louisdraw的个人专页

及晚八點半未肚餓決定飲番杯先食飯，所以就決定黎呢間好多人推介嘅酒吧。一開始行入去個waiter都貌似好好服務態度，非常好笑容咁講笑，加上酒吧未開始多人可以靜靜地傾吓偈，氣氛都相當唔錯。我地order左banana peel同另一杯有mezcal mix既cocktail。味道認真麻麻，mescal cocktail上面個foam同杯野味道唔夾，有少少多舊魚；而banana peel可以直程話難飲，味道似好淡好淡既蔗渣水。但飲品都要$130一杯，我哋唯有勉為其難咁飲落去。戲肉嚟啦，我哋大概坐咗20分鐘，酒吧開始多人，懶有笑容嘅waiter同我地講介唔介意喺10分鐘之內還枱，我都立即黑人問號，乜原來飲酒都有限時既咩？事情都發展到呢個地步，我哋唯有急急腳咁離開啦。我建議呢間酒吧索性整手搖飲酒，咁啲人咪唔使坐枱直接嗌外賣攞走咪得囉。…查看更多

野食無乜大問題，過得去。但收呢個價錢，呢個服務水準就真係好垃圾，好似去左澳洲牛奶公司。話說我book七點鐘，message同我講只可以食兩個鐘，咁唔緊要啦，唯有快少少食囉。食到八點，出面開始有人等位，佢就係咁催我點甜品，又要我埋單先。個羊架我都未食曬，個waitress問都無問就想拎走隻碟。我心諗what is happening?! 我仲有一個鐘架喎！我就問個waitress做咩趕我走，佢話同事搞錯左，無同我講佢地第一輪係六點半開始，八點半就一定要走。我心諗咁到得？但我望住隔離個枱講英文既食客，佢地早過我黎，唔知係咪因為開左枝紅酒，就可以慢慢傾計，而我地識講廣東話既就要俾人趕走呢？我check 返message,個餐廳send msg俾我都係叫我九點走。老實說，每人八百蚊，我相信呢個價錢一定可以搵到間服務同食物質素都高既法國餐廳。如果想體驗法式牛奶公司，你就可以黎呢度受苦受難。…查看更多

朋友提議我地黎呢間文青cafe食晚飯，其實都知道入得來都係食裝修㗎啦，但朋友已經book咗位咁就黎試吓啦！食物黎到，都算細份，而且食物唔算好熱。我都唔知合唔合情理，依個價錢配呢個質素。不過如果你只係想黎影吓相，而唔係想食啲好食嘅嘢，咁呢間cafe都算係一個好好嘅選擇。然後戲肉就嚟啦，我哋八點黎食既，大概八點半到佢哋啲Staff就嚟開始收我哋嘅盤，然後我有其中一位朋友都未食完佢都爭啲想收埋。我都明白邊個唔想趕住收工啊！但係如果你咁想收工咁不如你提早話自己關門時間係八點半而唔係九點啦？！見佢趕人走咁我哋都識趣嗱嗱臨執嘢走。喺門口見到雖然仲有食客喺入邊坐緊，佢哋都已經將啲櫈反轉擺喺張枱度。令我覺得好surprise，一間好似好靚嘅文青Cafe原來其實咁唔注重衛生，而對客人既態度係咁差。我都明白我呢篇文對佢哋暫時唔會好大影響，好多人book呢間cafe。但當我撳入嚟OpenRice發現原來有好多人都話佢哋嘅態度好差，咁係咪要諗下去改變？…查看更多

難以忘懷的並非其食物好食，而是極其難食。假日來到西貢，毋非想找一間咖啡店relax 一下。來到西貢大街，經過這間咖啡店，佈置頗有趣，有一種去到收藏家的屋裡。我們就是被這個門面所吸引，誰知惡夢就開始了。我點了一個午餐千層麵，朋友點了一個豬手意粉。一來是跟餐的西湯，味道奇怪，像是一碗水加了糖，完全嘗不到蕃茄的味道。大家都開始感到中伏。然後朋友點的豬手意粉來到，意粉毫無色澤，就像一過水就上碟，味道當然是啖而無味；而豬手更是瘦肉般。我的千層麵則是沒有芝士沒有肉醬，反而是一粒粒微酸的蕃茄在內。老實說，稍為有味覺的，我都不建議你來這裡用膳。而且埋單也不便宜，每人都付了一百元。希望廚師能夠用心研究煮食，不要浪費這個別緻的裝飾。…查看更多

幾年前已經去過旺角的分店，趁著假日，再來到大圍吃個brunch。知道這裡出名all day breakfast，便點了一個All day breakfast with waffle。炒蛋算合格，但碟上那塊雞扒，非常難咀嚼，並有冷藏味，而薯條亦淡而無味，腸仔也極其硬身，而豆是凍的，像在罐頭裡倒來，三文魚沙津算是中庸。如果稍為對all day breakfast有要求，這間餐廳不是首選。而服務員都是心不在焉又玩電話，menu也給了兩次。…查看更多