GremlinsYim的个人专页

啊…..之前間唔中都會食下早餐同下午茶，咁今日再去食下午茶啦，叫左個焗飯黎食，如果對食物一向要求唔高既，價錢唔太貴既都ok, 可以接受。但店內環境非常嘈吵🗣🗣店內播放一啲柔和嘅音樂，但係一個二個侍應都係度大叫大嗌！落單又叫，外賣飛又叫，有枱又叫，幾多位又叫，邊張枱追野食又叫，總之真係好嘈！好嘈！就連坐後面既阿伯都話嘈喧巴閉！如果真係想同朋友傾吓計，食個lunch或下午茶！大家要考慮一下😑…查看更多

係大圍想食到車仔麵，除左康和依間之外，好似真係冇乜了。店裡除了車仔麵食之外，仲有芝士撈麵同小食。今日點左個4餸車仔麵連凍飲，湯底唔錯，可以揀清湯，牛腩汁麻辣汁等....韭菜餃好適合我口味，入面只有少許肉碎，基本上全隻都係豐滿韭菜。蘿白入晒味，必叫之選，雖然紙上面魚蛋只有辣的選擇，但我刪除辣這個字，他們也會給我一份不辣的唯一失望就係墨魚條...一條開兩邊就當一個餸，有啲唔抵叫。環境有啲迫，加上服務員講野太太太大聲了，好嘈吵，會令你想快啲食完快啲走既感覺…查看更多

湯金邊粉竟然一條香菜都冇，只有3舊蘿蔔做配菜！真係唔覺係東南亞美食，我仲以為自己食車仔麵🙄，成碗野一啲味都冇！想問個侍應拎咸魚露等碗野有返啲味啦！黑晒面咁同我講冇，只有酸魚露，我真係未食過一間越南湯粉或泰國湯粉係會冇味😤態度差又唔好食！真係去冬菇亭食仲好多依間野！一次冇回頭！..............................超難食！！…查看更多