L.Darkaz的个人专页

首先，食物幾好食，價錢沒太大意見。今次評論，純粹因為員工態度。2025年9月27日星期六晚約10點，跟女友2人進店坐低，目測店內尚餘1半座位。職員好快畀左QR code 落單，咁我地就睇有乜食，一邊傾計一邊揀野食。揀左10分鐘左右，有男職員過黎提醒，揀好記得要撳送出既掣。咁我都覺得幾好，起碼佢驚我地揀好左漏左按，變左冇野食。再過多大約五分鐘，因為店面較細，我地坐個位又近廚房門口，聽到有女職員問岩岩個男職員我地落左單未，男職員答岩岩已經提醒左我地落單要撳掣，但係我地仲揀緊。呢個時候，問題就黎，女職員同男職員講：下？有乜好揀？作為顧客，我明白你地臨近收工時間會比較緊張。但係你可以直接同我講，最後落單時間係幾時，唔係係我地背後講d咁既野，仲要畀客人聽到。你地每日都係呢間拉面店工作，會比較清楚菜單，可能對你地黎講係冇咩需要選擇。但係我地都只係黎過兩次，唔記得你地拉面店係有乜食，加上有選擇困難症，揀岩食物係真係需要時間。最後，如果我係你地老闆，聽到你地咁樣對客人，都會好失望。以下係對整個飲食業既意見，唔係針對呢間鋪。出開去食野，好多時都會遇到唔同問題，錯單漏單、抹枱一下將食物掃落客人隻腳到，講句sorry就算，可能有人會話一分錢一分貨，畀呢d價錢就唔好要求咁多。我反問一句，呢個諗法真係岩咩？你開間鋪，所有職員都係代表緊間鋪，入職係咪應該有相關所有方面既培訓，先安心畀佢代表你間鋪服務客人？職員做得唔好，佢有責任，但係老闆係有最大責任。我絕對唔認同畀錢既人係大哂，想點就點，呢個講法係肯定錯。我希望大家係能夠互相尊重，你提供食物，我付錢，就係咁簡單。香港既飲食業係咪真係只可以停留於此呢？…查看更多

2023年5月17日book了枱晚上7點半。到場後，跟我說有人已經用了我的openrice訂座入座。我表示無語，問要等幾枱先有枱，佢答唔到。留左電話，話有位即刻打黎，結果成晚都冇收到過電話。…查看更多

店家請改善以下兩點，這頓午餐影響我一天的心情。我從沒寫過食評，但你們厲害，我忍不住留下這篇評論。1. 牛肉粉絲鍋，肉質太粗，粉絲只有一小撮，湯偏甜。2. 由進門口到離開貴店，一共聽了不下200次招客的聲音，「有位喎，幾多位呀，小姐／先生，入黎試下吖」。開著門招客，聲音吵到店內食客，客人心情能好嗎？能享受食物嗎？貴店的問題不在於有沒有人在外面拉客，這或許反而有反效果。客人不是傻的，來光顧過一次，食物不好吃，幹麻要來第二次，還在外面招客有什麼用？食物不夠吸引，難有回頭客。…查看更多