ka_mens的個人專頁

餐廳長期人氣高企，適逢媽咪生日，所以特登訂枱試試。雖然係平日，但用餐時間都係１２０分鐘。先講用餐環境，枱與枱之間排得頗密，加上樓底不高，感覺有少許焗促。媽媽身旁的女士就因為咁入座時掃跌我地枱杯水，梳化同媽媽的手袋都濕哂３個人都唔係好肚餓，所以點咗個＄７９８二人餐加個意粉就算。２人餐的餐湯上碟時係微暖，加上沙律份量也是偏少，有啲失望。主菜係５成熟的安格斯肉眼扒，肉身很軟熟，牛肉味濃，唔駛點任何醬汁都已經好好食。配菜個黑松露薯蓉好惹味，份量同味道同樣滿足。另一款主菜係燒汁鱈魚扒，調味稍為過重。意粉係蜆肉檸檬墨汁意粉，蜆肉少得可憐，鮮味不多，墨汁亦不香，真心不覺好吃。餐的甜品藍莓芝士餅及朱古力奶凍表現中規中舉。總括而言，短時間內回頭指數偏下。…查看更多

其實午餐時份觀塘區好多人鐘意烚吓烚吓所以要食最好訂位，唔係隨時要等半個鐘頭以上。今日嚟呢間食，喺ＯＰＣ樓上，６０分鐘＄１３０／位，全部嘢都係任食。最開心佢有白可樂，方便自我以為減低罪惡感湯底屬小麻辣，味道有啲過淡。牛肉很薄，沒什麼雪花，２個人食咗３碟已冇再ＯＲＤＥＲ；反而豚肉油花較多肉味較重，好食過前者。蔬菜肉丸若有１０多款選擇，不過食落都幾老身。。。甜品係乳酪軟雪糕，甜到爆燈，食咗１／３已宣布投降…查看更多

銅鑼灣樓上日本料理店比比皆是，今晚嚟到呢間主打＂鹽＂ＧＥ居酒屋。整親飯老闆都會熱情推介不同的酒與食物，但＂鹽＂ＧＥ介紹就冇乜 (X.X!!)　餐廳環境一般，燈光比較暗，餐碟同水杯亦以黑色為主，感覺有啲過沉～刺身係新鮮，特別係ＴＯＲＯ同牡丹蝦，真係值得食。海胆一般有少少腥，叫刺身併盤抵過叫一板（一板要近＄６００）。食完原條魚刺身，用咗個頭做咗個ＭＩＳＯ　ＳＯＵＰ，裡面有好多菜同豆腐，好鮮甜軟殼蟹沙律亦做得到位～串燒方面整體不過不失，叫幾款佐酒無妨，但食完你唔會有記憶。老闆誠意推介的炸蛋天婦羅ＧＩＭＭＩＣＫ十足，外面係脆皮裡面係流心蛋黃，可惜今晚敗筆在於灑鹽不均:(最後每人一個鮮果雪芭，除咗椰子食到較近原物的味道外其他都只有糖水味，唔推薦！…查看更多

正躊躇今晚食乜好就見到呢間餐廳進入視線~7點半見仲有枱就行入去試吓。價錢是中位路線，有唔同套餐適合２－４人。一枝清酒２個人飲又好似ＯＶＥＲ咗，所以叫杯ＫＩＲＩＮ生啤ＳＨＡＲＥ就算，佐酒小食嗌咗＄３８炸雞軟骨，火喉掌握唔錯！叫佐個１０件壽司併盤＄２３８，刺身好新鮮，唯一敗筆係個海胆帶有苦味唔好食。壽司飯不論味道同口感都係值得稱讚～最後嚟個＄９８ＳＨＡＢＵ　ＳＨＡＢＵ，美國牛小扒好有牛肉味，菜份量又唔算少。全晚好滿足～下次可以試吓佢啲刺身…查看更多

餐廳２人套餐唔駛＄４００，有齊前菜主菜同飲品。如果ＬＩＫＥ埋ＦＢ仲會送一份炸雞粒小食添～呢度２人枱與枱之間黐得好埋，加上樓底唔高，環境比夠嘈，所以１２０分鐘用餐時間係用唔哂ＧＥ。個前菜係溫泉蛋沙律＋墨西哥餅底，後者凍冰冰又唔香，好怪，所以我地只係食哂上面啲沙律；芝士焗肉醬意粉啲芝士多到似熔岩咁，芝士控大愛～ＭＥＡＴ　ＰＬＡＴＴＥＲ個燒豬仔脾一般，豬肋骨個醬太甜，最正係個牛扒，ＭＥＤＩＵＭ　ＲＡＴＥ咁又有肉味；２杯ＣＯＣＫＴＡＩＬ味道唔係太對口胃，早知要ＨＯＵＳＥ　ＷＩＮＥ算～…查看更多

呢間餐廳網上都幾多ＬＩＫＥ，今晚９個人嚟呢度食，ＯＮＬＩＮＥ訂位主菜會有７折，加埋其他嘢變套餐隨時平過ＤＩＮＮＥＲ　ＳＥＴ唔知係咪女人街文化，呢度ＷＡＩＴＥＲ唔會笑講嘢亦勁直，問多２句會唔耐煩食物賣相都幾好，選擇多元化，基本上朋友都滿意ＧＥ推介係芝士五香肉丁肉醬意粉，個肉丁好惹味，意粉焗完仍有咬口；另一個係西班牙黑毛豬扒，大大件夠飽肚～ＲＩＳＳＯＴＯ份量女仔啱啱好，男仔一定唔飯。牛扒亦好薄，友人話唔太好食。仲有係個龍蝦湯超鹹，冇人可以飲得哂。…查看更多

餐廳上網訂座湯底半價，同男友２個人嚟試吓菜。食後有感餐廳做火鍋係有心機，回頭指數起碼8.5/10！個藥膳牛腩鍋係紅燒湯底，上桌時好似個大面盆咁，好得意。未落火鍋料時試咗少少湯頭，都過鹹幾好味～手切牛頸脊一大碟唔駛＄３００，牛味濃之餘有少少雪花，好滿足男友好鍾意個厚切午餐肉，即時加單要個出前一丁添蔬菜籃份量都ＯＫ，索哂個湯唔駛點醬～另外叫咗個黑毛豬肉都好好味又唔酥，配黑啤一流～２個人打足２粒鐘好滿足！！…查看更多

今晚同媽子2個人開飯，乘機同佢去呢間＂相機食先＂ＧＥ餐廳食飯。２個人３個小食，１個點心，１碟菜加１隻乳鴿，份量剛好～平日夜晚見呢間鋪雖然入座唔夠７成，但居然會同客人講交枱時間係９０分鐘ＯＲＤＥＲ後唔夠１０分鐘已上哂所有菜，快到好似唔駛煮咁，哈哈～講返食物，賣相真係靚ＧＥ，同佢餐牌上係一樣。至於味道就有高有低。。。口水雞：全晚最好食，麻而辣，啲紅辣椒油泡過勁香脆好味，必食麻醬皮蛋豆腐：個芝麻醬好香，豆腐切得夠薄，都唔錯芥末木耳：個味唔夾，食唔哂紅燒乳鴿：個皮炸到脆脆咁，一口咬落爆汁，正薑汁芥蘭：好似炒定上桌已變微溫，唔好食蟹皇芋蓉撻：得個樣，冇蟹皇ＧＥ油香味，又係唔熱，全晚最差…查看更多

呢間餐廳個第一感覺係-嘈。唔知點解坐喺度飲杯啤酒食吓嘢，冇舞池但啲音樂聲浪同喺ＤＩＣＳＣＯ無異。坐咗一個鐘已頂唔順賣單走人。呢度第一杯啤酒係由吧台倒出嚟，之後你可以用枱上部機，飲幾多倒幾多，價錢ＰＥＲ　ＭＬ計，可以滿足想飲多少少但又唔想要哂成杯ＧＥ人～今晚叫咗個牛扒加蛋，食物質素中上，ＳＵＮＮＹ　ＥＧＧＳ煎得好靚，上面那片煙肉整得太乾太硬唔好食。塊牛扒係ＭＥＤＩＵＭ兼有牛味～個牛油果醬超香，比ＳＯＵＲ　ＣＲＥＡＭ正好多，忍唔住齋啪哂。…查看更多

每週一素，今次終於嚟到呢間人氣素食自助餐店的佐敦分店。網評話呢度空間感好啲，個然冇講錯，枱與枱之間有足夠空位活動，加上平日晚市早段唔算ＦＵＬＬ，全程食得好舒服。一個人被分派到一張大木枱，和其他２名＂獨食者＂各佔一角，可以輕輕鬆鬆安安靜靜咁享受食物凍凍地，先來杯微甜薑茶暖暖腸胃～～食物大部份保留原貌，味道有淡有濃，不能說１００％都好食，但８０％都是味道中上的料理～冬瓜做的東坡肉還原度高達９成，但味道帶點苦味，明顯唔係我杯茶椰菜花做成的咕魯肉醬汁惹味，忍唔住口食咗２大嚿～沙律選擇很多，個人最愛麻辣木耳及麻油海藻甜品方面，斑蘭蒸蛋糕做得較一眾馬豆糕西米糕紅豆糕出色！…查看更多

我們一行５人到此聚舊，獲安排靠窗的位置，可以望住個維港靚夜景食飯真係未食飯先興奮！餐廳定價進取，自然對食物及服務有所期望，可惜是期望很快變成失望。。。全場入座率不足一半，但居然唔係由阿豬媽負責燒熟食物，原條牛肋骨仲要喺未經同意下碎上，問佢點解佢居然話牛肋骨梗係剪開先燒（ＷＨＡＴ？！）咁魷魚同豬腩肉你又原條上？！我地叫咗個蛋煎魚餅，佢捧上嚟時話係蝦餅，我地問係咪嚟錯，佢一口咬定係我地叫錯，仲要駁咀話我地冇睇清楚個ＭＥＮＵ，喺我地拎本ＭＥＮＵ同佢對質及堅持下佢唯有拎返廚確認，跟住死死地氣話係我地啱。嗰一下真係著咗咯～跟住嚟個石鍋飯時問佢攞多份辣醬又西面到買單佢居然就咁放底張單就走咗去，簽完咭多謝都冇句，呢種態度衰過茶記伙記食物方面，前菜幾好食，尤其係黑豆同泡白菜。熟食完全唔得，炆牛肋骨甜到想死，個水冷麵又粗製濫做，泡菜煎飯算係唯一及格的。…查看更多

小店在晚市平均消費每人唔駛$100，份量充足，所以每每在外形成小人龍等候～餐廳亦算細心，店外有數張座椅讓人小休。今晚我倆都不太餓，所以只點了一個珍寶香辣海鮮湯，一份加了粉絲年糕的鐡板牛肉及２杯飲品。座位與座位之間機乎沒有通道，看著店員拿著滾湯左穿右插都幾「動魄驚心」珍寶香辣海鮮湯是用大醬同泡菜做湯底，飲落喉嚨有小火燒感，好過癮～加上海鮮是新鮮貨，所以清甜度十足，忍唔住飲哂個湯～鐡板牛肉份量係驚人，但牛肉＂喇＂得太勁，肉味稍稍不足～但跟餐個蘿蔔清雞湯勁好飲！飲品跟嘢食熱飲＋＄３，凍飲＋＄５，不過熱飲凍飲都似水咁淡，叫汽水可能會好少少。。。一分價錢一分貨，完全係小店ＧＥ寫照。…查看更多

天寒地凍🥶最愛大伙烚下烚下🥰餐廳位置在mikiki附近，唔算難搵～$298 雙爆膏活龍蝦🦞海鮮鍋，裡面仲有鮑魚、中海蝦、花甲且三星蟹，加埋蕃茄🍅同粟米🌽令個湯頭甜到爆，未落其他嘢前一定要飲返碗🍲個魚皮同響鈴上枱時係微暖卜卜脆，送🍻一流！仲有鮮鵝腸、黃沙豬膶、豬粉腸都係超鮮冇腥味🤤聽講呢度手切肥牛係每日由街市新鮮供應，大碟抵食，下次一定要order先😆食飽飽人均消費$200內，勁推😆😆…查看更多

葵涌廣場長期一片紅海，不論是衣服鞋履還是各國小食均是競爭激烈，要站穩一席位並非易事。＂問卷＂是其中一間中堅份子，其位處Ｇ／Ｆ電梯旁，價錢非最平但小妹覺得是最好味的一間手卷，因為一字記之曰－「鮮」。今天來個半板馬糞海胆手卷，事實證明沒令我失望。😋😋😋 鮮甜度 8.5/10　（沒有苦澀味） 香滑度 8.5/10　（有如豆腐花般） 份量 7/10　　　（吃到一半還有海胆） 壽司飯 7/10　　　（紫菜雖脆，但飯的調味還差一點點）…查看更多

舊同事小聚，選了這間半開放式的德國菜餐館。今夜秋風送爽，非常舒服。７時前是ＨＨ時段，我們剛好趕在６：５９之時每人點了杯飲品前菜是抗氧的水牛芝士合桃沙律，內裡加了檸檬汁及ＯＬＩＶＥ　ＯＩＬ，開胃菜一流！主菜一個是香草白酒煮藍青口，藍青口偏細隻及不太新鮮，入口有點腥味，我吃了數只便放棄～另一主菜是ＳＨＡＲＩＮＧ　ＰＬＡＴＥ，有香腸併盤，烤豬手及豬肋骨。辣雞肉腸最為惹味，佐酒一流。烤豬手外皮香脆，中層脂肪ＣＨＥＷＹ，肉卻偏乾嚡口。豬肋骨醬汁甜甜的，吃一條很好，第二條卻有點膩口。甜品選擇不多，而且一點都不便宜，還是多來一杯好了～…查看更多