靚靚心情的个人专页

這個星期三叫咗個烤鯖魚早餐，鯖魚係無骨，好厚肉，好juicy，一啲都唔乾，我連魚皮都食埋，真係食到我津津有味😋 碗飯大到都食唔晒，所以叫咗個細碗飯，價錢又抵食，服務員又好禮貌，坐位又舒服又濶落。…查看更多

我都好耐無寫食評，唔係因為我唔出街食，直至昨天我食咗呢間祥香園，令我直得推介下。昨日我哋叫咗個好抵嘅早餐，好巨型嘅熱狗，味道都唔錯，媽咪仲食咗大半隻。另外叫咗梅菜蒸肉餅飯及番茄牛肉炒蛋飯，肉餅好好味，啲肉唔會醃到淋無肉味。食到途中，爸爸話想飲我少少熱檸檬水，我話攞個杯，點知有個忙碌中嘅伙記聽到我哋講嘢，仲有禮貌地同爸爸講係咪要個杯？我哋差唔多食完，嘩！個禮貌伙記比咗杯熱水我爸爸，真係好溫暖嘅服務。…查看更多

呢間1樓喺門口收錢嗰個女人嘅態度勁差. 管住啲客坐邊坐邊, 有空位, 又唔比客坐, 要啲客坐到迫一迫. 又要齊人先比坐, 差一個人未到都唔比入, 要等齊先坐得, 呢間真巴閉, 人地啲餐廳都係一半齊人可以入啦!.有次食完走啦! 跟住又大聲叫未比錢, 唔係一定行第一個要比錢, 後面同事比錢呀嘛, 一啲禮貌都無, 咁樣對啲客人.咁嘅服務態度, 向劉華學吓嘢啦! …查看更多

適逢Elements開幕, 在這裏可找到最新主打阿拉伯菜式的MaLouf's，更以黎巴嫩裔國際名廚Greg Malouf的大名為招牌。所以我今年生日(25/11)到呢間試下. 食物賣相唔錯, 但食到口淡淡, 好似無落鹽同味精, 主要係橄欖油及薄荷葉. 環境就唔錯, 又乾淨. 價錢都OK, 不過唔大份. 個湯有蟹肉同意粉. 牛肉無味, 食到好想嘔, 如果有黑淑就好好多. 雞煲都算夠味, 不過得三件雞. 杯桃味飲品都幾好飲, 唔甜. 試下都OK, 起碼食過阿拉伯菜:)…查看更多

味道好淡, 好似無落鹽, 無落味精, 食到橄欖油同薄荷葉味, 食完之後口淡淡. 環境一流及乾淨. 價錢都唔算貴, 不過唔大份. 湯裡有蟹肉同意粉. 牛肉就無味道, 食到有啲想嘔, 如果有黑椒就好好多. 至於個雞煲, 得三件雞咋! 不過呢個雞煲都算夠味. 仲有一杯桃味飲品, 都唔錯嘅, 唔甜囉! 試一次都OK嘅, 起碼食過:)…查看更多

味道正! 環境正! 服務正!咖哩蟹一定要叫! (咖哩汁好味, 好多蟹肉, 記得叫碗白飯撈汁食)青口一定要叫! (青口夠晒新鮮, 用特別辣汁煮, 非常好好味) 豬頸肉一定要叫! (點埋秘制醬汁食到lam lam)燒雞一定要叫!(非常之滑雞肉, 食完一件又一件)併盤一定要叫! (蝦餅最好味)蛋包飯都唔錯!通菜都好味!雜菜粉絲亦唔錯!牛根炒粉都OK!…查看更多

去Food Court食好過! 價錢係平, 但味道非常之麻麻. 啲豆漿海x粥店仲好飲, 又無海x粥店咁大杯tim~...環境比想像中失望, 外面睇仲以為係一間正中上海菜, 點知係一間好普通嘅餐廳.…查看更多

9月尾係呢間食, 座BAR, 迫到死, 嘈到死. 食麻麻地, 無時代廣場間分店咁好食. 下次都係去番時代廣場間.…查看更多

第一次係呢間食Buffet, 任叫任食. 意粉焗食唔錯, 沙律就唔係好得. Cake都OK! 最好食就係芒果芝士蛋糕.…查看更多

又抵食, 又美味! 直得回味再回味! 泡菜雲吞一定要食, 非常正及新鮮. 蒟蒻麵及小食都唔錯. 環境都OK! 不過與之間就唔係好闊.…查看更多

試一次都無妨. 拉麵就無咩特別, 價錢就貴小小, 環境都OK, 服務都幾好.…查看更多

8月19日係呢間慶祝我朋友嘅生日, BOOK咗一間房, 竟然係一間K房, 不過啲歌OUT到唔OUT. 都好嘅, 可以懷舊下. BOOK呢間K房係有MINIMUN CHARGE, 所以叫咗好多嘢食, 啲嘢食都唔錯, 啲刺身好新鮮, 好多選擇, 炸軟殼蟹一流, 麵豉湯掂. 嘩! 唱到收檔先叫走, 服務幾好!…查看更多

昨日去呢間食Tea, 真係一間唔錯嘅Cafe, 環境相當舒服, 坐到都唔想走. 叫咗個下午茶, 朱古力蛋糕卷及雪糕巴夫再加杯凍檸水, 雪糕巴夫幾得意, 幾好味. 都未試過飲杯凍檸水後成個人都Relax晒. 我朋友叫咗另一個下午茶, 火腿蛋出前一丁, 都係唔錯架. 呢間仲有很多Update嘅雜誌睇及仲可以上網. 簡直係一間可以Take A Long Break嘅Cafe. 下次Relax再去呢間先!…查看更多

啲米線好大碗, 都唔錯! 鹵水雞翼都唔錯, 咁嘅價錢有唔錯嘅貨仔, 係唔錯. 下次去青衣城都會再食呢間. …查看更多

叫咗個香味牛肉燒飯, 北海道海鮮拉麵及雞軟骨餃子. 啲味道有如FOOD COURT嘅貨仔! 無咩特別! 飯同麵好鬼油膩, 個牛肉飯吉X家仲好食. 嘩! 啲服務態度仲差, 問多句都唔願答. 到找數仲衰, 簽完卡之後, 一句多謝都無. …查看更多