ShirKyo的个人专页

地方淺窄，唔記得拉埋張櫈，客人行過踢到櫈腳。入座時人少少，覺得無乜冷氣，朋友食到一額汗。後來坐返多啲人有開大返個冷氣。整體而言，食物味道唔錯。一碟乾炒牛河。份量少，料比河粉多，偏油不夠乾身。寬身河粉又Q又彈牙。一碟青口炒粉絲。份量適中，有7-8隻青口，偏油。如不喜歡唐芹，記得叫走。一碟芒果蟹肉炒飯。份量有一碗，不算多，滿滿蟹肉但無蟹味，芒果酸甜，炒飯夠乾身。一碟椰菜苗炒脆腩肉。份量偏少。相片中似是乾炒，上枱原來是濕炒，所以脆腩肉淋咗啲。加咗辣椒炒，唔食得辣要叫少辣。4個大人，3女1男，叫咗3碟粉河飯1碟小菜，埋單$519，走嗰陣仍然覺得未飽。…查看更多