germs的个人专页

晚市，有三個職員係前枱，佢哋好似好忙咁，所以我地企係前面等，點知佢她忙完企左係度都完全無理過我哋…食雞煲，可大、中、小辣，可不辣，我哋因為有小朋友一齊食，要唔辣，點知個雞煲黎到係辣，仲勁大隻辣椒，叫職員黎，佢就話雞煲係辣咖，不過佢個餐牌係寫可不辣我哋先叫咖嘛，如果點都係辣就唔會寫可不辣。個職員話咁佢換啦，點知換番黎得番啲雞件，但雞件明顯都係痴咗啲辣椒…我覺得呢間餐廳嘅職員理解能力或思考邏輯有問題…咁我哋就要求不如俾個吉煲我哋，我哋出去斟啲清湯算啦，點知搞完一輪，我入埋去同佢拎個煲，出番嚟個職員仲要特登過嚟講多次雞煲一定係辣，好似係我哋錯咁🤯當刻真係想去消委會投訴佢違反商品說明條例！然後間餐廳人手唔夠，入去時無人帶位，想要個煲蓋都係自己走入去拎，食兩個鐘都無人執過枱，其他枱啲人走咗都好耐無人執…幾乎全自助到埋單時咁啱聽到話前面個客遲咗30分鐘走要收多$50，不過入座去到走都無人講過，亦無地方有咁寫。前枱同個客講係公司system係咁，佢都改唔到。好彩我哋無遲走，如果唔係真係中伏！…查看更多

食物美味，是有心之作，餐具也是走少女優美風的路線墨魚餅漢堡同薯角，勝在熱辣辣夠香囗，所以幾好食。檻欖油黑醋沙律菜就不過不失。 all day breadfast $68 有窩夫算係比甜品窩夫抵食，雖然味道幾好，無燶，不過唔知點解佢比較黑。食物新鮮，不過隻蛋淡左d，薯容加左牛油之類好香。咖啡味道ok, 可惜沒有拉花，感覺好求其咁 裝修只有前面比較優美，入一點的位置是比較普通以這個地段丶裝修及食物來說，價錢有點貴…查看更多

之前已經黎過，因為裝修特別，好適合同朋友黎食野傾計，所以再黎一次。今次個餐牌變左做正常set果d餐牌，雖然選擇無咁彈性，不過簡單方便左好多👍🏻我同朋友叫左pizza同豬脾餐，再share黎食～店主上菜時已經自動拎埋碟俾我地share~真係貼心～個set有前菜丶湯丶主菜丶甜品！真係好豐富！男士應該都會夠飽！不過可能因為係西貢，真係難免有蚊同烏蠅...如果可以避免就最好。不過我好鐘意呢間cafe，所以下次同姊妹或拍拖都會再黎呢度！…查看更多

來澳門旅遊，從官也街走過來，看到有葡國餐廳便入內試一下～我們一行三人進去，侍應很快便幫我們安排好位置。侍應的招乎很好，尤其是那位會說廣東話的女侍應！菜色很多，我們也拿不定主意要吃什麼，不過她也很耐心的幫我們下單。我們一共點了4樣東西：茄子有點乾 :( 乳豬皮脆肉嫩，帶少少咸味，帶出肉的鮮味！讚！馬介休焗薯的味道很好，可惜覺得有點太油。其實還有蜆意粉，是我們吃的第一道菜，不過因為太餓了就忘了拍照。其實蜆意粉也很美味，是燒乳豬後等二好吃的👍香草的味道加上熱辣辣的意粉和蜆，一上枱就已經香氣撲鼻！唯一美中不足是有一點蜆的碎殼混到意粉中，有時吃意粉的時候就會咬到碎殼了...我覺得一般葡菜都會比較咸，不過這裡的菜色不會太咸，比較適合我們口味～而且環境舒適，不會太吵，招呼周到，適合跟朋友或情人來一邊聊天一邊吃東西！因為新年，結單時老闆拿出一個滿是紅封包的籃子給我們抽奬！我們竟然抽中了大獎：免費自助午餐！可惜我們不是住在澳門，所以應該不會在一個月內再來...我們把票送給鄰桌的人，畢竟也不要浪費掉這個自助午餐呀～聽來很吸引的樣子，可惜我們吃不到呀～～～不過覺得抽得到也很幸運～哈哈！之後還會再來喲！^_^…查看更多

因為佢有3D咖啡拉花～所以自從呢間cafe新開之後都想試好耐，不過佢只有甜品同野飲，所以每次都令我卻步。終於有日朋友入左黎大埔，我就提議試下呢間cafe～呢度個menu非常簡約，食物種類亦唔多我建議店主可以美化一下，加 d 相、layout 之類，而家好似睇緊 report 咁同埋如果可以加番 d 簡單咸食、小意粉、三明治、薯條之類就更好因為唔係人人都想食甜野另外，呢度有3D咖啡拉花，不過MENU無提到，要同待應講先有我朋友早到，佢落單時無留意，所以無同人講要 3D 拉花...我之後點左柸3D 拉花～可能因為店員新手，唔係成日整，所以整左好耐送到黎既時候，咖啡已經凍左少少...佢拉左個熊仔頭，其實我想要佢門口張相隻貓，可能下次要同佢講想要貓～不過熊仔頭都好得意～另外朋友叫多個萍果多士，有好多萍果肉，好明顯好俾心機整可能因為個多士唔夠脆，所以我覺得味道普通，不過喜歡蘋果同玉桂既人應該會喜歡之後我都叫左個紅豆綠茶窩夫，味道幾好有D甜甜地既綠茶cream同埋d紅豆蓉～不過美中不足係個窩夫唔夠大可能佢地落唔夠粉漿，令到個窩夫發育唔健全總括黎講老闆同店員佢地幾有心機做，不過有好多地方需要改善～希望快ｄ加番咸食，同埋強烈建議 lunch time 整番 d lunch set大埔比較少俾人靜靜地坐下既cafe，我仲想再黎試多次 3D 咖啡拉花 (希望下一次D咖啡系熱既)…查看更多

朋友先黎到等佢12點開鋪，未開鋪都已經有幾枱人等佢開鋪喇～野飲黎得幾快，我個鮮苺乳酪都 ok～可能啱啱開鋪，製作需時，所以 d 意粉都等左差唔多二、三十分鐘先出現幸好店舖氣氛唔錯，我同朋友影下相、吹下水咁都唔難過我本人好鍾意食帶子，所以當我個帶子墨汁意粉黎到時發現只有一隻帶子既時候真係覺得好唔開心！ $72 只有一隻帶子真係實在太貴喇！成碟野仲要好咸...真係除左賣相靚之外我唔多欣賞...我應該以後都唔會去呢度…查看更多

因為裝修有格調而又係新開，所以平時同五六個同事黎呢度時通常都無位。不過今日一個人就可以坐bar枱位。bar 枱唔係幾舒服，不過睇住老細整野飲、計吓佢盤數同指揮佢d職員都係另一種樂趣～呢度嘅lunch set四十幾蚊都有，有湯、主食同飲品。而且飲品要cappuccino或latta都唔洗加錢！我叫左個$68嘅fish burger!!! 個魚柳熱辣辣好大件！個包仲要加左牛油𤎖過～好有心機～d 菜亦好新鮮。唯一美中不足係個薯條已經放左一陣，無咁熱同脆。侍應上左菜之後立即拎茄汁俾我亦好醒目，真係知我心意 之後我叫錯左普通咖啡，老細仲換番Latta俾我~ 真係好人呀～到1:30我走嘅時候發現有吉枱，下次同同事食可以考慮遲少少去～…查看更多

今日同幾個朋友黎呢間新開既cafe試下，我地都好肚餓，亦好想試吓唔同野食，所以唔覺唔覺就叫左好多野～6個人竟然叫左11碟野，仲勁過食九大簋！勁癲～不過亦因為咁而試左好多唔同既野食～ 遇著新張期內八折，雖然叫左咁多野，都只係每人九十幾蚊，真係抵到爆！間cafe坐落好舒服，一班朋友傾計、hea吓～望住出面d車同個海灣黎過下午～真係好正！同侍應講兩句先知原來佢地黑板上面 d 公仔係自己畫，好靚～我叫左玫瑰花花茶，朋友叫左焦糖咖啡同朱古力咖啡；花茶仲可以添水～好岩hea住黎飲～洋蔥圈炸得好鬆脆，淋左Ｄ日式芝麻醬～都係第一次咁食～不過又幾好味喎～平時點茄汁就多數只食到茄汁味，點Ｄ芝麻醬唔會遮左洋蔥圈既味道，香香地，o岩o岩好～之後不得不提佢既玉子野菌煙肉卷！侍應話係佢地自己創作，其他地方無，所以一定要試！咸咸香既煙肉同野菌加上焗到半生熟既流心蛋黃～加埋一齊～成粒放入口，個蛋黃又係個口入面爆喎～非常好味！好evil呀～ 我地仲叫左ｄ主食～ｄ拌碟好有心思，好靚～椒鹽、蜜糖雞奕 (如果唔怕熱氣，我會推介椒鹽雞奕多ｄ，因為好香口～)：仲有ladies最愛既all day breadfast：最後點少得甜品呢?! 朋友鍾意石板街多士盒多d。裡面ｄ麵包都有３層！好大個～上面有ｄ曲奇餅、焗到溶溶地既棉花糖同朱古力漿～鍾意朱古力應該會幾o岩而我就比較鍾意佢既綠茶紅豆窩夫，窩夫脆脆地有ｄ糖漿。個窩夫可能壓住黎焊過，比出面食開果ｄ窩夫更脆！加埋綠茶雪糕同紅豆一齊食就最好味～其實呢度ｄ野食咁靚，加上個環境同氣氛又咁舒服，同男朋友兩個黎hea吓都應該唔錯～…查看更多

同朋友慶祝生日，本來想去附近另一家雞煲，不過因為太多人而轉黎呢間。雖然呢間名氣無咁大，不過其實一直都好想試下～一去到，服務員就同我地講鋪入面既位已經滿晒，介唔介意坐外面，當晚天氣唔錯，所以我地選擇坐出面。服務員亦好快手快腳開好枱俾我地。坐係樹下打邊爐，樹葉係旁邊隨風飄落真係好浪漫～我地叫小辣麻甩雞煲，因為製作需時，姐姐幫我地落左雞煲先，我地就再慢慢念叫咩火煱料。之後佢地仲會成日行出黎睇下我地有無咩需要，幫我地個煲添水，同埋留意到個火俾風吹，所以幫我地個爐加個風檔。服務應真細心～麻甩雞煲好滿，香料既味道真係好香，唔係太辣，剛剛好～唔係太有雞味，不過 d 洋蔥、辣椒同豆寇既味道一念番起都流口水！可能因為之後要加水做火煱，味道都算幾濃～鍾意香料味道既一定覺得好正！而火煱料中規中矩，不過份量同附近火煱店中樣都係比較少，建議想食多D既點多份。總括黎講呢間食店都幾好，火煱料份量細，不過個雞煲、環境同服務就已經加番好多分～…查看更多

經常經過呢間野有日終於決定同朋友入左去試吓其實都幾貴，所以只係叫左兩個燒餅當時四點幾五點，成間野得一個廚師煮完俾我地，佢就走左出去因為好多醬汁，到食落口先個個餅係燶既...而佢人又走左...好覺得佢係明個個餅燶然後突登走左去...好過份!!!!食物同服務都好差!!!我以後都唔會去呢間野!!!!…查看更多