無意中係城市花園嗰頭發現咗間咁嘅cafe，於是就膽粗粗入去試下本身見到個環境咁靚，都有擔心過會唔會係嗰啲得個樣嘅餐廳，不過見佢咁靚，打一次卡都抵嘅🤪🤪因為都一行幾人，所以可以試多幾款野食，啲野食唔只睇得仲好好食！試咗個限量發售嘅雞白湯烏冬雞扒，雞扒煎得好脆口，配咗個應該係照燒汁，好滋味！雞白湯烏冬先係重點！個湯好好飲！食得出唔係出面嘅味精湯，平時出街食未試過會飲晒啲湯，但依個湯會令你不知不覺咁飲晒🤣🤣除咗正餐外，佢啲特飲都好吸引🥰依杯初戀（個名有嘅尷尬🤣）係士多啤梨奶嚟，最特別係佢會配埋隻用士多啤梨奶雪嘅熊仔🥺可愛到唔捨得咬落去🥺之後到甜品環節🤣 由於多人嘅關係，所以可以嗌晒嚟試吓😂無諗過全部甜品都咁出色！最搶眼嘅當然配咗隻訓覺熊嘅窩夫啦🥰🥰第一次食熊仔樣嘅cheesecake，開頭以為佢會好似啫喱咁嘅texture，點知唔係，好有趣！巴斯克同焦糖燉蛋都好有水準！食到停唔到！無諗過原來真係有餐廳係睇得又食得！不過可能仲係新開張嘅關係，佢哋暫時只收現金☹️…查看更多
