riflydondon's Profile

叫左一個嫩雞煨面$88小籠包4隻$54無叫野飲埋單$191加一十幾蚊茶位兩個人共$24蚊杯茶係茶記比你一個膠杯用黎浸住筷子嘅樣子，飲晒杯茶要你嗌先會加比你咁嘅款野食的話，正常小店，無驚喜亦都無失望你會問我，喂人地個menu一定有寫要加一要茶位，你自己唔睇戇居姐但戇居同有common sense都應該可以共存掛。我嘅common sense係，地鋪小店大約十二個位，木板凳，QR code落單，普通新式冰室裝修及感覺。QR code落完上菜食完行去櫃位埋單。咁嘅體驗要收加一仲要$12蚊茶錢一位？ 合唔合理先？…Read More

另一個高水平物有所值嘅牛類阿媽家姐選擇話說之前疫情有幸book到大坑另一間好出名嘅牛扒餐廳, 但之後都無咩機會再去到。直到有日見到top blade war room嘅post再望一望佢地嘅concept，由於已經食過佢地嘅野所以都對佢地有信心，一於生日就book個位去會一會佢。 book位過程，一個月前book下個月嘅日子，成間鋪得5張枱，有D係可以坐5-6個人，有D就2-4 個。枱與枱之間privacy好高，基本上唔會望到大家。去到你先知有咩食，前菜，主菜，間場，甜品都會就住你食嘅時間而上，店員都會每一碟介紹。酒就BYOB charge $200 蚊支 ,reasonable. 就算佢果度都係$500 至$1000 蚊支，全部法國同一支意大利酒紅酒，喜愛新世界，西班牙意大利酒嘅建議自帶。食物真係無得彈架喇，成個氣氛都好喜人，生日或者celebration 去無論環境同價位都掂。人均大約$800 up， depends你嗌幾多酒。 絕對值得推薦，我自己會返兜。# war rooms by top blade# 中環#central#steak#beef omakase #omakase #top blade…Read More

N咁多年前食過印象中都okay，有個火仔reheat住感覺好有誠意。咁 咁岩今日係附近就去食啦叫左一碗海老沾面同一碗柚子豬骨沾面，黎到yam一yamD湯同面。喂完全唔掛湯嘅？！texture咁浠？ 海老個湯味道係okay嘅，但D面係完全唔掛湯，碗面係凍嘅，D面過完冷河果種溫度直接擺係個碗度。個豬骨湯得個死咸，一D都唔好食。都幾坦白講係香港都未食過咁差嘅沾面。最過份係店員黎收野，我有粒檸檬支左嘅擺係台面，佢收碗果陣dum落去個碗度，D碗入邊嘅汁彈晒落我度，喂大佬乜料呀，無心做就執左佢啦…Read More

本身都係佢度嘅常客，魚春魚卜，水煮牛肉食過無數次都唔再講喇但lunch都竟然有驚喜！我唔expect係一間食辣野嘅鋪頭食D 普通炒飯客飯都會咁正法式牛尾，賣相靚又超入味生炒牛飯，睇相都知唔錯啦四十幾蚊有湯有野飲咁質素超晒班之前食過楊洲炒飯，係好香同堅好味，估佢唔到係咁嘅環境入邊，真係好希望呢D有 heart嘅鋪頭可以生存到落去，先唔講佢顏色，野食係真係有水準又有heart，價錢份量都非常合理，真心難得…Read More

區內有團購幫襯小店，大家都知六點後無堂食D食肆好慘，咁就join個團購之餘又試下叫左兩個餐，一個芙蓉蛋飯一個干炒牛銀針粉，送兩個例湯，每個餐$43，再加多兩個小食麻辣牛肚同麻辣豬耳。味道okay，above 我區內D茶記，最癲係個份量，兩個餐3個人食係一定夠，benchmark返我食量係一碗兩送譚仔無叫少米線。小食夠入味又平，可摸耳叫係窮人教星？最後就搭單買左D小食可以當零食咁食，幫唔到手幫襯正餐嘅都可以買下D小食簡評就係，大食窮人味道又okay嘅救星…Read More

呀媽生日, 想食日本野.  懶得出街本身又食過賀喜唔錯就近近地去食啦兩個人叫左3 set lunch, 放題由佢叫叫左兩set sushi set同一set魚生飯好似唔記得average每set都係一舊水左右, 我敢講佢質素拍得住出邊TST CWB D中價日本野, 係美孚咋喎大佬其實佢好似仲有烏冬定拉面果D lunch set, 好似都係六十幾蚊不過我無叫, 最怕係黎到會係金太郎咁嘅樣我真係搞唔掂有水蛋同埋好似少少side dish跟好新鮮好decent. 你feel到佢係有heart去做, 環境乾淨, 份量合理, 我叫三個set係我大食所以佢唔係細碟食日本野最討厭就係污糟而佢無,  環境okay泊車就要小心喇, 出邊係有一排位你可以亂泊, 但D_成日黎炒牌第一, 亦都唔好泊左係美孚內街, 鎖車就多謝$320. 即時變左the One價錢…Read More

lunch我就成日叫外賣食架喇, home office home到而家都未使返工, 4十幾蚊有湯有野飲凍飲加一蚊大大碟我之前已經試過但鈞埋腦便殘老豆黎食夜晚就真係第一次3個人, 叫左3個送兩個送係128孖寶, 跟兩碗飯兩個湯兩杯野飲. 加多左個個散叫送, 散叫其實一樣有湯同飯跟, 只不過要加唔知4蚊定6蚊先有野飲, 無咩所謂其實3個送叫左, 1. 黃金小炒王 (呢個不得了, 大牌檔質素, 重料得黎唔咸又夠大碟)2. 魚香茄子煲 (上黎果陣都有bub bub聲, 略嫌唔夠收乾水, 算啦茶餐廳)3. 生炒骨 (正常水準, 可以再食)就係咁啦, 從此之後而家每星期有一晚都會黎食, 呀媽話仲平過自己煮, 買開送D應該知佢講乜又係講泊車, 夜晚任泊唔抄…Read More

佐敦以前食開松記, 而家唔食啦睇apps搵到呢間野, 未去到門口都見到條龍, 個心爭札左十秒, 走唔走呢, 最後見翻台都快就等下啦芋圓碗野$38蚊, 好大碗, D仙草夠solid, 雪糕你可以自己簡而佢有好多口味, 簡左玄米茶. 都ok個人覺得好味過康瑞 (夠做喇掛)芒果至尊, 你唔會話可以有幾好食, 但份量夠大又無hea我. 我下次會試下有個西瓜果個, 見到人叫都唔錯唯一就泊車煩少少, 吳松街你諗都唔使諗有位泊, 我要落到去廣東道泊低行過去先搞得掂. 又咁講, 當自己係地鐵行過黎囉, 都acceptable嘅…Read More

食過兩次一次過先upload晒上黎佢有大致上有4類野食1. 麻辣盪, 你當車仔面咁, 40蚊5個送跟面底 (平到爆)2. 辣野, 水煮乜乜水煮物物之類3. 串燒 4. 少少炒粉面又或者粵菜 (我唔知點解會見到有人食龍蝦which is 係唔on menu)我食過頭3樣1. 如果40蚊5個送的話, 睇怕香港都無乜幾多間offer到呢個package, 味道正常未到我whoa2. 水煮牛肉, 非常多辣椒, 非常多料, $168 又係平多爆, given咁嘅quality同quantity, highly recommended3. 避風塘茄子, 又係大碟到爆, 係好味嘅, 可惜我渣車飲唔到酒黎送4. 串燒, 正常發揮同埋D野偏大件, 即係話唔使再去對面食美味佳 (你憧的)環境正常啦, 呢D細鋪你都唔會有expectation.…Read More

事緣星期六晚係港島突然好想食邊盧, 咁我都係跟apps去搵食架姐. 又唔想返九龍.得火鍋能同616簡, 而人在西環兩間都無位, 打電話天后616又有位喎咁就狗沖過去啦到果度, 泊車friendly, 條街任泊亦都可以睇到有冇_抄牌座低, 環境正常D牛一碟碟六七十蚊岩晒少人食, 牛肉有肉味, 麻辣湯底夠辣咁你打邊盧都無咩再好講架啦, D牛肉好食個湯底好味價錢合理就會再去, 加上泊車friendly但呢, 無午餐肉無咁開心,同埋環境可以再坐得絲服少少外我無任何投訴, recommended我自己亦都會再食…Read More

前此聲明我會簡佢係因為3個原因1. 出邊落緊雨佢係室內我覺得唔使dup雨2. 飲開老銅一芳水果茶是ok的3. 你慬的普通水果茶, 微糖, 30%order果陣都無咩野嘅到佢唔知call咪定咩, 勁細聲. 咁我走埋去問佢我是唔是呢杯啦, 佢黑我面話, 係呀150號呀. 我心諗, 乜料呀你好, 唔緊要. 我飲啦第一啖, 我X. 甜到PK. 所以我先上黎寫, 1. 態度唔好2. 叫左微糖但係重甜簡有立場嘅鋪頭我有好多選擇, 你咁嘅quality就算要收皮我都覺得唔會可惜.…Read More

本來想去食長沙灣壽司郎, 咁連walkin都無得walk嘅情況就唯有去附近地方搵日本野食啦, 記起有個朋友話呢間日本野食過唔錯. 咁就渣過去walk in試下啦等左5分鐘, 環境普通, 背景聲嘈雜, 但當然係一間深水埗嘅日本野環境上係唔會有乜野expectation啦. 打開menu, 價錢以地區同環境黎講偏貴, 或者可以講一D都唔平.  就咁兩件兩件壽司就唔會叫架喇, 三十幾蚊兩件. 咁叫左一set 築地壽司set啦, $248. 無記錯係10件壽司加6件細細粒嘅紫菜吞拿魚碎role.  同埋一set 鰻魚肉鬆role, $79蚊等左三四個字, 隔離大台入座遲過但熟野同壽司都到晒, 咁我吹單啦. 我無發佢圍佢亦都好好態度去幫我追, 咁好快就黎到喇D野食.黎到, $248 一碟築地壽司set, 魚生無光澤, 海膽軍艦塊紫菜甩左出黎, 三文魚好薄好瘦. 我咁形容啦, 好過爭鮮, 衰過Aeon 8點後, 亦都爭過好多二百幾蚊嘅放題. 咁憑咩收我$248, 十幾蚊件? 去過好多地方都係呢個價錢range但一定唔會係呢D quality. 重點投訴呢度$79蚊鰻魚肉鬆roll, 不過不失, 無用火"隻"辣過爭咁D, 尚算發揮正常加埋三百幾, 我有唔滿意咁離開可能粗粗地食個lunch , $60-70蚊呢D quality is okay, 但我人均差唔多兩舊食呢D積素, 我會比多$40蚊內回過海食我會比OK佢, 因為又未差到要食到喊或者講粗口, 但唔係食得開心囉.…Read More

本身我距離佢兩個地鐵站，但我仲會渣車去買佢外賣因為佢真係好大份夠我食，味道ok feel到有heart. $45蚊有湯有野飲同D扒勁大份，推介咖喱吉列豬扒飯。十幾分鐘返到去仲係好正... 不得了…Read More

呢個係我第一次係度寫的食評,  因為我覺得真係要比人參考下, 完全唔明點解會有五十幾個笑, 十幾個喊before睇我寫D野前, sorry係唔會有相, 因為食物係非常普通, 亦都唔係值得討論同我覺得有大問題ge地方講真, 真係無心做囉間野, 專重下自己係做緊日本餐廳啦, 最基本最基本可唔可以乾淨少少呢, 行去廁所, 要推過一塊鐵門,勁污糟, 有油呀, 跡呀之類. 咁你去完廁所返去入邊, 又係要用手推開果塊面. 喂大佬呀, 我返入去係食D生野架, 我洗完手, 轉個頭要拉開果塊咁污糟ge門, 我點樣食魚生呀. 個廁所臭ge, 地下濕晒水, 唔知係尿定水定咩. 喂真係.. 做日本野食基本野啦乾淨, 茶餐廳咩家彈, 你賣緊碗面八十幾九十蚊架, 唔係三十蚊碗魚蛋粉呀大佬好喇, 得果5/6台客, 一坐低到野食黎, 叫左兩次先比D碟我, 食到一半無啦啦比人埋單, 上錯野食, 叫左個豬肉鍋黎果陣要提先識比匙更, 喂咩service呀? 仲衰過金太朗囉, 要比加一架. 可唔可以專業少少呀, 都唔係要你唔該前唔該後, 但基本野都做唔到...咁ge環境去食, 真係無下次.…Read More