suki1416的个人专页

以前個位既校長燒肉去過其實幾好食，款多食物唔差，而家轉返扒王之王去食下，有鋼琴個裝修都唔錯完全唔似我小時候印象既扒王。羅宋湯無味好水，個包好硬唔夠軟，叫左個肉眼扒同牛板鍵都唔錯，好食過銅鑼灣花園餐廳同樓下間莎樂美。叫左碟$18雞翼，真係平到笑，正常氣炸鍋雞翼味，不過$3隻仲想點另外有碟$24兩隻焗壕，一般般，黎扒王之王都係食返扒唔好博😅總括而言，想食扒下次都會再黎，個環境又大又乾淨有氣氛，讚！…查看更多

晚上10點諗唔到食咩 經過入左去。叫左個牛肉麵，辣子雞米線，雲吞，酒讓丸子，凍奶茶。牛肉麵幾好食，下次試下唔辣，辣子雞就一般，個口感好似回鍋肉多d,個丸子最好食，甜甜地我覺得依種口感，凍奶茶麻麻，似珍珠奶茶味用粉沖個種。下次都可以再試下其他。…查看更多

好多年前有去過，以前好多人要在門外等位，而家中間位個間關左門，係隔離細房開門做生意，可能無咩生意啦，今次星期日晚上時間只有三枱客，加埋都無十個客，真係事過境遷。食物都同以前差不多，個蒜蓉烤餅好食，大麥烤餅甜左少少，但男友反而鍾意食，最經典都係個個瑪莎拉烤雞，辣辣地，同烤餅好夾，另一個新德里羊肉比較淡，還可以，2款入面d肉都算多啊，都無其他食評講到咁少肉啊，素咖啡角就一般般，當開胃小食咁，最後個杯mango lassi 係以前去枱枱都會叫黎飲，就係芒果奶昔，比較“結”我都ok鍾意飲。總結都值得再去既，本身睇評語諗緊去珍珠個間定依度，既然曾經去過依度幾好就舊地重遊啦，至於服務黎講，正正常常啦，當你普通客落單放低行開，無咩特別，點都唔會呼呼喝喝咁誇張既。p.s:叫野食個陣我地睇緊open rice既食評，咁岩職員睇到有英文內容既其中一個麻麻食評叫我地開多次比佢睇，佢個樣都面色一沉haha,搞到佢少少尷尬。…查看更多

一家四口下午茶特登出銅鑼灣食，好彩下午茶價錢，仲有長者價，開頭以為自己燒，原來係寫紙每次最多六款，串數不限，下午價$168流水蝦+串燒，流水蝦d蝦係死蝦，自己燒左都好梅，早知叫$128剩串燒😂😂串燒係廚房燒好哂上比你，串燒牛太（銀），放耐左完全唔好食......撐黃店黎試下，不過野食真係要搞搞佢😭…查看更多

住左係石籬十幾年真係好少係熟食市場食，成日都去隔離食pizza多，難得大家都放假就食下，最好食係明太子玉子燒同鯖魚，吉列豬扒定食麻麻，好油，純粹食食物，著重環境就唔建議啦，一般街市，仲有個靜崗蒸蛋仲未上....…查看更多

本身好鍾意食甜品，之前睇facebook見到店主既故事已經想去買黎試下，希望大家多d支持本地小店，更加多人整甜品開店。:)係cwb返工，難得收早，放工即刻去買黎試，好耐無行過銅鑼灣地帶，係一樓唔難搵，行下就見到，店鋪範圍不大，好小巧。店主好nice,仲有溫馨提示點食～買左5件咕咕洛夫@檸檬@朱古力@雲呢拿冧酒提子@士多啤梨@熱情果買比bf同家人試下，哥哥唔太食甜野，佢都話唔漏，幾好食。我自己每樣都有試，最鍾意冧酒提子🍇，有提子粒係入面。有口感！.D cream都好綿，個cake好鬆化。值得一去，大家都去試下啦…查看更多

如果就關門就直接講，唔好用潮州話講（食野食到天光都未食完），朋友聽到告訴後大家心情都好差..明明營業時間尚有半小時，唔想阻收工咪講明d囉！都唔會講服務，但唔好用第二種話黎鬧人 以為得你地聽得明咁。…查看更多

自己一個女仔入去食，一入去就用普通話態度一般坐低，比左本全日供應for遊客既價牌，門口寫住午餐下午茶供應，問佢有無其他餐牌話無都唔緊要，落單問佢有無常餐話有，叫左個沙x牛肉面加冬檸茶，第一次見面底係雲吞面幼面底，另外叫左個奶油多，埋單企係收銀叫左兩次個收銀同人傾計，都唔理我都唔緊要，埋單收我$81，大佬，我食左咩呀，問佢點計又支吾以對，話咩政府收百分之十稅，最後收我$67....算啦，比錢買難受，以後以後都唔會黎！…查看更多