jasmine.cchan的个人专页

Tropical Island Dessert PlatterChef’s selection of traditional desserts 吃完正餐 當然是甜品的時間，甜品拼盤 由廚師推介的傳統甜點，每位客人有一份。斑蘭椰絲芒果卷 配上斑蘭忌廉 薄餅軟滑，啖啖椰子香，椰絲椰糖再加上芒果，食味一流。海鹽焦糖香蕉蛋糕，濕潤好味，小小的一件 回味無窮。還有一個漂亮的小啫喱，有蜜桃的香甜加上火龍果 還很吸晴呢。…查看更多

周六同朋友去食過brunch，我哋選咗位於中環蘭桂坊的 Poem，這是一個充滿峇里島風味的餐廳，峇里美食就在此。Organic Weekend Brunch 食物也很豐富，首先有多種前菜、沙律等是不需要自己選擇的。Island Fruit Salad 有新鮮的熱帶水果加上果仁和種子，成份天然，開下胃口。Mussel Salad 青口非常大隻，新鮮肥美，配上粟米及醬汁好惹味。Calamari & Beetroot 有魷魚及時令蔬菜伴上 basa gede paste，峇里咖喱。魷魚非常軟滑、新鮮彈牙。Chicken Flatbread 是烤雞肉麵包，每人得壹角，所以特別好味。還有一個炸蝦，新鮮香脆。主菜有四樣，我哋揀咗兩款但係都冇，只可以叫餘下的兩款，Beef Rendang 及Vegetable Curry 。Beef Rendang 峇里燉牛肉這個非常美味，牛肉好入味又稔滑，醬汁香濃，不錯。至於另外一款 咖喱蔬菜 已經唔係好記得裏面有什麼，可能對我唔係幾吸引。這裏飲食氣氛相當好、真的給你渡假的感覺，下次再會你嘗試下其他食物。…查看更多

到Outback Steakhouse 下午茶，選擇好多而且價錢比平日便宜。我叫咗一個 Chicken Quesadilla 燒雞芝士夾餅，這個下午茶套餐還配有餐湯及黑糖麥包，今日嘅餐湯非常合胃口是清淡的蔬菜湯，清甜好味。跟住嚟嘅係黑糖麥包，這個麵包是餐廳的名物，麵包鬆軟熱辣辣的，非常好味，包你食過都會很難忘。燒雞芝士夾餅 係一道非常惹味的食品，烤熱的墨西哥薄餅中間夾有車仔芝士、洋蔥絲、雞肉絲、香草等，口感豐富，半溶的芝士包着雞絲等 非常美味又健康。薯條炸得非常好，好乾身外脆內軟，是剛剛炸起的特別好味。Grilled US Scallops & Bacon Creamy Risotto 烤美國帶子白汁燴飯，帶子大大粒而且很鮮味，白汁燴飯熟度剛剛好，米心還有一點白 very good 。加$18 可加配咖啡或茶啊。…查看更多

今日行過路德圍看見只有一條「豆腐花」隊伍，好奇怪平日兩條豆腐花隊是不分高下，呢排你的，安排我的。今日阿玉豆腐花竟然冇人排隊，走去看過究竟，原來兩間的豆腐花基本都係$3，但因為抗疫期間阿玉豆腐花用一次性的外賣月塑膠碗，所以外賣堂食一律加收一蚊，而隔離的豆腐店都係用平日的食器，所以維持$3。其實兩間豆腐店的質素都是OK的，但我今日選擇了不用排隊的那一間。炎炎夏日叫了一碗豆腐花加咋喳，豆腐花香滑，咋喳夠稔身，好味，透心涼，$4 一個甜品很不錯呢。…查看更多

今早下著大雨但都要出門，辦完事情就去食個早餐。晨早的悅來坊比較清靜，見到KFC未有太多食客，便去品嚐一個早餐。 醒神早餐 好豐富喎，有火腿茄湯扭扭粉、一條香腸、一件香脆薯餅、一個香蜜鬆餅及餐飲。其實我最喜歡的就是KFC的香蜜鬆餅，因為早餐之後便停售的。這裏的鬆餅好香牛油味，外面脆裏面夠濕潤，非常之美味。如果可以另加牛油的話就更加完美(是實上是冇的)。今日整個早餐的質量都非常好，可能還未有太多食客，所以每件事情都做得好。薯餅香脆，香腸夠熱又好味，火腿扭扭粉分量足夠而且扭扭粉的質感非常好，讚。餐飲奶茶香滑，好合我口味。…查看更多

太耐冇跟朋友聚餐，今日一齊去食個brunch ，位於如心廣場商場二期一樓的 Marka House 是我第二次光顧，當然上次有愉快的用餐經驗。香脆魚柳全日早餐 $78，另外添加沙律和餐湯 加$32，飲品改為特飲加$18。沙律菜非常新鮮加上一片肉腸，餐湯是南瓜薯仔湯，味道也不錯。但魚柳就真是麻麻哋，好硬身，冇乜味，唔推介。蘇格蘭煙三文魚班尼迪蛋 做得唔錯，荷蘭汁調校得唔錯，流心的蛋流出但不會太瀉，蛋汁、煙三文魚加上麵色很合拍。我還叫了一個青檬薄荷梳打特飲，好清爽。…查看更多

下午茶時間 想食啲濕濕地嘅嘢，又想飲杯凍冰冰的飲品，見到越北牛肉粉便去排下隊，好快便可入座。我哋都叫咗香茅豬扒湯檬粉，飲品本來想叫珍多冰，詢問服務員有冇珍多冰，他說有的，最後來了 椰汁仙沙冰 不一樣的，真係有啲失望。香茅豬扒湯檬粉 味道都唔錯，但檬粉唔夠稔比較硬身，但朋友說佢覺得OK。香茅豬扒味道還不錯，又稔又滑，可以呀。…查看更多

去悅來酒店買東西，路過一間餅店，嘩！好香的蛋味，蛋糕味，入內看看，色香俱全，買了兩款，有禮的店員替我們將蛋糕各分成二份，我和朋友分享。其實古早湯麵蛋糕 有好多種口味包括原味、芝士味、肉鬆味、伯爵茶味、紫薯味、朱古力味和榴槤味等，當然每款的價錢都不一。今日我選了最基本的原味和肉鬆味兩款，要試下它的蛋味和質感。回家時蛋糕還是暖暖的，好香蛋味，糕身很挺，切開時沒有太多碎碎，很柔軟綿滑，保持一定的濕度，有質感。吃的時候沒有需要飲水的感覺，色香味俱全。肉鬆的那款也不錯，蛋糕加上肉鬆的少少鹹味，好吃😋。…查看更多

Acai Bowl 巴西莓果碗 係一種好食又健康的小食，聽說是始於巴西的小食。Supa 取於 Super 的諧音，bowl 入面有你所喜愛的正常水果。來自巴面的Acai Berry 巴西莓 被譽為神奇水果 含豐富的抗氧化成分，提高免疫力，外表似藍莓但較硬身，酸酸甜甜。今日選了Powerbowl 底層是巴西莓+有機米蛋白粉，質地在雪糕與沙冰中間，天然好甜味，吃得好舒服。這個bowl 的水果有芒果、奇異果、香蕉再配上亞麻籽，椰絲及脆麥片，既健康又好味，微甜少少酸，好開胃。你說是小食，其實也可當個輕量午餐呢！…查看更多

一去ikea 家居美食站，立即看下有冇出新口味新地筒，有「愛文芒果新地筒」，顏色好像好漂亮啊，味道就唔知如何呢。$5 一個新地筒實在好抵食，味道是清香甜味，因為愛民芒不似呂宋芒的香，所以味道唔濃，但食落有啲似沙冰嘅感覺，冇咗雪糕嗰種柔順，但係都唔錯。…查看更多

第一次食「波士冰室」的出品有彈有讚啦，叫咗一個「出爐麵包早餐」沙嗲牛肉+雞肉腸通心粉 配火腿奄列 及 出爐麵包一款，餐飲熱奶茶。首先上的是菠蘿包和熱奶茶，奶茶帶少少苦，唔係好夠奶，冇滑滑的感覺。菠蘿包就普通啦，外皮都脆但包底有些粗，不太好。火腿奄列 油比較多，但係可接受的程度。沙嗲牛肉雞肉腸通心粉就非常好味，沙嗲牛肉鮮嫩可口，汁醬香膿，雞肉腸因為油炸過 所以好似多咗一層衣，炸過的香腸沒有那種雪藏味，又幾可口。…查看更多

急凍挪威煙三文魚好味好多時都會喺IKEA買急凍挪威煙三文魚用來做三文治🥪，有原味 成份有三文魚和鹽，香草味口味味道比較濃郁，成份有三文魚、鹽、糖、白胡椒、叼草等，三文魚都係在挪威養殖，經過加工而成。如果直接食會比較鹹，所以用來做三文治係比較理想，可以加上蕃茄、蔬菜、炒雜菌等，一個非常簡單方便的午餐。每包三文魚有200g，售價@$66.00,今日安裝了yuu app，買兩包三文魚有八五折。…查看更多

行過 味千拉麵 見在有個限定套餐好似好吸引，試試吧。其實這個麵比下午茶貴很多，叉燒拉麵套餐$28，這個要$58，試下值唔值。喜歡他們的形容這個套餐的口號「營養滿滿，免疫力up!」第一口吃蟹柳，冷冷的要扣分，其他還有小元貝，蝦仁，魷魚鬚及好多蔬菜，尚好。乳白色的豬骨濃湯味道不錯，這比叉燒拉麵的湯頭清，所以你會感到麵條比較清爽。…查看更多

工作累了 最好當然係食番一個豐富的午餐，今日就試下COSSI 的lunch set，見到好多食客都叫了牛扒餐，一定係唔錯的選擇。午餐 我選了餐湯 番茄濃湯，真係好濃郁好好味。炭燒澳洲牛肉眼扒配薯菜，牛扒當然叫五成熟就 perfect，嘩！好大件的炭燒牛排，肉質很稔滑，五成熟的粉紅色，色澤迷人，口感唔錯，雖然牛味唔係太濃，但這個開心價錢 交足貨啦。我好喜歡佢哋嘅薯菜，薯仔好香、菠蘿塊是特意將它的自然花紋顯露在乘客面前，這也令這個牛扒餐生色不少。餐飲的咖啡也很不錯，濃香幼滑，還奉送藍莓芝士蛋糕，這個就不是我的喜好，但有一個甜品就是有完美的句號。…查看更多

正和軒飲茶又平又好吃跟朋友到正和軒飲茶，第一個印象是店員及部長很有禮貌，又會介紹時令的食物給顧客。酸菜魚米缐 現在是推廣價， $98有一大鍋，味道不錯，他們是用脆肉鯇魚做的，魚片比較爽身，跟我平常到深圳吃的有分別。其中一位朋友平日唔吃辣的也説很香花椒味道，這個辣都可以接受。我們還叫了雞包仔、鳳爪、腐皮卷、黑白蝦餃和薑汁糕等，每樣點心都做得不錯，下次可以再來光顧。…查看更多