mclisa的个人专页

買了一杯蜜桃烏龍茶，點了少甜少冰，出來既甜度剛剛好，唔會太甜！入面仲有水蜜桃果肉，烏龍茶茶味夠香。成杯飲料好順口，好快就飲晒一杯！同埋紙杯質料手感唔錯。如果價錢可以再低d就更好！…查看更多

夜晚9點半開始食，用餐時間90分鐘，有優惠券人頭費滿350可以減100元。揀左安格斯牛套餐，湯底揀左椰子木瓜魚湯，湯底味道都ok。安格斯牛肉有牛味，唔會好鞋；豬肉都正常；雞肉好一般可以唔食。蔬菜都新鮮，其他食物魚蛋同丸質素ok。自助食物區選擇唔多，有一邊拎食物既通道好窄，成日要閃避其他人，好唔方便。熟食好似得2款，有咖喱牛同炒飯。甜品機有軟雪糕同乳酪，有toppings可以揀。飲品有汽水機，反而雪櫃既紙包同罐裝飲料選擇好少。餐廳話係11點最後落單跟收自助食物，但10點幾開始已經唔會再fill食物，10點半已經開始收野，到11點已經收晒食物。變左9半去食，實際可以拎食物既時間只有45min，食得都幾趕下。所以食9:30時段既，要把握好拎食物既時間。同埋揀安格斯牛餐既話，落單再叫牛要同侍應講明要安格斯牛，唔係既話，佢會俾平d既果隻澳洲牛你，食落勁鞋口又韌，仲差過普通肥牛。所以如果想食牛，最好揀返安格斯以上既套餐。…查看更多

之前食過同一集團下既，韓式同越式餐廳，食物都ok，價錢唔貴。今次第一次食呢間西式，價錢唔貴，有d小食同湯加錢就可以加配。不過食物質素偏低，好油，唔好食。白汁芝士焗薯條，薯條焗到乾曬，食落得個咸味，碟底好多油。千島海鮮薄餅，餅底唔鬆軟又唔脆，海鮮配料有蝦仔，仲有其他既配料，不過全部好迷你好碎濕濕。千島醬佢係求其唧一撻醬落去。碟底又係一攤油。辣肉醬溫泉蛋焗意粉，味道正常，但係勁多油，食到一半見到碟底油淋淋，完全無晒食慾。酥皮黑松露忌廉湯，加10蚊就有一個，味道係正常，但個所謂既酥皮完全唔合格。一d都唔酥，就咁將塊麵包皮放上面，硬崩崩一塊皮。突破左酥皮呢個概念。呢一餐食完，除左覺得好濟好油，無咩味道可言。可一不可再。…查看更多

餐廳開左無耐，行過都見有人排隊，開飯評分又唔錯，所以一直都想試下。整餐飯最有味道既,只有兩樣野，乳鴨同小籠包。叫左6隻乳鴨，味道唔錯，燒得夠香。小籠包有湯汁，皮薄。炒飯，唔記得左個名，似係楊州炒飯咁既。好淡，懷疑佢鹽都冇點落，冇鑊氣。粗炒麵，又係無咩味，食落似就咁撈兩下是油就出碟，完全無鑊氣。其他生煎包，銀絲卷，醉雞都正常，無特別。價錢中價，環境都闊落，可惜基本飯同麵都極淡味。會想再去食小籠包，但其他菜就真係無吸引力。…查看更多

星期日晚唔洗等位，入面食客唔多，有部份係日本人。叫左一個芝士魚卷，芝士味濃郁，將平凡既魚卷味道升級。蕃茄湯豚肉拉麵，蕃茄味夠濃，湯係杰身，唔會好酸，拉麵都唔錯，不過塊豚肉好韌都幾難食。牛肉飯，好一般，飯太濕，牛肉偏油冇味。燒帆立貝，一般，帶點牛油味，貝邊位燒得有d韌。食物中價位，服務一般，居酒屋佈局，整體冇驚喜。日本人係居酒屋傾計，會比較大聲，等同香港既酒吧咁。如果怕噪既人，未必岩去。如果單純食拉麵，有其他更好既餐廳可以揀。…查看更多

叫左碗細麵，有紅腸、蘿蔔、豬皮丶豬紅丶魚蛋⋯除左豬紅比較唔錯，炸過既魚蛋太乾柴，其他配料都好普通。最大問題係d油麵,太硬身，放係面層既麵硬到好似未煮熟咁，擺係碗底果d叫軟身少少。食左幾啖就食唔到落去⋯麵太硬。…查看更多

見到開飯既評語唔錯，抱住期望既心情去食。剩係叫左炸雞定食一個，有飯，湯，沙律菜再加一細碟配菜仔。炸雞塊份量有4，5件，都幾大件，好飽肚，可惜個皮炸得太厚粉，同埋好油，每一啖都係油，但雞肉係幾滑。個他他醬無特別，湯味道唔錯唔咸，配菜仔好食。講真，雞肉係滑，但佢個炸皮真係好唔掂，個厚度同油度拍得住kfx⋯⋯以加埋一，超過100蚊既價錢，唔多值。唯獨是份量大，可以食得好飽。但真係唔會再想去食。希望間店諗下點樣可以炸得好d,唔係真係晒左咁滑既雞肉。…查看更多

半自助形式，可以選擇坐餐廳入面或外面，但夏天咁熱，外店得一兩把風扇，所以寧可排耐d隊，坐入面有冷氣。三個人叫左兩個漢堡，一個薯條同一碟雞翼。- 鵝肝牛肉漢堡，鵝肝唔錯，牛肉幾juicy，不過個麵包皮同d醬都好普通。整體未算得上好好食。- 菠蘿燒雞漢堡，非常之普通，雞肉偏乾。- 蜜糖雞翼，睇menu以為係烤既，點知係炸，正常味道，無特別。- 牛油果芝士薯條，個醬唔錯，但薯條好普通。雞翼同薯條都好細份，整體既質素，以呢個價錢黎講偏貴。所以食完，唔會好想再食。…查看更多

餐廳環境太細，檯與檯之間太近，環境偏噪雜。揀左食兩款set,頭盤味道唔錯，三文魚他他幾好味，另一款巴拿馬火腿沙律都ok。主菜煎三文魚夠腍,肉滑，配埋個醬同埋蜜糖味既檸檬都幾好味。反而另一主菜肉眼扒就一般，太多筋同肥膏，無特別。但個薯泥唔錯，好香好滑。甜品麵包布丁好難食，另一個綠茶mousse好普通無特別。飲品叫左兩杯類似fruit punch既買一送一，味道正常。整理黎講以環境氣氛同服務，價位偏貴。…查看更多

見咁多人讚佢個漢堡，今日經過紅磡就去左食。淨叫左個「漢堡蛋包」。師傅好快手唔洗5分鐘就出爐。一打開個包，塊漢堡牛肉勁細塊，仲要冇左一忽，沙律醬勁少佔半個包，好明顯係「求其」出貨。同埋個包偏細，以佢既價錢，會選擇俾多十幾廿蚊食老麥。太多人過份追捧，導致餐廳求其出貨。…查看更多

星期六晚上，唔算多人，環境好清靜，好適合情侶去，室內坐位唔多，但外面有露天位，聽住音樂，環境好寫意～但室內既卡位張檯同梳化距離太遠，坐得半個ｐａｔｐａｔ，吊住黎坐，唔舒服～紅酒，餐廳送既，唔會太酸，免費黎講都ｏｋ～南瓜忌廉湯，太過淡，無咩南瓜味～帶子周打硯湯，又係好淡，仲好稀ｔｉｍ～三文魚他他，好ｆｌｅｓｈ，芒果又甜，但個味道好似食緊雞肉腸？！香煎鴨胸鵝肝卷，唔錯，幾香，又唔會太咸，但就真係食唔到鵝肝味，唔通係指個汁？脆皮局龍利柳，龍利柳好滑，脆皮夠薄，食完都唔覺膩～脆皮局牛柳，ｄ牛柳好苺，無牛味～三色雪糕（葡萄，芸厘拿，仲有隻唔記得）有２隻味冇，得番一隻味”芸厘拿”～但得奶味，仲差過食”雀巢”～服務方面，有位四眼侍應哥哥態度唔錯，去前唔識路，打去佢都好有耐性講點去，態度親切～整體黎講，算係一個優閒食飯既好地方，會再去試下其他菜式～２個人，食左一共４６２，錢庫ｃｏｕｐｏｎ７５折，一共 ３４６．若果無ｃｏｕｐｏｎ，價錢都偏貴～…查看更多

因為遲到，食左唔夠１個半鐘，７：３０就要交檯，食到趕頭趕命．．飲品：好多野飲揀，甘桔檸檬蜂蜜幾好飲，唔會好淡～炸物：炸大腸，好有口感～串燒：肉車里茄串，夠特別，酸酸地～壽司：好細件，ｄ料又唔新鮮，ｄ紫菜又霉，食唔落口～所以連手卷都廢事叫～剌身：三文魚唔算新鮮，不過夠甜，但愈叫就愈切得求其，份量又唔岩數～:(麵食：牛肉鳥東，湯底夠清又入味，好味！雪糕：４隻味都好好食，每隻都好夠味～其他：金姑牛肉卷＋芝麻雞翼，都係普通，無咩特別～服務：２個人，但佢俾張６人檯，大部份侍應竟然飛ｄ碟埋黎，好無禮貌囉～同埋有部份食物冇黎到，叫１０件三文魚剌身，俾得８件，仲要唔止一次～＊總括黎講，除左服務質素參差，食物質素都算平穩，選擇亦多，時間亦算長，可以一試～…查看更多

琴晚去左食ＤＩＮＮＥＲ　ＢＵＦＦＥＴ，食物款式比想像中更加少！凍食：三文魚都幾新鮮，身邊人話蠔都唔錯，長腳蟹就出奇地好多肉～但呢度既冷盤，真係好好好”凍”，放入口牙都震埋！熱食：薯仔同羊扒都幾好食，其他就真係好普通，唔講得上”好食”．．．麵食：有個鯊魚骨湯底唔錯，但Ｄ配料如牛丸磨菇等，就好普通甜品：全部細細件，最好食既係ＮＥＷ　ＹＯＲＫ　ＣＨＥＥＳＥ　ＣＡＫＥ同埋另一款軟身ＣＨＥＥＳＥ　ＣＡＫＥ都好好食:)架！反而ＰＡＮＣＡＫＥ麻麻地，特別係Ｄ士多啤梨好酸呀，其他紅色既配料都係好酸，唯獨蘋果係甜，仲有果黃色既ＣＲＥＡＭ都幾好味～而雪糕有六隻味，好味～餐飲：得汽水同啤酒，熱飲就得滾水同超級苦既紅茶！服務：雖然唔係差，但就無酒店質素囉，同去普通餐廳無分別～整體真係無驚喜，普通而實際既一餐～…查看更多