為食妹日記's Profile

今次同班friend黎韓泰太真係有驚喜！餐廳有齊室內冷氣位同室外露天位，怕熱怕煙嘅可以坐入面，想chill啲吹住晚風燒嘢食就揀外面，夠晒彈性！重點嚟啦——$300樓下任飲任食，竟然包啤酒任飲！仲要有大牌雪糕任挖，已經回本一半！不過全場MVP絕對係佢個招牌窰雞！一上枱香到隔離枱望過嚟，隻雞醃到入味，皮脆肉嫩，一撕開啲肉汁咇出嚟，雞胸都唔嚡口，真心堅！燒烤料種類都好多，有辣有唔辣，大人細路都岩食，不過我最鍾意燒豬頸肉，燶燶地超香，如果有埋麵包提供就更正額外加錢叫左燒蠔，隻蠔大大隻，超肥美，蒜蓉燒勁惹味整體黎講呢個價錢包啤酒+靚雪糕+爆汁窰雞，一家大細或者一班朋友嚟gathering啱晒…Read More

今日去屯門時代廣場呢間「芋見好圓」試吓，貪佢主打芋圓同台式嘢食。叫左香煎騸牯牛林肉牛丸湯米同香煎騸牯牛林肉煎蛋飯，牛肉煎得幾香，唔韌，牛丸彈牙湯底清，唔會太鹹，個飯同樣係嗰款牛肉，隻蛋係太陽蛋，篤穿蛋汁撈飯幾好飲品同甜品：冬瓜仙草凍 幾清爽，冬瓜味清甜，仙草滑溜，解渴一流。梨山綠茶茶味OK，凍飲幾舒服。仙草3號（芋圓、芋頭、紅豆 + 黑糖鮮奶底）係黑糖鮮奶底幾香，唔會太甜。芋圓咬落煙韌，有咬口；芋頭煮得淋，有芋香；紅豆都煲得夠腍。整體配搭唔錯最後個 黑糖自選四種料刨冰，揀咗布丁、紅豆、蜜花豆同大芋圓。黑糖味夠香，刨冰夠碎。布丁滑身，紅豆同蜜花豆都甜度適中；大芋圓依然係水準之作。份量幾大，兩個人 share 就差唔多。…Read More

今日同閏蜜去咗圓方Luigi's食晚飯，貪佢坐得舒服，唔會太嘈。叫咗幾樣嘢Buffalo Wings一上枱，個樣幾靚，咬落去皮脆肉嫩，辣度適中，唔會話辣到噴火，個酸辣醬幾開胃，送啤酒一流。而佢地既生啤Lamma Island IPA係我杯茶，甘香唔太苦，夠晒解膩。個12" Cheese Burger Pizza幾有驚喜，餅底薄脆，上面有漢堡扒、芝士同酸瓜，食落似食緊個攤平咗嘅漢堡包，幾過癮。兩個人happy share岩哂Tiramisu咖啡味夠，酒香都出到，唔會太甜，質地夠軟滑。總體來講味道同環境都唔錯，係傾計食飯唔錯嘅選擇。…Read More

今日同朋友試咗個燉湯二人餐，整體來講幾抵食，味道都唔錯。個蟲草花花膠魚肚燉雞真係幾好，花膠同魚肚都算多，煮得夠淋，蟲草花帶少少咬口。飲完成個身暖笠笠，呢個湯真心推介。個鹹蛋馬蹄蒸肉餅食落唔會好膩。馬蹄粒加得啱啱好，增加咗啲爽口感覺。鹹蛋黃送飯一流豉汁蒸黃立䱽都算新鮮，魚肉蒸得啱啱好，唔會過老。豉汁味道夠但唔會太鹹套餐包咗飲品，可以加錢升級特飲，個芒果汁都幾清甜總括來講，有湯有魚有肉有飲品，住家風味，食得舒服…Read More

同班牛魔王朋友搵食，去咗旺角呢間主打潮汕牛肉嘅放題。今次試佢個B餐，重點係手切牛任點，手切五花趾、吊龍、匙柄、雪花、牛胸油任食，對於食肉獸來講，真係啱晒！套餐仲會送海鮮拼盤，有鮑魚、桶蠔、海蝦同沙白，全部好新鮮！坐低後店員就送上個「牛肉拼盤」，有晒咁多款手切牛肉，打卡一流牛肉方面真心唔錯，各個部位都有特色，牛胸油真係好正問，口感爽脆，好香嘅牛油味！佢哋係見手切牛肉，唔係機切，所以厚度適中，唔會一淥就散出面有個自助區，有好多火鍋料、丸類、蔬菜、小食同飲品雪糕，呢個價錢包埋紅酒、白酒、同指定啤酒任飲，岩哂一班人吹下水、打邊爐，真係爽好多！…Read More

今晚同班friend去咗荃灣極大瀛喜試佢個放題B餐。B餐比A餐多左限定食品金䱽魚腩刺身、凍紅花蟹、上湯芝士龍蝦伊麵、A5黑毛和牛薄燒🦀凍紅花蟹蟹肉唔會霉，帶少少海水鹹鮮，拆開蘸少少醋已經夠清鮮。鍾意拆蟹嘅可以encore。🧀上湯芝士龍蝦伊麵龍蝦肉算彈牙，唔係雪藏到死實實嗰種。上湯芝士汁幾得意，唔會好似一般酒樓咁膩，掛滿伊麵嗦嗦聲幾過癮。記得要趁熱食另外推介大家要試吓泰式麻辣皇帝虎蝦 - 辣度夠仲帶香茅香，食咗四隻都唔夠喉。蒜蓉粉絲蒸蟵子王 同燒蠔- 蒜蓉炸得金黃香口，粉絲吸盡鮮味，呢個真心要encore。另外放題必定會有嘅厚切刺身，另外自助區都有好多嘢食包括凍海鮮、涼拌小食、老火湯、中式熱盤同炸物等等當然唔少得飲品任飲，當中仲包括日本嘅果汁酒，仲有生啤，喺生啤機隔離仲發現咗nuttella 醬機，加落去軟雪糕度食超正最後就係要食甜品同埋雪糕，整體環境算坐得舒服，收碟快，唔會漏單，係回頭之選…Read More

荃灣如心廣場間上海婆婆，同班friend試咗幾款招牌菜，整體來講有驚喜！首先個小黃瓜拌海蜇，海蜇爽脆，小黃瓜清新爽甜，係一個完美嘅開始。跟住碗淮揚酸辣湯，料多到呢～木耳、肉絲、豆腐絲樣樣齊。酸味同辣味平衡得啱啱好主菜方面，糖醋魚塊炸得外脆內軟，個糖醋汁唔會死甜，仲有少少酸味吊一吊，好醒胃。至於個川辣水煮嫩牛肉，真心正！牛肉片嫩滑，浸喺紅噹噹嘅辣油裡面，夾埋大豆芽一齊食，麻香味十足，食到唔停口。當然唔少得上海小籠包，皮薄餡靚，一啖咬落去，啲湯汁爆出嚟，鮮味十足！最後叫咗個炸銀絲卷，外皮炸到金黃香脆，入面嘅銀絲軟熟，點埋煉奶食，邪惡但係超滿足。…Read More

佢哋啲甜品真係不得了，我同朋友試咗三款，食到舔舔脷！首先講下個榴槤奶蓋豆花，一上枱已經聞到陣陣榴槤香，個奶蓋濃到呢～仲有啲榴槤肉絲絲喺面，撈埋下面滑捋捋嘅豆花，一啖入口，榴槤控肯定尖叫！豆花嘅清淡啱啱好平衡返榴槤嘅濃郁跟住係多芒楊枝甘露，啲芒果又甜又香，仲有爆汁嘅柚子肉同爽口嘅西米，每一啖都係料，口感豐富到不得了。最後個多芒西米，滿滿芒果肉。西米煮得啱啱好，煙煙韌韌。雖然冇楊枝甘露咁多花款，但係芒果嘅香甜完全突出，清涼解渴，夏日必點！…Read More

屯門虹橋嘅「嘆甜品」🍮，甜品唔止高質，賣相都幾靚，而且仲有多款鹹點小食，一次過滿足哂甜鹹兩個胃！推薦：🥥 椰皇榴槤飄香：原個椰皇上枱，D24榴槤肉超濃郁，同清甜椰皇撞出驚喜，榴槤控一定唔可以錯過！🧇 榛子朱古力石板街窩夫：窩夫即叫即整，外脆內軟，加埋石板街配料同冰凍芒果雪糕🍦，一冷一熱口感超正！🥭 芒果芋圓小丸子：芒果鮮甜，芋圓同小丸子煙煙韌韌，口感豐富又唔會太膩～🍉 西瓜汁：新鮮榨出嚟，清甜解渴，熱天飲一流！想食鹹嘢呢度嘅炸物一樣掂！🍗 炸雞軟骨：脆卜卜，食到停唔到口～🍟 炸粗薯條：薯味超出，點茄汁食簡直無得輸！🍢 炸魚蛋燒賣：經典街頭風味，細細粒易入口～食到舔舔脷，心滿意足走人！👍…Read More

今次同屋企人係沙田行街，到晚飯時間想食中菜，試下帝都酒店裡面既國穗軒，試咗個「開心孖寶套餐」，真心抵食啊！重點係吊燒雞半隻同西澳龍蝦一隻，兩個人食絕對夠晒份量，仲要質素爆燈！先講隻吊燒雞，一上枱就聞到香噴噴，皮燒到金黃色，咬落去啲肉汁好多，雞肉醃得夠入味，唔會太鹹，仲保持到嫩滑口感，真心係酒店級水準。半隻份量啱啱好，兩個人食唔會膩，抵讚！跟住係重頭戲上湯焗西澳龍蝦！龍蝦大大隻，肉質彈牙到不得了，上湯焗得啱啱好，鮮甜味完全鎖住喺肉裡面，個底仲有烏冬，撈埋汁食正呀！整體來講，呢個孖寶套餐$328抵到爛，環境又舒服，服務員仲好有禮貌，真係唔錯呀…Read More

今日同班friend去咗元朗呢間泰國菜館，叫左個二人餐，真心抵食到爆！$338有三個人都夠食，仲可以加$1換購「泰式海南雞半隻」，正到痺！如果泰式四人餐 $598 就係$1加購 冬蔭醬燒骨 / 泰式海南雞一隻先講個加購嘅海南雞先，真係冇得頂！雞肉超滑溜，雞皮又爽又薄，份量都唔少，半隻雞夠晒兩三個人分。個二人餐本身都好多嘢食：木瓜沙律爽口酸辣好開胃；泰式豬頸肉燒得外脆內軟，點酸辣醬食一流；冬蔭功海鮮湯辣得嚟又香濃，飲完成個人暖笠笠！泰式炒大蜆，蜆肉大大粒又脹卜卜，勁鮮味，加埋個醬汁好惹味飲品方面，青檸冰夠清新，解辣一流。總括嚟講，成個餐性價比高！…Read More

今次嚟海之戀見到呢間九爺牛腩，幾有驚喜！首先個蟲草花鴨腿湯飯，鴨腿燉到冧晒一撕就開，蟲草花湯底清甜唔油膩，撈飯食簡直一流，秋冬食肯定仲正！麻辣牛腩牛筋撈粗麵係重口味之選，牛腩半肥瘦啱啱好，牛筋膠質爆燈，麻辣汁唔會死辣係香辣嗰種，撈勻粗麵掛汁力滿分，食到嘴唇麻痺先過瘾！另外叫咗碗淨魚蛋雲吞，魚蛋彈牙唔會粉咗咗，雲吞皮薄餡足，蝦肉豬肉比例啱啱好。飲品必點紅豆冰，紅豆煲到起沙但又保持到粒粒口感，淡奶甜度適中，解辣又解膩。整體分量足，價錢合理，海之戀商場環境舒服，一定會再encore！…Read More

叫咗個鐵板芝士瀑布咖喱牛肉飯，一上枱真係幾有睇頭。個頂有滿滿芝士醬，芝士同咖喱撈埋一齊都幾夾，唔會話好膩。鐵板牛肉炒烏冬就幾彈牙。牛肉片都幾多，唔會孤寒。大人細路都岩韓式芝士炸雞，啲炸雞即叫即炸，外皮脆卜卜，咬開都好juicy！辣年糕腸仔串，年糕煙韌，加埋個辣醬幾惹味！最後杯水果茶幾大杯，生果都幾多，飲落幾清新，解膩一流。總括來講幾抵食，款式多，坐得都舒服。如果喺荃灣諗唔到食咩，呢度都係個唔錯嘅選擇。…Read More

荃灣嘅「自己人」真係唔錯，地方大，坐得又舒服，裝修都好靚，無論同朋友聚會定同屋企人食飯，都係一流嘅選擇！😎食物賣相真係好靚，款款都好有特色！滷水鵝片：呢個真係好正！滷水好香，鵝肉嫩滑，肥瘦啱啱好，好食到停唔到口！😋抱抱蝦餃：蝦餃表面有多一隻小蝦餃，外型設計非常有創意👍🏻蝦肉彈牙得嚟好鮮甜，點少少辣油更好味！鮮荔枝球：入邊全是蝦肉，外表做成荔枝皮，勁似真的荔枝，賣相一流。潮汕滷水炸乳鴿：外皮香脆，肉質鮮嫩，滷水味滲晒入肉入邊，食完想即刻叫多一隻🤣！黑椒大虎蝦：大蝦勁大隻，黑椒汁辣得啱啱好，唔會搶咗蝦嘅鮮味，口感好滿足！🦐黃皮燉鮑魚：黃皮嘅酸香同鮑魚嘅鮮甜夾到天衣無縫，每啖湯都有酸香同埋鮑魚嘅鮮甜味，正。魚翅撈飯：經典嘅名菜，魚翅軟滑，飯吸收晒高湯醬汁，食一啖已經比佢嘅味道吸引住，無得輸啊！🍚飲品都唔輸蝕，超有特色：粒粒葡萄茉莉綠茶：清新得嚟有葡萄甜香，茶味同果味好夾！🍇荔枝鴨屎香冰茶：荔枝清甜仲有果肉，同鴨屎香茶嘅花香混搭，冰涼涼超解渴，飲完即刻想再叫一杯！🍹…Read More

呢間隱藏嘅甜品店，雖然細細間，但出品真係冇得輸！ 佢哋嘅Oreo梳乎厘脹卜卜，入口即化！Oreo碎脆脆哋，同綿密嘅梳乎厘簡直係絕配，甜度啱啱好，食完成個人都開心晒～ 士多啤梨雪花冰絕對係夏天消暑好物！牛奶冰打得超幼細，一啖落去即刻溶化，加上新鮮士多啤梨同自家製士多啤梨冰，酸酸甜甜好開胃，食完成個人涼浸浸！ 而且仲好靚好岩打卡仲有練乳芝士條，質地creamy得嚟又帶啲煙韌，煉奶嘅甜香慢慢滲出，真係忍唔住一啖接一啖！ 飲品方面，芝芝芒果真係冇得頂！芒果冰沙香甜濃郁，面頭嘅芝士奶蓋鹹鹹哋，同芒果出奇地夾，飲完成杯都唔會膩。而爆打白桃烏龍檸檬茶就夠晒清爽，白桃烏龍茶底清香，加上爆打過嘅檸檬，酸甜醒神，解膩一流！ 喜樂嘅甜品價錢親民，分量足料，真係食完成日想心思思再食…Read More