taku1988的个人专页

今日同朋友一齊去北角新嘅海濱公園度踩單車，是但搵咗一間餐廳食，食完意外地發現呢間餐廳幾唔錯，我哋嗌咗一個炸吉列豬扒拉麵（豬骨湯味）同埋焗豬扒飯。塊吉列豬扒炸得好酥脆，佢哋嘅吉列豬扒係薄薄一塊，唔係厚切豬扒哪一種，拉麵份量都幾多，湯底有三款可以揀🤤焗豬扒飯都幾好食，芝士同茄汁比例控制得岩岩好，而且豬扒嘅肉質都好淋，唔會係個啲柴皮肉嘅豬扒。兩個人食飽飽包埋兩杯凍檸檬茶都只係百幾蚊，真係超值啦👍👍…查看更多

呢間餐廳係正中環大館隔離，可以睇完展覽再去食飯，呢度地點夠曬方便👍而且呢間餐廳既戶外用餐區可以睇到大館，同埋啲裝飾令到成個氣氛好有情調，岩曬中意打卡影相既朋友仔。但因為我怕熱，所以都係凍啲先坐出面啦🤣 我哋兩個人叫咗個安格斯牛丸pizza，個pizza份量超大，兩個女仔食可能會食唔曬添，啲芝士同個安格斯牛肉都非常足料，而且係好吃的😋（最後食唔曬）另外再叫咗個西西里檸檬闊麵，呢個麵係第一次食，一食落去好有意外驚喜！因為檸檬味道令到成個闊條麵好fresh，同埋減少咗油膩的感覺💓最後我哋叫左個tiramisu做甜品，價錢有小小貴，但真係幾好食😋如果份量可以再大小小就非常好了✌️…查看更多

今日去咗天后嘅九町屋食lunch，呢間絕對係港島區嘅平民日式餐廳，價錢親民，70蚊以下就有交易，真係超抵食😋😋😋！我試咗佢哋嘅吉列豬扒拉麵，豬扒炸得外脆內嫩，拉麵湯底濃郁，麵質彈牙，份量十足，食完超滿足！朋友就叫咗豚肉壽喜鍋，豚肉片薄身入味，湯底甜而不膩💓💓，配埋啲蔬菜同魚豆腐，暖笠笠好正！另外仲加咗份醬燒豬頸肉，燒得香口，醬汁惹味，如果送飯一流！餐廳裝修都好有心思，牆面滿滿的日系風格畫，好有feel，坐得又舒服！總括嚟講，九町屋性價比高，食物質素唔錯，環境又靚，絕對係天后區嘅平民美食之選！…查看更多

呢間餐廳唯一好處...就係完全唔洗等，因為長期無人食。但今日下午三點，我同朋友幾因為太餓🥲🥲🥲，所以當時就是但衝左入去食，本身都覺得無咩野。但食完覺得，好似無咩野過野一樣，我地兩個人食左三百蚊左右。仲要唔包飲品，咩都無.....分量係勁小，蛋入面包住啲飯，真係得3-4啖左右，配菜只兩條咁....平時我係好細食既人，但我食完都唔飽。最緊要最緊要既係味道非常一般，好淡....無咩味，我好後悔入左來食🥲🥲🥲🥲報告完成。…查看更多

尋日去咗天后一間地鋪食A5和牛韓式烤肉🥰，地點都好方便，一出地鐵行4分鐘左右就到，唔使搵到頭都大。間鋪雖然唔算好大，但裝修幾有格調，坐得舒服（有籃比你放背包)。職員服務態度一流，由入座到介紹菜式都好細心，成個用餐過程好愉快，覺得香港既餐廳服務最近提升左不小。我哋叫咗個「薄切A5和牛常滿二人前」套餐，只係$699有咁多嘢食，真係抵到爛！🤣🤣套餐包括 : 荔枝牛肩胛串串、圓條厚切牛舌半條、蒜蓉牛油烤帆立貝同蜜糖燒雞翼。前菜仲要無限量供應添! 樣樣都好好味。荔枝牛肩胛串串就比較特別，荔枝嘅清甜同牛肉嘅香濃完美結合，食落有驚喜！厚切牛舌口感爽彈，蒜蓉牛油帆立貝鮮味十足，雞翼會提供額外既蜜糖比你自行調味，想幾甜自己控制。當然，主角A5和牛先係重點！薄切和牛嘅雪花紋靚到冇得彈，放上去燒嗰陣，油脂香氣撲鼻，入口即化，肉質嫩滑到不得了。加埋韓式辣醬同生菜一齊食，味道層次豐富，完全唔會覺得膩。整體來講，呢間鋪頭性價比超高，食物質素好，服務又貼心，絕對係天后區嘅隱世美食。鍾意食烤肉嘅朋友，一定要試吓！…查看更多

最近去咗觀塘一間地鋪食無限時任食火鍋✌️，地點超方便。間鋪食物選擇多到眼花撩亂🤣🤣🤣牛肉、海鮮、丸類、蔬菜樣樣齊！只係差甜品方面需要加強一下...佢地啲牛肉質素非常唔錯🥳🥳，海鮮亦夠新鮮，最正係無限時任食，同埋食火鍋前有啲小食食又有埋酸菜魚❤️❤️，咁正既地方一定要寫下....香港地租金咁貴，竟然搵到個地方可以慢慢歎，唔使趕頭趕命。真心好小見了....整體來講，性價比高，觀塘區打邊爐嘅好選擇！…查看更多

香港呢一年，真係越嚟越多內地品牌，打入左香港!其中一間係袁記雲餃，早一排係深圳食完之後，一直對佢D餃子....念念不忘! 好開心今次竟然係荃灣遇見袁記！佢地D餃子雲吞，全部新鮮即包架! 我叫左一款湯餃，今次試左西洋菜鮮肉餃!我覺得要襯中式湯先最正!勁似西洋菜湯個陣味! 另外我地就叫多2款煎餃，叫左韭菜鮮肉餃同玉米鮮肉餃! 煎嘅餃子我第一次食! 感覺都唔錯! 只係我自己比較鍾意食湯嘅餃子! 搬到香港依然保持咁內地既水準! 唔錯! 如果我住個一區有開一間就好了!…查看更多

由從日出康城個間outback執左之後，都搵唔到一間岩心水既西餐廳食。好彩朋友介紹左我來呢間，價錢比outback更抵食，你地睇下佢啲價錢，真係性價比極高。下次可以試下佢地既下午茶🐷食完之後覺得整體食物味道都幾唔錯！份量方面都好充足，最大驚喜就係佢地既咖啡，膽粗粗叫左佢地既特別版咖啡飲，橙味咖啡本身以為會勁奇怪，點知飲落好有驚喜！好開心在將軍澳區，終於可以搵到間可以經常幫襯的西餐廳了❤️❤️❤️…查看更多

繼續留港消費✌️其實香港都仲有性價比高既餐廳既，睇你識唔識上網搵資料姐！今日去左D2 3樓呢間食燒肉既鋪頭，環境乾淨企理座位又闊。重點係午餐燒肉套餐真係好抵食。我地叫左$248有三種和牛既套餐,再另加雞牛豬都有個個套餐$158！套餐除左肉類仲包左小菜，一碗日本飯，仲有一個湯，仲要有埋沙律。呢個價錢食到真正和牛，又包咁多野真係邊度搵！另外如果想飲野或者想追加肉類都可以優惠價下單。岩曬啲大食人士😂😂最後我地都加左野飲同一碟豚肉。埋單500幾就食到咁高汁既燒肉！正！…查看更多

終於有一間似樣啲既咖啡店了。呢間咖啡店有熱飲，又可以因應客戶要求加糖，亦終於有凍咖啡可以選擇。真係十分之好❤️❤️❤️。終於有咖啡店是以客戶為先了。所以一口氣買了幾杯試試，上到office同事們表示我買到凍飲版本的咖啡表示驚訝，因同一間鋪的上一手(已結業)的咖啡店，是不會提供凍飲的，亦不會為客人咖啡加糖。btw...真係好開心終於我地成班同事可以成日買咖啡了🙏🙏🙏…查看更多

而家個個都講九龍城寨套電影，今日我終於嚟九龍城行下。見到呢間充滿舊香港特色的地舖🤩🤩淨係睇門呢個風格，已經好啱我今日個feel❤️ 原來呢一間係小食店，食物嘅價錢唔係好貴。而且選擇都非常之多，平時見到嘅街邊的小食呢度都有！老闆娘推薦我食，大小姐艇仔粉！下圖個碗就係喇！艇仔粉超級足料，味道方面都唔錯。如果可以多啲炸魚片就更加好了，因為我好中意食炸魚皮。另外湯底應該係用魚去煲，幾鮮甜。最後叫左個糖水試下，叫咗個腐竹雞蛋糖水。糖水唔會太甜，甜度啱啱好。整體來說這間小食店，環境乾淨企理，如果大家路過九龍城可以一試！…查看更多

好多間既一人燒肉都試過，好多都好味平靚正，真心真係未遇過一間可以咁難食....只係架火車比較有趣，係幾得意之外。其他野完全唔掂，肉質係超級差，啲肉係食得出勁唔新鮮。好似啲雪左好耐再解凍既肉咁。雖然呢度價錢平，但呢個價位，有好多燒肉店都做得比佢好。仲有另一個餐既菜又係勁唔新鮮，霉曬咁樣🥲🥲🥲呢個價錢可以去「燒肉likxx」。起碼唔會啲肉同菜都係霉的。叫做正常食到一餐。如果一心只係想影下相，打下卡既話都可以既。但如果真係想正常食餐飯就非常唔建議了。…查看更多

今日晚餐去左呢間位於尖沙咀既日本餐廳，睇地鋪既外表平平無奇咁。上緊樓梯先時候先見到佢地無論裝修定氣氛都做到好似去左日本咁，呢度幾加分的。同埋呢度環境好舒服，如果下次有朋友生日或者想傾偈飲野可以再揀呢度呢❤️野食方面都勁有驚喜，好有特色！唔似一般日本餐廳咁。來來去去都係個啲野。呢個黑木亭原創既黑糖啤酒拉麵就夠曬特別了:⁠-⁠)上面白色那堆係好似奶油來的（我都唔太肯定），小小甜加上黑糖。食落口感有趣！而且感覺似食冷麵的，岩曬夏天食呀！外觀岩曬中意打卡既朋友仔！另外呢間日本餐廳既飲品都好得意！忍唔住同朋友叫左一人一杯，haha...呢隻熊仔真係超得意，而且杯飲品幾好飲添！酸酸甜甜正呀！薯條我覺得就就普普通通啦！只係上面加左啲奶油。但我朋友話幾好食。成碗野佢食曬咁濟...我自己就最中意食下面呢個山葵烤肉盤，岩曬懶人又想食烤肉既我！因為肉本身已經是煮的了呀！下面有火加熱的,非常方便！味道仲好濃郁，夾生菜食就岩岩好了！…查看更多

今日我又留港消費了，同五位朋友一齊食燒肉✌️我們五個人安排坐在大枱🤩最喜歡這裏的泡菜蛋可以任食！還有的是粟米芝士都是任食！免費任食的東西最正❤️呵呵！但這裏的涼拌配菜不是任食的🥲需要額外加錢才能任食！所以那一天沒有加配。我們點了一些套餐和散叫食物，肉類都很新鮮。以及散叫的食物也不是很昂貴！但缺點是抽氣系統非常一般！在烤肉時，時不時也傳出了隔離枱，烤燶食物的味道😂如果抽氣系統加強一下便更好了。…查看更多

今日又留港消費，支持下香港飲食業先😂😂呢間泰國野係旺角已經好多年，但一直無食過！見到門口有人排隊，所以就想試下喇（今時今日香港地、多人排隊個啲實無死）入到餐廳見到真係爆曬場囉🤩我地叫左個泰式濕炒河、同埋泰式肉碎生菜包、同埋沙嗲串燒。啲野食既份量都幾大份，兩個女仔食都好夠飽，我地仲加左兩杯野飲。一共都係$338。同朋友AA每人都係百幾蚊，真係幾抵食。呢度啲食物除左份量幾大份，佢地個沙嗲串燒真係好好食。一份有成六串架都，ps:個醬汁係最令我念念不忘的✌️另外個泰式肉碎生菜包都唔錯。濕炒河個份量相對就比較細份左小小。如果啲河粉份量多啲就正喇！下次想試下佢地啲咖哩😋…查看更多