teq00的个人专页

新開張，樓下係卡位，樓上又有圍枱，餸菜款式都算夠多啦，食咗幾樣，樣樣都夠鑊氣，又夠大份；整咗幾支啤酒，食得好開心。因為有細路哥，廚師特登煮得清清地又夠鮮味。其他嗰啲酸嘅夠酸，辣嘅夠辣，今次幫襯完之後會再去。第一味蒸咗條石斑，夠晒新鮮，豉油另上，啱細路哥。第二味係牛柳粒，青椒夠新鮮，牛柳粒份量夠晒多，炒起上嚟好開胃。第三味魚香茄子，茄子好新鮮，一啲都冇腍晒；魚香就鹹淡適中，送飯一流。仲整咗隻乳鴿，不過冇影相，因為太好食，食晒先記起。最後口痕，整多碟蟶子，啲聖子肥到抽筋，非常新鮮，冇得彈。望到隔籬枱整咗隻鵝，好鬼大碟，半份夠五六個人食，冇得頂，下次要試吓。…查看更多

食過幾次, 堪稱葵芳地帶最強韓食, 不過依次失準左, 晚上收舖前1個半小時落單, 原味炸雞幾塊中有一塊「大炸粉」扮炸雞，韓式炒粉份量同味道稍為一般左......之前中午食, 真係色香味也好, 尤其味精少真味多, 好韓味, 價唔貴, 真正好店! 外賣自取快靚正! 之後會開舖後早早去買, 避閂舖時間!舖面設計如果用盡L位更好, 有時外賣人多, 排隊就掩蓋左凍櫃D泡菜望唔到, 依家個手卷製作位如果無落地玻璃就可以落單同取貨分流啦整體係好店, 會多多幫襯, 新都會舖租貴, 頂住唔好偷工減料呀!…查看更多

開張時好好味架，食品飲品都得，環境又靚，招呼又好又快。無食幾個月，剛剛4月尾去，嘩不得了，豬排薄左味道無左，配菜唔新鮮，飯都似改左，求求其其。最重要連個飯盒（堂食用個靚靚日本風格既盒），脫色喎大佬，黑色邊被洗到擦甩左一半，紅色就漂到發白，食物安全喎春水堂！一張圖係12月尾，另一張係4月尾，幾個月就搞到似去左唔知咩街舖食頹飯咁，人文茶館風格高尚，食具都要配合番架！不過味道變到咁，台灣總公司知唔知呢？下次去台灣食啦，香港代理。睇網友其他分店既相，食具都係甩黑色甩到傻，食安？？…查看更多

最大變化係湯底，變無味，鹹味都無，稀如水；之前食蕃茄湯底味幾新鮮，家下稀溜溜咁。好簡單依家湯底開水開到傻左。第二，食材真係用到最差最下價貨色，普通如魚蛋牛丸，食粉丸一樣，腩肉牛展翼尖全帶雪味，明明一年前唔係咁。第三，特色野無再賣，例如五穀米線無左，有d餸又唔賣；廚房應該成日轉人，都知道光線點煮，但係越來越淡、稀，真係落味精都落少到咁樣，點食？早兩年食x仔食到悶，搵到ben哥開心左一排，早半年開始走樣，停食左幾個月，尋日又去試下有無點，點知再跌。搞like fb送翼尖，外賣平一蚊，即係見到流失客路……但本業做得唔好，不如食番x仔，起碼人地合格，ben哥跌晒watt了。…查看更多

對九龍城的清真食品念念不忘, 今天人在太子,  一於一試馬家莊.決定以後只去九龍城了.第一, 酸辣湯, 不熱, 胡椒粉太多, 竹筍絲不是新鮮的, 整個湯沒有味道第二, 孜然牛肉, 叫了細碟, 但真的太少了, 有點震驚, 孜然味太重了, 欲蓋彌彰第三, 牛肉餅, 都竟然不熱, 肉又是沒有味道的, 不是不咸, 又是不新鮮的「死實味」三樣餸菜, 應該是最基本又最代表馬家莊的手藝吧, 可惜門外和食家蔡先生的合照已褪色, 褪色的不止相片, 再想想收費和水準, 還加一了, 可惜…查看更多

光顧多次，近日一次情況轉弱，有點可惜：1. 同款拉麵點兩碗，兩碗的湯皆不熱，兩碗湯一多一少，兩碗湯一淡一鹹，過往食完拉麵後湯頭仍溫熱，飲一口甘美湯頭的特點，今次全失，失望頗大2. 麵身改幼，原本粗身更配湯味的特點失卻，份量也減了；煮麵時間應該沒有減少，麵有點淋，掛湯力大減3. 肉由兩塊加至三塊，可惜只用切薄手法，咬口厚重的特點又失了4. 感覺整碗拉麵的本來特點全改動了，應該不會再光顧，希望有天重回本色，再嚐美味的鰹魚拉麵…查看更多

今日試左依間新開潮州飯店, 新開張裝修光猛企理, 叫左滷水拼盤, 椒鹽鮮魷, 烏頭魚, 炸墨丸, 蠔仔粥, 豬紅, 樣樣都新鮮, 滷水味道佳, 鮮魷新鮮熱辣炸得香極, 條烏頭肉靚, 一身黃油, 墨丸就真材實料, 蠔仔粥就一大鍋好食.推薦大家試試!…查看更多