victor7lam的个人专页

行到攰攰地入去試下食碟燒臘飯，叫咗燒鵝燒腩仔飯68蚊，份量較少燒肉得五六粒，燒鵝也是得五六件，白飯一碟但份量只得一碗，燒腩仔都很脆口但比較厚皮有些類似大陸燒肉口味，燒鵝切得比較細件，皮都算是脆口，最重要杯凍檸茶茶稀，茶味不足檸檬得三薄片實在太刻薄！！！68蚊一碟雙拼燒味飯加凍飲三蚊共71蚊埋單！…查看更多

夜晚八點去到都唔少人，約三分之二滿座，座位較為迫，一般街市大廈大排檔格局，而家真係進步用qr code點餸，叫咗椒鹽鮮魷、沙拉骨、蝦醬炒通菜、脆皮炸大腸、乾炒牛肉伊麵、韭王黃鱔球。椒鹽鮮魷：魷魚幾新鮮但唔夠香口，粉漿唔脆口；蝦醬通菜炒到水汪汪，鑊氣唔夠；沙拉骨用豬扒去做已經係失敗，而且覺得唔熱，好似用沙律醬撈豬扒一樣；脆皮炸大腸一啲都唔脆而且唔覺得熱；韭王黃鱔球味道一般；牛肉炒伊麵唔夠乾身味道正常！總括嚟講：可能大部分食物都係預製組件方式製造，唔會有第二次。廟街x記食好好多。…查看更多

去和順記再次挑戰大脾飯，今次食咖哩汁，食到雞脾中間無炸乾到，仍然好多肉汁，咖喱汁比想像中好味，因隻脾好大，仍然要食曬啲飯，先可以安全食隻脾，凍飲加＄ 2共＄50大元…查看更多

土瓜灣熱記大排當，通常夜市食小菜打冷，午餐唔會太差，見到有十幾款炒粉麵午餐，入去叫咗個豉油王排骨炒麵午餐，凍飲加2共＄47，份量唔太多，炒得唔夠乾身但都算OK，下次想試吓滷味飯餐…查看更多

今午外出工作經油麻地，順路去出名食大鷄髀和順記，的確名乎其實超大鷄髀蛋飯，黑汁另上，凍飲加2，收＄50正，咁大隻髀中間仲好有肉汁總之……正，D飯份量少DD，可能隻大髀唔夠位放飯？唯一就係唔好坐…查看更多

某日想食點心，但疫情限聚令下，外賣安全D，諗到去添好運買，見到都唔少人等外賣，原來佢地只有外賣停咗堂食，蝦餃必食：唔算大隻皮薄餡靚，唔會只有死實蝦球，蝦同豬肉份量適當，一D蝦腸同屎都無。酥皮义燒飽亦都皮薄餡靚，飽皮比一般飽簿，餡咸甜適中。豬潤腸粉腸粉皮幾薄，有D透明見到餡，黃沙豬潤啱啱熟唔硬幾爽口，但比一般常見腸粉細條。櫻花蝦糯米飯，味道一般而且分量很少，得外賣盒三分一左右，可以唔試。其他食品OK啦，始終外賣對質素有一定影響，例如炸物外賣好難保持美味，值得一讚外賣只等咗半個鐘而且返到屋企即45分鐘後D食物仲有餘溫，外賣包裝非常好更有九折抵食…查看更多

今次午餐有椒鹽豬扒飯，見40蚊就試試，有小菜Feel香口而且豬扒乾身，但又唔會乾到硬有肉汁，而且有用乾蒜頭炒，用避風塘炒法正，平日午餐包餐湯及熱飲只收＄40，土瓜灣區算平，但凍飲加＄3，另叫餐牌炒粉麵飯48蚊左右，但無餐飲及湯了，炒飯類亦出色，夠乾身唔油而且亦香口好味，乾炒牛河唔算炒得肥，都可一試；唯一問題又一次午餐時等了20分鐘，要問先知漏單，本人係午市第2個到茶客，等到客滿我仍未有得食，間鋪又唔係大，都無發現漏單真唔夠主動，而且那個似係老板娘的人，Sorry都無句所以留下了污點！…查看更多

炒蜆好多沙，食到成口都係沙，火都嚟埋， 限聚令後比較多人幫襯，起菜比較慢可能人手不足，福建炒飯保持水準好味足料，酥炸豬腸唔夠脆，因選料太肥肉厚，椒鹽魷魚正路，黑松露墨魚餅算幾好味同彈牙，蒜蓉菜心正路，海鮮炒麵OK啦！總括嚟講水準時好時壞不過不失，不收加一價錢區內算抵食，仍然可以一試…查看更多

燒鵝飯居然啲皮濃濃地，燒肉飯鞋颯颯，好在啲皮鬆脆，燒臘飯上燒臘汁好味，排骨麵線啲排骨係豬軟骨做，都算OK，羅宋湯通粉配雞中翼，雞中翼炸過龍，肉質比較硬，熱奶茶香滑幾好飲唔錯，熱咖啡香濃香滑唔錯，總括嚟講價錢較為昂貴，一般茶餐廳可能更加平更加抵食更有驚喜…查看更多

咖哩豬扒蛋飯，咖哩比較普通，豬扒有梳打粉味，但仍然堅靭，唯有隻蛋係煎得好D，茄汁魚塊煎蛋飯，茄汁好似樽裝茄汁味，麻辣肥牛米線，肥牛得幾件份量比較少，味道一般，豬扒撈出前一丁，豬扒仍有梳打粉味，出前一丁撈得唔好味，總括嚟講失敗！…查看更多

早餐份量正常，我見到多士用生命麵包做，茄汁豆用最低價錢牌子，家興超市常見茄汁豆罐頭，得一小匙，通心粉略為浸諗，公仔麵煮得較為適中，雖然將貨就價，味道都算正常，比同區一些餐廳已算OK…查看更多

4月20號晚到此店食晚餐，牛腩豬手雙拼幾入味唔錯，但份量少所以價錢算貴、菜遠炒牛河牛肉幾好味但太多油、家庭式揚州炒飯幾多生菜絲，濕氣重所以炒得唔香、炸鯪魚球算少骨幾彈牙，份量比較少得六粒，蜆芥冇乜味……總括嚟講不過不失…查看更多

咖哩水汪汪比較稀ok啦，唔算太辣但牛腩韌，越式肉餅飯其實即使炸扎肉餅，一般味道，總括黎講普普通通冇乜特別，雲吞河粉算係傳統雲吞細細粒，河粉都算滑，所以選擇唔去都可以…查看更多

雖然份量比較少,但免收加一,煮得有心好味，福建炒飯用料足鮮蝦魷魚大大隻,椒鹽鮮魷鬆脆彈牙粉漿唔多,不過美極不太搜,咖哩蝦正路,加多個白飯都係352,啲食客話炒蜆好味下次會去試試…查看更多

男人肯定唔飽，份量太少價錢貴，如果去慣茶記，一睇到D碗碟款式，就知道份量係比較少，扎肉粉祇得幾條簿絲，兩啖就食完米粉，奶茶茶味過重，阿華田太淡，記住食麵只係得出前一丁，但係要加四蚊，市區都係加三蚊，35蚊一個早餐食水太深，隔離左右嘅餐廳，價錢差唔多份量品質正常，之前啲人鋪嘢，名不副實，唔信大家可以去試…查看更多