tom3e22的个人专页

難得係下午茶時間肚餓，當然搵啲平靚正嘅甜品去醫肚，所以就入左呢間HeSheEat試下。首先點的是朱古力心太軟，店員已預先提醒由於是即叫即製的關係，大約需時20-25分鐘左右，實際等侯時間亦相約。一上枱時擺碟已相當精緻，一切落去，即時會有很多的朱古力漿流出，嚐起來甜而不膩，雖一壞處是會讓人忍不住吃太多而增肥。然後點的是扒大蝦蕃茄燴扁意粉，蕃茄味道相當濃厚，相信加入了不少鮮番茄，及茄膏作調味，大蝦經過香煎，有相當的牛油香味，很易入口。下午茶餐另外可配 ice tea及有免加一的優惠，平均一個套餐價位落在$50-$60左右，以質素而言，相當化算。…查看更多

掌壽司前排朋友介紹觀塘工廈有間日式餐廳食壽司平靚正，啱晒影相打卡。於是見今日工作量不多就過去試試先，黎到接近2點lunch time就完，所以人流唔算好full，唔洗等位直接入座。呢排疫情關係，職員係入座前會探熱量體溫，門口旁邊亦有消毒酒精、口罩套提供。午餐有lunch set選擇，包前菜、主食、飲品/甜品，我同朋友分別揀左刺身定食$168，壽司定食$118刺身定食，包括三文魚，油甘魚，海膽，帆立貝，海蝦，是日精選6款食物。而壽司定食，包括三文魚，油甘魚，帆立貝，北寄貝，魷魚，是日精選6款食物另配上烏冬。整體來講，刺身新鮮，沒有雪藏味，而且份量和款式多，個人推介三文魚和油甘魚，海膽也是不錯非常鮮甜，帆立貝是我的最愛必點！…查看更多

今次食嘅泰國菜地理位置優越，話於K11內，地鐵站走過去大約只需2分鐘，極之方便。我點的是自家手打蝦堡。番茄。羽衣甘藍脆漢堡配薯條，先從配菜的薯條講起，薯條相信是即叫即整，上枱時十分熱辣辣香脆，雖然薯條是來貨食物，但仍食得出有點點的薯香，配上薯條的特製醬汁，依然是十分惹味。蝦堡。番茄。羽衣甘藍脆漢堡，蝦堡的蝦餅是由鮮蝦所打成，蝦膠中的質感及鮮蝦香相當濃烈，愛蝦之人必選，配上羽衣甘藍此等味道相當特別的蔬菜，味道很精彩。然後是泰式椰香紅咖喱焗烤雞肉飯，烤雞肉飯市面上相當常見，但選用紅咖喱去焗烤則相當難得，椰香紅咖喱較普通黃咖喱的香味多層次，而且焗烤雞肉飯相當鮮艷，雞肉肉質滑口，兩者相加很是出色。結帳人均$100，以地段而言，價格合理。…查看更多

市道不佳的情況下，我們應多支持小店出品，今次去品嚐的是越南菜。先點的是招牌牛骨湯底配檬粉，點了生牛肉及招牌咖喱魷魚，牛骨湯味道濃郁，清清甜甜湯底帶有輕輕的牛肉鮮味，配上較重味的咖喱魷魚，咖哩味香，魷魚鮮味，兩者相互帶來衝擊，異常地配合，牛肉串燒更是出色，牛肉肉質煙韌有咬口，但又未至於十分難咀嚼，主要是由於燒烤的時間控制得相當好，既可保留牛肉的肉汁多，又不會令過多的水份流失，配有獨有的醬汁，帶出鮮香的味道，十分出色。兩人去食，主菜連飲品小食，人均$70，價格相當相宜。…查看更多

今日終於可以出荃灣食燒肉放題，當日為平日大約7時入座，全院已坐了近9成人，可謂相當旺場。進場後首先去拿了刺身，刺身選擇種類相當多，有三文魚腩，三文魚，甜蝦，赤蝦等等，我先拿了三文魚腩等，每次可拿三種每種大約三件，三文魚腩相當厚身，而且肥美，食落很鮮美，十分值得回頭再食。然後是主打的燒肉，我先拿了很有名的土匪雞翼去燒，胡椒香味撲鼻，燒香後更像是某有名品牌所出產的雞翼。燒五花肉更是油脂分泌很漂亮，肥瘦相當均勻，燒出黎，油脂香經燒香後，化成的肉香，令人難忘，食落更是出色。結帳時，人均消費是$218，值得再食。…查看更多

今日去左旺角行街，去到一間友人想吃既西餐廳 Lab Eat restaurant and Bar!平日既中午也是滿座的，中午有lunch set 食，包埋沙律同飲品！叫了2個set share 食！沙律好高質，有溫泉蛋加上新鮮既沙律菜，渣再配上酸酸甜甜的salad 醬汁，是好好的開胃前菜！ 主菜分別是「芝士焗燒烤醬美國牛扒意大利包」和「炭燒美國安格斯肉眼牛扒」！先上了牛扒意大利包，店員貼心切開2舊包，方便我地share 食！牛扒是切了一條條的，加上燒烤醬，濃濃的味道！加上半溶的芝士！是豐富層次，味道也不錯，啖啖肉！旁邊是新鮮熱辣的粗薯條，外脆內軟，超好吃！炭燒肉眼牛扒也是上上的選擇，7成熟，剛好！有炭烤的味道，焦香焦香的，切下去肉汁都流晒出來！肉汁豐富！ 牛扒配菜是脆薯角，沾上了肉汁，也另有一番風味！Drink叫左iced latte, 好滑好好味！Lab eat 坐的好舒服，空間感十足，是同朋友聊天的好地方！…查看更多

呢幾日落雨涼浸浸搞到好想打邊爐, 今晚一於call班朋友出黎烚下烚下~由於疫情關係,以往攞完飛閒閒地要等超過1粒鐘,今日竟然唔洗等位非常好常!為左加快速度,係門口職員已經問定你揀咩湯底,邊爐食物係掃二維碼QRcode選擇, 而醬料&飲品就係半自助形式.呢到既食品種類非常多, 除左打邊爐必點肥牛,嚮鈴,丸之外, 仲有較少見到既食物,花膠,鱔片鯇魚片,蝦膠滑,自家製餃子/三色丸等等值得一讚,用手機二維碼上網點菜,上菜速度非常快之餘仲無漏單情況!即使加單再點的食物質量也不錯呢.…查看更多

前排上社交平台咁岩碌到呢間餐廳介紹，見到杯髒髒黑糖珍珠鮮奶好吸引，於是拉埋朋友一齊黎試試。下午2點多黎到，啱啱做完午市，入座率是50:50。我同朋友點了一個午餐&下午餐試試，2個餐一樣是有餐湯和餐飲，可以選擇升級再補回差價。(Lunch set)紐西蘭牛肉眼扒配薯菜$128+牛油果桃膠鮮奶(升級+$16) 肉眼扒，7成熟，大大塊，肉質不韌得黎也保留到肉味，而薯角也有調味食落贄非常惹味，推介！飲品方面：牛油果味唔算突出，桃膠份量多再配搭鮮鮮奶，健康之選。(下午茶tea set)泰式大蝦炒飯$88+髒髒黑糖珍珠鮮奶(升級+$14)炒飯有鑊氣，蝦份量也算多，整體不錯。最有驚喜就是髒髒黑糖珍珠鮮奶，港女打卡首選，味道也是不錯，轉餐飲只需補回$14差價，性價比高！…查看更多

而家周圍都去唔到，唯有去唔同食堂食各國菜式，今日就輪到去食韓國菜，石鍋堂就食唔同石鍋系列。我先點了一份厚切鵝肝野菌石鍋飯，不得不說厚切鵝肝相當肥美，油脂豐富，而且煎香後味道濃郁，配上野菌本身特有的香味，兩者間相輔相成，十分吸引。朋友則點了安格斯牛肉石燒手打烏冬配上魚介豚骨濃湯，魚介豚骨濃湯味道相當濃厚，輕嚐一口，飲得出相當足料，沒有用味精提味，安格斯牛肉則肥瘦均勻，重牛味，上桌時呈現半生熟狀態，經石鍋的高溫後，恰到好處，相當不錯。脆味軟殼蟹，作為小食相當不錯，軟殼蟹大小恰當，一口可食到半隻，蟹香味濃，配上沙拉汁，減低油膩感，正呀。兩人去食，叫了多款小食連特飲都只係$400左右，幾抵食。…查看更多

荃灣向來是平民美食集中地，雖然近來市道不佳，但仍有不少餐廳新開，本次食的火山燒便是其中一間。當日大約2時到達，仍需等侯約5分鐘方可入座，店內亦座無虛席。前菜是餐湯忌廉湯及餐飲，不過不失，正常水準。的是金標和牛肩胛肉眼200g配珍珠飯，店員相當細分地提前給了餐巾，以防肉汁飛彈，店員亦有提醒可先等約30秒後，才切開。肩胛肉眼偏瘦，油脂不多，肉質較實，比較適合不喜歡吸收太多油脂的人食，配上石熱板，長期保溫，即使貼在朋友聊天久了亦不會冷。然後是吉列流心芝士豚柳咖哩蛋包飯，值得一讚的是，吉列流心芝士豚柳是即叫即炸，上枱時是熱氣騰騰，一切開芝士即刻流心地流出，賣相相當吸引。配上新鮮香滑的蛋包飯，輕輕辣味的咖喱汁，很開胃，一流。…查看更多

葵廣向來是平民掃街之選，不過近來市道較差，導致有不少食店倒閉，仍然留下的可算是當中強者，今天便到底層的車仔麵嚐一下。首先價格方面相當親民，當日的下午茶餐價格為$39，包了麵底，三個餸及熱飲，另外值得一提的是，亦有不同醬汁提供，較為射別。當天我選的3餸為咖哩魷魚，雞中翼及牛腩。先是咖哩魷魚，咖哩味香濃，魷魚既爽又有咬口，而且食得出魷魚用咖哩醃製相當長時間，很入味。接著的牛腩，同樣不錯，牛腩軟腍入味，有少少筋，肉質嫩口，一咬即鬆開，配上牛腩汁，好食。雞中翼方面，份量為兩隻，同樣地醃製很久，既入味又軟腍，不錯。當時所選的麵底為公仔麵，配上咖哩魷魚的咖哩汁，作為撈麵，可謂一流。當時因政府防疫政策關係，店內可提供的座位不多，於是才選擇了外賣回家，但其實堂食會提供自助區供堂食用，所以我會建議食客盡可能堂食。…查看更多

最近經濟相當差，飲食業不小餐廳相當困難，相繼結業，所以我們決定實際以行動支持，多加光顧一些小店。本次食的日本菜以燒物為名，先點了雜錦串燒十本，雜錦串燒十本是以十種不同的串燒燒物供食客選擇，當中以鹽燒豚肉荔枝串最出色，以鹽去燒豚肉可帶出肉汁及肉香，配上多汁的荔枝果肉及果香，兩者相互交融，更突顯出色的味道。另外亦點了海膽炒飯，雖然店家並沒有標明來貨的國家，但海膽的味道亦相當出色，鮮味濃郁，沒有絲毫的腥味，證明海膽十分新鮮，炒飯底是傳統的日式叉燒炒飯，飯香濃厚，叉燒肉質厚實，作為炒飯底相當合適。亦點了一些其他食物，未能一一盡錄。結帳人均$200，價格相當相宜。…查看更多

最近市相相當差，想搵一啲美食店都唔係易事，呢間朋友強推嘅西餐店亦是公司周圍小數亦有開門的店舖。The grill room最有名的是八安士牛眼排，而且牛餐的價格比較相宜，所以我決定點了這份套餐，配有餐湯，主菜及甜品，是相當完整的西餐體驗。首先是前菜餐湯，用上了鮮菇烹調而成的濃湯，味道相當濃厚的菇味，配上有輕烘而成的麵包，伴上了濃湯品嚐相當合襯。八安士牛眼排是即點即製，所以需用上一點時間烹調，我等了大約十分鐘，八安士牛眼排賣相相當吸引，表面佈滿肉油的油脂，散發出濃烈的肉香，切開時肉質軟硬適中，應該沒有用上鬆肉粉去處理，咬下去油香充滿整個口腔，肉味香濃，令人停不下手。甜品亦不過不失，是套餐的正常水平以上，Good。結帳人均大約百多元，是正常合理水平。…查看更多

近期市道奇差，食店亦人流減少，反而吸引了我去嚐鮮，今日和同事去的是名氣不大的的小店。餐廳面積不大，大約可坐十多人，坐得亦幾鬆動，幾舒服。我點的是香草酒香牛腩飯配上特色的彩虹飯，由於此店的招牌標名不加任何味精，所以初時很擔心會味道偏淡。我嚐了一口後發現，香草味濃，淡淡的紅酒味配上煮得相當軟熟的牛腩，入口即化，味道相當出色。另外朋友點的招牌厚切豬排飯，首先賣相已相當精緻，豬排調味香而不鹹，而且肉質亦有咬口，相信絕對沒有用過鬆肉粉調理，煎蛋亦是用上太陽蛋，火候控制得很好，仍然很滑。加上特製飲品及其他小食，結帳大約$150，價格合理，可以再戰。…查看更多

每天都在家工作，難得出街食飯當然要食好D。成個旺角街頭少左好多人，但都無阻我地食好野的決心。晚上7點半左右，餐廳已坐了接近一半人左右，餐廳排鋪同格調都好好，有室內同室外簡。因為老婆怕凍，所以我地簡左卡位坐。講番食物先，餐包都係普普通通無咩特別，跟著就上生蠔，生蠔勁新鮮肥美，都算抵食。跟著係牛油果蟹肉，咁配搭幾特別,其他西餐廳好少見。主菜就係食西班牙黑毛豬，好少食到豬排係唔韌，勁有口感。最後食埋個甜品就完成呢一餐，食飽完大滿足，又過了一天。…查看更多