開胃的个人专页

今日喺某個有折扣嘅平台訂了五折嘅午餐，去到餐廳坐低之後，見佢本身原價的午餐也十分便宜，一百以下包飲品，心裏已經有疑問，這個價錢仲可五折？食物質素唔方好得去邊，我同朋友已經叫了餐，叫了牛扒，侍應冇問幾多要成熟，已經知道唔會有乜好質素，見個午餐牌有飲品，順便叫埋，落單一陣之後，個侍應走埋嚟，笑騎騎咁話呢個優惠杯嘢飲要另外計錢，我哋已經落左單唯有算數，之後食物質素又少又難食，張單仲比人地叫正價餐個數冇分別。…查看更多

今晚和家人慶祝生日，睇到食評幾好，明知價錢貴也訂了枱，點知食物質素比屋邨酒樓，每碟餸都好油，唔新鮮，好失望的一餐:(例湯 - 超咸咕嚕肉 - 肥，油北京填鴨 - 肥，唔熱河芹炒爽肉 - 肥，超油燒肉拼叉燒 - 唔熱白切雞- 雪雞，唔知點解也很油而且，咁大間酒樓，冇小朋友餐具供應，但有BB椅，小朋友照收茶費冇問題，但服務又不是很細心，今晚不是食很多食物，但油到成晚個肚唔舒服，明白租貴人工貴，但食物味道下降，會令食客流失，好懷念好耐以前的利苑的點心和小菜。…查看更多

安格斯漢堡叫五成熟變全熟，侍應唔肯換，原因我已食咗兩啖，好激氣！另外，個炸魚薯條也非常難食，炸得好厚粉，魚全冇味又鞋。侍應話我地冇叫五成，件漢堡難食過快餐店，本來想食佢地所謂嘅甜品，之後乜心情都冇晒！…查看更多

今日好黑仔，本想食餐好晏仔，明知價錢唔平仲食到好晏。同朋友倆人坐Ｂａｒ抬，十二點半之前落order, 等咗半個鐘，個侍應話冇麵，已經好無奈轉烏冬，又再等十五分鐘，我朋友個餐嚟咗，再等多十五分鐘，即足足一個鐘我個餐先嚟，飯上有五隻炸蝦，另一碗極細烏冬，味道好一普通，但價錢係$280 再加一，仲好重味精。另外，見個日本師傅切魚生，好唔衛生，好彩唔係叫刺身，壽司，如果唔係一定食唔落。在門口見間舖七月二十日結業，在九月在銅鑼灣再開，真要小心留意，怕咗佢！…查看更多

一大班朋友星期五放工黎食海鮮,買左千二元海鮮, 再叫左一碟炒飯, 燒鵝同清炒豆苗. 煮工加另外叫d野要$900.00. 唔平架~ 不過樣樣都煮得太熟. 有d失望同浪費我地d海鮮. 我地去時見到有一大袋死左海鮮送去, 唔知要黎做乜呢?? 我地都唔知係咪食到自己買d海鮮. 下次去第二間啦.…查看更多

價錢都算合理, 不過轉飲其他野(巧克力要+$8)就好貴. 但可惜無一些d煎炒炸食物, 可能因為牌照關係啦. 我覺得肉醬意粉最好味. 地方係細d, 可能都係牌照關係啦.p.s.我見過六叔老婆係度食野.…查看更多

以為佢裝修左會有改變, 可惜d食物一樣唔掂. 買相ok 架, 因為落好多油. 唔會再試啦!…查看更多

星期六去食午飯，叫了招牌排骨焗飯$45，干炒牛河$38同熱谷古$11 / 蓮子紅豆冰$25(好貴唔特出)焗排骨飯味道係好但唔算好好味(唔太熱),個干炒牛河唔熱,無特別. 舊區這個價就有d唔值.服務方面，侍應尚算ok. …查看更多

上星期四同幾個朋友去ＤＩＮＮＥＲ，　叫左ＳＥＴ食（＄６８），　叫左２個扒，　但無得ＯＲＤＥＲ幾成熟，個西冷好鞋，　個免翁牛扒好Ｄ．　鹹豬手好淋同唔香．味道太行貨．坐細房，幾舒服但有ｄ野咬．星期五同７個同事去ｌｕｎｃｈ，　訂左６個人位，　去到話加一位，個經理竟然好無禮貌叫我們其中一個人單獨坐後面張枱．個午餐唔貴（＄３８），　好多人但味道一般．　不過午餐個湯比晚餐個湯濃，　唔通晚上加左水？？…查看更多

介紹d 同事去食lunch, 坐到好迫, 6人要坐4人枱, d伙計有位都唔比我地轉. 碟雞飯幾好味, 不過就肥左d同少左d啦. 轉飲特飲(桔蜜)要加$5, 就比較貴喇.…查看更多

我以前係深井住，成日去食飯（每星期２－３次），　因為好鍾意食燒鵝，　以前佢真係ｎｏ．１，　但近幾次去好馬虎同肥膩，　２人坐低，　伙計話有個ｓｅｔ　好低食，一睇係＄３６８，　加上茶同花生，　我諗超過＄４００　啦．　因為真係食唔哂，　食左２個餸，　大約＄２００．　但人地枱枱唔係叫ｓｅｔ都有糖水／生果，我地乜都無，唔係想食，係好似自己好ｃｈｅａｐ　咁．　食物同招待差左，　短期唔會再去了．．．…查看更多

一行５人去食ｄｉｎｎｅｒ，　個個叫ｓｅｔ食，　蘿宋湯好多同好粉，無乜味，　ｄ牛扒叫左５成，　但變左９成幾．　個羊扒都唔得，　係油炸唔係燒，不過老板好熱情招待，　但食物品質就要多多改善喇！室內好嘈，　因為有枱係６女人（２個墟），　但室外怕有蚊．…查看更多

今日同屋企人(10人)去食lunch, 係我提議因見食評唔錯. 結果俾d屋企人一路食一路彈. 大部分食物好鹹, 其他食家推介"羊脾", 太熟同好鞋, 連楊洲炒飯都好似炒燶咗. 叫個黑制服（經理ｏｒ部長）男同女點菜同要bb椅, 無影同漏單, 反而有個waiter　（好似叫Ricky)好有禮貌同介紹ｄ野俾我地，真唔知點解會有咁多人話佢好食．　…查看更多

同男朋友食生日dinner, 叫咗2個set, 頭盤一個係海鮮, 另一個你煎鵝干, 個海鮮好好味, 鵝干都幾好, 不過份量細咗d. 龍蝦湯無上次咁好飲, 味道淡咗d. 個牛扒比較淋. 服務只是一般.…查看更多

今日同屋企人去食晚飯, 一早訂左位都要等好耐, 已經預左. 10個人坐係張好細嘅枱, 又都預左. d 食物質素好唔穩定, 以後都唔會weekend 去. 有個亞叔落單(唔知係咪三姐個老公　ｏｒ　親戚), 好無禮貌, 好寸, 我見到有d餸唔知個名問佢啦, 俾佢寸到暈. 因為唔想影響家人食飯心情, 忍忍忍．．．佢地係好好生意, 但咁服務態度，　真係唔想再去受氣，　香港其實到處都有好多好野食啫．．．…查看更多