李浩鋒的个人专页

今年冬至自己一個人過，好似好慘慘，為左令自己睇落開心d，冬至就出街搵野食下啦，路過旺角登打士街同砵蘭街交界，見到City Loung(都會坊餐廳）門口餐牌有靚牛排食，我本身就係牛魔王，見到d相影得d牛幾靚，又有鵝肝，就入左去試下啦，但講句公道說話，喺唔記得幾多年前入過去食牛扒，真係好勁梳打粉味，唔太好食，但今次見d相咁靚，決定比多次機會佢，入去揀左個K1安格斯肉眼配鵝肝，飲品如果飲佢d罐裝果汁就任飲，都幾抵食，埋單計埋加一都係240蚊。首先想讚下個男侍應真係好有禮貌好有心機介紹餐牌比我，非常好服務態度，到個扒黎啦，有塊非常熱既熱石比你自己煎塊牛扒，可以自己控制幾成熟，舊石都好西利，可以熱好耐，食到尾都仲可以煎到塊扒慢慢熟，鵝肝亦好大塊好好味，食完後我都覺得得閒可以再返食…查看更多

星期日Mother’s Day約左媽媽大人去元朗YoHo you’re既極尚大瀛喜料理，我個人覺得因為太多選擇，野食都新鮮好味🤤，價錢亦唔貴，埋單計埋加一先300左右一位😍，所以好多人怕冇位都book定位，當日去到book左位既都要等，walk in真係要好彩先入到🙈因為放題用手機落單，所以服務員唔多接觸，但基本上都有禮貌，環境亦乾淨企理，野飲自己拎，啤酒汽水果汁甜品任拎，有自助雪糕機，而手機點食物方面種類非常多，壽司刺身，燒蠔，鮑魚，天婦羅，燒菠蘿，海膽，三文魚籽，珍寶蝦😍，連酸菜魚都有😂個人鍾意食炸榴槤波，非常香口多汁🤤，咁多新鮮好味既野食，果日真係食到肚都脹哂，飽到夜晚🙈，食兩小時300蚊左右既價錢真心抵，之後一定會番食😁…查看更多

今日同朋友黎到銅鑼灣呢間樓上cafe食午餐，選擇都幾豐富，環境舒適，又有園景睇，真係好適合一堆朋友黎放鬆下😌我地分別叫左兩個午餐，一個廚師精選，一個白汁煙三文魚義大利扁麵😊廚師精選每週更新，而我地今日係食到我最鍾意食嘅俄羅斯牛柳飯😋飯底用義大利飯煮，飯汁酸甜適中，牛柳唔會起渣，真係好好味😋朋友點嘅白汁煙三文魚義大利扁麵都好出色！汁同扁麵比例剛剛好，我就覺得扁麵煮得偏硬少少，不過朋友覺得ok🤩我地都叫左兩杯水果茶，呢d天氣飲十分解渴～最欣賞店員喺我地點餐前會關心客人飲食習慣，提返客人菜式裏面會有牛肉成份，好彩我同朋友都係牛魔王，唔怕✌️埋單都平均$100/位左右，以銅鑼灣呢個地段黎講真係超值😎…查看更多

今日同friend黎到K11 Musea嘅日本餐廳食和牛午餐😙餐廳環境十分舒適，私隱度極高！唔講以為食omakase😜我地分別點左一個吉列牛柳同一個壽喜燒套餐前菜嘅漬物真係十分出色，除左貌相好精緻，仲好開胃，連最怕食青瓜嘅我都覺得青瓜漬好味🤤壽喜燒套餐由廚師即席烹調，提供幾個口味比客人嘗試，包括原味，汁燒，同蛋汁～牛肉都十分大片！大家食完都話好滿足，我差啲想搶左佢嗰塊黎食！吉列牛柳炸得剛剛好，牛肉唔會過熟，亦有好香濃嘅肉汁味！廚師準備左三款調味料比客人蘸牛柳食，我最鍾意都係海鹽同wasabi口味😋 另外仲有提供新鮮日本蛋食蛋汁撈飯，實在係太滿足啦🤤飯後甜品仲有焦糖燉蛋～蛋味好濃好好味我地另外仲點左枝礦泉水，埋單$1200左右…查看更多

兩個friend 放工去食飯吹水，講開想食辣串串，咁就上網搵到呢間喺寶勒巷嘅川婆婆，唔係人好多，所以好快就入到座啦，裝修都幾地道下，最有趣係成晚食飯播壞舊金曲，好似返左去細個同屋企人食飯既感覺🤣，服務態度好，食物選擇都ok多，又有鮑魚，又有蝦又有蜆，d肥牛都好靚下，串串湯底揀左清湯同麻辣，佢仲再包一個雞煲，不過覺得雞唔算好多，但個雞煲好濃味，食完又可以加湯變雞煲湯底，所以最後變成三個湯底選擇😂埋單每人三百幾，尖沙咀都算幾抵，因為真係食到個肚就黎爆咁濟🥰得閒會再約朋友黎食😁…查看更多

前幾日約左個friend出旺角睇波鞋，但旺角真係食得太多，一時唔知食乜好，所以上網查下有乜食，搵到間位於砵蘭街189號1樓叫茶聊既餐廳，就咁睇相覺得裝修都幾靚幾特別，好有心思，可以比d美女黎打卡📸另外我係比佢個布蕾焦糖疏乎厘吸引既，所以立即同朋友去試吓，下午三點左右都多人，不過好彩岩岩有人埋單離開，所以等左幾分鐘就有位啦，服務態度亦十分有禮貌，我就點左網紅忌廉芝士蘑菇釀雞翼同朋友兩份食，一杯超級水果茶，主菜係輕煎北海道刺身帶子水牛芝士準手工墨魚麵，主菜墨魚麵好好味，味道香濃，隻帶子好大粒好彈牙，極度推薦👍🏻，個釀雞翼我覺得個忌廉味幾明顯，芝士亦好味唔好太漏，又係會翻食既菜式😚，為左個疏乎厘以黎，所以食完正餐就叫咗個焦糖疏乎厘同朋友兩份，個人覺得都好食，但唔係太驚艷，但鍾意食疏乎厘嘅人，應該都會好鍾意，下次要叫埋女朋友一齊黎食，女朋友好需要儀式感，呢間餐廳佢應該會滿意🙈最尾埋單每人160左右，有咁既環境質素我覺得可以翻食😉…查看更多

今日約埋幾個朋友，一行六人去左尖東瑰麗酒店嘅Bluhouse食義大利菜～好彩朋友熟路，唔係一定會盪失路🤣我地點完菜之後餐廳先上Sourdough麵包！岩曬我哋今日嘅菜式、點汁食都好味！POLPO E OLIVE 八爪魚橄欖沙律（$230）八爪魚非常肥美！好彈牙，橄欖油亦好香～我地忍唔住叫左兩份😋TAGLIERE DI SALUMI 雜錦冷盤 （$330）送酒一流嘅Cold Cuts！全部都好香煙燻味，配sourdough剛剛好，齋食會鹹左少少FETTUCCINE ALL’ASTICE 加拿大龍蝦闊條麵 （$720）採用原隻加拿大龍蝦🦞，龍蝦汁炒嘅意粉唔會死鹹，反而好鮮味！龍蝦亦非常厚肉～最貼心係廚師預先幫龍蝦剪鉗起肉方便食客一撕就食到，亦唔洗整污糟手POLLO ALLO SPIEDO 羅斯瑪莉烤春雞 （$788）黎之前已經聽過唔少朋友話烤雞好食，果然無介紹錯！係雞胸位稍微乾少少，整體都好嫩滑😚配埋伴碟嘅薯仔同冬菇，真係食到停唔到口GUANCIA DI MANZO 紅酒燴牛頰肉 （$380）又係一個點汁食麵包嘅好配搭！牛頰肉好腍好入味～不過份量稍微少d，我地六個人唔係好夠分連埋酒同其他飲品，我地埋單平均每人約$650～可以食到咁多唔同菜式，值回票價～下次再返黎食埋pizza先🥰…查看更多

之前睇過網上介紹大角咀有間叫Easy joe既西餐廳，佢個特濃朱古力好似好正🤤，所以就特登約埋個friend 去試吓😁去到餐廳門口，好彩唔係咁多人，所以好快就入座啦，裝修方面都有啲格調，牆上面會有啲壁畫，服務員態度非常之好，睇睇餐牌其實都唔算太多嘢食，但每樣都幾特別，主菜我叫咗個白酒蜆肉扁意粉，而我個friend就話share食，叫左個芥末洋蔥醬炸雞窩夫，甜甜地但又唔係甜品😂，因為佢要落糖漿，但佢又有炸雞同有隻煎蛋喎，真係好有趣嘅組合，個白酒蜆肉扁意粉賣相唔錯，我都覺得幾好食，扁意粉唔硬幾彈牙，有酒味，但又唔會有酒嘅苦，味道濃郁👍🏻，但因為食完扁意粉，個炸雞窩夫份量又非常之多，最尾兩個人都食唔晒😂，個炸雞炸得唔乾，加埋佢啲糖漿同芥末洋蔥醬，又唔會覺得唔夾，不過可能口味問題，我未覺得有太大驚喜，最後要講嗰個特濃朱古力，朱古力味真係非常之濃，我覺得可以溝少少水飲添，係好味既😚最尾埋單三百幾都算正常，喺大角咀來講呢間二世祖都算幾唔錯，下次再黎試個鰻魚蛋包飯先😁…查看更多

最近天氣時濕時熱，最適合係食辣嘢去濕濟😜今日就黎到深水埗附近呢間麻辣佬食川菜～餐廳鄰近黃金電腦中心約5分鐘左右路程，非常方便！餐廳主打烤魚，酸菜魚，水煮菜式同乾鍋，總有一款適合你～就好似我同行朋友唔食魚咁🤣我地選擇左叫乾鍋！今日叫左兩道菜 - 肥腸乾鍋同東風螺乾鍋因為朋友唔係好食得辣，特別欣賞餐廳可以選擇辣度，完全食唔到辣嘅朋友，都可以選擇蔥爆口味！餐廳菜單非常豐富，除左預設嘅幾款乾鍋之外，亦都可以自選乾鍋，選擇你鍾意嘅配菜同口味！如果擔心預設乾鍋唔夠食，都可以再加餸！餐前醃貢菜+炒花生（$30）點菜之後隨即送上嘅餐前小食，貢菜醃得好香同爽脆，配埋花生真係好適合送酒！本身仲擔心6:30pm早食飯可能食唔落，食埋個餐前小食即刻好開胃😋香辣肥腸乾鍋（$108）+白飯（$12/個）我地另外加左雞球（$39）、黑柏葉（$36）、魷魚鬚（$37）、支竹（$30）同油墨菜（$27），肥腸爽而不膩，雞球嫩滑，全部餸菜吸滿左乾鍋嘅香辣味道，真係送飯一流！蔥爆東風螺乾鍋（$108）東風螺全部都好大隻！而且新鮮、唔腥！蔥爆口味將東風螺嘅鮮度推高～朋友食完一隻又一隻，差d唔夠分🤣蘋果醋喺餐廳雪櫃拎出黎夠曬凍！用黎解辣解膩剛剛好，亦唔會好似汽水咁，飲到成肚氣～下次要同d肯食魚嘅朋友再黎試下烤魚同酸菜魚😋😋😋係十分難忘嘅口味！會再回頭…查看更多

係時候要寫喺屋企樓下間琦興茶餐廳啦，作為深水埗平民價茶餐廳，選擇非常之多，有小菜有蒸魚🐟，冬天有煲仔飯🥘，有羊腩煲🐐，每日有精選午餐，有7樣野比人選擇，仲有車仔麵，服務態度非常好，始終做街坊生意，態度好同價錢平民化係必須😁，至於裝修方面就正常啦，環境衛生亦唔會太差，我會比3-4粒星，茶餐廳真係要求唔到咁多，但lunch時間因為附近多地盤又多住宅，所以lunch好多人，而我平常唔係食車仔麵就係食佢精選午餐嘅蒸水蛋（唔係日日有），佢個蒸水蛋蒸得好滑，好易入口，而冇蒸水蛋嘅日子，我通常都會食常餐，常餐嘅配搭，你可以同服務員講想要啲乜，佢哋通常到可以安排到俾你👍🏻，每日買單都係45蚊，所以lunch諗唔到食乜，可以嚟呢間試下，比較多選擇😉…查看更多

今日沙田大會堂睇完show,當然然喺新城市廣場搵下有咩食啦🤔，因為之前睇過介紹有間食牛扒🥩同有任食薯條🍟既餐廳，所以就決定去食Top Blade Steak Lab，晚餐時段非常多人，諗住有排等所以拿拿聲去拎飛，不過因為用餐時間有限制，所以好快有人食完埋單，等左十分鐘唔夠就入到坐啦😁，門面裝備我覺得企理乾淨，但未至於非常高級，同埋都坐得幾迫下，服務態度方面可能太多人啦，正常但冇乜笑容☺️，食物種量唔算多選擇，不過反正都係慕名而來食牛扒🥩同薯條🍟，所以對我唔大影響，我就叫左塊香草平鐵牛扒三成熟，同埋免費薯條任食，先黎左份薯條，食落真係幾好食，有d黑松露嘅味道，炸得剛好金黃外脆，唔會太鹹好好食，但記住唔好因為任食就食太多，搞到食牛扒食唔哂呀😂至於牛扒三成熟真係幾正🤤，牛扒煮得夠軟身，咬落一啲都唔會太靭幾彈口，伴菜係一粒大蒜，都幾香口唔錯，咁既質素咁既價錢都算值得既👍🏻，不過杯開心果味飲品就覺得有d淡可以再甜d，整體黎講係收費合理但高質既，鍾意食扒又鍾意食薯條嘅朋友，真係要去食下😚…查看更多

今日同女朋友去左荃灣海之戀既WM Cafe & Bar一齊去食dinner🍲，好在我地係6點左右去到，未到最多人既晚飯時間，好快就有得入座啦😚，門口個服務員哥哥服務態度非常之好，抵讚👍🏻，最衰今日有d涼同大風，唔係我實坐露天座位，真係食個景都抵，不過室內裝修都好有格調😚同女朋友點左烤慢煮八爪魚墨汁意大利飯同埋芝士芥末焗蟹肉忌廉大通粉，個飯好煙韌彈牙，墨魚汁又夠味，最正係佢條八爪魚鬚，好咬口好好味，至於個大通粉就比較難評價，因為我食左一條女朋友就話我搶佢d通粉食，所以唔比我再食🥹，咁應該好好食既，最尾埋單兩百零蚊，總括嚟講服務態度，環境，食物質素都值5星👍🏻…查看更多

今日lunch同個friend行開長沙灣，突然話想食壽司，就去左麗新商業中心既壽司郎，可能性價比比較高，所以去到都排哂長龍，不過都比平時繁忙時間人小架啦，等三十張枱左右，等左40分鐘終於入到，環境服務就唔講啦，直接講食物啦，佢可以用平板電腦點餐，亦有迴轉壽司比人拎，電腦落order 都快，幾分鐘就送到，不過每次只能叫4樣野，我重點推介係蟹肉茶碗蒸同淺炸天然黑鮪大吞拿魚腩，個蟹肉茶碗蒸夠哂熱，蛋又蒸得夠滑，蟹肉份量足夠，入面仲有其他配料，非常好食，而個大吞魚腩就口感肥美啖啖肉，其他食物我覺得極體新鮮，咁既質素咁既價錢，唔怪之得大排長龍啦，不過以同類迴轉壽司相比真係算高質…查看更多

星期五放假同老媽子同女朋友👩🏻去左尖沙咀新港中心既唐宮小聚，其實我自己就第一次黎呢間餐廳🥸，因為係我聽老媽子大人🫅🏻建議先去，先講下間野既環境先，感覺到裝修想行高檔路線，但價錢又正常可接受喎，食物方面，我見到幾樣係我好鍾意食既野🤤，所以二話不說就點左黑金流沙包，沙田乳鴿🐥，我媽媽大人就想有d飯落肚，就叫左個大肚婆炒飯，但唔知點解係大肚婆呢🤰🏻😂而我女朋友就真係唔知係咪大肚啦🥹(個肚腩)就揀咗個酸酸甜甜既開胃餸-冰鎮咕嚕❄️🍍🐖，講下我鍾意食既野先，沙田乳鴿唔算大隻，都夠入味，唔洗落調味都好夠味👍🏻，黑金流沙包都好流沙下，不過食既時候真係小心，入面d流沙好熱，唔小心心急可能會辣親😂，個大肚婆炒飯就除左有d乾之外都唔太差既，鍾意濃味既我就覺得可以再鹹d🙈,個冰鎮咕嚕都幾精彩，外層夠脆，酸甜開胃，餸飯或就咁食都好食，最後賣單三個人4百幾，尖沙咀黎講差唔多架啦🤔…查看更多

今次食既呢餐，係位於觀塘駱駝漆大廈4樓嘅二撇雞，可能真係性價比同口碑都幾好，就算星期六既下午兩點都排晒長龍，而且記住人齊先準入座，因為真係好多人，好在我係自己一個食，其他人又未齊唔入得，我等左10分鐘左右就入到去啦，而環境方面都乾淨企理，人手間中比較忙，但都態度係盡責有禮既，作為健身教練既我要足夠既蛋白質，所以今次就試下佢個宮廷貴妃雞啦，不過講真，隻雞就正正常常冇咩特別，但反而令我有驚喜既就係佢個湯，奶白色一啲油都冇好鮮甜😍，另外嗌左個香炸腐皮魚角，薄薄一片炸到外脆內軟，唔會太油膩，如果可以配埋啤酒就認真係絕配💪🏻，見到隔離枱個胡椒濃湯雞米線都好吸引🤤，下次黎開會再黎試下😚，同埋佢有個個名好有趣，叫失傳已久的豬扒都想試吓😂最尾埋單都係一百蚊鬆d咋😚…查看更多