生意？大伏中一次就足以令個客唔會回頭嫁喇！…查看更多

舖仔細細，連豬大大。小店播住廣東歌，雖是日本菜餐廳，但感覺並不反感，反而多了一份地道人情味！武肺疫情期間，小店非常細心，主動提供濕紙巾供客人抹電話mon，少少舉動已非常表達到店舖的用心。所有店員都勤快有禮有活力，今時今日，實屬難得，主動加茶，有笑容，用心聆聽。極力推介鵝肝和牛炒飯，以蛋包飯形式上菜，有驚喜！三文魚刺身不算太新鮮，屬合格貨色。鹽燒雞翼即叫即燒，皮夠脆，有肉汁，惟味道較淡，總體亦不錯。…查看更多

沙嗲牛不錯，但湯比較少，惟有點過咸。價錢合理，凍啡尤其出色。不得不提提此店「主任」的態度，對客人基本禮貌欠奉，一來就是責怪客人講錯餐號，再來就自己聽錯，賴客人講錯，三來是聽錯冷、熱飲數，責怪客人講錯。統統都是客人的錯，皆因「主任」很忙，寫單何必釘上我？如此一間餐廳，食物質素再好，廚子再賣力，但「主任」待客態度如此，是次將會是最後一次光顧。紅磡店生意淡薄，要是敏華高層見字，請好好反思一下，除了商場人流的確偏少外，什麼是「拍烏蠅」的主因？…查看更多

一行四人，良久不見，特意不搭台免阻暢言，候時不久，門口侍應有禮，抵讚！-炸蝦餅油油膩，一般！-飛天炒通菜，夠辣，尚可！-生菜包，冇泰色香料味，一堆豬肉炒埋就算。-青咖哩雞，份量少，好寒酸，雞肉係急凍雞排切片。-炒金邊粉，不過不失，全晚唯一夠熱出煙嘅食物。價錢唔貴，food court質素,各取所需！重點提提侍應問題，全店侍應都好後生有活力、有笑容，好抵讚!但唯一一位矮肥女侍應令我們有點難受，落單冇笑容，態度差，芒果糯米飯食剩一半時，她負責收碟清台，她差點想收起糯米飯，我們特意提點不要收走，但她卻收起所有餐具，試問什麼意思！？算了，她又借意來抺台，拋下一句：「埋左張單先啦！夠哂鐘嫁喇！」我與友人你眼望我眼，也不知有限時，結賬走出餐廳，看看門口張貼了限時九十分鐘，知道了，我們大意！當時約九時，店內有空位，亦無客人等位，點解趕客走？來用餐要受氣，飽了，沒回頭！永遠blacklist!…查看更多

-環境裝修唔錯，但樓底高，人聲加音樂令環境好嘈，唔係好傾到偈。-大蝦意粉、水牛城雞翼皆中規中矩，檸檬Pancake抵讚，清新唔太甜，點埋cream cheese，甜酸味道好出色，Pancake質感似蒸蛋糕唔太乾，好食！-侍應服務失色，餐廳自助形式，餐具、水自取，落單就要叫侍應，侍應們青春無敵，加上餐廳入坐率不高，圍埋出餐位傾偈，理解！可惜，傾夠笑夠，要求幫幫忙攞多少少忌廉芝但全程黑面，睇到都覺佢好辛苦！埋位傾偈現笑面，幫客攞野要拉返黑塊面，時晴時雨真係戲假真做辛苦哂！…查看更多

好耐冇幫襯過啦，見係附近整野就上去食個下午茶啦！點知，轉左餐牌，滷肉飯冇左!咁就改嗌左一個迷你窩夫、雞鎚薯條啦，連一杯蘋果乳酸、香芋奶茶。飲品黎先，明明嗌凍飲，但杯香芋奶茶唔夠凍，個底仲係暖嘅，冰溶哂飲品都只係室溫，只可稱為暖飲！雞鎚薯條價值$38，有兩隻雞鎚「仔」同三十條左右嘅薯條，一隻紙巾盒咁大嘅長方形碟裝哂，仲要放埋醬料碗係碟上，大家可想像分量係有幾多！迷你窩夫配士多啤梨雪糕，有街邊買嘅格仔餅半份份量，一開二，雪糕味假，士多啤梨醬係香精味，最誇張係個窩夫質感完全唔合格冇蛋味，唔熱而且咬落似食緊光酥餅！份量好少但我都係「捱」到半份咁大把！盛惠九十大洋！我光顧過好多次，每次都覺得好食，但今次會係最後一次！…查看更多

High price with low quality! Deep fried chicken are dry and cold, The pan cake are cold as well, it's made with lots of flour, the cake are no taste even though they provide some sources . Will never come back!…查看更多