bird lover的个人专页

理論上要提前2日訂，我前一晚先Last minute whatsapp佢地，都成功買到，好好彩.試左Earl Grey、玄米茶兩款，味道都好好，Earl Grey略勝一籌。.Size足夠4個人分，影相又靚，先$98，超值！…查看更多

見餐廳幾多人食，以為質素OK，結果有少少伏.腩肉實在太肥，搣左一大堆肥肉出黎，食得嘅部分剩返好少。.碗米線嘅味道好普通，中下水平。附近食店好多，有大把更好選擇。…查看更多

幾年前食過一次，咁耐都無加價，份量都無縮水 👍🏻.拼盤balanced，有菜、有肉、有蝦、有麵，份量足夠，食完唔會肚餓。.湯底可以揀鴛鴦。仲送一碗雪耳糖水。呢個價錢完全滿意。…查看更多

第一次飲覺得好一般，名過於實。.今日俾多次機會佢，評價無變，都係唔好飲。.佢價錢偏貴，而且取茶時間好耐，等半個鐘，就會特別失望。搞部咖啡機咁嘅野黎沖茶，好fancy都冇用，味道太普通了…查看更多

第一次食outback係七八年前，咁多年質素都保持一致，完全無變差/縮水，令人感動。.Ribs份量好大，味道超好，完全無豬肉腥味，只有香味。.麵包、湯、drinks、主菜，埋單只需$152，簡直無懈可擊。…查看更多

聽過呢間舖頭已經好多年，一直未有機會試。原來好近MTR，3分鐘就到！.舖頭地方頗大，堂食有好多位，買一件蛋糕都可以坐低食。口味選擇好多，又平又好味，之後會再黎訂生日蛋糕！…查看更多

本身中意食螺絲粉，見開新舖就試下。.叫左牛肉螺螄粉，上菜有驚喜。唔係肥牛/平時牛肉炒菜心個種牛肉，係涼拌牛肉個種瘦肉片，口感結實，加分！.螺螄粉本身就味道過關。我冇去過柳州，評論唔到正唔正宗 😂 同包裝螺螄粉比，我覺得好味程度差唔多，只係價錢分別 😂…查看更多

［鴨屎香手打檸檬茶］手打檸檬茶係大陸興起，而家開到落香港。味道OK，同港式檸檬茶有啲唔同，會有檸檬皮嘅香味。.不過題外話，我覺得間鋪應該做唔長。因為香港平時食飯都可以叫檸檬茶，跟餐通常送，或者加幾蚊。真係諗唔到任何理由，要用$30幾蚊買檸檬茶 😂 我今次純粹試新野…查看更多

［三文魚鰭溫泉蛋飯 $58］非常滿意！三文魚烤得好香，好送飯。味精少、唔重鹽，表現到食材原味。竟然無加一，價錢超值！.珍珠奶茶就麻麻，茶味重，奶味不足。學生優惠送就OK，正常情況加$15就不了。…查看更多

呢個意粉已經想食左幾年，今日終於有機會試！意粉落足油，幫助散發黑松露香味，黑松露片都唔少，幾滿足。晚餐 $210，比市面同類平好多，完全無投訴。.綜合而言，餐廳環境靚，唔使等位，價錢OK，好推薦。…查看更多

環境優雅，非常清靜，當晚只有3枱客。入座時，職員告知menu上如有食物唔食，餐廳可以更換，非常貼心 👍🏻.[ 維多利亞牛肉他他 配烤骨髓、鵪鶉蛋及薯片 ] 牛肉好滑，但冇咩味。只食到醬料的番茄味。第一次食牛肉他他，無從比較，但我覺得唔太好食，只食左一半 😢.[ 烤加拿大帶子 配醃蘿蔔、椰子及柚子 ]擺盤好睇。火候不錯，冬蔭功味同帶子幾夾。.[ 烤阿特蘭大鱈魚 配藍青口、蕃茄及茴香 ]鱈魚落鹽重手左，偏鹹，普普通通 🙁.[ 懷舊朱古力批 配榛子及櫻桃 ]造型非常精緻。酒味配上偏苦朱古力，層次豐富，味道超好，食到尾都唔會膩，本日最佳！❤️.總結：甜品、cocktail水平出眾，主菜普通。環境安靜放鬆，服務好，可以試一次。…查看更多

茶星人分店都多，周不時路過都見有人買，以為質素OK，點知中伏。.珍珠奶茶細杯$25，學生優惠減$5，價錢平。但味道真係唔過關，茶香、奶香都欠奉，加太多水，似食lunch跟餐送嘅奶茶 😅 最大問題係珍珠，竟然用片糖煮，味道好唔夾 😦😦😦.賣啲咁嘅嘢，到底自己有無試飲過呢？💔…查看更多

優點 👍🏻- 平- 大學生都可用學生優惠- 2h足夠慢慢食- 可同時食火鍋，有得淥菜- 蔬菜新鮮，選擇多，有豆苗- 蝦壽司新鮮- 花茶選擇多，可以mix&match。而且好飲- 有港式點心，連蝦餃都有，熱熱地幾好味- 燒爐有牛油紙墊底，終於有一次燒肉唔癡底- 豬肉片好香- 菠蘿幾好味- 人參雞湯質素高，貼近韓國餐廳出品缺點 👎🏻- 牛柳、醬牛肉有明顯鬆肉粉味道。梳打粉個種alkaline taste，真係好突出，係調味料掩蓋唔到。食落口好意外，我已經好多年無食到咁重鬆肉粉 😮😮😮- 牛五花冇牛味，油分少，有啲乾，似豬肉- 枱面有些油膩- 麻辣湯底唔麻又唔辣總結：連加一只須$130，此質素完全收貨 ✅ 而且食物選擇幾特別。但牛肉質素差，無一款好食 😅 我食燒肉主要想食牛，呢個缺點都幾致命，下次寧願加錢食好啲 😂…查看更多

小店其貌不揚，味道卻有驚喜。一般雲南米線都過鹹，這碗卻不會，有家常味。雖然辣度達不到「中辣」，少啲油都好，健康啲。肥牛份量足夠，牛味好香。$35價格適中，路過可以一試。…查看更多

路過見到，想重溫下童年回憶，結果中伏。.奶、茶、珍珠3樣都唔合格。最差係珍珠，唔好講口感，根本全部結成一坨，分唔開，好似擺左過夜 😢.平還平，差到咁我寧願唔飲 💔…查看更多