大靚孖的个人专页

老媽子今晚話好攰, 唔想煮飯, 屋企得我同佢, 老爸去左飲, 細靚孖同朋友慶祝生日...但其實我唔想出街, 俾老媽子迫落去...我問老媽子想食咩, 佢話去食附近既 "圓山"...我即時say "No"!!! (之前想食呢間, 上openrice諗住睇下有咩推介...點知...d comments, 好差囉)但老媽子話早幾日同佢D雀友嚟食過TEA, 覺得好得...仲話同老闆娘吹過水, 係咁讚話D豬扒好脆好大件, 又話個肉燥飯好味...無計, 老媽子揀, 是旦一餐無所謂啦, 橫掂係屋企附近...我地兩個入到去, 咁啱見到老闆娘, 而佢都認得老媽子...寒暄一陣就坐低!咁我多口梗係問佢有咩好介紹, 佢好認真話要試鹽酥豬扒肉燥飯同埋紅燒牛肉湯麵呢個set 餐, 仲幫我地點左蒜泥青瓜+鹵水蛋豆腐2款小食! (其實, 我都係是旦講下, 尤其最唔想試果個紅繞牛肉湯麵...睇過d食評話勁鹹!!) 老媽子話晚飯要食d菜, 額外加左個小食 (肉燥唐生菜)P.S. 我影相果時, 老媽子話佢既角度係正面, 佢嚟影, 點知無即時check...OMG....番到屋企見番D相...第一張影到好唔靚囉可能真係無期望, 我都有少少 "嚇親" (d小食好大份!!)老媽子話上次食過豬扒飯, 今次佢食牛肉麵 (哈, 心諗好彩佢搶住話要!)當我開始食果陣, d豬扒真係好脆好香, 又大大件 (佢地唔切原塊上)...d肉燥飯同平時出面食果d都幾唔同, 好香又多肉燥（勁鍾意肉燥撈飯）我都同老媽子講話d豬扒都好ok...佢叫我試佢既牛肉麵, 咁咪叫d姐姐攞多個碗仔share下...好味喎!! 都唔係好鹹, 牛肉好腍好入味! 蒜泥青瓜同鹵水蛋豆腐幾正添, 咁唐生菜當然無咩特別好唔好食...BTW, 最估唔到佢地有MOVENPICK 咖啡 (唔記得影相!), 連個杯都係印左呢個名, 好香濃 (我係出面D cafe都要幾貴一杯架)食到咁上下, 老闆娘過左嚟問好唔好食....我好真心話好好食, 同佢講d豬扒熱辣辣好脆口, 老媽子都讚個牛肉麵...老闆娘笑笑口話佢地用靚油炸, 仲要話佢老公炸到9成, 上碟既timing就會啱啱好 (好細心喎)咁我又多口同佢講番原本唔想嚟食...係因為之前見openrice comments好差....唔敢試...佢就幾無奈講番原來開張初期請左d無咁醒既姐姐, 成日同d客嘈...又話廚房師傅為左加薪玩野! 佢都話佢地兩公婆係知道openrice食評之前被人寫到好差...家下已經換晒d姐姐同廚房師傅, 仲由老公係廚房多d監場!哦...唔怪得我見d姐姐好似幾nice咁 (可能老闆娘要求卦)點都好啦, 聽完老闆娘講野, 對佢地真係加番晒分:)下次, 有機會等老爸及細靚孖得閒, 一齊再嚟幫襯過啦, 抵死夾大件 …查看更多

今日中學老死 C 小姐放假, 原本我地一心諗住去食澳洲牛奶公司, 但太多人...無奈地走人...突然醒起一間我好耐之前食過晚餐的餐廳我淨係記得果晚真的好肚餓, 細靚孖話呢間好好食, 孖住我嚟試, 雖然好多人, d位都算窄, 但野食確實係好味 (d pizza 熱辣辣 ), 仲好抵添 !!講番今日lunch呢餐, 我揀左Turkish Kebabs (Lamb), C小姐揀左 Chicken Curry, 額外加個 Butter Naan!無諗過lunch d野都咁大份量, 總之唔加多個 Butter Naan...好飽呀 呢間野lunch都好多人, 有個長髮waiter 哥哥服務係好nice, 但個餐湯真係催好耐先記得攞嚟 (d主菜嚟晒, 最後先上到), 不過都唔緊要, d野好食同埋d service ok 也無怪佢地既 ~…查看更多

今晚, 我同「細靚孖」去左朋友推介既「大門橫丁」元朗店度試!其實之前係太子店都食過, 不過, 上次我就試「原隻蟹湯烏冬」, 果次隻蟹好大隻, 我又懶醒叫左幾款串燒, 食到過飽好似夾硬質d野落肚!今次, 我地分別點左蕃茄「大門糖心」(叉燒 / 豬軟骨) 手打烏冬及沙嗲豬軟骨烏冬, 仲有芝士雞串、燒牛舌及燒菠蘿...加埋兩杯梳打特飲...勁滿足 D豬軟骨勁大舊, 又淋又入味:)值得介紹係加 $8 多送糖心蛋同埋餃子 (不過, 下次我唔會加, 因為要留肚叫下D特色串燒)有我至鍾意既酸酸甜甜蕃茄湯底, 連渣連湯幾乎一滴不留食晒, 正! 最後, 仲有新店開張既COUPON送, 下次可以同「細靚孖」再嚟食過 …查看更多