SHUM GODDY的个人专页

間唔中就想食泰國野又唔使裝修好靚因為近同價錢㨂左siam28出乎意外地好食叫左生菜包，經理好好咁主動問，如果怕辣可以㨂小辣，黎個陣味道啱啱好帕能咖哩牛肉加薄餅個咖哩名要記住，有幾款呢隻最啱我口味，有滑口感有泰國香料味，佢仲要side dish 好多西蘭花 唔使自己另外叫菜都夠食再叫左個濕炒河，都唔錯埋單，400 蚊，兩個人食，要拎一半走樓面兩個人，有主動fill 水，上菜快，落單快，快手快腳，我食剩轉外賣盒，佢主動拎入廚房，幫我搞，走個陣，仲會講多謝同say bye 🤣其實唔求有咩賓至如歸，但兩個後生仔做足哂,搞掂個樓面加有禮貌，乖仔希望佢地keep 到會再黎，下次要試佢海鮮桶…查看更多

個日早去，成條街都小人想食漢堡，搵到呢間入到去乾淨企理老闆娘都服務正常以上叫左一個漢堡一個咖哩飯，都好唔錯餐連飲品，兩位130 蚊行過路過，都可以，就係女人街兩邊隔離仲有間有貓有野食，下次再幫襯下小店…查看更多

食物環境還可以的，無咩影相，食物感覺即整，係等耐啲，但出到黎食熱辣辣可惜有啲趕客，訂枱都知係90 分鐘，但我地坐到尾，七點幾，其實無無人等位，亦唔滿座都會叫我地離座，因為己經夠鐘本來準備叫蛋糕，咁又無咩時間，同都幾貴，88 蚊，一件cake ，咁就走人，去左隔離食中式野…查看更多

係荃灣食過，滿懷信心係黃大仙再試，但大失所望，啲泡菜同紫菜會比一小碟你，水自助 ，落單自助，有杯奶茶，衰過三合一，個牛骨面，真係搞唔掂，佢寫拉面，但係米粉黎喎，仲係勁淋米粉，舊幾水，啲肉無味，唔係講牛味咁簡單，係成個面都無味成間野係環境叫可以一定無下次…查看更多

見openrice 評價唔錯，一試，的確有道理，大件扺食叫左個牛萊了，另外一個係豬頸肉豬扒牛肉撈檬牛個個咩都有，半生熟牛，牛腩牛筋牛𦟌牛丸，好鬼大碗！最緊要係好味、係我想要個隻湯底味道，配左啲辣椒牙菜自己落！但今日胃口太細，另外碗撈檬真係食唔哂，個酸汁唔夠酸，炸物算唔錯，但比牛略有失色叫左小粉，但可能唔記得，真係好大碗！我係麻甩佬，真係食唔哂凍咖啡都好味！下次要再食！要試小食同法包！地點又易搵，服務都爽手！…查看更多

行過，收左貨款，又記起佢，就幫襯下，入面係舊茶記樣，我一條友係唔肚餓情況下，外賣左隻雞批，又幾好食喎，曲奇皮夠酥香，入面啲料夠，個白汁夾曲奇皮超毒！15 蚊！一定好過pei and tart !…查看更多

見啲comment 咁好，咁啱入去個邊做野，試一試佢，諗住用下消費卷，大安旨意就訂枱，原來openrice 標示的付款方式可能無更新，係無得用八達通或支付寶都無所謂啦，幾舊水，個場環境ok gei ，㨂左個90 分鐘任食（無叫海鮮，因為肯定食得海鮮就食唔到牛）加左錢任飲，都係一個小伏位，通常都包野飲，但40 蚊可以包埋啤酒 ok la , 送左個幾靚嘅牛擺盤出黎，但老實講，無一款好食，真係普通到，好似係佳寶買番黎啲肉咁，咁包左任食，試左五花腩，唔錯，但個份量係一整條燒腩仔咁大，我兩個人share 左，都飽左一截，份量有點欺人太甚，加埋啲員工都幾黑口黑面，後尾送上的雪糕，唔知放左幾耐，一打開，好多冰係面，好似舊式雪櫃啲冰格咁有積雪相無影，麻甩佬諗住食下肉隊下啤…查看更多

本來90 蚊78+12 ，不抱太大期望，但食完真係想講超值，點心款齊。蝦餃燒賣無hea 做，大部份點心熱辣辣拎出黎，全部合格，炸蝦春卷，奶皇包，腸粉都水準，半隻乳鴿同罐裝汽水啤酒，差啲擔心佢無錢賺，漏單小許，但預左，亦好快補番，臨完場，仲有人員問有無未齊。環境當屋邨酒樓格局。…查看更多

見佢係觀塘屹立左咁耐，comment 都好好，當母親節食飯去試下，係openrice 訂，有個四人餐七折同二人餐五折的優惠，去到職員講原來只能選一（老實講單點或其他餐牌都幾貴）咁無計啦，叫左任食牛扒個餐就算，一人二百六左右（連加一）有龍蝦半邊，鵝肝多士（冷盤）同牛扒同豬扒，ummmmm 口味問題吧，真係麻麻地，不論火喉控制（3成5 成7 成都有叫）或本來肉質，我會揀大家樂個牛扒餐……查看更多

聖誕節跟女朋友的選址，無他，價錢合適，地點就腳，因女朋友還小，打算帶壞她，飲杯酒驚喜就唔講得，但穩陣嘅餐廳食物叫左個鐵板海鮮（見圖）食材就一般，但都叫大堆頭，帶子青口大蝦，會淋啲酒點著，再上枱，有啲視覺效果！但好難影！嗌左兩杯cocktail Pina colada 比佢試，有啲椰子味，佢都喜歡，另一杯亂㨂，揀杯多烈酒嘅比自己，名唔記得，兩杯都唔錯後來細小的女朋友同我都覺得唔夠，本來想試牛扒，基本上餐廳都叫steakhouse 但太full ，點左個漢堡包，not bad burger room standard!有薯條🍟跟尾！但唔記得影相！整體滿意！有兩位菲律賓男士唱歌同彈小結他見仁見智的喜好食左total around HKD 1000 …查看更多

今日出去睇木乃伊，尖沙咀有咁多選擇，呢間食all day breakfast 聽左咁耐，點都試下佢啦，環境係唔錯的。十二點到仲有好多空位，第一時間帶位的員工，是帶到近廁所位加廚房位，即入門左角落，立時拒絕啦，佢問我咁你想坐邊？我都求其指一指仲有一大忽空地嘅位置。安坐後，朋友到，就點菜，嗌左all day breakfast combo 同egg benedict 三杯咖啡，咖啡唔錯，但其他食物好一般，無影相，亦唔細說點一般，未試嘅朋友可以唔去，除非係影相派同集郵，尖沙咀仲有好多餐廳！…查看更多