vous37的个人专页

今日係尖沙咀開會，開完會搵野食，見到有food court 就衝入去，可以慢慢揀餐廳，睇到幾乾淨環境企理舒適，呢度都有服務員，整體都非常之乾淨大大力推介補腦合桃包$16這核桃包混合了滿滿紅糖的香氣，大顆核桃果仁，核桃與紅糖交相呼應，超級有口感，味道真是濃郁得不得了。而且核桃含降低膽固醇含量，對人的心臟有一定的好處，又有豐富的維生素B和E，可防止細胞老化，增強記憶力及延緩衰老，所以核桃有「萬歲子」、「長壽果」之稱。蓮藕腰果素湯$58，湯𥚃面有腰果，含豐富油脂，湯將材料帶出其豐富的味道，仲有不少營養素。這款蓮藕合桃腰果湯清甜鮮味，養顏潤膚！女士們最愛！店長極力推介優頓草排骨湯$48，原來優惠遁草是一種無毒的野菜，其類黃酮物質含量很高，係人體所必需的礦物質、維生素、胺基酸、粗蛋白等，如果大家長期食憂遁草對身體保健有很大的作用。清熱利濕，利尿消腫、散瘀消腫、活血疏經、除濕抗癌、止痛。湯有一種清新優香草味，入口清甜，今日長智識，非常健康又好味，以後多一個選擇選擇困難症，揀個四寶飯$40 ，平靚正四寶飯的主菜有叉燒、油雞和紅腸，再搭配其他配菜，滿滿主菜，自行淋上蔥油增加香氣。加多個點心蝦餃$16，晶瑩通透睇到𥚃面餡料的鮮蝦仁，大大粒鮮蝦仁爽口鮮甜！加埋辣椒油非常惹味…查看更多

又係雞，同細佬食炸雞!年青人就係喜歡吃香口的食物，真系愈病愈要食。睇下個餐牌，圖片清晰，又係真係好多種唔同嘅炸雞和焗雞，薄餅、小食、飲品選擇，價錢都合理。Plato有不同的座位，正門有落地玻璃窗，很光猛和開揚，室內裝修簡單舒適，最適合傾計和閒談。服務員招呼也很好，好快便能配合客人的需求提供服務。英式啤酒炸魚薯條，這個fish and chips 都是即叫即炸，用料都非常高級。吃到的魚柳不會是炸粉很厚而肉很薄的，是粉薄非常厚肉！咬下去啖啖肉，絕對沒有誇張！而且不會炸過頭而太油或太「鞋口」，還有嫩滑的肉質，切開個陣仲有肉汁～香辣炸雞配薯條，單是賣相已經攞足滿分，顏色金黃不油膩，雞肉嫩滑又唔會太乾身，味道啱啱好，配上薯條惹味香口，吃完還想再吃。…查看更多

自從上個月去完泰國之後，嗰條食泰式野嘅癮就一直都無停過，所以約左朋友黎新泰食，止下條癮先越式燒春雞釀香茅皇飯，切開燒春雞的皮就有一堆帶有冬陰公香味的飯，燒雞配上特別的燒汁很香口，而且很貼心在旁邊配上一堆酸酸辣辣的開胃沙律菜，就不怕吃到很膩。生蝦有6隻，每隻生蝦都配有一片辣椒片，蒜片同檸檬片，如果加上檸檬汁，味道會更鮮，當然啦，唔加都好好味！碟下面有冰，可以保持冰涼的感覺，也可以慢慢食，亦唔會咁易變壞椰青入口有濃濃的椰子香味，清甜可口…查看更多

今晚去街，忽然諗起好耐冇食中菜，朋友話呢間覺得幾好食，座得又舒服，就建議去呢度。宮廷蔥油脆皮雞，呢一道脆皮雞做得相當出色，皮脆肉嫩之外，還有淡淡煙燻香氣，襯熱吃時皮脆到真係好似食緊薯片一样，不错，用香料醃過後嘅雞，那個雞樣子皮脆肉嫩，油香強雞皮超脆如薯片一樣！瑤柱蛋白炒飯每次都喜歡點這炒飯，用蛋白和瑤柱一起炒，感覺較清新不膩，名貴又好味，美味又滿足，分明的飯粒配好香瑤柱吃得滿足蛋黃肉秘制真心幾好食，豬肉系半肥瘦的，食緊肉餅之餘會咬到爽脆的粒粒，口感幾得意味道又配合的幾好…查看更多

幾個兄弟都話想支持小店，又想食下西餐，就梗係嚟附近間兄弟工房試下啦，食完都感覺滿足。是日餐湯係粟米溶湯，味道還好，但就稀左d，口感一般。到叫餐飲時，侍應話有橙菜茶，一心諗住試下有甚麼特別，但感覺上傳統嘅檸檬茶反而吸引d。主菜到喇，我哋呢班食肉獸梗係會揀扒類啦，叫左香烤8oz紐西蘭西冷扒、香煎厚切豬扒、香烤雞扒，仲有一個係黃薑忌廉汁煙鴨胸意大利飯。西冷扒夠juicy，唔太靭唔太淋，薯角就普普通通；雞扒就煎得剛剛好，雞味都有d嘅；至於塊豬扒，厚身得嚟都夠肉汁，唔柴身；最後，意大利飯就真係普通左d，唔太覺有黃薑味，飯身都有意大利飯本身嘅濕淋，唔硬，口感唔錯。整體嚟講，不過不失啦，可能係過左食飯時間，人流唔多，旺d會熱鬧d。…查看更多

和朋友行街行到攰，周圍搵下嘢食，就發現咗樓上舖發現左呢間環境似cafe既西餐店，入到去見到裝修唔錯，就決定坐低食呢間。餐牌上面選擇都幾多，所以就揀咗幾樣嘢試下。首先佢上啲包，好好味呀！好食到叫佢比多幾個我哋！！之後再叫咗個帶子、虎蝦龍蝦汁意大利飯，海鮮十分新鮮，意大利飯軟硬度剛剛好！再叫你一份5成熟的牛排(美國頂級肉眼扒12oz)，口緊感Juicy，牛味濃郁，薯蓉更有驚喜，裏面有西蘭花和一啲茹。好味到停唔到口！朋友叫了一杯菠蘿青檸梳打，味道清新可口，很開胃！此餐廳可說是有驚喜！西餐廳價錢酒店級的食物！必定必定會再光顧！想想下次吃什麼好！極力推薦他家的麵包！…查看更多

總有食牛繁嘅時間，有燒烤產品除左牛肉類，仲有豬、雞、少量海鮮，人少少都可以點多幾款，一條麻甩佬一邊燒加可口可樂 ，爽牛繁三點盛合 上級牛午花、特上胸腹肉、中落牛肋肉牛油花均勻好香口，唔錯！燒嗰時會有職員幫手，職員服務好好仲幫我剪開咗啲肉！壺漬牛肋條(醬燒) 牛肋骨本身有調味！肉味香甜唔韌又夠牛味，肉質鮮嫩多汁！特上豬五花 食肉原有鮮甜，極其量會沾燒肉汁、加葱蒜，肉不會覺得有份油膩感，加菜咬落左除左有多重口感，醬料配合肉汁，再有香甜爽口嘅生菜，好健康！整體黎講，肉新鮮，調味唔需要多…查看更多

同好友兩個人吹下水，搵左一間好坐又舒服的打邊爈店，雲長小龍坎，主打重慶麻辣鍋，邊打邊吹水。湯底： 紅油麻辣藥膳鴛鴦鍋 $138，一邊係正宗既重慶紅油麻辣鍋，辣度啱啱好👍🏻另一邊係用中藥藥膳鍋，鮮味不錯，好有住家靚湯味，兩邊既鍋底都好味餐廳係餐單上，好細心寫明每一項餸菜要煮幾多分鐘，方便一些客人就住時間，唔會煮得太生或太熟，以防影响食到食物本身的味道及口感。D 食物都好新鮮，羊肉亦沒有什麼騷味，牛舌彈牙爽口。再配埋冰凍啤酒一流。邊打邊傾，傾左成 2 個鐘。打完邊爐之後，仲會送上蘋果味的沙冰，消熱氣一流，順便清一清口腔除味。…查看更多

早幾日一直係度搵觀塘有咩好野食 搵搵下 搵到呢間好有格調既西式餐廳 咁就book左夜晚7點半鐘去食 唔洗等 就入得去 入面既格調非常之適合男女朋友一齊去 我地一行三個人叫左兩個set dinner 頭盤係一個炸芝士薯球配煙燻吞拿魚加藜麥沙律，少少酸配一點炸物，非常之開胃。再黎就係湯，幾多材料，唔錯。之後就係主菜，我地叫左一個3成熟既M5牛柳同埋埋黑毛豬，先講個牛，外面燒到非常焦香，入面非常嫩滑多汁，岩岩好可以食到兩隻口感。另外隻黑毛豬入口好軟綿綿，好有味道。食完都已經飽飽地。甜品岩岩點綴到成餐飯既一個結尾。成餐飯既感覺非常之好，格調環境好，食物好，價錢又唔貴，非常抵食。…查看更多

周五的晚上八時，餐廳是座無虛席，在這個西環位置，沒有一點實力，何來這個盛況？來得這裡又得食友推薦，我們兩人就來試一試。Seafood platter setLinguine w/shrimp 有蝦螺肉、牡丹蝦超級鮮甜，食極不會厭Mushroom soup黑松露野菌忌廉湯菇味香濃, ，湯中的蘑菇粒粒， 保留細細粒蘑菇碎， 黑松露香味，層次更加豐富三文魚 Parma ham 沙律，清新健康上次沙律開胃Marguerite pizza材料簡單但食到pizza真正的功架，質地輕軟羊奶芝士，口感煙煙靱靱 ，入口爆汁，同時嘗到熱辣辣的香軟薄餅，和新鮮的醬汁，味道有層次。鐘情Oysters，又再叫半打吃食Fine de Claire顏色偏綠，肉脆耐嚼，散發出一股檸檬般的清新，油脂豐富口感爽脆，Irish oyster蠔味較淺，海水味較淡，爽身，入口甘甜，適合唔鍾意太重口味，還有Holland zeeuwse生蠔特集 - 荷蘭生蠔 Dutch Live Oyster荷蘭生蠔味道富天然海水味。口感有如天鵝絨般軟滑順口。一試令人為之難忘。蒜海蝦扁意粉，充滿蒜香及辣味十足的意粉，特別醒胃甜品朱古力布朗尼蛋糕加雪糕，再嘆一個Free flow 之W.wine，完美晚餐…查看更多

咖啡，朱古力，是每日不可或缺的提神飲品，每日一杯咖啡是生活享受。愛上咖啡的香氣。店舖小小的，眼見有二十多個座位，裝潢簡潔明亮，以啡色為主調，再抬頭望一望，入面有一格格放滿咖啡豆，專業十足，可以喺呢度同人一路飲野一路傾計Earl grey chocolate 朱古力淡淡朱古力好香，飲落好有creamy感，自己好鐘意。最重要既係，朱古力味滲出小小Earl grey，層次分明綿綿口感，更加係讓人飲得特別舒服。cafe latte 非常幼滑，綿密順喉，入口充滿咖啡香。至於個拉花圖案，雖然唔算好複雜，但亦非常工整，左右平衡得唔錯，清晰挺身。…查看更多

就算天氣幾熱辣辣，都擋唔住打邊爐的興致，同舊同事去尖沙咀碼頭故事火鍋，一班女仔入到去好興奮，見到古色古香的裝修，隨時打卡，我負責點菜百味湯鍋+蕃茄鍋，清甜得來帶豬骨、杞子等等味道，可以當湯飲，我最少都飲左3碗。如果加湯的話，係會加返白湯入去，唔駛驚會溝淡。打邊爐食材，唔少得安格斯肥牛，一片片手切牛肉脂肪分佈比例好平均吸引，食落帶有點肉汁有油香，厚度切得岩岩好，肉質鮮嫩，性價比幾高海霸王蝦餃大隻，皮做到好好，油潤彈口，有蝦味，餡內汁多和油香，好食爽口蝦又彈牙手工韭菜餃皮薄餡多，韭菜好多索索聲，真好食最驚喜就係紅糖鍋蓋，炸得惹味，紅糖餡作為餡料見驚喜，配埋紅糖醬，味道更出生根幾脆。放落去淥一淥就得。太耐就會炸魚皮必點，即叫即炸，好味超脆超正，宜家諗返都重想食大家還點了油麥菜、洞庭烏冬同出前一丁、藕片。非常之豐富嘅一餐…查看更多

放工一支公行左去新泰食個泰式野，年前對自己好d，叫左個鹽焗烏頭冇想像中咁多魚骨，魚焗得啱啱好，經理說菜式製法簡單，絕不花巧，只要選材正確，不難做出好嘅食物，佢哋用嘅係靚的烏頭所以沒有泥味，不會好鞋，真冇泥腥味，焗得入味，送洒一流👍🏻黎1支泰式啤酒，呢隻獅子非常眼熟，問左經理原來這是泰國特產"勝獅啤酒"係泰國勝獅啤酒市佔率約6成以上！飲落氣泡綿密細致口感滑順，難怪Singha會成為泰式啤酒的代名詞！泰式濕炒牛河：材料有芥蘭，玉米條，草菇，魷魚，蝦，青口，都好足料~河粉硬度適中，不太軟也不太淋，濕炒河都好有獲氣一支公食飯見到經理就問東問西，佢又好健談…查看更多

臨近聖誕，灣仔已經佈滿聖誕裝飾，天氣開始有點凍， 放工約女友食飯，聖誕前夕人流多，食店都非常多人，沒有預先訂位實在很難找到餐廳。所以我預先訂位! 女友喜歡吃西餐，我㨂這間店的位置非常方便，近修頓球場，坐地鐵的話，灣仔B出口，然後往利東街方向，3分鐘便到。餐廳地方很大，坐得很舒服，餐枱擺位位置闊落，很多卡位，裝修非常特別以海鮮為主題，從地下沿路上2樓就好似去緊海洋館，裝修絕不馬夫，好多蟹同你共聚晚餐，女朋友沿路不停影相十分開心，對此餐廳印象特別深刻芝士海鮮蟹蓋落單後，菜式一陣就到咗，蟹肉滿滿，芝士平均分佈，唔會好膩，加上係焗，少左分脆口熱氣感，而且好食，不過略為咸左少少Lobster combo 波士頓龍蝦一隻、海蝦、八爪魚仔、甜粟米、豬肉香腸以及新薯。大辣。龍蝦真係好大隻而且非常新鮮，醬汁惹味得令人難以抗拒，想不到海蝦、八爪魚仔、甜粟米、豬肉香腸以及新薯同樣的誘人，海蝦肉質爽彈，蘸滿了sauce後，每口都感覺甜美，是另有一番滋味。香草麵包有惹囗醬汁當然不要浪費，麵包沾上醬汁，入口豐腴，相當對辦。蟹肉卡邦尼意粉賣相型+靚，未食已經聞到好香芝士味誘人，Sauce份量恰到好處，不會是勁多汁好膩，淡淡的汁混和了蟹肉的鮮味，意粉不單有嚼口，還有很香的卡邦尼醬汁女友嘅Asian punch ：荔枝、薑我嘅Peach on the beach ：蜜桃薄荷薑飲品同樣出色，最怕飲飲下就淡曬店員亦很有禮貌及殷勤，店員服務態度超好，主動及仔細介紹菜式，常常幫客人換碟，食物及服務質素超出預期，如此熱情的西餐廳，一定再訪…查看更多

尋日收工同兩個朋友本身諗住打邊爐，但係有啲毛毛雨，費事行咁遠就去搵，於是上左OPENRICE搵野食，跟住搵到呢間日本料理，見到好多評語話呢間野唔錯，同食物質素唔錯。於是我地決定去試下，一入到店坐落，店員耐心咁同我地講解下菜式，感覺非常貼心。之後在確定餐單後，師傅就開始整我地嘅晚餐。先來的是幾款時令刺身，精選刺身拼盤五種乃根據師傅介紹而選擇的 - 包括厚切三文魚，帶子，甜蝦等，刺身肉質爽甜有致，非常的滿足。嘗了那麼鮮甜的刺身，我們都按耐不住要點了海鮮丼，刺身毫不吝嗇地鋪滿飯上，三文魚質感肥美，入口鮮甜到極。由於人多，呢個雞手羽先要等上20分鐘才到，每隻雞翼都即叫即炸，咬下皮炸皮薄而軟骨脆口，香酥味吸引，手羽先烤到金黃色嘅外皮，入口香脆， 內裏雞肉嫩滑多汁，加上少少檸檸汁，更添香味。另外叫左三款串燒：帆立貝串，燒得焦香，入口Q彈不乾身，味道不錯。煙肉蝦卷煙肉味重，覆蓋蝦味，蝦肉彈牙。日本產雞頸肉口感好爽，脂肪分佈平均，日本雞頸肉原來更爽最後先見到個牌有日本超甜白粟米，就叫左個日本超甜白粟米沙律，生吃的粟米一口咬下去，非常爽脆，遲緩的甜味比熟粟米來的慢，果非常清甜，還多汁…查看更多