ataly的个人专页

究竟有咩餐廳會話自己係麻麻哋？？！！呢間就係啦！！佢真係叫自己做MamaDay!! 但係大家唔好俾佢個名誤會，其實餐廳入面嘅食物非常之有水準。一打開餐牌就發現全部都係一啲古靈精怪而且好好笑嘅菜式名，再望一望四周圍有餐具到餐廳嘅擺設全部都好得意、好搞鬼！我同朋友嗌咗一個龍蝦包。龍蝦包嘅味道唔錯，而且佢個薯條非常之有驚喜，係由甜薯同埋馬鈴薯而製成嘅。我哋仲嗌咗個海膽Carbonara ，味道非常之濃郁。我同朋友都好鍾意呀！推薦推薦…查看更多

作為日本麵控嘅我遇到呢間由日本嚟嘅過江龍梗係唔可以錯過啦！今次我就食咗灣仔呢間一幻拉麵。我嗌咗佢最招牌、最出名嘅蝦湯拉麵。一飲過湯果然冇令我失望，聽店員嘅講解佢係熬咗好多個鐘而成嘅蝦湯，飲落非常之濃郁，而且個味好重，啱晒鍾意食重口味嘅我。個叉燒都係不得不讚嘅，因為佢肥瘦度適中。而且嗰度糖心蛋整得好靚，入口即溶。我同朋友仲要嗌左餃子share～呢間拉麵店真心好食，大家喺附近返工放lunch不妨試吓。…查看更多

之前寫嘅食評好多都係關於可以坐喺度食嘅餐廳，今次就同大家分享一下好有港式味道嘅小食店喇。BB雞蛋仔喺上環皇后大道中，次次喺SOHO食完飯、喺中環行一陣街覺得肚餓都會經過。今次第一次入去食就揀咗曲奇雪糕加雞蛋仔。原先都係抱着試一試加上肚餓嘅心態去食，但係食落覺得有驚喜。曲奇嘅雪糕味好好，唔會覺得好假，甚至乎有啲似Dryers嘅曲奇味添。個雞蛋仔都係新鮮出爐整嘅，上面好脆，再yarm啲雪糕嚟食會非常之好食，係夏天消暑肚對抗肚餓嘅時候嘅小食良品。最最最重要嘅係佢嘅價錢十分親民，大家可以去試吓。…查看更多

年年情人節都去鋸扒，今年來啲唔同啲嘅今年嘅情人節慶祝我同男朋友去咗中環呢間日式餐廳嗰度食飯，一睇個Menu就覺得好吸引。最令我驚喜係個頭盤，名為三文魚子湯葉海膽杯＋慢煮鴨胸火夠三文魚壽司，淨係聽個名會覺得三樣嘢好唔夾，但係其實識落真係好match、好juicy。，第二個我哋最鍾意嘅係刺身，分別有蘋果目煙燻赤鮭、吞拿魚、同牡丹蝦。佢個蘋果木係有個樽裝住，味道有啲似shisha甜品方面都有好正嘅日本雪糕同日本生果～呢間日本野值得推介…查看更多

聽日忙完手頭上嘅嘢就嚟到銅鑼灣度搵好嘢食，順便慰勞吓自己。一開始見到Green Waffle Diner就冇諗住入去，因為覺得窩夫冇可能作為正餐，而且我有啲肚餓就行走咗。喺朋友嘅推介之下我就睇一睇佢嘅餐牌，發現啲菜式都幾吸引，就入咗去食啦。我同朋友嗌左兩個lunch set，揀咗唔同嘅主食一齊share。佢嘅lunch set都幾抵食，首先有頭盤可以揀沙律又或者餐湯，我同朋友揀咗兩個餐湯。然後主席有五款咁多，首先我揀咗墨西哥風味腸仔迷你鑊仔。呢道菜係熱辣辣咁樣呈上，而且個薯仔非常之入味，有我最鍾意嘅芝士配黑椒嘅配搭。我朋友揀咗牛油果窩夫🧇，可能因為第一道菜太搶味，所以我覺得呢個窩夫都不過不失啦。最後呢個set仲包甜品同飲品添。大家如果經過銅鑼灣食lunch，可以考慮吓呢間又抵食又大份又特別嘅餐廳。…查看更多

三田製麵所一向係我好鍾意食嘅沾麵，而今次呢同之前一樣都係食佢招牌嘅豬骨湯沾麵。分量有得好貼心地揀小、中、大，而特大就要貴少少。食量唔係好多嘅我就揀咗中，而且因為想個麵彈牙啲就揀做冷麵啦。個湯一如既往地好濃好入味，而且個糖心蛋比其他拉麵或者沾麵店都做得好，好有流出黎嘅感覺。其中一樣好欣賞三田製麵所嘅就係佢所做嘅叉燒，有肉味得來又唔會太老攝住牙hahahhaha。仲有仲有！！！值得一提就係佢嘅筍，佢雖然唔係好似啲新派嘅沾麵店咁將佢炸成一條條，但係佢就咁蒸完之後放上麵度嘅手法都令到佢幾好食。整體10分推介！！！…查看更多

一直唔知銅鑼灣時代廣場有韓國嘢食，今日行到頂層先至發現有間韓國洋食，加上俾佢出面嘅招牌吸引，就入咗去試吓啦。極度推介就係呢個招牌牛肉汁蛋包飯。個蛋煮得好滑，而且同牛肉都幾襯。想同時食炸雞同年糕嘅人就有福啦，因為佢有一份炸雞x年糕x薯條，每一部份嘅份量都唔係好多啱晒為食又唔想增肥嘅人。另外值得一試嘅就係佢個士多啤梨西多士，個配搭幾match，而且甜而不膩。但係如果食煮食加小食加甜品嘅話一個人食就會太full, 建議同一至兩個朋友share.…查看更多

近排好想食啲重口味嘅嘢，所以泰國菜就係我不二嘅選擇。今次嚟到太古呢間Mango Tree Kitchen嗰度試吓佢嘅泰菜。一入到去就見到裝修都幾有格調，而且每張枱之間都隔得好開，所以令我地食得都好放心。我哋嗌完嘢食之後嘢食就好快嚟到喇。今次要特別推介就係呢個冬陰功湯同埋菠蘿炒飯，兩者都好有味道，而且好有泰國嘅風味。佢哋嘅奶茶同咖啡都別樹一格。好似我食呢個嘅雪糕奶茶咁，同平時出面嘅泰茶，好唔同而且味道好特別。…查看更多

因為天氣實在太熱啦，所以近排食多咗日本野。行完山之後就喺銅鑼灣呢個咁旺嘅地帶嗰度搵吓嘢食，比我哋搵到呢間峰壽司，試吓先佢嘅嘢食先。可能因為近排疫情緩和左，再加上係公眾假期，所以等嘅人同買外賣嘅人好多。我哋等左足足一個鐘先入到去。一入到去就事不宜遲嗌咗好多壽司手卷等等，味道都幾新鮮。而且因為我哋坐係吧枱，正對住啲做壽司嘅師傅，佢哋個個都好敬業，一有客人嚟到又或者離開嘅時候都會大嗌多謝嘅日文，令到我哋食得都幾開心、幾舒服。…查看更多

呢間野經常好多人幫襯，好不容易排隊等到位啦，梗係即刻嗌好野食啦！一打開餐牌就俾個炸豬手吸引住，毫不猶豫我地就叫咗。果然不負所望，個豬手外脆內嫩，唔會炸得好乾身，啲醬仲好有特色，同佢好配！啲酸瓜仲可以解吓膩，令到我地大快朵頤，真開心！…查看更多

每次經過呢間店都心郁郁想食，有日終於下定決定試咗！叫咗芝士薯仔拉絲熱狗棒，由於係新鮮炸嘅，所以都要等幾分鐘，全程可以俾你睇住個炸嘅過程，真係好有趣！無論食咩款都好，十分推薦落砂糖，因為佢會令熱狗棒嘅口感同味道都會變更好！佢張枱上面有好多枝醬，可以因應個人口味去加，又有紙巾提供，又設企位，可以食完再走，真不錯！…查看更多

講起炸雞，第一時間梗係諗到佢嘅拍檔芝士啦！出面有好多炸雞店都唔會俾好足嘅芝士，但呢間唔同！佢俾嘅芝士超級多，隻隻雞脾都可以配好多芝士一齊食，真係好滿足！炸雞同佢地嘅特飲，簡直係絕配！…查看更多

放題有咁多種，日式火鍋放題走唔甩啦～呢間係我食過咁多間放題入面，最抵食好多種類嘅一間！單單係甜品，就已經有十幾廿款，唔單止有特別口味嘅雪糕，仲有啲和菓子！丸都有好多類，熟食更係食都食唔完！…查看更多

嚟到泰國餐廳，點可以唔試吓冬陰功㗎！我地二話不說就即刻嗌咗一個冬陰功海鮮湯，佢上嗰陣仲會加個蠟燭喺下面，等啲湯keep住熱，真係又足料又貼心啊！我地仲嗌咗個大頭蝦火山包，個蝦足足有我個手掌咁大，個包就大過我塊面，啲汁飽滿到係咁流，十分好味！啱曬我呢啲鐘意食重口野嘅人！…查看更多

行街行到好攰，咁啱經過見到就行咗入去試，點知真係有驚喜！我地兩個人各自嗌咗兩個撈檬同春卷，真係好好味！個撈檬唔會好乾，仲好香，口感好有層次！個春卷更加係冇得彈，皮薄餡靚，下次一定再試…查看更多