今日帶個由英國過嚟嘅客食飯，佢指明想試啲 high-end 嘅粵菜，但又唔想去啲太老派嘅地方。我即刻 book 咗 K11 呢間「鏞鏞」，貪佢裝修夠 chic，又有維港景。成餐飯我負責點菜，專揀啲手工嘢同埋少見啲嘅菜式。頭盤叫咗個蝦籽紮蹄，我同佢解釋呢啲係心機嘢，出面好少地方肯做，佢食完都話 very impressive。另外我哋叫咗個桂花蟹肉炒粉絲，粉絲炒得夠乾身，蛋花整到好似桂花咁，撈埋啲鮮甜蟹肉，鑊氣十足，個客食到停唔到口。再加多個生煎大蝦皇，隻蝦勁大隻，煎得好香口，蝦肉又夠爽彈，絕對係無得彈！成餐飯個客都讚不絕口，話估唔到中菜可以咁精緻，見到佢咁滿意，估計之後傾公事都事半功倍，絕對值回票價。…查看更多
以上食记乃用户个人意见 , 并不代表OpenRice之观点。
赞好
用餐途径
堂食
