JoanneLuk8610的个人专页

同朋友2個人一齊去cwb 食串燒想去個2間都無位就上OpenRice 搵左依一間見到幾多人好評就打電話問下有冇位喇聽電話嗰位職員話有位 仲話要八點前到 🙂（其實嗰陣已經係7:50）都算啦有得食應該都唔錯🙃入到去首先俾咗碟前菜 同埋Menu 完全冇講到推介啲乜嘢 亦都冇略略講吓個Menu 🙂都唔緊要我哋自己睇🙃落單嗰陣會職員先話俾我哋聽 串燒要2串2串咁叫 唔可以分開叫🙂都唔緊要好食就得啦🙃首先嚟咗啲蕃茄同牛肉串 但嗰陣發現份量好似有啲🙂都唔緊要啦都幾好食點知之後嚟嗰幾串 份量越來越少 白鱔少得過 1間好嘅串燒店 冇可能煮到咁 煮太過龍食唔到白鱔嘅好食🙃$108既魷魚🦑成碟少得可憐🙃裝住串燒嘅碟 似杯墊多啲碟🙃雞肉串 醬汁掩蓋晒雞肉味🙃最後兩個女仔食咗10串串燒一碟魷魚🦑一個飯團🍙買單$660🙃最重要係 我哋兩個好似冇食過嘢咁隔離嗰兩枱 侍應仲好詳盡咁同佢地介紹Menu 買單發現一開始碟菜要收錢 $38（碟菜成本可能唔使$1）🙃因為冇諗過要收錢所以冇影相📸️以為唔會再幫襯…查看更多

平時食開晏晝食老掌櫃嘅午市套餐餸又多份量又多 價錢都係$70內今次星期六諗住同屋企人去食原來晏晝冇咗午市套餐咁唯有叫返正價🥲我問店員同平時一至五嘅午市套餐有咩分別店員好Nice咁解答 原來份量係會比平時嘅午市套餐多大概1倍😅我同屋企人兩個人食 鍾意食酸菜魚就叫咗一個酸菜魚$118再加兩個飯點知嚟到酸菜魚比想像中大😍同埋好多魚好多酸菜同面比平時一至五多好多🙈😍兩個人食都食唔晒比起出邊好多專門食酸菜嘅舖頭好食🤙🏼…查看更多

喺大角咀附近返工食飯有好多唔同嘅選擇依間舖頭一直都好多人排隊我食完幾次都明白點解咁多人食🙈🙈第一次食食左雞絲冷撈 啲面同醬好似唔駛錢咁😂😂😂勁多食到勁飽 但味道又唔錯第二次食又係食冷撈 今次試吓豬耳 無雞絲咁飽同埋易入口啲🙈第三次終於試吓好多人推薦嘅醉雞 食完醉雞真係返唔到轉頭😂因為真係好多雞同好好食😋啲雞完全唔hea 好重雞味同埋啲雞好大隻 刀削麵變返湯冇咁多 但都已經好飽😂重點係全部都係50幾蚊 真係超抵食😍…查看更多

一直都係牛角嘅fans 因為除左自己係會員之外 佢嘅性價比真係比其他燒肉舖頭高🫶🏻之前食過其他真係麻麻哋又貴每一次都會叫牛舌牛肩脊同腸仔再加埋個牛角飯真係好正今次星期日夜晚8點幾去到已經唔使排隊又肚餓所以費事散叫兩個人叫咗一set 燒肉六品盛盒再加兩個牛角飯 已經夠喇😆牛舌同牛角飯係必喊 真係好好食食極都唔厭 食食吓就食咗好多飯😂坐得舒服服務又好價錢又唔貴 兩個人$300幾蚊🥰同埋逢星期一仲有八五折㗎！…查看更多