samanthatklee的個人專頁

今次係我第一次嚟食，叫左一個安格斯牛堡同黑松露魚堡🐟。個包係鬆化又脆脆地嘅，唔會話好似一般漢堡包店咁又偏又淋嘅，另外魚塊係真係好新鮮唔似一般魚柳咁會散曬。真心極力推介👍🏻…查看更多

第一次食望月月餅🥮流心流黃口感鬆軟，味道香濃，最緊要唔太甜！岩曬我呢啲唔鍾意太甜嘅人🤤月餅皮唔太厚好鬆薄😋😋一切開啲奶黃就流曬出嚟啦🤩🤩🤩🤩🤩🤩…查看更多

一芳最出名就係水果茶，款式又多。百香果茶個味好出眾，酸酸甜甜咁好岩食飽之後似返杯，酸酸甜甜好口胃👍🏻👍🏻👍🏻。大甲芋頭鮮奶我就覺得比較特別，芋頭味好濃，仲吸到佢一舊舊可以飲之餘食生果🍏🍎🍐🍊🍌🍉🍇🍓🍈🍒🍑🥭🍍🥥🥝一開始都估唔到鮮奶可以同芋頭咁夾，又唔係會話太甜果D，就算唔鍾意飲甜野嘅人都可以試下👍🏻👍🏻👍🏻👍🏻👍🏻整體而言一芳係一間可以食埋生果又可以飲杯野嘅選擇!…查看更多

今日去左南昌新商場到食個晏就飯，第一次黎食就叫三樣野啦。我叫左香蔥薄餅、蟲草花花膠魚肚燉雞三色飯同瑞士雞中翼。蟲草花花膠魚肚燉雞三色飯起初都擔心會好多雞油同好肥好油膩咁，但食落口都唔覺，始終雞湯點都會有少少油。個湯嘅湯味好濃，真係會飲到花膠果種膠質有少少漿住個水嘅感覺。三色飯係白米紅米同糙米，食落好有咬口👍🏻👍🏻👍🏻👍🏻👍🏻👍🏻👍🏻👍🏻瑞士雞中翼簡直係我最愛，肉質嫩滑又甜甜地，唔係死實實嘅雞中翼，好味好味😋😋😋香蔥薄餅嘅蔥味好香仲要係熱辣辣上，攤一攤就脆卜卜啦!!!…查看更多

食左個伯爵茶味同抹茶味🍵，抹茶味就比較濃，lady m嘅千層蛋糕出名層層分明，好好食嘅。伯爵茶味相對較淡，食完抹茶味再食伯爵茶味就好似食唔到啲咩咁。 建議食完伯爵茶先再食濃味嘅👍🏻。…查看更多

今日晏就去左世貿嘅黑瀧板蕎麥麵，食左一個咖哩豬扒定食同三色蕎麥麵。豬扒定食🍱有一個麵豉湯、日或泡菜豆腐、三文魚刺身🍣同一個飯。千層豬扒炸得香脆又可口，唔會話太油膩感，仲可以配搭啲菜一齊食👍🏻三色蕎麥麵分別係昆布、芝麻同原味嘅。一開始職員會比一個碗你係比你放汁同芥辣同蔥花再放蕎麥麵一齊食嘅😋 芝麻味係三款中最突出嘅味道嚟，同時都比較硬身。…查看更多

今晚去尖沙咀食左味道樂😋我之前經過都已經好想食㗎！！！但成日都已經安排左食咩就放棄左，今日終於食到啦😆😆個門面已經好日本feel，入到去仲似去左日本嘅居酒屋咁細細間，日本風🇯🇵我叫左七樣嘢食，分別係燒牛舌、味噌蟹甲羅燒配蒜多士、迷你三文魚甜蝦蓉丼、明太子雞翼、鹽燒翠玉瓜、壽司盛盒（8件）同海膽手卷。明太子雞翼一咬落去就有肉汁飛曬出嚟，仲包住厚厚嘅明太子，食落卜卜脆，燒得岩岩好唔好話乾身👍🏻燒牛舌見佢咁厚起初仲以為會好硬好乾啦，但入口好實在之餘仲好爽口🤩嚟到最愛嘅味噌甲羅蟹配蒜多士，自從係東京間xx水產食過味噌甲羅燒蟹之後就深深咁愛上左呢樣嘢，但係香港點都搵唔返果隻味。今日係到搵到啦！甲羅燒蟹本身就濃味同偏咸嘅，但係配上蒜多士就岩岩好，唔會太賺又唔會太咸！海膽手卷唔好睇佢得面頭果少少，原來食到中間都仲有😱仲好新鮮，口感細滑，好鮮豔嘅橙色👍🏻👍🏻👍🏻👍🏻…查看更多

今日經過大坑就食下聞名已久嘅火車頭🚆越南餐啦因為今日唔太餓嘅關係所以同媽媽一人叫左兩碗粉就算。媽媽食雞絲湯河，而我就食札肉湯濛。個湯底就係用正宗越南牛/雞湯整嘅，咁我地就一人一款湯底啦，牛湯就偏濃少少同帶點甜味，雞湯就清啲落埋檸檬汁就好食啲👍🏻…查看更多

今日行街熱辣辣，見到香港仔有間台式嘢飲就去試吓啦！我就飲咗伯爵珍珠奶茶同埋個朋友飲咗生果四季茶，最近仲做緊買一送一抵到爛啦！伯爵珍珠奶茶茶味清香珍珠煙銀有口感，唔會話係林pat pat 嗰啲珍珠，伯爵珍珠奶茶真係第一次飲，平時嗰啲珍珠奶茶都只係普通茶包。伯爵珍珠奶茶嘅感覺好似食緊英式下午茶咁，真係好特別架。而雜果四季茶就甜而不膩，裏邊仲有好多生果㗎例如蘋果橙。呢一個啱晒食到飽飽濟濟嘅時候飲，更適合夏天飲！…查看更多

石頭燒咁特別究竟係D咩黎架呢?就同朋友一於去試下先!!!石頭屋餐廳係比較港式嘅一間餐廳，有少少似食港式鋸扒咁又幾得意，不過佢就係係一塊熱石上面自己將D肉煮熟。我地就叫左一個羊架同一個牛舌，起初我都好怕會有好大陣羊膻味，但呢到嘅羊架無呢個問題，仲好好食tim，肉質juicy又嫩。牛舌就比較厚身，食落爽口，唔會死硬咬唔開，仲好有牛味。仲會有一碟薯菜配搭，當中有車厘茄、薯角、西蘭花同椰菜花，比較港式。整體而言，要去食!!!…查看更多

今日收左工就同朋友係附近食飯，之前經過普慶坊都已經比我愛慢煮吸引到，但上次因為約左食其他嘢就無食到，今日見到係附近開左分店就緊係要去試下啦🤟🏻一入到門口已經比型格格調吸引左，比人嘅感覺又chill又摩登😎同朋有嚟飲下嘢食下嘢簡直一流。職員帶左你去位之後檯上面會有張卡仔係比你去收銀處落單嘅時候方便比職員睇檯號嘅。🏷我一行二人主菜就叫左豬仔骨、安格斯頂級平鐵扒、小食就叫左忌廉芝士波菜苗、芝士溫泉蛋大啡菇、甜品紅酒慢煮雪梨配儀大利雪糕、比利時拉格手工啤同澳洲檸檬青檸特飲🍋🍋。豬仔骨同安格斯平鐵扒係慢煮嘅主菜，對於第一次食慢煮烹調嘅我嚟講好似食出新世界咁🌎一直以為會煮到肉質好乾身好「鞋口」，但原來慢煮都會煮到好juicy同肉質嫩口唔會好硬身。豬仔骨個汁唔會太酸同太甜，曾經食過有啲餐廳會整到偏甜/酸令到成個菜失色左，我愛慢煮呢到個汁調得好好，每一條骨都好厚身👍🏻👍🏻而安格斯平鐵扒睇落好似咩醬汁都無，會擔心無咩味？唔怕，佢本身已經調好左食落夠曬味👍🏻同豬仔骨一樣好juicy，煮到岩岩好。🐂忌廉芝士波菜苗係以胡椒、車打芝士、忌廉汁一齊烹調而成，建議先撈一撈等啲菜同醬料混合先食就會更惹味。忌廉芝士波菜苗係三款嘢食之中比較偏淡味，可以中和返兩款主菜👍🏻慢煮紅酒雪梨配儀大利雪糕係最特別嘅一個，雪梨已經煮到林曬同入曬味，紅酒配上雪梨甜甜地好好味🤤而雪糕就咸咸少少煩似海鹽雪糕🍦同時都大推兩款飲品澳洲檸檬青檸特飲🍋有少少似以前蜂蜜檸檬糖嘅味道，好fresh好夏天，天時暑熱飲杯清新飲品就岩曬又唔會有飽飽膩膩嘅感覺🤤另外都叫左一枝比利時拉格手工啤，佢嘅特色係麥味較甜，酒體比較輕身同埋好乾爽嘅口感🍻我認為唔太飲啤酒嘅人都可以一試，因為入口唔會好似一般啤酒咁好苦👍🏻值得一試。當然餐牌上仲有好多款嘅手工啤，仲會詳細咁列明佢嘅特性，有機會大家一定要嚟試下👍🏻👍🏻…查看更多

今日同屋企人自費去食講左好耐嘅海鮮蒸氣鍋，流行左咁耐都未食過就一於試下。見新華苑酒樓比較新之餘又標榜海鮮新鮮，就揀左佢啦！我地一行四人叫左准山雞粥做粥底，海鮮就分別叫左象拔蚌、貴妃蚌、鮑魚同蟶子。個餐已經包左一個乳鴿同貝殻類拼盤，所以唔怕得四款海鮮唔夠喉👍🏻👍🏻👍🏻海鮮食落就知新唔新鮮，呢到啲職員好有耐性幫你去蒸埋計埋時，務求令你食到最佳時間嘅海鮮🦞。一定要推薦貴妃蚌，好鮮味而且好突出蒸完唔加任何調味料都好好食🤤。每款海鮮都會有啲配料係上面，多數都係配粉絲最簡單嘅整法，愈簡單愈能夠食到佢嘅原始味道👍🏻👍🏻👍🏻…查看更多

口痕痕似返杯珍珠奶茶☕️幸福堂咁出名嚟到香港緊係要試下啦😀職員會同你講一定要搞18下，我就好聽話咁搞18下無多無少。其實心思思好想個多左下同少左幾下會點🙈🙈一開始職員會用黑糖珍珠幾個杯鋪到好靚先再加入奶茶，然後出嚟嘅效果就會係有班馬紋咁 🤩拎嚟打卡就一流👍🏻…查看更多

今日趁返學之前食個一風堂沾麵，佢嘅沾麵湯夠濃味仲有啲一粒粒嘅嘢幾好食。唯獨個湯唔太夠熱，由於拉麵同啲配菜係凍嘅，放落個湯會會慢慢令個湯變凍，但因為個湯唔夠熱未食完啲麵就已經變成室溫湯，啲麵都唔夠熱。真係一次令人失望嘅沾麵🍜…查看更多

媽媽生日話想食日本嘢，咁就帶佢食個岩鹽啦👍🏻今次一行六人叫左一個二人set再叫嘢食。有燒千舌、壽司、生蠔、釜飯⋯⋯本身個二人set已經有沙律、刺身、釜飯、燒牛扒同三文魚頭煲👍🏻👍🏻👍🏻每次嚟都好期待食釜飯，因為食到差唔多又可以做茶漬飯咁食🤤🤤唔好睇佢煲仔細細裡面有好多飯係到㗎👍🏻最近做緊優惠可以用$98嘅價錢有一客海膽生蠔啲生蠔都唔差都幾新鮮😋😋燒牛舌都燒得好好味，唔會太乾太硬食唔到燒得岩岩好，咬落仲係爽口嘅👍🏻👍🏻👍🏻…查看更多