宇宙黑洞女皇的个人专页

黎到K11 musea 高級商場下面竟然隱藏咗一個Food Court 入面除咗有一般嘅韓國嘢冰室拉麵意粉之外竟然仲有澳門菜 （我諗姐係葡國菜）選擇唔算好多我哋係椰香葡國雞伴白飯/葡香牛肝菌芝士焗蝦飯之間選擇最後揀左後者份量充足 一個女仔會食唔哂每一粒飯都充滿牛肝菌味鴨片得兩塊但偏鹹整體來講而呢個價錢係呢個地段係值嘅最後追加左一件葡撻都幾細隻 一啖就食哂$15來講我寧願叫番杯野飲葡撻黎講個人都係鍾意食KXC多啲…查看更多

未到繁忙時段嘅lunch叫咗一個越南綜合牛河同埋一杯越南滴漏咖啡咖啡包越南綜合牛河湯底牛肉河粉都保持水準湯底生牛肉牛丸河粉都好食係牛腩較韌而且河粉份量小 男仔一定唔夠食另外叫左個越南滴漏咖啡 +$35滴完份量略細杯 唔抵飲店內環境睇落都衛生而且枱與枱之間嘅位置唔算好迫唯獨要注意一點係食物放在地上觀感上有少少唔衛生最後一個人埋單$105 要熱水紙巾牙簽都要自助 無咩服務可言 店員都唔係咁friendly 問多句都唔想回答咁想像唔到繁忙時間來會係點…查看更多

喺呢度附近返工留意到有呢間放題食適逢父親節就同父親大人試吓仲買三送一🎉再送條活魚刺身由於呢就係商業區 星期六晚上都比較靜我入到去大約有20台左右 地方好寬躺唔同一般嘅放題店枱與枱之間好迫🤢嘢食方便其實同一般放題都差唔多最令我意外嘅係有燒鵝肝/焗蠔/軟殼蟹飲品方面有粒粒橙汽水可樂仲有燒酒同梅酒另外每人入座仲有一杯mock tail🍸送嘅活魚刺身本身我都不抱期望但係出到嚟又好似幾靚其他嘢食 唔係影咗好多相不過老人家都食得好開心總括今次嘅放題體驗都好好好似去咗高級餐廳度食嘢咁有象拔蚌壽司唔係咁多放題店有墨魚咀食 最後就係服務方面由於呢個場唔係太多客人所以啲侍應都留意到我哋嘅需要唯一美中不足嘅就係甜品嘅種類唔夠多因為我倒瀉咗豉油喺條裙度一個好似經理嘅人 主動拎左幾張濕紙巾俾我抹 …查看更多

星期五夜晚四個女仔諗住去呢間餐廳好開心心食下飯傾吓計八點去到 上到去地方唔大 大約坐到40人 環境都唔錯有liveband 幾有情調 不過如果要傾計就比較嘈小小四個人一人一杯drink兩個沙律兩個意粉飲品好快就到左  陸陸續續兩個沙律都到左食完哂啲沙律 再過左20分鐘見意粉未到就催下個女侍應 意粉仲未到最後回覆：「因為今日比較多客 要等耐小小」同時我地再加單叫左 雞翼同埋粟米片如是這再等多20分鐘 再追單得到既答覆係：「你地order既野食已經到齊啦」姐係漏左單! ! ! 侍應冇幫我地諗補救既方法亦都冇問我地仲需唔需要d 食物  只係將我地既餐具收走我地四人都好嬲 個侍應又冇幫我地加單 又冇追意粉單事後又冇任何補救方法亦都冇道歉其實冇咩服務可言埋單四杯飲品 兩個沙律 多謝620蚊以。後。都。唔。會。再。幫。襯！…查看更多

落雨星期六嘅下午 之前已經經過呢一間餐廳今日終於都可以試到啦我哋一人杯飲品同試左三款麵包麵包嘅款式有好多 唔夠5分鐘就有一盤麵包出爐（網上圖片）我哋兩個人分別叫咗杯榛子咖啡同70%嘅朱古力 朋友試嘅榛子咖啡我就無試 但係拉花都唔錯 70%嘅朱古力 佢嘅味道好夠濃 但口感偏稀試咗呢三款嘅麵包三款都好有特色 做得最出色會係最後一個方型既麵包 而芝士忌廉紅豆包既味道加上黎都好match同場加映 Transformer暫時呢一間餐廳係中午嘅時間都唔係好多人都好適合傾計嘅不妨一試下次會再黎幫襯佢啲三文治🥐🥞…查看更多

食評自從一壽司6點後半價之後身邊嘅朋友都劣評如潮 點知女皇星期五晚上諗住食既時候門口人龍長到扶手電梯目測有一百人（等左15分鐘都咁多人）等左23分鐘左右就有位 原來餐廳有唔小位 只係10pair10pair咁帶入去由於安排係門口既房 侍應時不時忽略我地呢邊叫落單要叫好耐 加茶都要自己黎冇咩服務可言點餐兩個人叫左14樣野軍艦唔係即叫即做紫菜淋哂海膽軍艦海膽都算新鮮 但紫菜明顯睇到淋哂蔥吞拿魚海膽壽司呢個配搭幾好 可能兩樣身材都新鮮 又冇左淋謝謝既紫菜吞拿魚壽司唔夠新鮮鵝肝壽司最貴但最好食 要評既係鵝肝煎到乾左少少美人魚同之前比真係冇得好比 之前蝦連埋蝦頭上碟 依家普通左海膽雞軟骨唔知以為俾人食左一半 分量好小總結：多人排隊唔係因為佢好食而係因為有半價如果繼續有半價 都會再幫襯…查看更多

星期六晏晝出咗旺角心血來潮想去食菠蘿油菠蘿油我最鍾意就係食太子呢一間茶餐廳呢一間老字號呢我就覺得菠蘿油係最好食另外我哋一人都叫咗一個餐一個麵餐叉燒意粉一個就係豬扒飯菠蘿油新鮮出爐 外脆內軟 食到成口牛油 金華豬扒飯（午餐）成個飯得一塊豬扒 加條菜 $44抵唔抵食見仁見智 :(:(蜜汁叉燒意粉蜜唔蜜汁我唔知 我淨係食到好乾身 仲送多左啲野俾我不過茶餐廳都正常既凍鴛鴦夠凍多啡味 冇煲燶味 算係咁總結：菠蘿油好味 另外兩個餐就唔抵啦…查看更多

葵涌廣場小食咁多如果你問女皇有啲咩係必食嘅話可以話係手卷葵涌廣場都有六七間嘅手卷店但係女皇就一定會幫襯呢間咁多間相信呢間係開得最耐 由1樓搬到上黎3樓雖然人流唔夠2樓嗰間咁多 價錢唔係最平 但係講到魚生新鮮程度 同埋飯既味道 我都會揀佢而搬左上黎三樓之後 新推出左火炙系列今日我同朋有幫襯左2樣野三文魚海膽手卷 $39三文魚同海膽比例剛好 而三文魚亦都包到落底 炸蝦反卷$18蝦係新鮮炸出黎 飯都夠醋味 係比較散少少三文魚手卷(外賣番屋企食）$16三文魚手卷返到屋企隔左四個鐘先食但係三文魚都仍然好新鮮因為紫菜係用咗外賣紫菜所以都仲好脆身…查看更多

講到葵涌廣場 有邊個唔知係掃街既天堂最近地下開左間四川菜 分左兩條隊大排長龍見咁多人排我 我又點會唔試下有涼拌豆腐 皮蛋 都係十幾廿蚊而排哂長龍既人究竟係等緊咩呢? 一邊係等片皮鴨 一邊係等涼拌麵吖.......係片皮鴨呀真係估你唔到 葵廣會有片皮鴨食點左一份兩件 仲有一碗涼拌粉皮加雞絲兩樣都係即叫即包/撈先講片皮鴨先 雖然佢唔係平日食開一大片既鴨皮係幾鴨片加青瓜包成 佢個甜醬仲係自己調教片皮鴨涼拌粉皮加雞絲好彩我當日係早去早享受最後一碗粉皮都俾我食到我叫左小辣 岩岩好唔太辣 蒜味十足但係一粒蒜都冇 應該係味精多但真係食唔停 一定會再幫襯涼拌粉皮+雞絲…查看更多

宇宙黑洞女皇住得係荃灣 就周圍搵野食 最近見到呢間酒吧原來有西餐食有野玩又有酒飲就去試下本住諗住啲野食冇咩驚喜 點知又唔錯Menu 都加左唔小分Happy hour 叫左一個set 兩杯啤酒加一個Pizza都係168 除左呢個set 仲叫左豬手 Lucky u薯條燒德國咸豬手(好甜心服務 因為佢幫手切埋 唔洗煩）黑毛豬Pizza（Pizza仲要係自家制 新鮮焗出黎 一定新鮮）雖然地點係唔方便要專登行過黎但食物質素係好既 如果要批評 就一定係坐門口冷氣唔夠凍 總括黎講 來Happy Hour係唔錯既…查看更多

上次經過美麗華見到原來Burger Room係度開左 每次光cwb都會去食,排隊都要食 依家終於唔洗專登過海就可以食啦 呢間比cwb既坐位更多,設計都一樣係工業風 2個女仔叫左2份Burger同一個小食 每次我叫既Burger 都係獨孤一味 -鵝肝牛肉漢堡 而我朋友就叫鮮磨菇牛肉漢堡,再叫多一個小食就係芝士旋風薯條鵝肝牛肉漢堡$158(呢個牛肉調味偏鹹 感覺冇銅鑼灣咁好食)芝士旋風薯條$50(呢個又係必食既,旋風薯條令我諗起哈迪詩的味道,芝士又夠多 一人一碟都唔過份)apple cider 雖然呢間比cwb 更大更多位,但係食物味道好似冇cwb 咁好食而且cwb 店外望既景色 好似舒服d 唔洗過海又想食burger 既 都會再黎呢間食…查看更多

宇宙黑洞住荃灣 所以平日飲飲食食都離唔開荃灣 今次朋友介紹黎試下呢間粥底打邊爐去到分3個餐 由唔同海鮮配搭既 我地揀左298餐 每人有龍蝦半隻蟶子一隻鮑魚一隻仲有蜆同蚌另外呢三個人可以揀多六款食物 落單既時候款式好多 但六款咁小感覺唔係好夠飽海鮮拼盤擺盤擺得唔錯 半隻龍蝦都唔細 不過就有少少唔夠新鮮反而鮑魚，蟶子，鳳凰蚌都好新鮮而六款食物揀左以下呢幾樣三色油炸鬼油炸鬼釀魚肉 呢個必食呀係新鮮炸出黎 配落粥底度係一流手切肥牛 & 和牛粒唔係普通肥牛 好食既係份量唔係好足夠而和牛粒就一般啦 冇咩牛味 手切肥牛好啲鵝肝墨魚丸 味道似豬肝味 個人就唔係咁歡喜啦響鈴 新鮮即炸又係冇得輸當日like and share Facebook 送每人一片三文魚 大家去到記得like啦最後我就覺得唔係好夠飽以＄350來講你都唔算好抵食不過總算試過 粥底火鍋來講 出面有更加多嘅選擇 但係呢間係都可以一試嘅…查看更多

龍舟節做節飯今次去到鯉魚門做節 有好多選擇之下我地揀左呢間酒樓加工亦揀左呢間海鮮檔六個人六個海鮮揀左東星斑，貴妃蚌，蜆，賴尿蝦，東風螺，蟶子 老闆好好人 介紹埋點煮 唔講咁多睇相啦蒜蓉蒸蟶子蒜蓉蒜貴妃蚌兩個蒜蒸都好好食 海鮮夠鮮味就好食 係粉絲唔係淋身 同埋蟶子有少少沙豉椒炒蜆粒粒有肉既蜆 又大碟 白灼東風螺送啤酒係一流 不過我地係冇飲酒既清蒸東星斑一斤多啲 蒸得剛剛好 好滑好滑好滑清蒸賴尿蝦好大隻呀 雖然睇唔到平日見到既黃色膏但啖啖有肉 有膏味唔好睇小個鉗 又係好有肉地 呢個真心正炒飯 炒通菜不得不讚下個炒飯 粒粒蝦都係新鮮彈牙嘅 飯後果 木瓜 芒果呢個果盤真係不得了 每人有一份芒果好甜好甜 聽講之前有巨峰提子食 下次有機會再黎鯉魚門 我都會再食呢間（因為個果盤）最後唔小得講下價錢 六個人每人五百蚊唔洗既海鮮餐 我認為值既 服務又好（唔知係咪鯉魚門太多酒家） 海鮮加工方面 調味岩岩好 唔會太重味遮左海鮮既鮮味想有海景睇不彷試下訂位 我見有海景房 環境都唔錯 但怕魚腥既朋友就留意 由於近海同附近有不少魚檔 所以附近都會腥腥地…查看更多