mandychan0923的个人专页

母親節前一個星期， book咗枱食放題 ，一行九人 ，冇加價 ，職員有禮、主動親切， 食物亦無咩漏单， 質素可以 ， 食物品種選擇多， 甜品亦不錯， 有韓國雪條、雪糕、雪米糍、布甸、jelly、豆腐花等， 花多眼亂 ，其實本來想推介， 但係啲枱真係好迫 ，又细， 一食完要自己拎啲碟出去，如果唔係完全冇地方放野 ， 兩張枱之間完全冇路， 根本出入唔到 ， 後面檯嗰幾個細路喺度推嚟推去 ， 真係好影響食慾同心情 ，我爸坐最出，不停要將啲碟攞出攞入，又要攞汽水同甜品…… 我老公乍晒形， 真係冇下次 一班後生仔應該冇問題， 一家老嫩大小就唔好啦！…查看更多

三個人叫左三個主菜轉餐，見咁多好評，點知中伏。有餐湯+沙律+主菜+餐飲，老實說，很失望，野唔好食，又收得貴，冇下次。環境：好「簡約」，像冇裝修，只係四幅牆油了油。餐湯：一般啦。沙律：唔錯。主菜：非常失望，好難「勤」。墨魚汁（色）的意粉，竟然配忌廉汁或蒜香汁……我選了忌廉汁，食落似藥水味，難頂。牛扒，超大件，要求低的肉食者至愛，五成熟仍然好鞋，冇肉汁，硬。豬手，皮唔脆，肉又係好鞋，難食。甜品：心太軟，小孩堅持要點，全餐最好食，但份量不多，個人認為suger mama好好多。值得一提，D玻璃水杯竟然全部都花碌碌，滿佈花痕，仲衰過茶餐廳D膠杯，衛生成疑。…查看更多

見好多食評讚，所以想同老公嚟，之前想嚟但天氣太凍，待回暖立即來試下！因為我要上堂，老公自己先到叫左中華沙律x2及一樽男山尾張300ml $168, 獨自品嚐，說實話，男山尾張不值這個價，但確實麗口，易入口，配刺身一流，最怕辛口的清酒……可能因為食物太抵，所以酒水要貴返。我一到，發現店鋪比相片更小巧，有D迫，枱唔大，食物多過三碟就冇位放，所以分段下單。我們叫左一板海膽，配小飯糰同紫菜，大愛，海膽好新鮮，冇嗅味，仲有劍魚刺身，比一般壽司店好吃很多，沒有酸味，也沒有根，而三文魚鮫燒得好香口，配沙律醬。之後追加左手打烏冬，我覺得不錯，但老公說不夠彈牙，他試過更好的（實在太咀刁了），還有好脆的炸墨魚咀，及非常肥美的三文魚腩壽司及刺身。因為五點幾食左KFC才去上堂，所以已經飽飽地，惟有下次再試鮪魚盛啦。後話，小店洗手間幾乾淨，但往洗手間的走廊有點濕，扣左小小分。…查看更多

同老公拍拖食晚飯，由於太凍，諗住打邊爐，由銅鑼灣行到灣仔再行返銅鑼灣，誤打誤撞發現驚喜小店。麻辣雞煲（半隻）$148，中辣，另加左金菇、羊肉片同腐竹，仲有兩支啤酒，合付$358。個麻辣雞煲好有驚喜，不是一般用即食麻辣醬加D香料係面，煮熱就俾客，小店個汁食得出，真係用香料熬出味道的，貨真價實，D香料已經煮到出曬味，花椒咬到都唔怕麻，正！如有小孩可以試小辣，中辣適合一般人，我同老公下次要大辣好了。食到一半才醒起未影相，抱歉！羊肉片冇雪味，金菇乾淨又新鮮，腐竹也是靚貨，吸曬麻辣雞煲D汁的精華，好味！再要讚下員工服務好有heart，雞煲一上枱，侍應立即替客人開火及攪拌，又提醒用細火以免燒焦，中途又主動替客人檢查是否煮熟才讓客人進食，一般雞煲店都是客人自助攪掂的！坐底一陣，門口已經現人龍，侍應仲俾客人留底電話去行街，待有枱再call客人。但都有需要留意的地方，就係有漏單的情況，原本我地仲叫左南瓜、魚腐同桶蠔，但待應說已沽清，所以後來追加了烏冬、娃娃菜同肥牛，但等到食飽都未見，問下才知漏左單，而鄰桌的熱飲也落錯變了冷飲。整觀還是很滿意的，老公說一定要再來再來再來（可以想像到是指多次），下次試下烤全魚，我見有1/3的食客食緊，很期待！ IMG:2]…查看更多

係樓上打邊爐後, 小孩嚷著要吃甜品, 所以一試! 睇睇Menu, D甜品相, 好像碗湯麮咁, 有D似刺身, 都幾得意!我叫左迷你糖不甩$12, 用5cm左右的一個膠碗剩著小丸子, 每粒少於1cm, 再用一個same size的膠碗剩著花生碎、黑芝麻、砂糖等配料, 小丸子好E um, 但配料'好''好''好'甜, 少甜者留意.小孩叫左心太軟配香草雪糕, 我試左少少, 朱古力好滑, 但偏苦, 好像黑朱古力咁, 香草雪糕......淡而無味, 無香草味, 也沒有甜味, 建議加$轉其他雪糕.最後, 小孩想試下蛋殼布丁, 所以再買了一個焦糖布丁, 似蛋殼的容器很有趣, 外賣包裝也很穩當, 蛋殼器皿可清洗乾淨重用, 小孩說焦糖布丁好好味.…查看更多

小朋友去遊學團, 正好讓我放假同老公去拍拖, 決定坐船同行山, 回味拍拖時的點點滴滴, 去到碼頭才決定去南丫島.沿住大街小巷慢慢閒逛了3個小時, 最後決定去這間The Island Bar食野, 主要原因是好配合優閒的感覺, 附近四枱都是在南丫島居住的外籍人士, 時間係晚上1800, 但正確來說, 是我們的午餐. 點左羊肉漢堡同炸魚拼薯條配啤酒, 啤酒好快就上枱, 但我覺得杯似apple cider多D, 甜甜地, 好易入口同容易會飲多左, 但酒精含量絕對唔低, 好在我一路都慢慢飲; 之後侍應就拿了一支茄汁, 一支果醋同一支甜辣醬上枱, 服務一流!食物等了一段時間, 有20分鐘吧, 羊肉漢堡好值得推介喇, 面包好軟熟, 生菜新鮮, 羊肉漢堡同D醬汁好夾味, 連伴碟的沙律菜都好抵讚, 配合果醋一絕!炸魚拼薯條就一般般喇, 薯條唔脆, 應該是貪方便, 薯條是室溫狀態下再拿去炸的(從冷藏庫拿出來直接炸的才脆是常識吧?!) 好在魚柳還脆, 配合甜辣醬非常好!坐outdoor一邊欣賞夜景, 一邊享受食物, 心情很愉快, 還可以看見碼頭呢!…查看更多

又係同小孩撐枱腳, 叫左一個菠蘿火腿pizza, 鐵板燒尤魚, 忌廉湯, 中華沙律, 煙三文魚沙律, 蒜蓉包, 雞亦.因為又平又抵死, 所以次次都叫好多^^"菠蘿火腿pizza, 即叫即做, 但好快做好, 皮脆, 熱辣辣, 正! 雖然配料只有菠蘿和火腿, 但正好是小孩的至愛, 加上係薄批, 無甘濟肚.忌廉湯好滑, creamy, 好味道, 但記得要講明"加熱", 否則湯是半暖半涼的......惟一敗筆. 鐵板燒尤魚好抵食, 原隻尤魚鐵板上, 足足有8吋唔止, 鐵板吱吱聲, 個feel一流, 價錢超抵食, 但將尤魚切開就要費一點手力, 我都切到手軟, 另用來點尤魚的燒汁亦不錯, 甜甜地, 同尤魚好夾.中華沙律仲平過超級市場, 又大碟, 味道和元氣壽司的差不多, 價錢都差不多, 但份量是元氣壽司的x5. 煙三文魚沙律, D菜好新鮮, 但沙律醬好少, 要叫侍應另加沙律醬, 否則只有吃淨菜, 這個價錢有4大片煙三文魚, 性價比好高.蒜蓉包大愛, 蒜蓉香, 包脆, 是用長法包切片, 塗上蒜蓉再焗的, 令人欲罷不能, 但千萬別一送上就用手拿, 好熱的, 用义吧.雞亦, 小孩總會處理掉, 只剩骨. 有少少辣味, 但多油, 小孩不計較, 大人就1件起2件止吧, 太邪惡了!…查看更多

Family Day一家三口去午餐, 叫左兩個set lunch : 至尊厚批同西班牙海鮮飯, 包1雜菜湯同1忌廉湯, 4件蒜蓉包, 1青檸冰同1凍奶茶, 另用會員優惠卷叫左半隻香草燒雞.先講迷你至尊厚批, 正! 焗到D皮好脆, 又多茄醬, 表面鋪滿晒火腿、芝士......細細個, 約8吋左右大, 一人一件, 剛剛好. 西班牙海鮮飯好野味, 飯粒黃黃地, 表面似咖哩炒飯, 細細碟, 一人分到3匙跟, 材料有爽口的蝦仁, 切片的橄欖等. 雜菜湯尚可, 有好多雜菜, 但蕃茄味略淡, 欠缺風味, 我加左好多黑椒粒吊味; 忌廉湯令我回憶起少時公屋屋邨的快餐店, 像用粉開的, 杰達達, 還有未溶晒像漿糊的東西在湯入邊......好難入口.蒜蓉包大愛, 好好味, 好多蒜蓉係"一邊", 另一邊係白麵包......Pizza Hut也開始麥當當般, 越來越縮水了.青檸冰......是一種古怪的味道, 唔甜, 像疏打水+盬, 仲有1/4件青檸在杯內浮沉, 小孩和我也不喜歡, 還以為是咸柑吉; 凍奶茶正常, 奶是另上的, 自行加.半隻香草燒雞最後才到, 論賣相好靚, D皮金黃色, 洒上香草, 香味撲鼻, 仲配有炸薯條同茄汁, 非常吸晴, 但食落......D雞肉好鞋, 連雞脾位都像雞胸肉一般, 鞋拾拾, 失望! 炸薯條"暖"的, 又唔脆, 更令人失望!埋單有會員卡, 再有9折.…查看更多

今日老闆請食飯, 近近地去麥當勞道2號食半自助餐, 去到唔洗等位, 可能早啦, window seats睇風景(雖然無咩風景睇, 只見到動植物公園的後山斜坡). Main course我叫左咖哩豬扒飯, 老闆叫左煎龍利柳配薯蓉, 未食main course, 先取了沙律、火腿同三文魚, 沙律同三文魚新鮮, 配料選擇亦充足, 火腿雖然得兩款, 但好味就足夠了.之後食左蒜蓉炒雜菜, OK啦, 燒鵝不推薦, 好老又硬. 等左陣, 約20min, Main course咖哩豬扒飯出場, 熱辣辣, 好脆, 非常香口, 咖哩香而不辣, 還有螺肉同八爪魚做小食, 食左半碟, 已經飽飽地.再飲左半碗花生雞腳湯+2件cake, 其中芒果旦糕好重芒果味, 無揸流攤, 芝士旦糕係我至愛.其他仲有中式點心(燒賣,蝦餃......)、豬腳薑、布甸、生果等, 但個胃容量有限, 食唔到喇, 以地點、食物選擇、質素及服務來說, 價格尚可啦.最後, 對女士來說, 飽死都要食埋個Häagen-Dazs雪糕......脆筒加兩球士多啤梨雪糕, 再加邪惡的朱古力漿與碎糖粒, 還是免費的, 我醉了!…查看更多

睇完葉問3, 之後一家人去食午飯, 我叫左拍青瓜、炒年糕同酸辣湯, 老公叫左雲耳皮旦、蝦餃、上湯蒜子浸菜心同素鵝, 寶貝仔就叫左芒果布甸.好食的有酸辣湯、蝦餃同芒果布甸. 酸辣湯我感得係唔錯架, 酸度同辣度都剛剛好, 合大眾口味, 只係唔夠熱; 蝦餃老公話好食, 我就覺得皮厚左, 但D蝦係新鮮的; 芒果布甸......寶貝仔自己食, 小孩口味, 他說好就好.之後是一般般的是炒年糕同素鵝,  我覺得炒年糕好有我媽的味道(家常小菜), 但老公批評年糕唔E un; 素鵝=普通, 無野好寫.最後是中伏的, 有雲耳皮旦、拍青瓜同上湯蒜子浸菜心, 拍青瓜完全唔入味, 簡直係淡而無味; 上湯蒜子浸菜心......菜心太霖, 煮過左籠, D蒜子仲好食過D主菜......吹脹; 雲耳皮旦......好難食, 雲耳好酸, 只有酸味, 其他咩味都無, 皮旦好像石頭, 死死實實又硬, 入不了口!水準近年開始走下坡, 再不改善, 遲早變屋邨茶樓.…查看更多

與小孩兩個撐枱腳lunch, 小孩點名去元氣, 之後去圖書館.已經30/12, 但set lunch仍然暫停-.-惟有散叫, 食左10碟壽司加其他野, 我們都認為鰻魚壽司是最好食的, 三文魚、寄貝北、玻璃蝦都新鮮, 中華沙律就一般, 當然還有小孩至愛的熟蝦、玉子壽司及支豆, 我覺得可以啦, 小孩就話好好食.小孩已經長大, 自己仲叫侍應order左日式蒸旦同焦糖蘋果布甸, 三爬兩勃就食晒......蒸旦唔錯, 我也很喜歡, 好味又滑, 但份量真的好小, 個焦糖蘋果布甸入邊真有蘋果肉, 也不錯.…查看更多

一般啦, 無咩亮點, D野好普通, 但假日都幾多人, 因為價錢大眾化, 個個都一家大細咁.湯底唔太咸, 味精不是太重, ok啦, 但無咩特別.D蔬菜唔太新鮮, 唐生菜起晒銹, 冬菇俾人夾到崩晒, 金菇碎拾拾, 紹菜好一D, 豆腐卜、腸仔同D丸(魚旦/牛丸/墨魚丸......)還可以, 選擇都算係咁架喇, 好正常.肥牛要order才送上的, 可以無限叫, 適合肉食性而要求又不太高的朋友, 第一轉已感覺肥牛係街市$56/磅果D, 大大片但好肥好鞋, 唔多好食, 所以無再order, 但侍應無程程拿左三次俾我地, 話左無叫, 侍應無理, 丟係枱走人......無言! 最好食係午餐肉, 我地食左4件, 實在太邪惡啦. 蘿蔔都幾好, 無根, 粟米都甜.總括而言, 價錢合理, 合一家大細, 咀刁者注意.…查看更多

第一次寫食評, 無影相, 大家包涵, 決定將第一次獻俾嘉兵衛. 已經係第二次幫趁, 25/12(聖誕節)中午致電訂枱, 訂同日晚上18:45, 一家三口, 18:30早到入坐, 不用15min, 門口已經有6-7個人等位, 好彩訂左位咋!叫左三個餐 : 日式滑蛋豬扒飯, 饅魚飯定食, 咖哩牛肉飯, 老公同我都認為日式滑蛋豬扒飯最正! 豬扒好嫩, D飯亦好綿, 果然是招牌菜. 另外個麵鼓湯係用左好多材料貨真價實甘煲的, 不是平時用粉開果D咋野, 日本人老闆兼廚師好有heart, 好有日本地道家庭feel. 定食D配菜有芝士配吞拿魚, 我老公初初以為係豆腐, 食入口嚇一嚇, 之後又覺得幾夾幾新奇.另外, 前菜叫左 : 煙三文魚沙律同雞亦, 沙律好新鮮, 個汁亦調得剛剛好, 雞亦......我個仔好快食晒, 簡直大愛! 最後想叫原個桃雪糕, 但職員說沒了, 很傷心......所以惟有叫左原個蘋果雪糕同原個椰子雪糕, 原個蘋果雪糕好好味! 好好味! 好好味! (要講三次) 椰子雪糕就好滑同重奶味, 小朋友很喜歡!…查看更多