YunRabbits的个人专页

好耐之前都有寫食評讚佢，因為蕃茄湯夠味夠濃，而且在附近工作，都不時有幫襯，但可能今次之後唔會再嚟。今次叫了一碗火車頭蕃茄湯米線。失望原因: 1)著名蕃茄湯湯底係燶嘅，煮濃咗咁大陣味都拎俾客食。 2)煮好的配料如牛肉沒有隔淨水，直接倒入蕃茄湯中，令成碗米線勁多油及水，成個湯底淡哂，勁差。3) 所有配料沒味道，除了腸仔。賣點嘅蕃茄湯都搞成咁，50幾蚊仲要食啲咁嘅質素，禮貌麻麻仲要加一，不如食譚X同米X陣好過啦～好在要佢換過一碗都肯，不過都係強差人意，下次都唔想再光顧。…查看更多

今日行到大河道附近荃新天地，見此下午茶時間這茶餐廳仲有卡位，價錢ok，所以入去食吓嘢，點知中伏。叫了兩客咸牛肉蛋治配凍檸茶少甜(有圖有真相)，麵包本來已極薄，浸滿煎蛋的油，整份三文治根本油到拎唔起，此外，咸牛肉少得可憐，只有1蚊銀大少卦，仲要打開整份三文治先發現到佢囉！幸好杯凍檸茶還飲得入口。雖然整份茶餐30蚊，價錢不貴，但都要有啲質素吖。沒想話這間老字號茶餐廳淪落如此，本人永遠不會再光顧此餐廳。…查看更多

今日同老世慶祝生日，諗住去呢間嘢試吓，即中伏。其實門面裝修都幾好，態度亦唔差，雖然漏哂單。我地叫了數碗生牛肉湯河、春卷、蔗蝦、牛油雞翼，滴漏咖啡等。價錢唔平，可惜質素卻差。特級牛肉河68蚊得幾片牛肉，湯低淡，差。，蔗蝦炸到乾哂，柴皮似肉乾，差差。越南春卷本應是白色卻變了啡色，油膩膩，皮不脆，難食，完全不似樣，差差差。牛油雞翼，炸粉極厚，油浸咁樣，差差差差滴漏咖啡，算把啦～沖杯雀X越南咖啡仲好飲找數埋單4位要4百幾，食呢啲咁嘅嘢，要呢個價錢，一定唔會再幫襯。…查看更多

想喺旺角食越南嘢，見呢間嘢網上評價出奇地高，所以一試，可惜中伏。第一，環境差。一出升降機已是餐廳，跟本沒門口可言。裝修是茶記格局，好難想像夜晚是酒吧。衛生一般，食材和垃圾都是經由露台位置出入，但露台又有坐位，很難想像。第二，服務一般。服務員姐姐禮貌都算ok, 可惜點餐經常出錯，我要生牛肉檬粉，變了生牛肉河粉，不只是我，坐在我左右兩邊都出現相似情況，是落單出錯定係廚房呢？第三，食物質素。點餐後，先來一個羅宋湯。湯足料，可惜多油，西芹多渣。再來主菜生牛肉河粉。牛肉ok, 可惜粗製濫做，洋蔥絲變洋蔥條，應有的九層塔、芫荽等越式配料變粗蔥粒。再加上勁味精牛肉湯,完全唔得囉!最後係咖啡，算把啦，跟餐送的size,得半杯，唉………很難想像會有200多個好評，眼見周圍的食物賣相也不敢恭維，一定不會再光顧。…查看更多

今日假期見到這間餐廳無人排隊，所以入去叫了三個午餐:兩個火車頭湯米粉，一個香茅豬扒飯。平日晚市見這間餐廳很多人排隊，真係無諗到這幾個午餐可以如此難食，除了味道，更可以話係完全無心機煮，但都要收$65一位，一點也不便宜。火車頭米粉的餸全部碎得可憐，加上兩片細過手版薄過紙的牛肉及像青瓜絲幼的雞絲，慘不忍睹。湯底又差，衰過即食麵味精湯。香茅豬扒飯仲衰，豬扒已經細件，仲要炸到成舊炭，點食?如此質素，絕對唔會再幫襯!…查看更多

旺角越南粉麵店有很多，粉麵午市套餐由平到30蚊至貴到70蚊也有，而且貴真係未必好，食咁多間我個人認為最抵食及有質素的算是這一間。我最愛食生牛肉湯檬，牛肉很嫩不太肥，湯底很濃好有牛肉味，有大量金不換及洋蔥等等香料，很香很惹味，最抵係加2蚊可以有茶或咖啡，埋單只係44蚊，呢個價錢喺x棧只可以單叫無嘢飲（加飲品會多8蚊）。食物及價錢都好，唯獨是員工態度要積極些，叫幾次先應，唔記得order或慢慢來的態度真的要改一改。…查看更多

平時都唔食開“三哥”呢間，因為覺得麻麻，今日行經家樂坊見新舖開張，所以入去再試吓，點知都係一樣咁失敗，又中伏。我叫了酸菜墨丸米線，煳麻湯低加凍檸茶走甜。等了12分鐘，米線先送上，一望就知大鑊，成碗嘢嘅顏色咁似拖完泥地啲水，加埋腐皮似…… 深泥黃色，極度嘔心。味道似咖哩溝水，又唔辣，只得一啲咖哩香料味，仲之唔好食。啲餸仲衰，酸菜切到勁薄勁幼，無咬口，又浸到無哂味，墨丸又細粒。杯凍檸茶，唉…淡過貓尿，啲冰又溶哂。仲有，侍應反應及服務都非常有問題，我隔離枱叫一碗米線加飲品，重覆咗三次，最後嚟咗杯無檸檬嘅涷檸茶，我都忍唔住笑咗出嚟。另外又有人漏order, 真係差差差。以後見到“三哥”都唔會再幫襯。…查看更多

兩點幾經過餐廳，被廚櫃內的西餅蛋糕吸引住，望多兩望，見那些沙律賣相更吸引，便決定一試。可能時間還早，很多沙發位也是空置的，雖然坐位是商場open area, 但也不太吵，適合閒聊。我點了紅蘿蔔山羊芝士沙律及薑汁牛奶咖啡。山羊芝士配紅蘿蔔的味道出奇的搭配，有幾種不同的紅蘿蔔用蜜糖烤過，所以口感不錯，能帶出不同的味道層次，山羊芝士也不太濃，所以真的好好味，我自己本人十分喜愛，強力推介!薑汁牛奶咖啡也是我的心水推介，到目前為止都未搵到其他cafe整得好過呢間，因為佢真係用天然薑汁，其他的用薑味糖漿成陣藥水味，很難飲。對我嚟講，呢間啲咖啡太細杯，可以加大size就好了。…查看更多

因為某信用卡的優惠，我們去試試這間法國餐廳的Set Dinner。因為用優惠劵，一星期前已book了，所以只等了3分鐘左右。這間店的服務態度不嬲都麻麻，估不到連接電話都一樣冷漠。餐廳設計走時尚風格，不像巴黎那麼grand. 我們被安排坐近門口的沙發位，本來幾滿意，但一坐底就聞到一陣強烈“叔”味，環顧四周都無一些“另類食客”，究竟臭味從何來呢？最後發現是張枱勁臭，一定是用了發臭了的枱布抹過。這些情況只會在茶餐廳發生吧! 最後我要用消毒濕紙巾抹枱。我們ordered了兩個set dinner, 兩個頭盤都係焗田螺，主菜係煎鱸魚同煎鴨腿，飲品係咖啡。又話限時90分鐘，等田螺都等咗30分鐘。田螺用煲仔上，無殼。只係用磨菇忌廉煮，無技巧可言，而且有少少沙。可取的是磨菇味濃，都幾好食，而且有6粒，份量不少。主菜更平凡，爐魚煎得非常熟，但魚皮不脆，碟低配熟豆粒及一塊又咸又硬切不開的肉塊（我估是炸燶的咸肉腸）。賣相及味道都不驚喜，而且份量勁少，像頭盤。鴨腿煎得香脆，肉質ok，不太乾也不太咸，碟低配青豆蓉。不過，份量實在太少了，一支鴨腿配上兩湯匙豆蓉，真的夠飽嗎？最後，那杯咖啡不喝也罷，無味道。還有，送來的朱古力，像Royce一般吧～如果沒有優惠劵，我想我是不會再光顧吧！PS 除了束馬尾的女 waitress，其他的waiter甚至經理，服務態度真的有很大改善空間。…查看更多

我喺旺角食過幾間越南餐廳，呢間裝修比較好，坐得舒服啲，所以入嚟試試。平時假日好貴，今日星期四，叫了午市套餐“品越湯檬粉” 包飲品及甜品。賣相ok, 但料就超少，呢個係招牌湯粉，應該有生牛肉，牛腩，牛及雞絲，可惜每樣得幾條，超迷理size, 牛肉兩片，其他就碎碎的，有啲似碗麵“味X一品”咁上下，所以一堆嘢，食唔出係牛腩定牛肉碎。湯底唔得，衰過“越X”, 甜品布甸無味，可以唔食，反而杯咖啡幾好。要食越南嘢，旺角有好多其他選擇，比佢更平更好。貴錢貴過人，又要加一，唔會再嚟！…查看更多

相約一些舊同事聚舊食日式放題，見一些食評評分都幾高，沽且一試，點知一試中伏失望。刺身迷你件，無鮮味，無甜味。熟食如焗蠔，焗帶子，唔熱，淨係得沙律醬味。炸物又係涷嘅~ 最好笑係蒸海鮮，全部超超超迷你，連殼帶子最離譜，帶子肉好似5毫子大少，蝦就似蝦乾。最快係添飲清酒、梅酒，服務態度都ok, 可惜距離45分鐘夠鐘前竟然話要last order, 有無搞錯，45分鐘差不多仲有一半時間，即是放題時間得1個鐘頭15分鐘？好離譜囉！以咁嘅食物質素，環境，真係唔會有第二次!…查看更多

偶然會到這間餐廳午饍，因為裝修夠特別，而且只此一家，約一些不是經常聚會的同事就最適合。當日我與兩名同事點了三款不同的午餐。一般的餐廳只會包括餐湯或沙律，主菜及飲品，但這餐廳的頭盤竟然有餐湯，沙律，牛角包及薯條，細食的人單是食這頭盤也夠飽，難怪餐牌上也有此選擇，就是不要主菜，淨要頭盤及飲品。主菜我們點了燒雞沙律，炸魚薯條及意大利磨菇飯。燒雞沙律賣相很好，最驚喜是用了高質素的蔬菜，例如羽衣甘藍，這是一般沙律很少用到的食材，另外還有烤焗過的甘筍，蕃薯及南瓜等等配菜，還真比其主角燒雞出色呢！炸魚薯條味道不錯，薯條很粗，但不夠熱和香脆。意大利磨菇飯很好食，菇味很濃。飲品有咖啡，茶或一些特飲好像是檸檬汁可選擇。總括而言，餐廳食材高級，環境裝修很好，味道ok, 適合與朋友及同事聚餐。燒雞沙律意大利磨菇飯炸魚薯條頭盤…查看更多

之前來過一次食拉麵，但就覺質素普通，味道偏淡。上星期再光顧，主力試吓小菜及點心，就發現水準遠比拉麵好。當日下午我們叫了醉雞，韮黃饍糊，麻醬腐皮卷及白飯。腐皮卷外面是腐竹，而不是炸過很油的腐皮，包著紅蘿蔔絲，木耳等等素材料，再蘸上麻醬，口感清新，難怪差不多每枱客都有點這個冷盤，這個一定是招牌菜。醉雞酒味很濃，有一點偏苦，但我個人偏愛酒味，所以覺得很夠味，而且每件雞肉都很滑，沒有雞胸肉，特別一讚的是雞很滑但是全熟的，沒有一絲鮮紅的血絲，所以吃得很安心。另外，鱔糊也很出色，味道不太咸又濃郁，鱔糊很粗，又不會弄到很乾，有點像吃鰻魚的感覺。整體來講，此餐廳食物質素不差，而且不太咸或油膩，雖然拉麵質素一般，但小菜出色，而且不太趕客交枱，可以一試。…查看更多

一個人出外食晏，我就喜歡到這間餐廳，因為容易搵到位，人流不覆雜，而且食物質素ok。本人特別喜歡熊本蕃茄湯通粉系列，濃濃的蕃茄湯通粉，可配上不同的食材，如吉列豬扒，鮮牛肉，火腿，漢堡扒，餐肉及牛乳煎蛋，再加飲品，都是40元正。另外，它的特餐也是我心水選擇，有迷你叉燒湯通粉，加牛乳煎蛋，火腿及厚切多士再配飲品。如再豐富一點，可以再以優惠價加雪糕作甜品。論味道及賣相，其實與一般茶餐廳差不多，但勝在人流不覆雜，坐位不窄，不會趕客。特別是餐廳的女職員都親切有禮，實在是旺角一處難得可以寧靜吃午餐的好地方。…查看更多

因為有85折卡，所以就到這些間Drill Specialist Pokka試試。地方ok啦，大部份是4人枱; 餐廳內的waiter服務幾好,唯獨是門口那個就差啲，唔係好想答你。食物方面，如果喜歡重口味同肥膩會覺得唔好食，因為食物偏向少油同少鹽。我當日同屋企人喺度食午餐，叫了DIY牛扒，豬頸肉咖哩飯同帶子綠茶麵沙律。牛扒偏瘦，要快速DIY狂炒，否則鐵板很快會唔夠熱; 咖哩飯味道ok, 份量夠，至於沙律就味道不錯，是keep fit人仕首選，可惜分量偏少。整體嚟講，我覺得Pokka啲餐廳價錢一向偏貴，但食物質素都係ok嘅，唔會太差。如果要比較Pokka其下餐廳，我會覺得Le Grand好食啲。…查看更多