２8個我的个人专页

掛住北海道嘅湯咖哩，見到呢間幾多好評就走咗過嚟食有啲肚餓嘅關係，所以叫咗大分柚子胡椒雞翼湯咖哩，諗住有啲肉落肚會好啲一嚟就嚟咗薯仔沙律、聞落去幾重薑味嘅湯同我嘅餐茶熱檸茶薯仔沙律夠綿密，仲有啲薯仔粒咬吓，唔差過多陣我個主菜上碟，估唔到真係得兩隻雞翼咁少先試試個湯咖哩，OK嘅，唔係罐頭又或者超鹹，落咗一羹佢哋自製嘅辣粉，更加帶到個味道出嚟再食埋隻雞翼，炸衣過厚，幾乎係冇柚子胡椒味，食到中間先有少少，完全係唔合格食晒所有嘢都唔覺飽，埋單先發現原來仲要加一，無乜服務可言，咁都要加一仲要Round up到個位數，個餐$128，收埋加一照道理係$140.8，但係實收$141…查看更多

知道西九龍中心多咗一層Food Court，今日終於嚟試吓，呢層大概有8間左右，左諗右諗就決定食炸雞見到呢間炸雞價錢適中，有幾隻味扑鎚叫咗標準 (雞下脾1隻、雞翼2件、雞塊4舊)嘅B. 招牌煙燻醬炸雞 ($63)，加$3要咗罐可樂不過呢排薯條賣晒，得番薯格老闆娘 (?)話要等五分鐘，就出去兜咗個圈返嚟，返到嚟搵個位坐，老闆(?)問我係咪1號，原來啱啱炸好本身以為係醃到煙燻味，原來係點醬揀咗嘅紫菜味薯格無咗紫菜:(有手套方便拎住食，亦都可以喺櫃台拎紙巾非常意外地有酸蘿蔔食，值得一讚雞下脾好Juicy，唔乾，雞翼脆卜卜，雞塊啖啖肉食到半路老闆娘 (?)仲問我夠唔夠醬點，可以加醬絕對會有下次…查看更多

父親節出街食，老豆揀咗呢間見到地下爆哂塴，樓上無乜人，唔知點解唔理啦，無人咪仲好去到見到佢有個爐坐住啲壺，但係個杯豆腐潤咁大隻，飲兩啖就無咗，下下要斟好麻煩諗咗一陣食咩好，選擇唔係太多最終揀咗一個魚嘅孖寶，一碟咕嚕肉同炸大腸等咗四、五個字先上第一碟餸 - 魚孖寶嘅其中一款嘩，碟就大啦，但係魚先得幾舊（都由佢啦，可能其他拎哂去整另一味餸呢）荷蘭豆係得圖入面咁多，唔過廿條，乜而家啲荷蘭豆咁貴咩反而個咕嚕肉份量多，又好食，去到最後都食唔哂，呢個真係物超所值見佢上咗一半，就叫三個白飯食住等等咗兩、三分鐘就見到另一個員工走出黎嗌有無人要白飯經過呢大半個鐘嘅等待，我緊係同佢講多次要三個白飯啦唔係都唔知幾時先有員工再行過前後差唔多五分鐘先至送到過黎食咗一陣另一個魚孖寶都黎啦個味道同份量叫做正常啦等得最耐係個炸大腸大家睇圖見佢咁嘅色水都估到咩料啦勁un，好似食緊橡筋咁，仲要$100，真係唔得掂俾我揀一定唔會再黎…查看更多

朋友話同事食過好食，所以約我出黎試吓去到門口以為要排隊登記，有幾個人企咗係到，見到疑似老闆行近門口就問佢點知佢示意我可以入得，我都講咗話我未人齊，佢話無問題就安排咗個位俾我坐咗一陣佢想我坐過隔兩張枱，本身以為佢係想空張四人枱出黎，但係又唔係，唔知想點點都好啦，反正我朋友又未黎，單又無落就算啦本身想同朋友一人叫一個主菜，然後再叫個咖央多士不過友人話一人一主菜太多，唔會食得落個咖央多所以就只係叫咗娘惹喇沙，同一個鮮牛油咖央多士 然後一人一杯熱馬來亞拉茶杯拉茶比平時茶餐廳個啲細杯勁多個鮮牛油咖央多士得個兩塊，$29先得兩塊，有無搞錯呀（都仲未講有牛油同無牛油差$5）食水勁深娘惹喇沙($65)叫咗合格啦，個味道都唔差嘅但係見到個咖央多得個兩舊真係食龍肉都無味，我去返蘇媽好過…查看更多

話說見到呢間舖頭告急，上FB見到業主係咁嘅時勢吓加租三成，就一定要黎幫襯吓啦熟呢頭都知，呢個舖位其實都幾差吓，人流少，係靠過少少嘅茘枝角工業區個班打工仔同附近嘅學校撐住行到過去舖都未開（差少少先夠十二點），係隔離兜個圈先返轉頭過咗鐘，係門口睇吓餐牌食咩，睇咗分零鐘，呢個時候得小貓兩、三隻行過可想而知呢頭啲生意真係好惡做諗咗一陣決定食經典牛魔堡，原價＄57，加$10有配菜同飲品，我要咗薯條搭凍柑桔檸檬武肺關係外賣自取有九折，賣單＄61等咗都唔夠五分鐘已經攞得，出去個陣仲落大雨添好大個盒一返去拆袋好似有啲唔對路，點解唔見啲薯條嘅開盒就見到原來係盒底，個包好大，差啲睇唔到啲薯條睇吓塊麵包，幾厚，唔係薄到死，得陣風架牛味幾濃，有肉汁，加埋車打芝士，蕃茄同生菜，食完個包都已經好飽薯條比連鎖店粗啲，多肉啲，食完呢餐下午茶都唔駛食…查看更多

同事Last Day，搵咗呢間叫我幫手訂見到個價錢都唔平，亦都因為公司人數太多，為咗同事個荷包著數，所以無揀到$50個兩款上網揀好哂數量，信用卡俾完錢就收到Email，話你知個Order No.同埋落單詳情我係7月13日落單，7月17日送貨嘅點知因為第三波武肺嘅關係，公司要分開2 Teams人返工所以我7月16日就Whatsapp問吓佢地可唔可以延遲兩個禮拜先送貨本身係要2日通知期嘅，但係疫情關係所以破例去到7月31日，公司都仍然係分開2 Teams人返工唯有將個Order一拆二，分開兩日送啦8月3日先收四盒，8月4日收埋剩低個五盒售貨員用冰袋裝住四/五大盒西餅拎過去我公司（第二日先醒起要影相）啱啱個手抽位遮住咗個No.落Order個陣已經想試呢個，然後第一日聽同事講呢個食到有三層口感，當然要試吓係咪真係咁堅啦唔計最上面舊橙肉，明顯見到有三層中間個層有少少似果醬嘅質地淡淡嘅伯爵茶配橙，個味道好夾，加埋餅底好有層次感個餅底一啲都唔乾，都幾結實吓因為有啲同事無返 / 食嘅關係，所以可以食多舊，揀咗覆盆子巧克力撻覆盆子果醬酸酸甜甜地，襯埋朱古力嘅微苦同甜味，唔同口感，好味攞哂啲餅之後，發現可以拎個盒去當$25現金券咁用價錢黎講的確唔係太親民，但係食落就知佢地真係值呢個價…查看更多

知道呢間食肆開張咗好耐，今日終於過咗黎食門口見到呢個牌吸引咗我一入到去唔駛量體溫覺得好奇怪，原來係喺收銀附近用掌心度，好方便坐低拎起張餐單，係以平時食車仔麵嘅形式去點餐叫咗個生牛肉配金邊粉，搭牛骨湯試一試粉同湯都有三款，餸有勁多選擇（唔記得影低）本身叫粉麵會送一杯熱柑桔蜜，所以我無另外加錢轉餐飲加$10有個小食，我揀咗牛油雞翼呢到裝潢比較簡單，張枱有個盤仔用黎放食物上去隔離有個調味料架，再加上現時必備嘅消毒搓手液添過咗一陣嘢食就送到，第一次見啲配料分開上：芽菜＋九層塔、辣椒＋青檸咁樣我覺得幾好，好似我呢啲唔鐘意食碗都係芽菜嘅人，可以自己決定落唔落第一時間當然係試咗個湯先啦，香濃清甜，飲完之後唔口乾入面仲有幾舊蘿蔔，無渣又甜，正呀食到一半雞翼都黎啦一睇就知係即叫即炸，熱辣辣皮炸脆，味道唔算太濃，配埋個麵食好夾熱柑桔蜜唔會太甜，張單有埋人均消費，多朋友一齊食嘅仲唔駛自己撳計數機添…查看更多

第一次黎到哩個熟食中心食野，見到呢間幾平，普通炒粉麵$31，加杯紅豆冰都只係畀多$3，就係呢哩買左個星洲炒米加杯紅豆冰，阿姐落單然後俾個牌仔我，等嗌No.就有得食過左五分鐘我就行過去等，見到廚房同阿姐都做到無停手，係咁搞啲外賣同堂食。再等多五分鐘，見到我之後黎既人落order叫既干炒牛河都已經炒起，諗住我個份都應該差唔多，阿姐見到我企左係隔離都一段時間，都問我咩No.同叫左啲咩，答完佢之後，等多兩、三分鐘先見到第一碟星洲炒米，之但係原來唔係我架喎，又係遲來先上岸，俾另一個人拎左，阿姐都見到唔對路，應該未到佢架喎咁既樣，就即刻叫廚房整左個星洲炒米先，最終我當然係拎到我碟野啦，但係前前後後等左三個幾四個字先有，咁既速度真係無下次！…查看更多

話說張儲印卡就快到期，諗住快啲換到杯免費咖啡所以今日又走過去IFC既McCafe買咖啡入之前幾次都係飲熱Cappuccino見今日天氣咁熱，一於飲番杯凍既見到門口個Caramel Latte仲做緊特價「細」$15，「中」$18於是就叫左個凍既細Caramel Latte俾左$25店員，找番$7係等緊個陣覺得唔係好妥，明明門口個牌寫$15點解係找番$7呢於是問一問店員，原來凍飲係$18，少少中伏個價錢牌應該寫清來少少，個價錢只係適用於熱飲等左一陣就有得飲，正當我搵緊飲管、以為係入啲個位個到既時候幫我收錢既店員話「飲管呀」，態度有些少惡劣我淨係見到人地個托盤有飲管，但係無理由係人地個盤到拎左人地既野呀嘛唔知去搵下好正常啫，態度唔駛咁既講番杯咖啡，味道係比某間Marketing好勁既連鎖店好始終係即場壓取咖啡粉唔似得隔離公司咁半自動沖制咁淡飲到一杯，啲冰溶哂都唔會話沖到無哂咖啡味不過希望下次遇番之前兩次既店員啦，飲得開心啲嘛…查看更多

去完荔枝角，行番深水埔既時候見到有間大家樂，咁岩有幾張現金券一於食番個下午茶休息下先:)好耐都無食過西多士，食哂一份又肥膩得濟於是揀個通粉減輕下仲有得揀檸檬可樂添，通常要加錢架嘛依家廿蚊搞掂，抵呀！排隊拎餐唔係等好耐搵位都唔係搵左好耐，因為舖頭夠大同埋我一支公者見清潔阿姐好快手咁執好枱面、抹乾淨哂，認真唔話得西多士有花生醬，塗少少牛油再加埋糖漿，認真好味火腿通粉，清清地，個湯底唔係味精湯所以飲哂都唔會口渴第一次飲凍檸樂（病個陣會飲薑檸樂，但係平時唔會話專登走去切檸檬去飲可樂）係呢個炎熱既夏天，有啖啖既檸檬香味再加埋冰凍可樂，認真一流呀…查看更多

話說張團購優惠券聽日到期咁就緊係唔等到聽日先去食啦，唔怕聽日逼餐飽咩九點未到就入去，都好多人下話咁快已經諗到食乜野於是就即刻落單，因為嗌完仲要等叫左豬潤＋鴨絲跟住呢個時候個阿姐先至話豆漿無哂咁我就問對面舖仲有無佢就話「對面收左工啦」再加多句，你聽日再黎咪有囉嘩！真係火滾，九點都未到你就已經無哂豆漿賣唔係呀嘛，仲叫我聽日再黎我真係睬你都有味，食完就算等左五分鐘到，碟腸粉終於黎淨係見到兼食到有豬潤鴨絲完全無影食完就即刻走人，費時眼冤…查看更多

話說上次團購，最少要買兩張優惠券見今日咁岩走去銅鑼灣，所以就去食番杯乳酪做晚餐留番個肚今晚睇歐國盃入到去得兩個店務員，一個客都無跟住就睇下今日精選有咩味揀今日有原味、士多啤梨味同綠茶味對於我呢個綠茶愛好者，有得揀就緊係揀佢啦因為上次已經食過原味，士多啤梨味通常都好人工因為係當晚餐咁食，所以Toppings就揀左消化餅碎再要埋幾乎次次都叫既糯米滋咁就搞掂啦Coupon（$15）再補多$8就有杯大象店務員整我杯乳酪前再一次Confirm我既Toppings不過態度麻麻地:(見到佢係勢咁俾Mochi，圍住個杯邊，條氣即係順哂一杯超級「豐滿」既Yogurt就完成啦食落綠茶味唔係極濃，但係有綠茶個種甘香，好味Mochi軟淋淋，夠煙靭不過因為係原味既關係，所以無乜特別通常大家都好關心一杯Yougrt會唔會有中空情況出現要知道呢啲通常都係一般乳酪店既通病不過今次Fru:yo Factory係無既單單憑呢樣已經可以Encore啦:)一路食一路影低啲Menu最近有新野呀，蘋果甘寶唔知好唔好味呢…查看更多

今日做野做到無時停，決定獎勵下自己去食番杯雪糕降下火去到見到幾個店務員好忙一個Serve緊外國客，個客想買雪糕蛋糕另一個就去拎個訂左既雪糕蛋糕比個客仲有個就招呼緊人完全無人理我我唯有企埋一邊等佢地啦呢個時候我就揀下睇下食咩味好平時家庭裝個啲就唔會食啦揀番啲家庭裝無得買既試下見到有牛奶拖肥味，就揀你啦個男店務員終於得閒好好禮貌咁問下要啲咩之後就裝好杯雪糕俾我最尾仲要話「唔好意思要你等咁耐」其實只係一句好普通既對話但係睇得到佢既服務態度真係好好顧及到其他客人係到要多謝呢位店務員講番杯雪糕無乜牛奶味，拖肥味唔係好濃有陣時唔覺食到啲咩味所以下次唔會再食佢…查看更多

張Coupon月底到期，所以親住今日去食左佢呢間舖頭係自助形式既食幾多吱幾多好多味可以揀最形象深刻既係薑蜜味同西瓜味其他食左都唔知係咩黎配料方面有好多選擇最記得既係黑糖啫喱杯Yogurt未食已經開始溶食到半路開始變水味道唔係非常好味，食完仲有少少口渴都係無下次…查看更多

是夜去睇許志安 x 容祖兒 x C Allstar音樂會所以去搵下啲團購網有咩平野食咁岩見到呢個套餐做緊優惠價錢極抵，$31食夜晚個餐喎餐廳唔算好難搵，上到去就有位坐落左單三、四分鐘，個多士就黎啦原來係烘多士，唔係白麵包夾住奄列食，一流！食到半路個撈面就黎啦手震，唔好意思個撈面好乾身瑞士雞翼無味所以我落左啲辣椒油調下味茶飲，我叫左凍奶茶茶味無乜，普遍奶茶一杯若果以佢「聲稱」既原價$62，我相信無乜人會食佢團購價再加上地點就腳所以有緣相聚下次睇Show，無野好食既，或者都會黎既…查看更多