鮎川丸子的个人专页

好久沒有去屯門市廣埸，見到一間蕨餅2個字，即刻買回家試下先！原味6件蕨餅$68原味10件蕨餅$98今日職員話，買滿$100，可用半價換購，10件裝蕨餅！超多黃豆粉！抹茶Latte蕨餅$55抹茶味都濃，唔會太甜，下面蕨餅就有甜味！蕨餅好大粒，煙煙靱靱，唔甜，好好食，黃豆粉超多！…查看更多

今日無意中，行過V Walk ,見到NeNe chicken,即刻兩眼發光，我記憶中之前係元朗，係好食，即刻買先！我點左雙拼炸雞$108回家一打開，係咪眼花，每個味只有4件，好彩有買飯卷，味道方面，招牌炸雞，跟個蜜糖芥苿醬，雞又硬又乾！另外，白郡主炸雞，結局一樣，又硬又乾，雞個底味係一樣，唯獨個醬不同，味道有D不同！🙄另外，點咗炸飯卷，炸蝦味，飯卷好食，外賣都脆，餡料豐富，以$68都算係扺食！👍…查看更多

初初茶木開來天水圍，勁多人排隊，之後一段時間，冇人排，就睇下有咩食，原來有下午茶，試下先！叫左紅燒牛肉麵+免費黑糖冬瓜茶，追加$24紅豆芋圓！芋圓味道正常，但少到呢，4口已食完！牛肉麵，發揮正常，2件牛，肉夠淋，又夠味，麵正常水準，都係10口內KO！有興趣可以一試！…查看更多

今日想食泰菜，同事話食過，都幾好食，咁就試吓啦！佢形容嘅地址，我好有印象係，老人院隔離，但第一時間去到，唔知係太熱定眼殘，睇唔到，之後又上天橋，又入西鐵口，B出口出再行，吓又老人院，再頭向上望望吓，見到個好細嘅，芭提雅三個字，唉！🤦‍♀️到啦！一入去，同個侍應講，揾死人啦！佢都知，個名太細啦！之後，馬上點餐！1,冬陰公，好飲，有濃濃蝦湯味，不太辣，又夠香！2,青木瓜沙律，已經少辣，可能我食不到辣，我覺得好辣！3,小食拼盤，好食，蝦餅好彈牙，春卷，香脆，魚餅，有好香嘅香料味。4,金邊粉，好乾身，好味。5,菠蘿炒飯，好食，正常。6,炒通菜，菜都算嫩，但有些辣！7,串燒雞串，肉有點硬！整體來講，食到辣，先好食！味通係好嘅！，…查看更多

今日無意中，去到側魚涌地鐵站附近，見到Lady M ,因為以前尖沙咀比較多人所以冇試過，今次又試吓！1,朱古力棋盤蛋糕$68口感柔軟，入口有少少咸咸地嘅牛油味，不會太濃太苦的朱古力味，又不會太甜。2,大甲香芋麻糬忌廉蛋糕$78口感柔軟，好香芋頭味，不太甜，中間麻糬口感少少煙韌，外觀又優雅，真係一種享受！…查看更多

本來今日想去十月初五街，不過，可能方向行錯，去唔到，行行下見到蘭香閣，又可以試下！試左，芋角，好感鬆化，味道一流，好想食多一碟！咸水角，皮夠厚，味道可以，正正常常！之後，潮洲粉果，除了個皮吹硬左D之外，餡料ok！之後，叉燒腸粉！皮薄夠滑，味道一流！沒失望！可以再食多一碟！再來，蝦餃，中伏，皮厚，硬，餡料除了蝦粒之外，仲有肥猪肉粒，係一粒粒猪肉，本人唔食肥，所以no good ,但味道係調得ok！最後，牛肉燒賣，除了牛肉燒賣，本體硬D之外，味道係可以嘅！不過，冇喼汁？整體上！會唔會去？本地人可能習慣在，有個地方見老友，對食物冇乜要求，勝在就腳，都會去！…查看更多

疫情之後，第一次去澳門，目標只有一個，去買最香杏仁餅，印象中要去到紅窗門街，再上斜路，盲中中，問下人，終於去到，但原來係摸門釘，因為逢星期三，休息！好彩，我住一晚，明天再去，話開11:00am,本人10:30am去到，目測有30多人排隊，之後，等到派籌，D人又擾攘一輪之後，終於拎到籌！之後，係正門有號碼先可入，只要留意一下，便可入去，只有杏仁餅限買，其他，自已隨便買，杏仁餅夠鬆化，唔會太甜，或者好乾，合桃酥，好香蛋味，鬆化！其他什餅，都好食！要排隊下次都會🦵🦵🦵！…查看更多

因為太耐冇去澳門，當然要去巴黎人同倫敦人參觀一下！行到好累，又到6:00pm左右，唔知食乜好又想休息一下！見到呢間店，感覺好舒適，又冇乜人，馬上入去！之後，落左一份，牛角包，百利酒咖啡上菜速度都算快，牛角包有好多沙律菜，有雞肉，芝士等，非常豐富，冇諗過好飽添，百利酒咖啡，好香百利酒味！下次會再試埋晚餐！…查看更多

今日去荃灣經過見到呢間店，又試吓先，我早上11點幾去到，已經好多人！我叫咗，和風白玉，多芒楊枝金露，狂人粢飯，和風七味炸脆雞，地道避風塘炸脆雞，十勝紅豆豆乳！粢飯好味，飯夠乾身，油炸鬼夠脆，有炸菜，肉鬆，好味！和風七味炸脆雞，雞用咗雞亦，一開二味道唔咸，炸粉夠薄身！地道避風塘炸脆雞，用炸蒜辣椒撈上雞到，都好惹味，唔咸唔太辣，小朋友都可以食！和風白玉，夠煙靭，有粒粒有咬口，好味！多芒楊枝金露，同我認識嘅一樣，好多料，有好多粒粒！好味！另外！十勝紅豆豆乳，唔太甜，感覺好健康！好味！…查看更多

今日初七，第一件事諗起要去，壽司郎買外賣，一直想去，但太多人所以等到依家先去，我大約下午1:45去落單，佢話大約15分鐘，叫我2:00去拎！不過！提外話，出外賣員工態度就差D，可能工作量大！壽司味道我覺得，係同某幾間出名壽司店，都差不多，不是特別驚喜，而我本人係呢個二人前，最喜愛，就係醬烤蝶魚鮨邊，魚肉肥美，另外，厚切鯖魚，都好食，魚肉烤過唔乾，甘香！另外，鰻魚都肥美，甘甜，唔乾，又冇骨！帶子都要一讚，因為夠厚身！另外！買咗巴斯克蛋糕，蛋糕味道芝士味濃而香滑，但自家制嘅忌廉，我又覺得甜D！但整體上係ok,可以試下！…查看更多

今日終於試咗，快樂蜂Jollibee,雖然人多，但工作人員手腳都快，不用等太耐，真係好！今日試左佢個C4餐$52,有2件炸雞同磨菇飯加汽水，我都覺得ok,傳聞中炸雞，真係好食，雞唔鹹，炸粉唔算厚夠薄身，又脆，又有肉汁，肉又嫩，磨菇飯D汁，唔鹹啱啱好，希望水準一路keep住，真係好！…查看更多

今日約咗朋友見面，想揾個地方，同環境唔錯，交通又方便既地方！見到評價唔錯，環境輕鬆！又試下啦！Afternoon tea set, 每位$388,二位起，我地三個人，另外再點了二款食物！煎鵝肝一流，入囗有好香嘅焦糖味，夠香脆！簡直一流享受！甜品，我本人覺得朱古力味嗰二款，非常出色，香滑夠濃，又唔太甜！另外點了，Crispy paper roll$108米紙卷，味道清新！另外！再點了，酥炸「富貴鴨」伴森巴醬配黑松露炒飯，$228，炒飯夠乾身，黑松露醬剛好，味唔會太濃，鴨炸得鬆脆，不會太乾，非常好！跟Afternoon tea set，黑松露湯，如果喜歡濃味嘅朋友，就啱啦！我覺得太濃！整體唔錯！可以試下！…查看更多

今日行過此地！發現呢間小鋪！平，靚，正！外賣也如此吸引！叫咗一個經典熱狗餐！$39，本人覺得抵！粗薯條夠脆！熱狗新鮮！配埋豆碟花百香果！飲品味道好足料！正！款式夠多！夠大衆化！…查看更多

今日同朋友一聚，朋友話成十年冇去過，好想食燒鵝，一於去深井裕記，我地叫了三款！果然，皮脆又薄冇肥膏，肉質香嫩滑又多汁，真係一流👍👍👍呢個，什菜㷛，有豆苗，菜芯，白菜仔，蝦米，枝竹，草菇，冬菇，粉絲，再配上南乳，香囗野味，內容豐富，又唔咸，清爽可口，正！👍👍👍開始時朋友仲話咁大嚿豬排，實硬過我條命啦！點知一咬落，驚喜處處，肉質鬆軟，多肉汁，豬排夠厚身，勁有滿足感，酸酸甜甜，食唔停囗！食肉獸必試！超正👍👍👍…查看更多

:(無買2年，咁啱有朋友話去買，所以搭朋友買2罐大size , 點知一收到，點解細咗咁多，而且只准買1大1細，共$200蚊，(仲俾朋友怨，俾職員鬧到一肚氣！)雖然味道冇變，好香牛油味，4種味包括有，咖啡味，原味，燕麥味，另外圓形都係牛油味，以前細size 都有2層，現在得1層，好失望，現在大size 變了，2層高同之前買開的細size 一樣！(上圖右邊罐)，而最上白色大罐無再出！而且最突出是，售貨員依然經常鬧客，好似她説：(你昨天買過，今日不准買！)，態度依然無變！但以前2014年,我去買時，附近的店鋪，會有呢隻曲奇賣，而且我見有個人無排隊行埋個職員到，個職員俾籌佢，咁其實附近的店鋪，日日買又得，客人日日買就唔得？？？真其怪？？？…查看更多