PRGirl的个人专页

究竟係家姐既好D，定係細路既好D呢？其實我覺得分別真係不太大。坐地鐵到旺角行行才回家去，感到自己有一點熱氣又唔想生暗瘡，通常都會買龜苓膏食，而海天堂大家姐果間既龜苓膏唔算太苦，入口可以接受。而且功效都算好顯著。放在桌上的不是糖漿開水，而是天然蜂蜜，入口比較健康亦不會太甜不過要$50就貴左少少了。如果想平D？買套票10張就會有7折，但7折其實都仲係好貴。保重身體有助大家吃少D 荷包都會大D ; D…查看更多

昨日同婆婆+表妹去游水！走果陣比我見到一間新既酒樓開幕，勁多花籃，原來係流沙包最出名既新星！好耐冇陪婆婆飲茶，捉左佢地入去陪我飲茶！第一次去食流沙包係冬日美食嘉年華，果陣有優惠價$5 個，已經覺得勁回味，但係就冇乜決心去食，既然今日咁岩行過，就一於去捧下場！因為好遲至起床，好遲至吃早餐，其實唔係太肚餓，不過流沙包唔可以唔食！婆婆話流沙包好貴，成$16 至有3隻，但係我堅持要叫，到最後亦叫婆婆試下，佢話：又真係好好食喎........我成日都好想將我自己覺得最好吃的東西都分享比婆婆食，但係佢成日都唔領情，不過今次佢話覺得好好食，仲問我佢住果頭 (上環) 有沒有新星.....其實我都唔知....我都係新客店員好有禮貌咁答完我，仲比左一張單張我叫我上佢地既網站睇，我懷疑其實佢自己都唔係好知 哈哈哈哈~~~3個人 SHARE 一個鮑魚撈飯，好好味，D 米仲係壽司米，一粒粒夠乾身，口感一流，隻鮑魚都好大隻，幾多頭我唔識分，但一心諗住試下佢地最出名既食物，所以至叫。3個人食其實都唔算好大食既！…查看更多

因為佢做推廣，所以去試下係咪真係咁掂。是送的，要求也不能太多吧.....芝士焗龍蝦，波士頓龍蝦始終也是很少肉，大家細心看看我的相片就知道，還是告訴自己，是送的....是送的.....加了$30 配伊麵底 ，芝士很香，也很稀，用來撈伊麵剛剛好但用來點龍蝦就明顯不夠了。還是告訴自己，是送的....是送的.....雖然少龍蝦肉，但龍蝦肉也不算太好，好「鞋口」朋友說是不新鮮的表現....我不知道。另外點了生炒骨和茄子煲，不過不失，不是太好味，也不難食。沒有值的介紹的地方。可能因為送龍蝦，客人都坐滿一半以上，店員可能因為太忙，態度不算太好。不過值得體諒....因為真的很忙。…查看更多

老實講，呢間既 Kebab 我覺得好港式，不論卷皮、肉、醬汁都係香港買得到既材料。留下來的只係 kebab 既造法。味道、口感....不算地道。今次只係路過口痕想試下，同朋友夾左一件牛肉卷試試，牛肉有點羶，不過土耳其的牛肉是這樣的，雖然卷得扎實，但牛肉和牛肉之間很散影響牛肉肉汁，因此咬下去時，你不會感到有很多肉汁。因為肉汁已經散出來了.......牛肉卷配上的醬汁也不是blanche或harissa，而是稀釋沙津醬(說不定是因為肉汁把醬汁稀釋了)最後卷皮很薄，和以前在中東吃的厚厚無酵餅很不一樣..... 你可以想想其實這類食物是中東人的「正餐」厚皮是要為他們「填飽」肚子，這樣薄薄的又怎可能飽呢？不過做生意要計成本，唔通材料下下由土耳其空運到港咩以香港來計，這間其實不錯！加上講中文的中東人，誠意加100分 : )…查看更多

這份午餐價值$38包括一塊好油 & 好凍的雞扒拉麵，以及配菜等等榮式雞扒係佢地既主打，點都要TRY TRY可惜非常辛苦既情況下食呢個餐先唔講佢既味道，在坐位上，有不少人在左穿右插被店員&客人撞到超過6次有多沒法子，地方太逼而搞成咁不過我坐得真係好唔舒服......................而雞扒麵我真係好覺得係其他客人點多了而給我吃因為我坐下的時候剛好有一個人上錯菜而我的雞扒又凍又多固體的油，非常可怕...........…查看更多

好耐之前食過一次，已經覺得佢好唔掂。但係見到佢仲未執，又有人出入，以為已經有進步，有提升，可以TRY TRY加上要等朋友放工，佢想食日本野，果頭又冇乜得揀......唉..... 又中計.....壽司好，魚生又好，都係唔新鮮，仲要D 壽司飯係爛爛地 ..... 好彩朋友話要等佢大半小時，我慢慢一碟碟野咁叫叫夠最低消費立即 SHARP 閃~~~今日以後，真係唔會再考慮...........多謝…查看更多

基本上，我一見到越南菜就會想食，不過呢間米桶我一D 都唔覺得佢似越南菜只係一碗不合格的茶餐廳河粉。先講湯底，我習慣未食任何河粉前先嚐嚐湯底說真的....真係好咸好咸。我和友人討論有幾咸，店員聽到問我係咪加左魚露 -.-邊有掂過你支魚露啊？生牛肉都算幾老，喜歡生牛肉因為貪佢肉夠鮮。好明顯佢唔算......朋友的咖哩飯亦不太好吃......佢的評語竟然......都係.....有D 過咸。…查看更多

呢間野明顯係吸引球迷消費，店內裝修令我地有如身在奧脫福曼聯小型博物館當中。下個球季我一定會到場一齊吶喊！！即使佢地既食物都好貴貴 氣氛一流 ma.....店員其實非常友善，不過食物只係學校小食部 or 主題公園小食亭既級數叫左一杯叫 RED DEVIL 既COCKTAIL， 有少少藥水既感覺另外仲有Champions Burger，可能係自己唔太接受到太生既漢堡扒，感覺唔算太良好。不過D 肉既味道好香，成個 BURGER 算好香口，薯條都係，我喜歡 M 記多D去得呢度，主要係為氣氛，場內 D 人玩得HIGH 但檢點，但係非球季就唔好預我勒！…查看更多

臨入去之前又諗起米奇大鬧小肥羊事件，不過太想打邊爐，都係殺左上去，3個女仔食左呢張相既食物，太滿足了~~~~鴛鴦湯底係我地既指定動作！麻辣真係太刺激！香港冇一間能夠比得上，果d x仔米線湯底都可以企埋一邊。墨魚滑不夠彈牙，可能溝得太多粉入去 羔羊卷、肥牛卷等等依舊出色！一d都唔羶在湯底中拖拖半熟狀態更加係 wonderfull!!!!新奇的有午餐肉，原來用午餐肉打邊爐咁好味食材係重要，但湯底亦主導了整天的火鍋飯局而小肥羊的湯底真的非常出色，總有一種講不出既香味在其中.......除返開位位$78，真係平香港好多好多好多倍不過計返北上既路費，其實今餐都唔平 開頭講米奇老鼠，全晚邊食邊望.....始終有少少心理壓力呢~~~…查看更多

好耐冇去過卓爾居，今日諗住入去行下，見到一間新越南野，門面好靚，有d 抄 rice paper 既感覺，但當然食物並唔係咁高檔。雖然佢沒有rice paper 咁高檔，但食物比他們更加有風味，相對地似越南湯河多一點。生牛肉湯河湯底味道很濃，有點像肉骨湯的味道，而牛肉似火鍋肥牛的牛肉，不過瘦一點而且生牛肉靠熱湯逼熟，放在口中滑溜溜的，口感一流。送了我一張積分卡，要儲夠8個印才會有禮品。餘下1個月的時間，沒太大可能儲得夠吧 :(…查看更多

終於出食評！我一向都係貢茶fans，太子旺角深水涉區香港仔等等好多間分店我都有買過。水準好穩定。不過呢間分店放好多好多冰，點了少冰還是很多冰。已經唔係第一次係咁了。今次飲既係：仙草奶凍 ---- 奶茶味道頭幾啖唔錯，不過因為太多冰，等左5分鐘沖淡左，而仙草比珍珠來說的口感很不同，所謂的仙草其實只係涼粉....甜甜地，叫微糖岩岩好，唔走甜就唔會飲到仙草既味道。總括來講，這間未知是否減成本而加大量冰，最終影響茶的味道。15分鐘飲完，氣溫28+度有太陽，在戶外的情況下，竟然15分鐘後還可以有半杯冰。難道下次要要求走冰？…查看更多