timtimyo0的个人专页

打風之後第一餐就係去西貢食下白鬚，因為呢間都好似好出名。今日知道應該係出名貴。我地兩個人叫左個牛骨湯飯，加牛丸粉都已經200大元。講下牛骨湯飯先，d湯其實就唔係好飲得出有牛味香味，跟著牛骨反而有牛味，中間搭多兩條牛腩比你。個牛丸粉其實同你出去食勝利牛丸差唔多，黑椒味重到蓋過牛味，口感一般，仲有個雲吞皮，個陣味真係不敢恭維。最後個墨魚餅，同你坊間買自己炸個d雪藏差唔多，食落口感似蝦餅。呢個價錢，真係頂呱呱。…查看更多

天氣熱到死，行到一半見到泰菜酒吧，梗係即刻入去試試喇。睇睇drink menu, 見到有啤酒沙冰，唔好理三七二十一即刻叫一個先。不過天氣太熱都係無咩胃口，見到個二人套餐好似好吸引，即刻叫一個先喇，又唔洗煩，最近要店員極力推介椒鹽魔鬼魚都係入面。上菜次序都幾有趣， 先上個豬比仔，細細一條單骨，烤得好香脆，上面淋左泰式辣醬算係開左個胃，跟住再上生菜包，生菜包就有薄荷既味道清清涼涼我就一般般啦。跟住就炒個菜，不過真係好鬼辣，呢個天氣加上中門大開既店面，你會覺得個菜有點兒過辣，不過勝在有啤酒搭救。最後就魔鬼魚，炸得好香脆不在話。上面既三色椒都係配角，仲有配上店家兩個醬汁。味道係新奇，口感係唔錯，因為估唔到口感`有點似食雞軟骨。…查看更多

係西營盤，行到好耐，忽然見到有間餐廳叫the bottle & Steak, 好似好有趣，順便行到攰攰地就入去試試。行入去就係一個好大既雪櫃映入眼簾，裝滿曬唔同口味既啤酒，無酒精飲品。咁見到manul ，叫得steak 一定叫塊牛扒食下先，牛板健 店員話係半成熟，如果你想要其他生熟程度就要同店員講哦。牛扒其實不過不失，配上新鮮薯條加上牛扒汁，水準還好。跟住未食過鴕鳥扒，即刻整個試試先，原來鴕鳥扒既感覺好似雞胸+牛肉既口感，但係鞋好多，陪上薯蓉。叫得bottle 當然叫左支氣泡茶配上牛扒先係襯托得起間餐廳啦！…查看更多

今日路過虹橋附近，見到一間門面都幾日本風既餐廳，叫留白，跟住見到門外有三五成群係度食啤酒串燒。即刻燃燒了我的日本魂，同埋屯門真係無咩地方可以個感覺似居酒屋，見到呢度咁熱鬧即刻入去試試。居酒屋一定係要叫返杯酒先叫其他，即刻叫杯麒麟爽下先，見到店員慢慢倒酒跟住成泡都係一個享受。有酒點可以無下酒菜，見到附近d 人不停咁order 串燒燒物。我都即刻叫返幾串旁下身，當然係要叫我最愛的燒鳥！呢度燒鳥種類其實都好豐富，連雞屁股都有。我就即刻order左 雞頸肉，雞肉棒，雞pat pat，加上台灣場and燒菇瓜，整多條魚加多個烏冬我諗應該夠食啦！串燒上黎，就有撲鼻而黎既日本燒烤味道，唔係大陸燒烤個款。係炭燒個種香味，撒上點點七味粉，將串燒昇華左一個地步。 雞頸肉嫩而不老，咬落去個種彈牙完全燒到剛剛好，雞肉棒配上大蔥月見汁，豐富左雞肉棒既層次！再加上一啤酒完美配搭，gur到一個點。跟住燒烤攻略完就要食個烏冬同燒魚。個烏冬既峴大大粒咬落去有多汁，峴汁係你個口爆出黎，配上烏冬，簡直停不了咁不停索烏冬，加上烤魚落埋香草，不禁令人覺得係日西風情.…查看更多

今日放工唔想返屋企唯有周圍去附近行下碰下運氣，剛剛好見到榮峰餐廳，見到餐牌顯示既價錢係附近算係好有競爭力，所以即刻入去試試，最緊要新裝修環境是是正正。入去打開餐牌，有小炒，有鐵板，有湯麵，作為食肉獸，同埋一定要jer jer聲既我就梗係叫個鐵板先講。食鐵板梗係叫個雜扒餐配黑汁呢d標準配搭！跟住整多杯熱奶茶。不過呢個鐵板都係有餐湯+餐包，湯我就叫中湯，都係普通茶記例水級。無咩特別，不過就係青紅蘿蔔。餐包就配牛油，輕輕整熱，算係咁。到主菜到，自己淋上黑椒汁，個種jer jer聲真係令人振奮，上面有豬扒雞扒火腿腸仔，扒既份量對得住呢個價錢，肉質算好鬆軟。不過就知道落得好多鬆肉粉，值得一讚反而係薯菜。薯條炸得脆口，唔算太多鹽，d菜擺鐵板並無燒焦同過熟，呢真係有d神奇。…查看更多

今日入西貢遊一轉，夜晚就梗係食甜品啦，最後選擇左滿記，因為附近得滿記。入去之後叫左個白雪黑糯米加雪糕，同埋咖哩三寶。兩個圓圓既黑糯米球，陪上白雪（牛奶冰底）加上雲呢拿雪糕，口感好特別，糯米煙韌甜度唔大，陪上雲呢拿雪糕，口感相得益彰。跟住個咖哩三寶唔知道係咪肚餓，出奇地好食wor。魚蛋+豬皮全部都充滿咖哩香味，真係炆到入曬味道。唔係話就咁淋上去。不過原來隔離鋪頭係無人排隊多d，總店好多人所以大家記得識得穩地方啦！…查看更多

知道今日大快活有新野出，酥皮雞煲，最愛大快活既我就梗係即刻狗沖落去。叫左一個蘇皮雞煲加多個雜扒餐。先點評個雜扒餐，扒就覺得有d縮水不過鐵板溫度仍然保持到，倒黑椒汁落去都有jer jer聲，彈到周圍都係汁既感覺好美好。跟住跟餐個意粉，略為硬左，感覺上好似有d 未熟既口感，唔太fit我。跟住最失望係個雞煲，酥皮絕對係無投訴，因為酥皮牛油味好重，而且香脆鬆軟，用筷子夾落去會化晒爛曬，一如既往既好評，比酥皮。個雞煲雞肉唔多啦，得6塊左右，雞翼位置，全部洋蔥墊底，食落去味道無香辣既味道，私係午市蒸雞既味道。真係耐人尋味…查看更多

屋企煮完飯，發現原來自己都唔夠飽，唯有搵個外賣平台叫下外賣啦，我自己又唔想食咁多，宜家又晚市事件。咁挑選之下唯有試試&TMR，睇上去都唔錯，即刻order左個煙肉酸忌廉焗薯，芝士牛肉漢堡，加個薯條。等左45分鐘左右終於有人送到啦，二話不說打開包裝，唔好講咩，外賣包裝得幾好幾密實，先試試個漢堡，個包皮送到上門都係鬆軟，唔係比漢堡汁整到軟晒黴曬，呢度包皮加一分，漢堡扒就算平平無奇，但係新鮮既蔬菜都算加一分，及格以上水平。跟住個煙肉忌廉焗薯，我覺得就mama地，因為好似無焗過咁，上面cheese 線條分明，煙肉用放大鏡睇先睇到，三種材料完全係味道分離。最後個薯條，打開袋之後數個薯條最香。聞上去刺激既辣味，但係開袋之後，味道係唔錯，但唔知道係咪因為密封得太好，全部已經軟晒，索晒水，呢個真係比個差評，但味道可能現場食會好ok…查看更多

今次我地就試下食左個3xx套餐，咁就係連埋main 4道菜，包含前菜，餐湯，主菜，甜品。大家唔需要期待有餐牌睇啦，因為係無架！餐廳做法原來都好得意，晚餐你可以同book講你想要食咩main，例如豬牛羊等，其他前菜主食都係當日廚師幫手去街市睇有咩新鮮時令跟住配搭比你。你可以睇成西餐哦媽卡些。我地今晚兩個人去，選擇左雞，同羊作為主菜，首先上菜既係藍鰭吞拿魚沙律，火炙既吞拿魚，口感嫩滑，並沒有雪味或者血水，外層炙燒完多左層次，呢款沙律加上大量堅果做配搭，吞拿魚下係用牛油果墊底，食落去層次豐滿，吞拿魚味道，配上堅果口感，好似新鮮火炙係你面前，脆卜卜，跟住配上牛油果，令到赤身既口感順滑返。之後就係上蒜蓉法包配上牛肉湯，唔好以為係多士脆口既口感，個包偏向西方法包既口感，內軟，外脆，軟熟既包肉配上蒜油既溫熱，加上個無西芹既牛肉湯，完全係想喊出黎。主菜就係燒法國春雞，同埋蒜鹽澳洲古飼羊架，配上薯蓉雜菜，呢度既春雞整到剛剛好，好似白切雞既口感，外脆內嫩，個時間少一分，成隻雞已經唔熟切唔開，多一分鐘，個雞胸已經會韌，鞋，但呢一隻，時間剛剛好，肉嫩多汁，連食雞胸都好似食雞腿一般嫩滑。羊架個火候剛剛好，嫩口唔韌，但係火候容易掌控，肉汁難以控制，坊間羊架就算你整到剛剛好，都唔見得有肉汁，但呢度一切開，肉汁就已經肉眼可見流出，已經係另外一種層次，同昇華。最後甜品就係榛子雪糕配雜果，榛子酒係廚師今日當日炒出黎表層香脆，新鮮又唔會好似乾果咁乾，而且師父仲好有心機用焦糖拉出一個心型。…查看更多

落雨無帶遮，全身濕晒，食燒肉就最夾，剛剛好路過見到燒肉男，仲有二人同行75折，就你喇。上去問下要唔要排隊，唔洗排隊，即刻整個set C 食下，主打就係澳洲和牛，對上就有日本和牛，不過第一次去就試試個澳洲先啦。坐低之後個店員二話不說直接上曬我地可以order既牛拼盤比我地先，真係幾震撼，澳洲M6和牛，質素其實都唔錯，油花十足，輕輕燒兩下已經可以入口，現場又有提供黑椒，岩鹽，燒肉汁比你任意調味。甜品又係雪糕任食，另外仲有格仔牛角酥，新鮮整出黎，任你食。…查看更多

今日諗住探朋友入藍地，點知道朋友未起身無門口入，唯有食個早餐先啦。跟著好彩見到五味餐廳對出有個車位即刻攝入去，跟手入埋五味餐廳食早餐啦，方便睇車吖嘛。入入叫左個吉列豬扒，陪配個大光面，近排屋企無雞蛋食，即刻配上炒🥚加煎蛋，整頓杯凍奶茶走甜先。先上杯凍奶茶，奶就係經典既花奶味道，茶底唔算特別苦，所以無糖既奶茶好容易入口，跟著上份多士，炒蛋煎蛋，炒蛋係底有d水油，太陽🥚剛剛好，一吉落去蛋黃流出。多士就烘到脆口，內在鬆軟，有蒜蓉味道開胃極點。最後上既係吉列豬扒，值得一讚就係豬扒新鮮脆口而且碎上，不過如果你唔鍾意碎上記得提醒店員。…查看更多

好好彩，我地去到就有一張台走，如果唔係真係有排等，因為入座之後出面多左5-6個人等位。坐低之後梗係叫我念念不忘既窩夫，就係焦糖脆脆香蕉窩夫。因為之前外賣食過都幾好食不過質素就時好時低，今次堂食就試試新鮮出爐係咪特別好！上台之後，發現，真係好過外賣好多。起碼外形有心機幫你整理好，雪糕，香蕉，所有野排列得整整齊齊，又好睇。今次叫左朱古力雪糕做襯托，切開窩夫，尚有餘溫，皮帶有輕微脆口，小切一塊，配上焦糖脆脆加香蕉，口感雙重鬆化，配上香蕉，吉士醬係後面真係回味無窮。再切一小塊，再加上雪糕，簡直好似冰火咁。我朋友就叫上一個小太陽，芒果奶上面加上真既芒果，其實都睇唔出點解叫小太陽，不過食落口帶有微溫，配上西米加小丸子，係黃色燈光之下，發覺顏色其實都似太陽溫暖你既心，都真係幾貼切個名。芒果奶配上西米，芒果味道係芒果西米既兩倍。中意食芒果西米露既各位唔好錯過。溫情提示，假期真係好多人等。…查看更多

今日10點起身，諗住食早餐，自己樓下無咩食，得連鎖餐廳，特意走去海麗穩早餐食。見到王牌冰室，成日見到外賣平台有，不如去試試。叫左個沙爹牛肉面早餐，陪上炒蛋+半份三角形厚牛油多士，因為炒蛋同多士太吸引所以都唔記得影相就食左。炒蛋係嫩滑得黎唔會太水，有d口感，唔似某d連鎖店，食得全部油既味道。厚多士輕輕烘過，牛油融化曬，入口個下完美。個沙爹牛肉面，沙爹味道特別香，因為個湯底唔係坊間既白湯，係真係沙爹既湯底，加上沙爹牛肉。不過沙爹牛肉就預製好，直接食就係凍，要撈埋一齊食先好食。個餐先38+3凍飲。呢個價錢質素，無咩可以鬧啦。…查看更多

今日路過TST，本身諗住食cafe，點知道係廣匯見到有間韓國餐廳，有我最愛的牛腸窩，即刻我就入去試試。入到去店員全部講英文，韓文。我都以為我自己去左韓國，不過好好招呼，唔需要擔心溝通問題，因為直接QR code 落單，對應中文英文。當然我就叫左個牛腸窩，寫700g 牛腸，以為好少，原來上台之後都好大份，之後會有店員過黎幫手剪細，同幫你炒，牛腸入口，牛油融化係個口。差d熱到去喉嚨，因為d油beep曬出黎，完全香口，跟住配上洋蔥，韭菜。層次分明。跟住上個炸雞，叫左蜜糖同埋蒜頭味道，不過不失，不過炸雞上面真係有蒜頭，炸得好香脆，雞肉都嫩滑，皮都係脆口，新鮮出爐。最後上個燉牛肉辣味，入面有白，紅蘿蔔，全部都燉到入口融化，都係韓國辣醬既味道，牛排骨直接甩左骨，骨肉分離，炆到軟熟又唔會無曬口感。…查看更多

睇完鐵打，心情低落，唯有食下野安慰下自己喇。係附近巡邏下，見到一間特色泰國混西餐，咁不如去試試喇。餐牌其實都好多選擇，不過因為都係混合菜，搞到樣樣都好似好難選擇。最後選擇單叫一個紅咖哩牛肉意粉。上菜之後賣相第一唔差，真係有心裝飾，個種精緻打卡味道係其他小店未必會有。咖哩味道撲鼻而來，食落去第一個口感，好似卡邦，之後開始椰奶咖哩味道上黎。牛肉食落去都嫩口，唔係好似其他餐廳，牛肉係配菜+裝飾。…查看更多