touchthefood的个人专页

幫襯過幾次，腸粉味道唔錯，配甜豉油。個人覺得豉油偏鹹，但豉油係另上，落幾多豐儉由人。經濟實惠，又唔使點等。係趕時間及輕食之選。同埋得閒支持吓小店。P.S. 食到一半先記得影相。…查看更多

情人節前夕, Brew Tapas 都推出咗情人節套餐. 個套餐其實幾抵食, 2xx - 3xx 包咗一個餐湯,一份沙律,一份主菜,西班牙油條作為甜品以及飲品. 飲品仲可以揀紅白酒. 唔知食乜嘢,又見到個餐咁抵,純粹俾佢杯紅白酒同埋西班牙油條吸引咗,就嗌咗呢個情人節套餐.主菜方面，我哋揀咗一個西班牙海鮮炒飯同埋一個威靈頓牛柳. 威靈頓牛柳好有驚喜,火候唔錯,外邊酥皮鬆脆,入面牛柳多汁唔韌. 唯一只有少少美中不足係個酥皮有少少酥,但可以接受.反而西班牙海鮮炒飯賣相精美,有一整隻龍蝦再加10隻八隻青口喺側邊.可惜食落味道麻麻.龍蝦雖然有膏,但煮得太熟,啲肉韌而且柴,完全切唔開. 但係份量十足,男士們都一定夠飽.全餐最失望嘅係西班牙油條, 個甜品上到嚟真係O咗嘴. 西班牙油條沒有肉桂粉,亦都只有平時嘅¼粗. 雖然expect喺Mikiki呢個位食到完全正宗嘅西班牙菜,但個甜品都唔好做得咁Hea.…查看更多

夜晚八點幾,入咗去呢間四湯八麵食飯.叫咗個古早藥膳燉排骨肉丸麵配新竹米粉,同埋一個麻辣牛三寶手工麵.個藥膳排骨新竹米粉5分鐘到上枱,但麻辣牛三寶面明顯漏咗單,等咗20分鐘仲未有,問吓店員,店員好炆憎,亦不斷推搪話整緊,又好嘈咁話人手唔夠,結果成半個鐘先至嚟到.睇返佢哋廚房有三個人,樓面有兩個人,唔覺得唔夠人手.其實佢老實講漏咗單咪得囉,都會包容佢.最令人激氣嘅,係個牛三寶手工麵嚟到之後入面啲配料係凍嘅😱！！條菜又未淥熟😵‍💫！！完全唔掂, APM入面有咁多選擇，下次唔會再嚟.…查看更多

合和果開咗咁耐,終於有機會嚟.本來以為有好多嘢食選擇,點知行咗一個圈都只係得幾間餐廳.見到呢間裝修咁靚,尤其企理,就決定試吓.餐廳分咗兩個部份,一邊係好少女風,有好多花做裝飾,另一邊就係懷舊日本風,連侍應嘅衣着同埋杯碟都好有懷舊日本風味.我諗無論係hightea打卡,食飯慶祝,總有一個風格係啱你.嘢食方面,揀咗一個昭和特色-小女子鰹魚湯意粉同埋拿玻里德國腸意粉.小女子鰹魚湯意粉好特別,有唔同嘅魚乾同埋配料,好唔好食就真係好睇你嘅口味.反而個拿玻里得個腸意粉有少少辣,食落幾開胃.價錢唔算平,但裝修精緻,都可以一試.…查看更多

第二次去呢個熟食中心，今次選擇試吓呢間叫做浮然嘅小店.小店只有兩人,一人負責廚房一人負責樓面.咁啱嗰日係樓面員工頭幾日返工，所以唔太熟悉.但佢都肯入去問清楚廚師先幫我哋落單.食物方面嗌咗一個主菜同埋兩個小食.其實每樣小食係有兩舊,但來嘅時候唔記得咗影相… 南瓜湯就係跟餐送嘅.南瓜湯10分足料,飲落其實似南瓜蓉多過南瓜湯 😅意粉不過不失,反而小食驚喜.個雞軟骨餃子好特別，有啲雞軟骨係入面咬落好爽脆.有機會可以支持吓小店.…查看更多

偶然發現喺觀塘駿業街有個熟食中心，入面仲有一兩間人氣比較高嘅食肆。夜晚上嚟見到海悠入面都有幾台客，決定試吓。佢出名食炸子雞同埋海膽炒飯，兩個都叫咗嚟試，仲叫咗個蝦干勝瓜。佢哋嘅炸子雞真係冇得輸，個皮好脆，有驚喜 👍海膽炒飯都唔錯，有唔同嘅海鮮。下次可以嗌個雙重海膽炒飯試吓。個蝦米勝瓜就不過不失，不過都睇得出佢啲蝦干都夠大隻價錢嚟講好抵食，會再嚟encore…查看更多

放工同朋友食飯。見到喺街尾角落有間細細嘅餐廳，主打鐵板同豬手。豬手餐有兩款，一款係正常$168餐，另一款買緊$208。問咗店員有咩分別，原來$208嗰款係配埋菲律賓特色醬料。第一次嚟食，就揀咗正常嘅$168豬手餐。等咗大概10分鐘，豬手餐終於到。第一眼見到好surprise，因為隻豬手真係好大，而薯條嘅份量亦都好多！賣相唔錯，好有食慾。攞刀叉一切落去，聽到卜卜聲，未食已經知道隻豬手好掂！果然一食落去，驚為天人。嗰種鬆脆，同外面嘅其他豬手唔一樣。有啲脆得來，會靭。但呢度嘅豬手皮，係鬆脆！而且食落一啲都唔油膩！佢入面啲肉亦都可以保持到嫩滑。豬手餐賣緊$168，有呢個質素，係暫時係香港食過性價比最高嘅豬手！ 大推👍…查看更多

估唔到喺香港遊樂場協會入面會有一間咁隱蔽嘅文青Cafe. 上到去發現環境舒適,坐得舒服又寧靜,係一個與朋友小聚傾偈嘅好地方. 嘢食方面選擇唔係太多,主打輕食.餐廳提供焗薯,西式意粉,沙律,同埋自選烏冬套餐.另外亦有小食及飲品提供.今次揀咗堅果田園沙律,另配迷你焗薯（+$8）,套餐已包一杯西式茶,揀咗伯爵茶.個堅果田園沙律賣相好好,令我驚訝係有好多款堅果-有松子仁,夏威夷果仁,合桃! 不過份量就比較細.即使已經加咗迷你焗薯,食晒所有嘢食都唔覺得飽.果然…下晝好快就要嗌多份下午茶… 建議餐廳加大份量或者跟餐配多少少小食.…查看更多

翻風轉冷嘅日子總會想食一啲暖笠笠嘅嘢。火鍋覺得太油膩，任食自助餐又好邪惡，烤魚似乎係一個唔錯嘅選擇。見到呢間烤魚世家咁多好評就決定嚟試一試。叫咗一份沙巴龍躉烤魚，加一份牛頸脊同烏冬。好彩冇嗌太多嘢，因為烤魚份量真係超級大份！我食唔到好辣，就揀咗個蒜香味湯底。條沙巴龍躉真係好大條，有成個盤咁長。另外仲有豆卜、洋蔥、芫荽、娃娃菜、芽菜做配料。條魚新鮮，肉質彈牙，即使喺個火鍋度烚咗一個鐘，食落口依然好有口感。至於牛頸脊，都算中上，唯獨師傅刀工唔太好，切片不均勻，有厚有薄，有時令到啲肉韌。但整體好食，非常推介。呢個價錢係酒樓都未必食到咁大條沙巴龍躉。又一性價比高之選。…查看更多

適逢地鐵半價日,決定去遠少少入東涌outlet shopping. 血拼之前先要醫肚,又唔想喺東薈城啲餐廳排隊等位,就決定行遠少少,嚟到海堤灣畔商場地下呢間西餐, the next chapter.餐廳本身係酒吧格局,午市有西餐供應.望一望價錢牌，一啲都唔貴!百零蚊包沙律或湯,主菜,甜品,仲有一杯嘢飲!要注意除此之外，佢哋仲免費提供有汽水!咁啱嗰日做緊生蠔promotion,法國生蠔$10隻!嗌咗一個午餐，另加半打生蠔.沙律係藜麥小米沙律,配主菜香煎鱸魚及薯蓉.食物質素唔錯,主菜擺盤亦非常精美.唯獨少少失望係生蠔真係好瘦好細隻,不過只買$10,當試吓啦.呢間餐廳都坐得舒服,我哋揀咗一個對外向行人路嘅位置.而且侍應生姐姐亦好熱情,有禮貌.加上唔使等位,性價比好高，值得一試!…查看更多

今次呢間餐廳名為’銀Cafe’.原來係因為佢哋會請銀發一族作為店員,令佢哋能夠與社會接觸,亦能夠賺返些少.餐廳係新開，依家有新張優惠，逢星期一至五晚餐特選只係$30. 其他菜式主要係西日fusion,有啲都幾特別. 譬如有一個係雪糕加意粉，不過今日天氣凍，留返下次先試。揀咗一個正價Menu嘅咖喱太陽雜菌和牛粒飯,同埋晚餐特選煙肉卡邦尼意大利麵.咖喱和牛粒飯唔錯,選用嘅係日式咖喱,唔辣而且帶甜.和牛粒份量唔算太多，但都夠食.個煙肉卡邦尼意大利麵就有啲失望,食落似係好稀嘅牛奶汁… 望吓餐牌原來正價都要成$90(連加一).呢個價錢同質素根本唔成正比.好彩係晚餐特選嘅時候試咗,如果以$30嚟講,都食得過.但正價一定唔會再點.…查看更多

灣仔QRE樓上嘅一間懷舊西餐廳,閒日夜晚只有兩三台客人,本身餐廳裝修較暗,寧靜,都係一間坐得舒服,可以同人傾偈嘅餐廳.暫時喺one man band, 帶位侍應執枱都係同一個人,還好，當晚人唔太多，如果唔係應該要等好耐.食物嚟講, 自己比較欣賞個紅酒牛尾.可以一試.…查看更多

放工經過,主要俾呢度嘅椰菜花飯吸引咗.話說依家越嚟越少地方有椰菜花飯提供,唔知有冇人好似我咁鍾意食椰菜花飯.厚切豬扒椰菜花飯椰菜花飯本身有少少調味,食落清清淡淡.反而後切豬扒有驚喜,豬扒食落Juicy,而炸粉亦都做得薄身,食落好脆.可惜成餐飯食完之後好口乾,可能唔多唔少都有落味精.一個咁健康嘅椰菜花飯落味精…. 🤦‍♀️蟹粉豆腐鍋飯味道同咖喱王嘅蟹粉豆腐鍋飯一模一樣 😂…查看更多

見識完隔離廟街嘅夜繽紛，以甜品作今日嘅總結。紅豆沙 - 作為傳統糖水，佢d紅豆煲得好綿，甜度啱啱好，仲有幾粒蓮子作為點綴 👍木瓜燉鮮奶- 養顏糖水🥰，好少見糖水舖有得買！ 份量亦都好慷慨，有半個木瓜，入面裝住啲燉奶。淡淡嘅木瓜香味加埋燉奶嘅香甜味，值得一點嘅甜品！…查看更多

睇到電視介紹四星級酒店竟然有$35嘅外賣飯賣，特登過嚟試一試。可惜嚟到當日佢大部份嘅飯都賣晒，最尾唯有揀個雞肉沙律，成為$30，但因為唔係午飯，所以冇得跟嘢飲同例湯。佢個沙律都係Standard嘅沙律，雞就有四至五片。以$30嚟講，已經非常好！…查看更多