szemobb的个人专页

由深水埗開始食，見搬左去大鋪試下！本身已經無抱任何希望，因為知道搬左大舖，一定會變左流水作業:(叫番食開既蟹膏湯檬，好失望之前濃濃既蕃茄湯底，現家只淨番死甜！一D蕃茄味都無！食得岀只係味精！另外主角蟹膏塊無蟹味，好似食緊蒸雞蛋咁豬紅無味，質地硬實！豆卜亦都唔索湯，唯一係兩塊扎肉叫正常！值得讚既唯有係班蘭糕$15，甜味適中，口感煙靭！好失望，唔會再食第二次了…查看更多

17/9晚行過諗唔到食咩，見未試過呢間粥鋪所以入去一試，本身都無咩期望，因為間間粥鋪都大同小異:(叫左一個皮蛋豬紅艇仔粥走牛，我老公一食，個粥甜既？😂應該係落得太多味精另外叫左即蒸鮮蝦腸粉，嘩，超厚皮，難食到一個點最後一樣最勁，粥舖最普通既炸両！未試過有一間可以咁難食！！條油炸鬼隔夜既，淋patpat!真係未試過食過咁難食既炸両呢間野一定唔會再有一次！黑名單 …查看更多

員工態度差到無人有！去食飯食到一肚火！以後都唔會再去！尤其是有個坐係收銀嘅男人，永遠都黑口黑面好似人哋殺左佢阿爸阿媽咁！食物質素又差 環境又唔衛生全部夾嘢食嘅碗碟油淋淋，求其洗過咁！依個地下全部都係油跡，滑到好似溜冰場咁價錢又唔係平，有大把其他選擇，以後都唔會再幫襯，一定好快會執笠…查看更多

一路都好中意食津津既雲吞，由佢地係街邊舖仔開始就已經經常幫襯，到現家入左舖後都有去幫襯！但佢地多數好早就賣完，所以有時放工後先去買都買唔到:(琴日難得男朋友早放工，特登去買外賣比我食，本身好期待架 因為好耐無食到我最愛既麻辣雲吞！買了一個細既淨雲吞，一個雲吞麵第一啖先試下個湯底。。E？淡味左咁多既？可能男朋友同我諗既一樣，我地對望左一眼，跟住即刻試下粒雲吞質地同味道都唔同哂。。好失望！之前既雲吞超好味架，肥肉比例較多，所以口感咬落去淋既，但今次完全唔係呢隻口感之前雲吞有一種只有係呢間先食到既味道，豬肉有小小芝麻香，但今次也是完全消失了。。我忍唔住問男友，係咪轉左人整？所以唔同哂？但男友說都係個兩公婆，無唔同人。。期望越大，失望越大！現家呢個味道 同我屋企樓下買既一樣。。已經唔係之前個種令人一定要番黎呢間食 其他地方食唔到既味道所以相信都唔會再幫襯了，失望，失水準！…查看更多

有日同男朋友屋企人去左油塘行街，到左中午時份就比我地發現到呢間和平飯店，見到裝修精緻，所以就入去試下啦座位舒適，裝飾好靚，店員有善！叫左招牌既小籠包每個裡面都有好多肉汁，夾起時要好小心，唔係就會流哂D精華走啦醉雞好入味雞皮爽脆炒飯就一般，正常！總括黎講，值得一試既！小籠包同醉雞都十分推薦，下次再黎試下其他…查看更多

自從搬屋搬近左旺角，現在每星期同媽媽飲茶都會去創興廣場7樓既富臨酒家佢地既下午茶由2pm開始 但五係好多人 無需要等位 但佢地係需要搭枱 如果2個人黎飲茶多數都要搭枱 今日我地有3個人 坐4人枱😄下午茶紙價錢好平，一碗燒鵝瀨粉先$15咋，仲要係一大碗，有成5~7舊脆卜卜既燒鵝架我同媽咪最愛既豬腳薑，好入味，豬腳好冧！大大碗先賣$14.8咋足料蘿蔔糕，加埋微辣既豆瓣醬食，一流即叫即炸脆皮乳鴿 上菜時係熱辣辣架加上華鹽同喼汁，正爆！一隻$32.8咋富臨其實真係好底食，3個人食左9樣野，先179蚊，勁抵！下次都一定會再黎飲下午茶…查看更多

今日收工後行經深水埗福榮街，見到有一間車仔麵舖大排長龍，見到咁多人排隊，心諗應該五錯的，所以就排埋一份試下鋪頭細細間，好難搵位，抽氣做得不好，食完岀黎成頭都油煙味呢碗係我既，叫左豬紅，玻璃魷魚，招牌油渣，豬紅和魷魚不過不失，正常！個問題岀現係個豬油渣到超難食！係炸到好脆，但勁大陣油益味！未食過豬油渣食到想嘔，食左2粒掉哂！！呢碗男朋友既，佢話正常，無驚喜總括來講 呢間車仔麵對我地黎講好普通，五值得排咁耐隊去食！可能係因為名氣既關係，不停不停都有人排隊入黎食，也有可能係我地五識欣賞吧…查看更多

手卷？近排愛上左海膽手卷，所以周圍四岀去搵好味既海膽手卷，fb介紹過呢間尖沙咀賣零食既鋪頭現家有賣即做手卷，仲要五錯！咁得意賣零食鋪做埋手卷？難得經過當然要去試下啦佢地只要買支飲品，就可以用優惠價買手卷啦我的最愛，海膽手卷！好新鮮，好鮮甜，好好味，食完一個都五夠喉想再Encore男友試左黑松露鵝肝手卷，估五到都十分正值得推薦，每樣都好新鮮，估五到賣零食既鋪頭做手卷刺身咁有水準！大家都可以去試下吖…查看更多

1月中係爸爸60歲生日，佢話想食齋慶祝，一家人一行10個人book左太子百寶齋廚一齊慶祝，細個記得婆婆都好中意黎呢間食，五知隔左咁多年水準有無變到呢？:)必食酸齋，咖哩齋，叉燒粒拼盆齋素翅，湯頭好濃，好足料素鵝，外脆內軟呢一餐食到好滿足，間五中食一餐素食都不錯！亦祝我爸爸生日快樂🎂…查看更多

有日睇到Fb介紹長沙灣有間88蚊甜蝦放提，自問超愛食甜蝦既我當然要去試下啦😍😍鋪面比較難搵，係後街，排了大約15分鐘就可以入座啦！有甜蝦，大赤蝦，虎蝦選擇！當中虎蝦麻麻地，所以叫左一轉就無再叫，專注狂叫甜蝦同大赤蝦😍😍每一轉既蝦都好新鮮，其中赤蝦好大好大隻，超鮮甜！每隻都有成支筷子咁長，好大隻架同埋佢地有提供埋手套比你剝蝦食，好細心但係呢個優惠好似係限時優惠，五知下次去仲有無呢？…查看更多

之幾日放假同男友去左沙田行下街，去到宜家傢私見到有好多野食，價錢又平，今日既午餐就試你啦每樣都好吸引，熱狗+1杯汽水先10蚊😳瑞典肉丸又係必食！個醬汁真係無得輸！跟住行到去堂食區，一路行一路選擇你想食嘅野放上餐車到，最尾去結賬就得啦！快D搵位開餐先2個人叫左咁多野食😂😂食完飽到行五動！宜家傢私真係一個開餐好地方！…查看更多

下午2點多係新寶戲院睇完戲，到左午餐時間五知食咩好，想搵個地方坐下hea下見到爭鮮五使排隊，就決定食佢啦下午時間不算太多人，食物款式都好多！有我最愛既三文魚腩，好肥美，油脂味係口裡面慢慢散開黎，好正鰻魚既燒汁好濃郁，正！仲食左好多其他款式，感覺上到晚市還要多款下次下午再黎食過今餐2個人食左150蚊，食到好飽，捧住個肚走，再繼續Shopping💪🏻💪🏻…查看更多

黎到旺角好景商場對面，每次都見到大排長龍，原來係呢間好岀名既肥姐鹵味，睇下有咩食先？？佢有啲王牌推介套餐魷魚啦生腸啦雞腎啦豬耳等等咁就試吓個王牌套餐啦有1串魷魚，1串細生腸，1串雞腎再加多串豬脷啦好多人排隊吖，小心急樣樣都好吸引，每樣都想試Tim冰凍既鹵味加上獨特既醬汁，超好味吖唔怪之得咁多人排隊啦，係真係好好味😊下次再試埋其他款先…查看更多

呢間由細食到大，每次經過都聞到好香嘅咖喱味！今日行過又忍五住啦！！！食左必食嘅咖喱魚蛋，招牌油渣麵，碗仔翅雨溝！好正，個咖哩汁甜甜辣辣，必食！$10@6粒有辣及不辣菜譜選擇，愛辣必加！足料碗仔翅，但略嫌魚肉太多粉！總結多年老字號，不會忘記的味道…查看更多

一句講曬難食！一定不會再光顧！！！！根本可以說是騙錢的！ 和你在家煮根本無分別！ 麵質地:超硬！湯底: 難飲，根本是味精！材料: 太cheap，沒有用心炮製！員工: 本人覺得太MK！…查看更多