Carmen LL的个人专页

原味牛腩河：牛坑腩夠香濃，唔會太鹹，份量好足夠。招牌手打墨魚丸河：墨魚丸爽口彈牙夠鮮味鮮蝦雲吞河：蝦與豬肉比例啱啱好，夠鮮味，爽口彈牙。湯有香蔥味（本人好鍾意），唔鹹唔油膩，而店中嘅辣椒油都好味。補充：店老闆/店員好友善。…查看更多

外賣送遞餐單給客人嘅選擇種類多，相信總有一款會鍾意，甚至多款都想食。食物嘅份量、質素與味道，家人都十分滿意。～粒粒台式肉燥飯便當：常聽到家人講，最基本嘅便當做得好，就係一份信心保証，肉燥有質感，撈飯味道濃淡啱啱好。～台式肉燥乾拌麵配滷蛋：麵質爽口，滷蛋夠入味。～香酥炸雞排拼肉燥飯便當：炸雞不覺油膩，能雞肉保持嫰滑，雞件份量好多啊。～招牌排骨拼肉燥便當飯：排骨夠厚肉，咬落有肉汁。~QQ地瓜：由於食完便當好飽，放咗一陣先食，依然賬卜卜，仍然好QQ。加咗付費飲品，珍珠奶奶奶、招牌水果茶有水準，另外免費嘅冬瓜茶，都好好飲，不會太甜，夠香好大杯。…查看更多

光顧新蒲崗店，誠意推介味道好，質素高，價錢抵，性格比高其實好想俾10個讚你地嘅食物味道與質素，我在近10日，同屋企人已經食咗5～6次，每次大家都食得好滿足好開心。汁燒鰻魚丼～鰻魚份量非常足夠，醬汁味道份量啱啱好。意式茄汁煎雞蛋蓋飯～煎雞夠香夠嫰滑，蛋份量極充足，茄汁配香料味夠香濃。泡菜牛肉丼～牛肉質素好，泡菜辣度溫和。每碗飯份量足夠，男子家人亦食到飽飽，米飯軟硬適中。我亦已推介俾其他親人同事及朋友啊！…查看更多