Ducktak328的个人专页

旺角真係好多嘢食花多眼亂.有時睇完戲已經好夜好多舖頭都閂咗.見到朗豪坊對出就有呢間開到凌晨三點嘅串燒店.啱晒睇完戲，所以入嚟試吓🙌🏻食物：1.黑松露野菌雞肉意粉用料講究.黑松露香氣配上滑嫩的雞肉和野菌，意粉炒得剛剛好，口感和味道都很到位。而醬汁都好濃郁好味😋因為同行有小朋友，所以店員好好將黑松露醬分開👍🏻2. 安格斯牛肋串肉質鮮嫩多汁，烤得微焦但不乾，醬汁滲入每一絲肉纖維，好食😋3. 西班牙黑毛豬肋串豬肉香濃肥美，肥瘦適中，入口成嘴都係烤肉既香氣，超級軟熟好味😍4. 鹽燒牛舌串燒至一點點焦邊的牛舌，配合少許鹽調味，展現原汁原味的獨特口感，彈牙又入味。5. 雞腎串質地爽嫩富彈性，處理得非常乾淨有嚼勁好味6. 秋葵雖然係好簡單既食材，但燒烤要燒得唔乾有水份都唔易，係健康又好吃既選擇。7. 菠蘿炭火烤出菠蘿獨特的甜美，一口咬下去就是酸甜交融既滋味🤪8. 泰國露筍脆嫩新鮮炙燒後更能吃出原始味道，加點特製醬汁更是完美。9. 蕃茄清酒煮沙白沙白夠鮮配上清酒煮後帶出豐富的層次感，配埋下面嘅粉絲好入味好好食💓10. 黑松露菌蝦多士（四件）外層烘得酥脆，中間蝦肉飽滿再加上黑松露香，估唔到串燒店都可以食到咁好食嘅蝦多士11. 蔭功豬（即五花腩）豬肉厚切但烤得非常均勻，脂肪部分入口即化，滋味無窮！整體嚟講：全部嘢落單之後15分鐘左右陸續上齊.全部即叫即燒非常新鮮.款式種類都好多.連意粉飯.牛扒海鮮都有得食.一家大細都啱食👍🏻👍🏻…查看更多

呢間鮮活之味我朋友超級推介，佢喺觀塘返工成日推薦好嘢食俾我，所以今次專登放假過嚟試吓👍🏻食物 :- 極尚濃蝦湯拉麵 主打嘅王牌！超濃蝦湯配上彈牙拉麵，用料好足，有蝦帶子叉燒雞肉，仲有啲啱啱煮熟嘅蝦味精華，打卡又好，入口更加驚艷！- 火炙牛板腱拉麵 見到有火炙牛，屋企人都好鍾意食牛，所以每樣都叫一款試吓，好豐富口感嘅，香滑嘅牛板腱燒到半熟，配上煙韌嘅麵條，啖啖牛味加埋湯底，一流嘅滿足感。另外加左芝脆飯丸兩粒＋糖心蛋半隻飯丸外脆內軟，夾埋裡面啲芝士，咬開嗰刻真係好正🙌🏻再加埋蝦湯兩種食法👍🏻糖心蛋熟得啱啱好，蛋黃流心一啲都唔簡單。- 南蠻炸雞餅配碎蛋沙律 外脆內嫩嘅炸雞🍗配埋少少酸甜口嘅碎蛋沙律👍🏻- 自家手沖支裝奶茶 試埋佢哋自家手沖奶茶，入口順滑又唔會太甜，無論配拉麵定小食，都perfect match！整體嚟講 : 雖然係隱世小店，但最出名嘅「極尚濃蝦湯拉麵」講緊嗰個湯底，純正蝦味濃香得嚟又唔會膩，絕對係試過難忘！火炙牛板腱都好好食，性價比好高，下次一定會再嚟食🤪…查看更多

見好耐冇食過放題同打邊爐啦.見淘大呢間開咗都未試過.趁屋企人放假同佢一齊試下👍🏻食物：揀左Lv4: 澳洲穀飼黑安格斯牛 + SRF 美國極黑牛放題 + 海鮮放題入到去就見到好多唔同嘅嘢食.食物擺放得好整齊.而且都分咗唔同區別好清晰.有好多唔同嘅丸類岩哂我.仲有好多熱食.甜品冷熱都有唔同嘅櫃放置.仲有關東煮🥰🙌🏻而飲品同埋醬料區都好齊全.有好多韓國嘅飲品.平時都好少買來飲.放題就可以一次過試多啲唔同嘅味道👍🏻鍋底揀咗黑蒜豚骨湯.上咗湯底之後店員會比埋一盤肉同海鮮.之後想食邊樣就自己再用code order.澳洲黑安格斯牛同美國極黑牛都好食.油脂分布清晰好靚.都好香牛味肉質好嫩.6-7秒就食得🙌🏻 而肩胛肉就會更加有口感.蝦.墨魚滑好新鮮彈牙😝而三文魚刺身都好新鮮好厚啖啖肉.丸類蔬菜都新鮮好乾淨.我最鍾意就係自助甜品區.超鍾意榴槤嘅我超多榴槤甜品👍🏻熱既有榴槤芝士撻.榴槤炸彈.凍既有榴槤大福.榴槤芝士蛋糕.仲有開心果泡芙🥰點單方面可以自己點榴槤蓉.好正😊食飽仲可以自己唧雪糕同埋食豆腐花🙌🏻地方又大又舒服冷氣都好夠.食得好滿足.想食嘅款式都有.下次帶埋屋企人過嚟食👍🏻…查看更多

我一向都對港式甜品好有興趣.因為香港食到傳統好食嘅甜品吾算好多多數都係食新派新式嘅糖水比較多.咁啱就喺鄰住買見到有coupon仲係港式甜品.咁所以就決定試吓呢間.我買嘅時候好抵$38兩個糖水等於買一送一🙌🏻今日就用咗coupon同老公去咗試吓.叫咗合桃糊同埋紅豆沙味道都好濃郁同好香好夠熱.但係覺得相對上比較甜.坐都坐得好舒服嘅.而價錢喺銅鑼灣嚟講都合理.但相比其他中式糖水就比較貴.見到有好多其他唔同類型嘅糖水仲有盲盒.係幾得意但係覺得普遍價錢都比較貴.未必下次會再食呢一間.中規中矩唔算特別推介.經過想食糖水都可以試吓既!…查看更多

同老公喺朗豪坊睇完戲.出嚟周圍睇下去食晚飯.見到舖頭好多人款式又多所以決定試吓🙌🏻食物：-川香鮑魚雞煲-片皮鴨半隻-蓮藕仔炒腩片-乾煸四季豆-白飯-凍檸茶-Asahi川香鮑魚雞煲啲雞肉入晒味.而鮑魚都好大隻啖啖肉.揀咗唔辣都好香好惹味.片皮鴨皮好脆.肉質都唔會太乾😛配埋青瓜京蔥包埋一齊食好味😜而蓮藕仔炒腩片.蓮藕好得意好細粒而且好爽.配埋肥瘦適中嘅腩肉好香好夠味.乾煸四季豆我最愛.外層微脆微焦.加埋啲鹹香嘅調味好惹味好正！真係好開胃搭配埋個飯食哂👍🏻整體:餐廳唔算好大但係坐得都好舒服冷氣夠凍.全部即叫即整.叫左幾樣都好抵食！唔錯下次同屋企人可以再叫多幾樣🙌🏻…查看更多

睇戲前同老公周圍搵嘢食.平時都好少食川菜.見到川菜好耐冇食所以今晚決定試吓!食物：-口水雞個汁好好味雞都好滑.作為前菜非常開胃-金湯酸菜魚(微辣)微辣啱啱好唔會太辣少少麻好惹味.份量都好多魚肉好滑無骨.入邊仲有萵筍薯粉鮮冬菇🙌🏻-湖南椒小炒肉超級香口惹味好夠鑊氣.小炒肉係五花肉肥瘦適中.吾會好辣-凍檸茶整體方面：餐廳上菜好快手全部即叫即整熱辣辣.而且份量好大我哋兩個人都食唔晒.價錢上喺銅鑼灣性價比非常高.而且味道都好正宗好食😋…查看更多

知道最近帝都酒店新開左中菜.一向都好中意食中菜既我.緊係襯星期日同老公黎試下啦！食物：叫左個晚市開心孖寶-上湯龍蝦配稻庭烏冬底-脆皮吊燒雞-花膠雞燉湯-藍妹啤酒 Light非常鍾意食龍蝦嘅我.龍蝦好爽口彈牙.調味啱啱好.第一次食龍蝦配稻庭烏冬.估唔到烏冬煙靭嘅質感配埋會咁夾而且非常掛汁好好食🙌🏻脆皮吊燒雞皮脆肉嫩.脂肪好少.所以一啲都唔肥膩.啖啖肉😋最後飲返個燉湯非常足料.好大隻冬菇花膠.非常鮮甜.最後仲送埋紅豆沙大滿足❤️我同老公都唔算好肚餓.見到孖寶份量都幾多.隔籬枱都係三至四人食.所以我哋就嗌多個湯同埋啤酒就夠啦.兩個人都食到非常飽.食物全部即叫即整熱辣辣.而且仲有推廣優惠性價比高🌟…查看更多

平時都比較少食越南嘢.見到好多人介紹而且喺附近好近.所以同朋友決定晚餐過嚟試吓！食物：-脆米紙薄餅-南乳雞翼-鳳爪沙律-咖喱牛肋條配斑蘭椰香飯-香茅豬仔骨-斑蘭龍眼茶-柑桔檸檬綠茶第一次食米紙薄餅.係好脆既米紙係底.食既時候配埋紅蘿蔔青瓜仲有臘腸一齊食.口感好豐富好脆加埋個醬好惹味👍🏻雞翼好香口配上南乳醬好食.冇骨鳳爪酸酸辣辣配上沙律菜係好正既開胃前菜.豬仔骨烤到岩岩好.一咬就脫骨.牛肋條非常入味同食到好香咖哩味.配埋椰香飯.超級下飯🙌🏻飲品都吾會太甜好飲好解渴！整體方面：餐廳較大坐得好舒服.地點係top商場後面.過左天橋轉彎就到真係幾方便.下次要再去試多幾款唔同既野先☺️而田最近餐廳仲有印花卡活動.基本食一次下次就可以減錢/送小食啦🙌🏻正…查看更多

一向都好鍾意食牛腩麵嘅我.經過見到銅鑼灣呢間好多人食.餐廳都好多種類所以決定試吓!食物:-(牛筋牛肚牛腩)三拼米粉-炸魚皮-炸鮮蝦雲吞-紅豆冰叫咗一個自製牛三寶米粉.牛筋同牛腩都炆得好腍好入味.係我鍾意嘅質感唔會太腍保持應有嘅口感.牛肚非常爽口彈牙👍🏻份量都好多.配埋米粉可以吸晒滷水汁😜炸魚皮非常脆同新鮮冇油益味.鮮蝦雲吞非常大粒都有好多蝦好彈牙.餐廳仲有紅豆冰唔會太甜好味👍🏻整體餐廳夠大坐得好舒適.而且冷氣都好夠.食物種類有好多.仲有提供飯.而且定價都好合理性價比高！…查看更多

朋友好想食西餐.又見到哩間有介紹過.有埋dj枱裝修都幾靚.好有氣氛.所以約埋等朋友放工一齊去試吓！食物：2人晚餐-粟米周打湯.凱撒沙律-香蒜牛油煮蜆-蒙古豬扒-澳洲肉眼牛扒-焦糖布甸-芝士蛋糕-凍檸茶凍檸水前菜沙律好新鮮.湯夠熱好Creamy👍🏻牛油煮蜆好有驚喜.每隻蜆都好大隻而且冇沙好嫩滑.蒜蓉牛油汁好惹味配埋香脆既蒜蓉包好出色😛而蒙古豬扒都令我覺得非常驚喜.似係半肥瘦嘅梅頭叉燒肉.入口油脂同瘦肉嘅比例大約係3比7啱啱好.唔會鞋保留肉質非常嫩滑彈牙.調味都啱啱好非常好食😋牛扒保留肉汁之類都好鮮嫩.配菜嘅薯仔🥔同鮮菇都好食.最後配埋焦糖布甸同芝士蛋糕🍰👍🏻餐廳好有氣氛裝修得好令.右邊見到有DJ枱.店員話不定期會有人唱歌.打碟🙌🏻食物全部即叫即整非常新鮮好味.款式都有好多.仲可以飲酒🍻聽歌🥰唔錯…查看更多

老公好鍾意食海南雞.所以成日都去搵好味嘅海南雞.見到觀塘屋企附近新開咗一間外賣店有得食.夜晚即刻加餸買返去同老公一齊試吓🙌🏻食物：🔘無骨海南雞半隻🔘泰式無骨鳳爪無骨海南雞非常嫩滑🙌🏻而且真係無骨.食落口啖啖肉.特別一讚薑蓉同出面嘅唔同唔會好鹹.配海南雞啱啱好.點黑豉油/酸辣汁都好惹味好食👍🏻泰式無骨鳳爪酸酸辣辣好開胃.酸辣味道適中唔會好搶喉.有埋紫洋蔥去醃.食落口都唔會好辣！價錢定價合理.味道都好好性價比好高.想食飯/加料買返屋企都係一個好選擇👏🏻…查看更多

作為香港人魚蛋燒賣都食唔少.我自己都好鍾意食特別係咖喱魚蛋.配埋辣辣地既咖喱.作為小食.作為飯前食或者少少肚餓食真係一流🙌🏻食物：🔘魚蛋🔘燒賣🔘魚肉生菜碗仔翅🔘蘿蔔.牛柏葉.齋.牛丸辣度有3種.小小辣.小辣.大辣我揀咗小辣.係非常惹味嘅咖喱辣得黎會有少少甜.係甜辣咁好惹味配埋魚蛋.蘿蔔.牛柏葉.齋.牛丸😋牛柏葉唔會太硬.保留到好爽口同齋.蘿蔔一齊食好吸味好食.燒賣食得出魚肉佔嘅比例好多粉少.煙煙韌韌👍🏻魚肉生菜碗仔翅非常出色.魚肉爽滑彈牙.配埋好足料嘅碗仔翅加埋醋胡椒粉吊味真係香港好出色嘅小食之一🙌🏻…查看更多

見到哩間最近都有點心優惠仲有我最中意食既花膠雲吞雞所以決定午市過嚟試吓花膠雞麵.叫左一個生滾花膠雲吞雞上海麵$88因為係生滾即叫即整等咗大概10分鐘左右非常熱辣辣.個花膠湯底超級濃郁.應該暫時係我喺香港食過頭三甲最好味嘅花膠湯底.一直喺香港都有食唔同嘅花膠湯底麵真係做得好出色.而且食完唔口渴冇味精餐廳環境都好靚.夜晚係做打邊爐所以坐嘅枱都好舒適.唯一要挑剔嘅係花膠只係得一嚿雞雖然係雞髀肉好滑但係都只係得三舊份量比較少但係雲吞有四粒大大粒而且好多蝦肉好彈牙好食而上海麵都好彈牙好食既$88係尖沙咀黎講性價比都好高👍🏻…查看更多

星期日family day.帶小朋友出黎玩.見好耐無食泰菜專登去九龍城食.老公之前同朋友食過覺得唔錯.所以今次老公帶咗我過嚟試吓🙌🏻食物方面：⚪️酸辣鳳爪酸酸辣辣好開胃.無骨鳳爪比較爽口.如果煮腍啲會更加入味更加好食⚪️雞肉串燒即叫即燒.熱辣辣既雞肉串燒.燒得一啲都唔乾而且好多肉汁啖啖肉配埋秘製嘅沙嗲汁好好食😋⚪️海南雞半隻睇個樣都已經好靚.肉質好滑唔鞋.配埋泰菜既酸辣汁真係好好食😋⚪️蟹肉炒飯好有鑊氣.但係飯炒到唔係粒粒分明.蟹肉都係罐頭既.相比下比較普通⚪️芒果沙冰好清甜解渴.好飲👍🏻整體方面：咁啱遇着星期日7:00晚飯時間.真係好多人等咗大概超過一個鐘八點先入座.如果想去食建議早少少六點食應該會冇咁多人.款式非常多想食嘅都有.兩個人嗌咗四個菜一個嘢飲埋單$360價錢好合理.味道都好好.性價比好高.下次同埋屋企人一齊過嚟可以試多幾款.推介🙌🏻…查看更多

最近2025年2月見到大樹先生有個優惠推廣.就係小朋友出世紙/身份證中左2025可以免入場費.咁我同朋友既小朋友都係25號出世可以免入場費.所以就相約平日去玩下.不過家長就每人最低消費$120提早係網上預約左.我地下午2:45到達.平日無限時任玩地方比想像中細好多.只有2個區域左邊係沙池右邊就主要玩樂區(最左邊有2個小滑梯同千秋比2歲以下細d既小朋友玩.之後有化妝間.煮食間.最右邊就係波波池)!入去玩之前自行除鞋.係無職員睇住同幫手噴手消毒之類. 亦都無濕紙巾提供抹手係沙池就要除埋襪先入得去玩.出面就有一部風筒比家長自行吹走d沙清理!波波池好少波.小朋友從滑梯落黎.底下係空既完全無波.體感好一般而中間既煮食區設施都好舊好多都爛爛地又好亂無職員會幫手執拾.玩左大約1.5小時就同小朋友一齊去食野.發現食物定價極高好唔合理.小食種類又少.7成為主食.而最平都$170起.就連小朋友既兒童餐都要$158起飲品都係比較貴.食完野小朋友玩多2小時.需要午睡所以都離開了！小朋友又要玩.又要食野休息下.如果假日只係得2小時玩絕對唔夠.平日就好啲可以任玩.正常收費小朋友$99/位我都明白餐廳要賺錢所以食品包埋入場消費但定價太高了.食品質素又普通.而職員都無主動幫手/協助過我地.相比其他親子餐廳就差好多.收費無咁高服務亦都好好多.而最大問題係咁大間餐廳竟然冇育嬰室.同小朋友換片要去同層商場嘅唯一一個好細嘅換片室實在好唔方便.都要輪侯好耐唔係小朋友可以免入場唔會去.我之後都唔會再去.失望最後同朋友叫咗一個薯條同埋一個意粉.埋單$326 但完全唔飽😩…查看更多