eatwhatiwant的個人專頁

呢間位於尖沙咀嘅居酒屋之前同朋友都食過幾次～最近經過睇到佢轉型做放題，仲做緊六折優惠，所以前兩晚就約埋朋友一齊嚟試一試🤭🤭環境格局冇太大嘅轉變，不過係餐廳中間嘅位置就多咗一個自助飲品前菜位，沙律前菜飲品甜品小食都可以喺嗰度搵到，款式都幾多樣化😆😆而刺身、串燒、壽司卷物嗰啲就用電話落單，既環保又方便😚😚呢度嘅魚生刺身款款都厚切新鮮，仲要有拖羅任食，依家睇返相都想再encore呀😍呢度仲會有啲特色創意嘅卷物，就好似嗰款用taco裝住嘅魚子海膽，有創意得嚟味道都非常唔錯，呢度嘅海膽都幾新鮮，好難得放題都食到有甜味嘅海膽！！仲有呢度主打有得食和牛，佢嘅和牛壽喜燒同和牛壽司味道都唔差，不過特別要推薦必食嘅係鵝肝多士～每塊鵝肝都煎得外脆內嫩，我同朋友都忍唔住encore咗兩三次🤭🤭仲有串燒同煮物味道都幾有水準難怪平日夜晚都full house，好彩我哋有訂定位咋！！甜品方面除咗有新鮮嘅水果同小甜品食之外，仲要有榴槤同häagen-dazs食，真係滿足到呢！！飲品方面，除咗有汽水、果汁、啤酒同cider之外，連清酒梅酒同熱飲都有難怪連鍾意飲返兩杯嘅朋友都大讚呢度冇得輸🤤🤤🤤…查看更多

新分店開左响旺角既雅蘭中心～環境寬敞簡潔，店員既服務態度良好☺️☺️佢哋嘅卷物一如既往好有創意✨✨今次所點嘅“火山”直情會點埋火咁present 出嚟，好夠氣勢！！另一款卷物: 蜘蛛 既賣相都唔輸蝕畫埋have a nice day 俾我地都幾有驚喜💕💕💕串燒同天婦羅嘅質素都好穩定🥰🥰串燒方面最愛一口一粒既厚切豬頸肉；鹽燒雞翼燒得皮脆肉嫩都好正～天婦羅食落唔油膩，天婦羅菇响食既時候仲keep到juicy ，的確唔錯😗😗最後既玉子燒食落甜甜地又暖暖地，好啱依家又凍又乾既天氣食😆😆😆…查看更多

前兩日同朋友去咗街市上面嘅熟食中心食放題喺街市上面食小炒嘅放題真係第一次！！小菜菜式選擇多樣化，仲有汽水啤酒都係任飲！！超級推薦佢地既椒鹽同金沙系列🤤🤤椒鹽雞軟骨炸到粒粒金黃，非常香口金沙雞翼，皮脆肉嫩真係好正！！！和牛牛粒香煎肉嫩，調味剛好✨✨清湯蘿蔔牛腩就啱曬而家涼涼哋嘅天氣食，湯底帶有微微嘅胡椒香氣，感覺暖胃～牛腩肥瘦均勻，白蘿蔔清甜無渣食住鑊氣小炒飲汽水真係好鬼爽雖然位置喺街市熟食中心，環境衛生尚算乾淨企理，姐姐嘅服務態度都唔錯，可適合一大班朋友或者一家大細嚟食飯❤️…查看更多

呢日嚟咗觀塘工廈搵食～嚟咗呢間主打食手工漢堡既日式小店🥰🥰手工漢堡主要分為兩款，一款用上日本和牛，而另一款則為安格斯牛💕如果好似當日同行既朋友仔咁唔食牛，亦有豚、雞同鰻魚可以揀☺️☺️✨招牌手打和牛漢堡蘭王蛋飯✨和牛漢堡食落香軟又juicy，配菜同醬汁都可以自選，配合濃厚既蘭王蛋一齊食，真係無得輸😍😍😍✨照燒雞扒飯✨同行朋友話佢個雞扒飯都唔錯雞扒煎得外脆內嫩，加上帶有微甜嘅照燒汁，佐飯一流😙😙✨唐揚魷魚咀✨作為加配嘅小食都非常唔錯，香脆可口😘😘✨雞皮餃子✨呢度既小食仲有本人偏愛嘅雞皮餃子可以點，正❤️❤️飲品方面亦可以以優惠價加配～可以好似我咁揀蜂蜜綠茶，又可以好似朋友仔咁揀肥仔水，同樣都只係需要加五蚊，爽！！呢度仲有得儲印仔，有機會要試埋另一款漢堡先得…查看更多

呢日唔洗ot，放工都未天黑～所以就即約飯腳出黎食下野吹下水😆😆飯腳帶路黎咗呢間都幾有特色既小店～佢話呢到有款燒肉卷粉好出色，所以一定要同我黎食😚😚的而且確，呢碗燒肉卷粉又真係正啵～湯底好重胡椒香之餘帶有香葉味，既惹味又暖胃！！除左卷粉之外，我地仲order咗個超邪惡既撈飯同串燒🤭🤭厚切鵝肝加上豬油撈飯真係邪惡到呢但食落真係無得輸，仲有半隻溏心蛋依家睇返張相都流口水xpp而串燒既質素都唔錯～仲有燒湯丸都幾特別嗌埋做甜品都幾正🥰🥰🥰…查看更多

由朋友帶路，呢日黎到呢間可以同一班可愛貓咪一齊用膳既樓上cafe💕💕😃入餐廳前先會套上即棄鞋套，亦見店員不時打掃以保持衛生～呢道無入場費，喺中午時段只雖每人點上一份餐點即可在場邊食邊同貓貓玩🥰🥰餐點價錢唔貴，仲可以用優惠價加配小食同甜品😚😚我同朋友分别要左芝士烤雞扒配薯菜同吉烈豬扒胡麻冷烏冬，加配忌廉蟹肉薯餅同炸芋泥丸子作為小食一同分享～蟹肉薯餅外層酥脆，內餡香濃💕芋泥丸子亦香甜不膩，好涮嘴！！主食方面既冷烏冬配上帶有微酸既胡麻汁醬食落清爽開胃～芝士烤雞既調味岩岩好，亦唔會烤得好乾食，啖啖肉，好滿足😆😆跟餐加配既大福同窩夫食落都唔錯～兩款甜品都唔會過甜，食完都唔怕太full果味既梳打冰涼解渴加上有可愛既貓貓陪食呢餐食得好開心又滿足😘😘…查看更多

知道最近有一家新開既牛丼喺旺角開左所以喺呢頭行完街就同朋友黎trytry先～除左牛丼外，呢度仲有雞、豚、漢堡扒同鰻魚既丼飯可以揀，可以配上不同口味，選擇都唔單一☺️☺️依家original 既牛丼仲有套票優惠，$100就有5份，平均$20就有一碗！！！不過我地想試下其他口味，所以就要左兩款不同既丼飯share🥰🥰✨雙重芝士牛魔王飯✨和牛漢堡扒食落有牛香，配埋半溶既芝士更覺滋味～呢個飯仲配上柚子醋醬汁，加埋落去咁食就正好平衡返和牛同芝士既膩感，相當唔錯🤤🤤✨溫泉蛋牛肉飯✨牛丼中既牛肉肥瘦均秤，醬汁帶有洋蔥既微甜～半熟流心既溫泉蛋同米飯亦為合拍之選，轉眼即可吃光光😆😆我哋分別地加錢轉為套餐，配上小食同飲品～要左公魚仔同炸雞💕兩款小食均為炸物，食落香口之餘亦唔會太油膩🤤🤤仲可以飲返啖冰冰凍既汽水爽爽添😚😚…查看更多

同朋友睇戲之前搵左間裝修美美既樓上餐店食個晏先😆😆😆呢度menu 上既主菜都可以加錢轉為套餐～套餐附有餐湯、蒜蓉多士同自選既飲品😚😚呢日既係忌廉椰菜花湯我地揀左一款pasta 同一款risotto 一齊share🥰🥰✨三文魚籽龍蝦汁意大利飯✨除左三文魚籽之外，配料仲有大蝦、青口、蟹棒同蟹肉，食落調味適中，十分豐富💕✨忌廉龍蝦汁甲羅燒貓耳朵✨忌廉龍蝦汁加上甲羅燒既蟹膏同芝士混搭後，味道香濃鮮味，貓耳朵亦煮得剛好，甚有嚼勁😃😃飲品方面我地都揀梳打～分別係“巨峰提子梳打”同“柚香菠蘿檸檬梳打”，兩杯都清爽香甜又解渴，岩曬依家夏天飲😆😆…查看更多

最近喺Airside 呢度食左餐既有創意心思，味道又好既晚餐唔單止食物味道到位，服務同環境都相當優質可以食住餐前小點，在慢慢睇下meun先落order除咗單點食物之外，呢度仲有個tasting menu set，可以試到多款唔同嘅食物之餘，當中仲有唔少喺呢度嘅招牌菜，所以呢晚我哋都決定要呢個set先有三款前菜：紅菜頭糖醋野菌盒、嵐月西班牙黑豚叉燒同低溫慢煮帶子配鮮海膽三款前菜擺盤精美，最有驚喜嘅係紅菜頭糖醋野菌盒，味道同層次咁都非常豐富湯品係枇杷果花膠燉雪雁，材料豐富又相配，飲落非常清潤又鮮甜主菜方面亦有驚喜：胡椒香茅乾燒虎蝦以爽彈蝦肉配上偏南亞風既調味，惹味得黎又唔會蓋過蝦既鮮味24小時慢煮牛肋肉，每份三塊，肉質香軟嫩腍，沾上鹽巴或者汁醬都同樣美味金柱魚肚濃湯勝瓜則清而不寡，厚綿既魚肚盡吸濃湯精華，甚有驚喜雜錦鮮菌青口燴越光米以粒粒分明嘅飯粒伴以雜菌同青口，味道豐富亦感飽足作為甜品既熱情果椰汁凍糕配薏米珠山同樣能見心思，香滑嘅椰汁糕內竟味道酸甜嘅熱情果，薏米珠嘅口感亦十分特别，整個甜品都不甚甜膩，清新特别又好食最後更有一杯功夫茶，既可清清口腔又能有助消化，心思滿滿呢…查看更多

前兩晚同朋友去左間超高質既火鍋店，食左餐好正既邊爐！！！我地見天氣漸熱，所以決定要返個蕃茄牛坑腩做湯底～店員介紹呢到既蕃茄湯係用上新鮮嘅新疆紅番茄，加上其他疏菜提升味道，仲無落茄膏添蕃茄湯頭的確非常足料，味道酸甜開胃，仲有唔少牛腩添呢度火鍋料既選擇都有好多，相中亦有啲平時無咁常見既食材同店員推介既時令食材添就好似呢份牛頸脊咁，係店員推既，黎自貴州既手切牛，食落肉香滿滿又軟嫩仲有走地雞可以揀，店員話平日呢度既走地雞係用上鬍鬚雞，但呢日有養殖超過200日既鮮雞，我哋當然有興趣啦食落真係有分別，有雞味之餘仲係皮爽肉厚，就連雞胸部分都唔會梅！！我同朋友都好鍾意食牛，所以仲叫咗一份牛魔王拼盤，可以一次過食到不同口感嘅牛牛呢度豬雜嘅質素亦相當出色，內臟處理得好乾淨，食落一啲異味都冇，特別推薦厚切嘅豬潤，既爽又嫩，仲有淡淡嘅酒香添呢度仲有魚卜添，若曬平日最鍾意食魚卜既我呢度仲有好特別既限量豬腳筋，店員教我地湯鍋到就放落去，去到最尾先食，不但可以吸曬湯底嘅味道，而且一啲都唔韌，仲食到膠質滿滿嘅筋位手打蝦滑亦都好有質素，相當彈牙～呢度仲有巨無霸裝嘅可樂同凍飲，絕配…查看更多

近幾年愈黎愈多點心專門店，所以依家點心癮起都唔一定要去酒樓先解决到😆😆呢日同朋友行完街就黎左呢到嘆返個港式點心下午茶～呢度唔單止望落乾淨企理，座位位置亦好闊落，可以坐得舒舒服服嘆住冷氣食點心😚😚食點心當然要嗌蝦餃燒賣啦～蝦餃外皮q彈，餡料滿滿，必點之選！！呢度有三款燒賣，我哋呢日要左一份黑松露燒賣，一籠兩粒，大大粒，肥肉嘅比例唔算多，食落好有滿足感🤤🤤除咗必點嘅蝦餃燒賣我哋重點咗一啲比較有特色嘢點心試一試～特別推薦沙律明蝦角，外層金黃薄脆，內有彈牙蝦肉💕💕泰式花枝丸同黑松露鳳眼餃都很可以🥰🥰而流心奶黃煎埋仔就味道香甜作為最後既小甜點亦相當不錯😘😘…查看更多

同朋友喺度買完野就嚟咗醫肚～呢度平日有Tea set供應，分為前菜小食、主食同飲品三大類，劃一收費可自由配搭～要齊三類選項都只係$98，cp值都算幾高！！前菜方面我地要左"香茅烤雞肉串燒"同埋"腐乳蛋黃醬單骨雞翼"兩款嘅雞肉都好嫩滑，特別係個單骨雞翼配埋腐乳蛋黃醬，味道層次都好豐富！！朋友要咗無骨海南雞喇沙～佢話湯底非常香濃，油麵加上米粉，兩款嘅面質各有不同，所以食落有多重口感而我就要咗"娘惹傳統班蘭椰漿飯"賣相非常吸引～椰漿飯食落帶有淡淡嘅班蘭香氣配料非常之多～既有嫩滑嘅雞卷，又有惹味嘅巴東牛肉，亦有脆花生同小魚脆脆，仲有半隻溏心蛋同清爽嘅酸蘿蔔青瓜tea set飲品我哋揀咗青檸梳打同水果冰茶最後我哋仲要咗一份"海鹽雪糕粟米脆脆"做甜品添…查看更多

收工前收到朋友即興約食泰國菜～我哋就決定約喺九龍城等，食返呢間讀書時期間唔中就會成班朋友一齊嚟食既泰菜💕呢度除咗一般常見嘅泰國菜式，仲定期有一啲期間限定嘅菜式同優惠～當晚我哋叫咗一款新嘢，亦order咗佢哋嘅是日優惠，另外要咗個泰式炒飯share 😚😚✨香葉肉碎炸蝦膠皮蛋✨呢款係新推出嘅期間限定爽彈嘅炸蝦膠包住軟心嘅皮蛋，加上有少少辣嘅香葉肉碎，既香口又惹味😚😚✨曼谷夜市火山骨✨當日嘅優惠菜式係用38蚊就可以要到呢份火山骨！！！雖然係因為菜式，但份量依然好足～火山排骨味道酸酸辣辣，十分開胃😆😆✨泰式豬頸肉炒飯✨呢碟豬頸肉炒飯估唔到係另外一個大驚喜，炒飯炒得乾身粒粒分明，食落仲好有鑊氣添！！當晚我嘅芒果椰汁沙冰香甜冰滑，而朋友所點嘅咸檸檬七喜就清爽解膩，同樣咁正！！！…查看更多

踏入5月，天氣漸熱，胃口都無咁好～所以呢日決定同朋友去食啲可以刺激味蕾同胃口既野😆😆我哋去左間主打川菜烤魚既小店呢日得兩個人就唔嗌烤魚～點返啲涼拌同熱菜share share先😚😚✨涼拌魚皮✨調味香香辣辣，魚皮爽口Q脆加埋清爽既青瓜絲一齊食就更為醒胃！！✨紅燒肥腸✨以微辣既川式豆瓣醬為汁醬既基底，肥腸同薯仔粒都煮至入味，送飯一絕～✨糖醋裹脊✨雖然糖醋裹脊一啲都唔辣，但味道酸酸甜甜咁，啖啖肉得嚟又無肥肉，亦係開胃伴飯既佳品🤤🤤唔飲啤酒既可以好似我地咁飲汽水可樂爽下仲有檸茶檸水可以選擇添～～～…查看更多

之前睇到網上有人出post食呢個台式小食九宮格覺得好吸引～所以呢晚放工就拉埋同事過黎一齊食😆😆😆呢度既環境光猛企理，用qr code 就可以落order~除咗有台式小食，台式嘅滷肉飯、牛肉麵、吐司同蛋餅等等都應有盡有，有好多選擇！！我同同事每人要咗一款主食，另外order咗個小食九宮格同甜品一齊share😚😚✨花蓮小食拼盤✨呢個小食拼盤唔單止可以一次過試匀九款小食，賣相仲好精緻添💕當中嘅鹵水小食仲好入味，同朋友分享剛剛好✨紅燒半筋半肉麵✨呢碗牛肉麵係我order嘅，估唔到咁大碗！！當中嘅牛肉同牛筋都滷得好入，份量都唔少～✨慢煮豬軟骨滷肉飯✨同事嘅呢碗滷肉飯仲配埋紫菜貢丸湯，仲有半隻花雕糖心蛋，十分豐富！！✨紅豆仙草三色芋圓✨呢度嘅仙草係條狀嘅，食落都係滑捋捋，芋圓口感Qq💕飲品方面，只要order左主食就可以以優惠價加配，當中嘅選擇都有唔少㗎🤭🤭…查看更多